大街餐廳由Coca-Cola®呈獻

營業中

休息中

因為Annual Pass可以免費帶親友去玩，所以上星期一去了HKDL。去咗大街餐廳食晏！叫咗兩個2 Courses Set Lunch (長通粉素菜沙律、肉醬意粉、烤春雞、椰汁黑糯米) & 一個大街拼盤。沙律：好香Olive Oil味，可見Chef用過一番心機。值得讚～^^意粉：好香，好好味烤春雞：雖然Ｄ肉較為＂鞋＂，但個蕃茄醬好正，既有濃烈蕃茄味，又有好香西椒味椰汁黑糯米：少量椰汁配上暧暧地既黑糯米，又唔太甜，啱晒我心意大街拼盤：新鮮炸起，好正，特別係炸魚，必食！食完行出門口，就啱啱睇到Water Work Parade！呵呵呵！

今日去咗迪士尼，下午當然要醫肚，所以一去到就book定位先，到了預定時間，一行六人點了兩個兒童餐，兩碗海鮮喇沙米線，柱侯牛腩飯(set)，肉醬意粉同兩份fishs & chips，兒童餐基本比兒童食，但份量頗少，小朋友經過體力勞動(玩遊戲)後，根本唔夠食，所以再比埋大半碗米線加chips佢食，食物味道唔錯，薯條夠粗夠香脆，而炸魚亦都好好味！喇沙米線夠香夠辣，但餸料就唔多亦好普通，勁多豆卜！全部埋單約$480，雖然唔算平，但相對比迪迪尼大街到賣$20一支茶/$16一支水，錯就算抵架啦！

唔知係咪好肚餓？平時個女吃一份pizza hut兒童餐係食唔晒的，但前晚佢可以一份餐全部食晒，我看個餐都好靚，心情也變得很靚．

迪士尼間間餐廳都咁貴，我地有外國朋友梗係就下佢食西餐喇。可惜呢間餐廳既味道一d都冇外國風味，比香港茶餐廳仲差! 套餐每份大概$75-90，包一份主菜同甜品，主菜都係一d好茶餐廳既食物︰肉醬意粉、白汁蘑菇意粉、香草春雞....d意粉只可以話係茶餐廳質素，但係個春雞就又乾又冇味，朋友order一個紫菜魚旦湯($20)，只有3粒魚旦同幾片紫菜，超唔抵!! 俾左差唔多成$90都冇野飲，仲有d侍應好似傻下傻下咁，可能迪士尼對d員工真係好差，員工都好似冇咩心機做!最後有番個甜品(泰式黑糯米飯)，味道都可以，唯一一樣野可以加d分!迪士尼既餐飲，真係令人夢想幻滅!

天氣實在太熱,所以去左小鎮大街餐廳食雪糕,都幾好食喎! $30一個,叫左2款,樂園入面既快餐店雪糕布甸要$20,又冇位坐,呢個份量多d,又坐得舒服d...香蕉船有3個雪糕球,另一款有好多生果,都幾好!不過以前食過佢地既意粉,麻麻地!窩夫就ok!

討厭迪士尼的一切,但始終避不過,公司旅行去迪士尼,偏偏與我為敵.在門口影大合照之後各自修行,未吃早餐,找點吃才為上策.在小鎮大街的Corner Cafe,見門面不錯,想也不想便入去.餐牌菜式大路到極,價錢亦不便宜,一點吸引力也沒有.見到有個特別推介,杭州嫩雞煨麵,咦?在美帝管治之下,有江南味道?餓到發慌,不想太多,就來一碗吧.很快上桌,大大碗貫切美帝特色,味道又如何?雞肉真的嫩,不過沒有味道.冬菇很爽口,不過又是沒有本身的味道,難道有其他味道?咪就係蠔油味!因為這店是李錦記製作,後知後覺.連加一成六十塊錢,如斯質素,迪士尼做得到.

前兩日小妹生日同男朋友仲有朋友仔去左一日迪迪尼..係第一次去呢...迪迪尼門口有一大堆職員o係度check袋..無人可以帶野食入去...行左陣肚餓...入左去main street corner cafe食..一入到去坐低幾舒服...男朋友話有種好幸福ge感覺(好白痴..哈哈)...o個度set lunch可選頭盤、主菜、甜品各二(HKD$70)或頭盤、主菜、甜品三款(HKD$90)..我地都揀左前者因為對甜品無咩興趣..頭盤我同朋友仔揀左忌廉湯男朋友揀左長通粉沙律..兩份都幾好食..但男朋友比較鍾意我個忌廉湯所以後來我同佢交換左..頭盤方面我揀左白汁磨菇意粉..男朋友揀左肉醬意粉..朋友要左豬扒飯..有兩大塊豬扒..我試左少少豬扒整得幾好味..我個白汁意粉都ok..不過要加芝士粉..其實我地都覺得pizza hut比佢好..但o係迪迪尼入面咩都貴..真係好容易比佢到一頸血..連加一服務費索價$77元正....還ok啦

細妹生日大日子，特地請了假，與她及媽咪到迪士尼遊玩慶祝生日。　平日園內遊客不多，全部遊戲都不用排隊。大家不徐不急的慢慢遊玩，與之前到日本迪士尼的趕趕趕有天壤之別；是日午餐，亦可以很悠閒的進行，選了稱是維多利亞風的大街餐廳，貪其環境靚又有沙發位坐得舒服。　套餐頭盤+主菜+甜品三款$90，選兩款則$70，但選擇不多，最後我們只點一個餐（凱撒沙律+烤春雞+朱古力芝士餅），然後再散叫大街拼盤及辛辣雞扒拉麵。食物質素不會很高，但都算交到貨：　凱撒沙律-以米奇型麵包脆奪得良好的第一印象。生菜算新鮮，又夠芝士，味道都ok!　大街拼盤-以炸物為主，包括炸魚、炸釀餃子、炸雞翼、炸春卷、咖哩角，以及炸薯條。食物很油，還好有蕃茄及生菜稍為調和一下油膩感；味道只麻麻，需靠荷蘭汁及茄汁調味。　烤春雞配薯條-烤春雞肉質很滑，味道亦ok，不過又是配薯條較悶較膩。　辛辣雞扒拉麵-味道的確幾辛辣，拉麵不稔不硬，只湯底較弱。填肚都ok的~　朱古力芝士餅-想不到甜品反而不錯，至少芝士餅夠芝味。不過吃完很膩的一餐後，再食芝士餅感覺heavy!　雖然食物水準一般，不過壽星妹喜歡春雞的味道，又享受餐廳環境及氣氛。見她食得好開心，

唔知點解幾焗，好似無咩開冷氣甘。叫了個沙律﹑意粉和喇沙，意粉個白汁超杰，唔掂。最好係杯飲品，夠哂冰凍﹗

昨天來disney,選了這裡dinner。叫2個set dinner+3個散打1)春雞套餐:-頭盤:忌廉磨菇湯,跟個屎形麵包,普通-主菜:春雞賣相一般,雞跟薯條,試友人1條。雞唔"鞋",ok-甜品:芒果布甸:即在diseny其他食肆買到的米奇頭形個兜,是滑,但溝出來的貨色,不足料,普通2)意粉套餐:-頭盤:紫菜魚旦湯-主菜:忌廉磨菇意粉,試過都可以-甜品:chocolate cheese cake,幾芝士味,所以幾飽,幾好3)日式叉燒拉麵友人說可以4) 雞肉cesar salad3-4片薄雞肉,昨晚不想食肉,所以無問題。無肉味。加幾片小米奇頭形蒜蓉脆包;菜新鮮,ok5)米奇waffle+鮮果2塊米奇頭形waffle都鬆軟,有牛油香味,不俗坐的位置是角落頭,透過玻璃牆身可看到部份煙花。昨晚又風又雨,這樣是看最舒服,當然要trade off一下煙花全景啦笑面全因為環境和服務(曾offer在放煙花期間,我們可外出,他們會把檯lock住)

尋日去左迪士尼酒店食lunch buffet, 今次第2次梨啦, 梨係因為男友屋企人有兩個小朋友生日,貪係度食buffet有卡通人物影相, 講真以佢300蚊個人既食物質數真係麻麻, 首先講海鮮同上次一樣都係冇生蠔食,剩係得螺同蝦, d蝦仲係霉的唔好食,魚生就得三文魚同立魚, 熱盤就麻麻地,最好食係個燒西冷同燒豬頸肉,帶子,其他果d咪燒味好食囉,甜品方面剩係覺得個藍梅芝士蛋糕好食, 朱古力同芒果蛋糕都唔係咁好食好甜, 好在都有個朱古力濆泉同雲呢拿軟雪糕補番數,同埋佢d鮮炸西柚汁橙汁真係幾新鮮,好多果肉囉,食呢度真係為左小朋友開心咋,因為成日都有米奇,高非狗,仲有daisy鴨過梨影相tim….如果剩係為左食,真係唔好梨囉..

Corner Caf撉晚餐套餐頗經濟，2-course晚餐收$70蚊，3-course亦只收$90蚊。環境較其他快餐店為佳，加上玻璃屋位置有結枱，於是便決定和男友在此吃early dinner。天未黑的玻璃屋十分開陽舒服，是一個暫避人羣的好地方，侍應十分友喜，樂意為我們拍照留念。我們都叫了2-course dinner，男友要了雞肉沙律(如圖)配蕃茄豬扒飯；我就要肉醬意粉(如圖)配芒果布丁。- 雞肉沙律有兩塊好睇唔好食嘅米奇頭多士，雞肉超乾超鞋，份量的骰，no good！- 蕃茄豬扒飯仲恐怖，豬扒好梅，肉質毫無彈性，的飯似叮叮飯，感覺像吃飛機餐- 我的肉醬意粉相比下好很多，不過都有少少飛機餐feel- 芒果布丁反而有水準，有很多芒果，味道唔錯，伴碟的生果亦甜美。男友的set dinner肯定值咸面，不過睇在玻璃屋份上，收番。

剛過去o既周日天氣好好, 興之所至, 就同友人結伴去廸士尼.玩左大半晝, 又餓又攰, 就到備受好評o既大街餐廳食下午茶. 之前見過網友o既相片兒童餐o既米奇頭窩夫賣相好吸引, 而且網友亦話大人都可以叫兒童餐, 我地兩個就厚顏無恥要左兩份米奇窩夫. 一客有兩小件, 配糖漿,忌廉及草莓. 窩夫粉漿調味不俗, 可惜略微唔夠熱. 不過$25一份o係廸士尼真係幾划算. 推介!

見呢間餐廳係Disney內暫時最多哈哈笑既,所以黎到都要試下先~男朋友叫左chicken caesar salard+肉醬意粉,個salad好普通但有幾舊好得意既mickey包,至於個意粉就同一般餐廳食到既差唔多~我就叫左蕃茄豬扒飯+chocolate marble cheesecake,個飯都唔錯,D汁好好味但塊緒扒就較"har",而個cheesecake就好好味但就溶溶地~整體黎講theme park度食個舒舒服服又唔差既飯,呢度真係首選,唔錯唔錯!同場加映一名九成貌似方力申x錢嘉樂既waiter,哈哈...真係好似~

因為入住迪士尼酒店,可以玩2日,所以第一日的晚餐及第二的午餐,都同HONEY係呢樹開餐晚餐點了以下食物:餐湯+主菜($70):我點了磨茹忌廉湯,味道夠濃,但唔夠熱及唔夠滑.而主菜就點了肉醬意粉,呢個味道唔錯,有好香芝士味,但又唔會覺得好"流".好可惜又係唔夠熱!!主菜+甜品($70):HONEY點了燴豬扖飯,我試左D豬扖同飯,我覺得D汁好咸,冇茄汁味,同唔夠"林".甜品就點了朱古力芝士餅,出奇地好味,夠凍同滑....另加凍檸檬茶($20)以前套餐有飲品,但而家冇左同加左價!!是次盛惠$176第二日的我哋午餐已是四點了,我哋點了以下的食物1.雪糕紅豆冰x 2($25)~行到好累,一來到立即飲左一啖.甜度適中,正!!2.牛腩拉面($55)~味道一般,牛腩入味同幾"林".但就都幾貴3.朱古力芝士餅($25)是次盛惠$143想坐得好d同價錢合理,就可以到此餐廳,但記得要book位,唔接受walk in 架^^