大阪日本料理 (已搬遷) 新店位置

難得帶太后出巡, 想起大阪開業超過四十年的老店, 之前同朋友黎過, 很不錯, 可惜今次有點失望!!!我點了一客鷄肉滑蛋飯, 另附味噌湯和醃菜, 店員一送上枱, 賣相有點失望, 味道很淡, 鷄肉頗”鞋” 不推介呢個太后點了她的最愛- 鰻魚飯：鰻魚有兩大片，肉質肥厚，我都忍不住試了一口, 鰻魚甜度適中無骨，一點也不腥，軟軟的質地，好惹味 呢個贊。雜錦天婦羅， 無特別, 我會較推介棉登徑的嵐山, 正好多~

中國人和日本人一樣，相信不時不食。9月至10月是秋刀魚當造季節。一般日本餐廳一定會推薦美味的秋刀魚刺身。秋刀魚"さんま"味道比起其他刺身魚味道帶點複雜，亦可算是十分獨特。因為秋刀魚在當造期，會多了一層薄薄的皮下脂肪，入口時魚肉有點甘香濃郁味道。但在嘴巴裏就會瀰漫着一陣陣微腥又鮮甜的油脂味道。秋刀魚刺身一般配上薑蔥食用，但自己十分喜歡無添加食用，用舌頭感受秋之旬味！

老公成日話以前係尖沙咀返工食大阪好正好正...講左幾年，終於夾到時間有機會一齊去試下，去到見到有幾枱係日本人，心知一定有返咁上下，老公一坐低唔洗諗就點左個三文魚壽司飯，我諗左好耐，決定狠啲，食北海道蟹套餐，果然，無令我失望。啲三文魚刺身好肥美，我選擇蟹套餐更是明智決定！蟹膏蟹肉壽司也很美味，蟹膏味濃郁，還有蟹肉日式燒餅除咗蟹肉之外，仲有其他海鮮，蒸蛋都有蟹肉，仲好滑溜，喺尖沙咀區呢個價錢食到咁嘅水準，絕對超值！

好耐無黎大阪食晏，以前呢頭返工耐唔耐都會幫襯下。但轉工後都有差不多十年無黎了。今日有事到附近，梗係要黎再試下啦。每次都係叫返同一個餐，味道同十年前不變，價錢亦只係加咗少少。好一個中年回憶

每次來大阪都不會譲我失望，喜歡平日晚上來光顧，吃得清靜舒適！至愛每次來必選之兩款刺身，呑拿油色澤紅潤，鲜甜而没有筋。油甘魚入口溶化，鮮味留在口腔盪漾著。定食的燒牛肉跟從前散叫的，—樣咁有水準。牛肉味濃，入口軟彈。薄薄年糕皮軟韌中帯—點焦香，芝士小半溶化，最啱我口胃！

和公司同事食飯，今次食大阪日本料理。Lunch hour 時段，訂台最穩陣，唔使等，最緊要快　本想打算試試日替Lunch Set，慢左幾步，賣晒！俾個機會我食多次⋯⋯叫左個雞肉鍋，真心好食！份量夠大食的我，好有在日本的感覺。雞肉滑滑不"鞋"口，飯連埋個漬物青瓜，好爽口！這個附送雪榚或飲品，揀左芝麻口味，正！因為真係好有芝麻味！下次一定要食個日替Lunch Set，再寫食後感俾大家。

今次嚟到大阪搵食！終於等到出糧加上Happy Friday～大家決定食豪少少～就揀咗大阪喇！本身好期待佢個日替便當㗎！但佢竟然12點幾就賣哂～失望冷烏冬+小鰻魚飯($86)先講吓鰻魚飯～鰻魚非常軟嫩～鰻魚汁亦非常地道～雖然中間有啲骨～但已經燒到好軟可咬碎！之後就係冷烏冬～配料有蔥，芥末同生鵪鶉蛋芥末係手磨嘅關係～不會太辣醬汁就比較鹹～不過有蔥同芥末調和就好夾！冷烏冬口感彈牙幼滑～係稲庭烏冬！但紫菜唔夠多～令到有啲口寡寡～芝麻雪糕 （跟餐免費）午餐可以㨂餐飲或抹茶雪糕或芝麻雪糕因為之前已經試過芝麻嘅美味～咁就揀返芝麻啦！一如既往嘅香濃同幼滑～仲有芝麻碎在內～真係值得encore！雖然呢度食飯比平時lunch食開嘅餐廳貴～但服務好而食物質素高～偶爾一次也不為過呢

之前工作太忙，好想歎返下。是曰同友人想食得豪D--my favourite 曰本菜。我選了餐廳出名的鉄板燒餐，而友人則點牛肉鍋。前菜是刺身：三文魚肥美，帶子鮮甜，白身魚口感爽爽，非常不錯！ 鉄板燒餐可選三款主菜，三文魚，大蝦同牛肉薄燒。三文魚燒到剛剛熟，外層熟而帶焦香，內裏粉紅, 肉質嫩滑而且沒有腥味，是驚喜之作；燒大蝦，肉質爽而彈牙,幾香口但甜味吾突出；牛肉薄燒：薄薄的牛肉包著香蔥，牛肉有點乾身，幸好有蒜味醬汁濕潤一下。香蔥牛肉加上蒜味醬汁令味道多一點層次，不錯！ 牛肉鍋：牛肉非常大片！有三大片，滿滿覆蓋鍋面。湯汁是傳統的壽喜燒汁，甜甜地，配上牛肉同蔬菜令其更鮮美帶肉香。牛肉雖然不是和牛，沒有入口即溶的感覺，但肥瘦均勻不會太肥食唔到。另附餐的蒸旦尚算滑溜，唔太特別。而甜品則是哈蜜瓜，唔太甜但又唔係無味。 即磨咖啡非常濃郁帶甘香，沒有苦澀或酸味，為這餐劃上完美句號。食罷很滿足，可以再來。

今曰午餐試試老誌號曰本菜。以為好容易搵位，點知人頭湧湧。 鰻魚飯：附味噌湯，生果和醃菜。鰻魚有兩大片，肉質肥厚，鰻魚甜度適中無骨，一點也不腥，軟軟的質地，雖然不是脆脆的但同樣好惹味。而鰻魚醬汁加上白飯令人回味無窮。白飯是曰本米，有米香，細綿軟稔，平𧗽了鰻魚的濃厚味道。而山椒粉加一點辛香，刺激味蕾，減少鰻魚的油膩感，整體味道不錯。若果多D汁仲好。 雜菜炒牛肉：大大碟雜菜，有白菜椰菜芽菜等。牛肉是薄切肥牛，唔韌又唔鞋，甜甜咸咸，仲好有肉味。最重要成碟牛肉雜菜一點也不油膩，帶曰式甜醬油風味，配白飯一流。 感覺很健康！ 總結：味道不錯，水準高，份量適中，一定會再來試試鐵板燒。

炸豬扒定食，成件事睇圖好正常，不過個豬扒唔係豬扒，肥到我食唔落，所以以貌取食係唔得，要內涵好味。 午餐定食有麵豉湯，個味夠出仲有豆腐粒。仲有d醃蘿蔔咁，同埋兩塊橙做甜品。夾散後餘係粉層同肥肉 之但係個炸豬肥肉出事啦，炸已經係肥同油膩架啦，層粉厚過肉，夾開一睇唔係扒，用九成肥架豬肉幾片合埋，中間又夾左d又勁鹹又間中滲d甜架怪味豆豉，我夾散佢搵瘦部分，越搵越氣餒，最終只有1片如細個食架白剪香口膠咁大片架食，成餐根本無肉係度扒白飯，無陰公。我個心情旁邊d沙律又勁多醬，咁食沙律定菜?拐走左都仲有好多，成餐變左沙律醬加豉油撈白飯，唔飽仲要百多元呀

這間位於亞士厘道轉角位的「大阪」及「大家食」 經歷過無數的香港幻變危機, 依然屹立不倒。反觀旁邊的食肆已經轉換無數次, 「大家食」當我去附近上班時因為要為做背包友而經常光顧。至於「大阪」, 我對她有份莫名的畏懼, 可能歷史悠久加上門面太古舊, 因此那麼多年來都沒有膽量進入。近年跟老公到訪多家日本料理店, 今日大家都突然想起"係時候"要去這家屹立不倒的「大阪」。原來這家餐廳今年已踏入43周年.踏入「大阪」便要托起BB車走上一條又長又斜的樓梯, 對我這些有BB或行動不便的人客實在不太方便。可能「大阪」於43年前開張, 當時沒有「無障礙」的概念。到達2樓好像穿過時光機回到八、九十年代一樣。非常平實的裝潢。老公見到這張兒時BB椅雙眼發光。午市套餐有不少選擇, 以熱食為主, 價錢多是百多元。估唔到這老店價錢如此大衆化。最貴的16件壽司餐都不過3百, 相比其他壽司店真的便宜多了。三色御膳$188三心兩意的老公揀了這套餐, 因為有三組食物, 每樣又有三款, 可各選一款。最老公揀選壽司+迷你鰻魚飯+迷你牛肉烏冬。有5件壽司: 北寄貝、金目鯛、油甘、池魚。魚生顏色啞缺乏光澤, 新鮮度一般。壽司飯大小剛好

每年的春夏季，便是沙甸魚的當造期，絕對是品嚐的最佳時間。今晚在餐廳享用了一條日本新鮮沙甸魚、當然係食刺身、入口肉質鮮甜爽口，魚油香濃，厚而不油膩。最重要是不時不食，美味又抵食！

這個套餐有飯，一尊蛋，秋刀魚，三文魚帶子刺身，炸蝦和味噌湯。當然還有綠茶。四款菜式都做得很好；三文魚帶子刺身很新鮮，炸蝦很脆很鮮甜；蛋很有層次感；秋刀魚味道香濃；味噌湯很標準；只是飯不夠日本珍珠米般香韌；加了七味芝麻粉，還可以，而且可免費再添，老闆就再添了一碗，很吃得！我本著日本人不浪費的文化，把所有東西吃掉，包括味噌湯，飽得很。挺划算的！還有日本報紙供應，難怪日本老闆們是常客呢。

一星期吃了三餐日本菜，來到這星期的第4餐⋯⋯ 幸好，這次是鐵板燒，算是換個口味。暗黃的燈光，舊式的裝潢，有點90年代日本菜的感覺，突然想，背負著幾十年歷史的老字號，是優勢還是包袱？餐廳分為兩層，大部份座位都位於上層，下層的小房間是師傅即席準備的鐵板燒，有大概10個座位。午市時間樓下沒有人，我們包場了！有3個鐵板燒套餐，也設有散叫。我們點了松。點好餐後，先上沙律。同時，師傅為我們準備醬料，如果可以作簡單介紹會更好。八爪魚沙律彈牙又不會韌，加上混了薯仔的沙律醬，很好吃。表演時間來了。先由大蝦開始。看著師傅手勢純熟，三兩下便把蝦頭切開，起殻，挑出蝦腸，一捲一壓，蝦便成了漂亮的巨型蝦球。再從蝦頭中切出一大塊蝦膏，蝦腳的部份則壓扁，放在一旁繼續燒。把蝦肉切成細件，灑上白酒和調味料，再在一旁以酒和豉油調汁，淋到蝦肉上，就可以上碟了。蝦肉十分爽口，味道很鮮。蝦膏的烹調時間較長，吃完蝦肉就剛好上碟，又甜又香。邊品嘗大蝦，邊看著師傅煎魚。鱈魚和三文魚，各點一款。為何在家中自己切三文魚皮弄得雞手鴨腳，師傅卻輕而易舉，一下就把皮完整一片地起了。魚肉煎得剛熟，十分嫩滑。三文魚放入口中，流出油脂，卻不肥膩，很好

我們叫了一客刺身拼盤, 好像是$580, 價錢偏貴, 但質素是不錯的, 非常新鮮, 特別是海膽非常鮮甜, 一點都不腥劍魚加帶子刺身, 同樣地是很新鮮, 不錯!燒鰻魚口感肥美!牛肉湯烏冬, 烏冬彈牙爽口, 湯底充滿木魚味, 不錯不錯!!最後點了一客玉子, 味道似乎加了奶在裡面, 不知道是不是, 但我喜歡!!