大街餐廳由Coca-Cola®呈獻

營業中

休息中

去士尼做足準備, 看這餐廳的食評不錯,來了這兒吃午餐.套餐加了價,$70沒餐飲.叫了兩個餐: 凱撒沙律, 炸魚薯條豬扒飯, 芝士餅凱撒沙律: 好新鮮, 米奇面包糠很可愛炸魚薯條: 外皮薄脆, 魚肉鮮甜豬扒飯:　炒飯底，味道不錯芝士餅：份量少了一點環境裝飾不錯, 在烈日下走了半天, 坐在沙發上慢慢吃, 很舒服.

上個月bday同男朋友去左disney玩60蚊：餐飲+湯/沙律+主菜80蚊：餐飲+湯/沙律+主菜+甜品我叫左凱撒沙律+炸魚薯條+凍檸茶男朋友叫左磨菰忌廉湯+肉醬意粉+cheesecake+飲品個凱撒沙律幾好食~d菜好新鮮~其實我叫凱撒沙律係為左個影個米奇頭既面包糠~呵呵~另外cheesecake都幾好食間餐廳對正小鎮大街~可以睇到巡遊~

20/3，我地3個人10點15分開始入黎玩，玩到成1點幾2點先捨得入黎食野(其實可以唔食野，直落玩多d都得架)。實在太開心啦，我覺得入到迪士尼，個人都特別開心，覺得好似變番細路仔0個時咁，仲有真係好似去左童話世界咁。一知道迪士尼開幕就想即刻黎，等到呢日終於黎到lu。前一晚已經開心到唔捨得訓，由搭地鐵開始，一路到搭迪士尼列車已經好興奮。見網上d評語寫得咁好，所以諗都唔諗就一早plan左黎呢度食野。我地坐玻璃屋，街外0既景色幾靚，間餐廳都幾別緻。我地3個人叫左2個餐(每個90蚊)share黎食，一個要凱撒沙律、炸魚薯條加芒果布甸，一個要忌廉磨茹湯跟包、肉醬意粉加芝士餅。野食都ok，價錢都中上，因為餐唔包野飲，同埋份量唔係好大，不過賺遊客錢係咁架啦。侍應0既服務麻麻，多侍應但很難叫人，有d仲扮睇唔到，叫佢幫手影相好似唔多願意，要改善下。下次會再去迪士尼，不過可能去過第二間。

可能Disney 關係, 食呢個lunch食得特別開心。食物水平中上, salad菜算新鮮爽口, 不過好似冇乜味道。fish & chips 魚同薯條炸得香口。燒春雞D肉都算滑,有肉汁味。套餐幾底食, 價錢比想像中合理。服務就一般啦, 人手應該加多D。

大街餐廳環境不錯，本人被安排入坐玻璃屋位置，坐在餐廳內，卻能觀看美國小鎮大街上的景色及表演隊伍。就是來迪士尼只吃一餐飯，遊閒地坐著都算不錯。食物方面，以套餐最抵。套餐分60蚊及80蚊。60蚊：餐飲+湯/沙律+主菜80蚊：餐飲+湯/沙律+主菜+甜品本人吃凱撒沙律+炸魚薯條+熱檸茶媽媽吃磨菰忌廉湯+肉醬意粉+熱茶整體味道不錯，仲有食物會出現mickey個頭架，是在樂園玩到累了，最好的加油站！

始終果句，比想象中好！價錢，環境，氣氛OK，食物方面需不是盡美，但仍可算盡善。當然，肉醬意粉行貨，Mickey芒果布甸只芒果味不足(以上兩種食品是小朋友至愛，一定要order)，餐飲平凡就不在話下，始終在遊客區的食肆，標准不能訂得過高。點了的凱撒沙律，炸魚薯條及Mickey樣的窩夫，水準之作；尤甚炸魚薯條，雪魚柳包著薄身脆漿來炸，外脆內鮮，水準之上。座在外面玻璃屋，晒著太陽，舒舒服服的享受，樂也！

11月11日我同一家四口入左Disney 玩~0個日係Firday~but都勁多人~!!之前有fd 0黎過玩~教路過入去Disney玩~食野就一定要揀Corner cafe~ cos 佢環境靚~野食都唔係貴喎~!!so我一早入到去唔理三七廿一就去做左個booking先~!! then 到時就唔洗麻煩啦~!!我地book 左3:00p.m.~ 諗住可以一路睇parade~一路食野~幾咁正~!!!好喇~3點我地準時到左~佢地都好準時咁留左table比我地~!!但係當時我地見到門口勁多人想入去食飯~ but可惜booking一早滿晒~佢地唯有食其他野~!!0個陣時我心諗~好彩一早book 左位咋~!!坐定左~望望menu~ d野食又唔係貴喎~ set meal 都係$60 or $80~$60= soup/salad + entree + drink OR entree + dessert + drink$80= soup/salad + entree + dessert + drinkThen 我地每個人都叫左個$60 set meal share

玩到兩點..係時候醫肚...行去攞巴斯fast pass 之後走黎食野...完全唔洗等位...我食左:Carsar Salad: 味道好好...D菜好新鮮...D汁又好味..食碟食哂...肉醬意粉: 幾好味...唔錯...成個餐連野飲都只係$60...比我想像中平...招呼都唔錯...幾殷勤...

31/10/2005 玩到下午四點先捨得去食野o係明日世界度食江南美食好似有點兒攪笑,fastfood 又普通左d,我地就去左美國小鎮大街的Corner Cafe.開頭見到都有d人o係門口排隊登記,仲奇怪咁晏都咁多人?!原來登記即刻入得了,唔洗等叫左個set,有:雞肉凱撒沙律(有粒米奇頭多士,係一粒!),白菌忌廉意紛,凍檸茶(幾好味!又大杯),另外再加米奇窩夫-兩個米奇頭來的,好殘忍啊XDDDDD~不過好味呢(呢個同另外一d兒童餐,原本九歲而下先叫得,而家唔洗了XDD),水牛城雞翼,味道都幾好食,service 就麻麻,禮貌係有,但d人做野懵懵地,無咩客,但係都咁亂.....原本餐牌上寫要收加一服務費,但係後尾都無收到,所以呢餐都唔係好貴

一入場就book 左晚餐7:00-7:20pm夜晚準時到達,點知仲要等等到7:20pm我地都未有位,佢見我地望錶先俾位我地,差左d磨菇忌廉湯幾好飲,好多粒粒磨菇材料,稀杰適中,幾好飲,美中不足係d湯唔夠熱炸魚薯條好普通,快餐式炸物,非個人所好個咖啡飯好少汁,飯太硬,差!難得入樂園玩,姑且物論食物質素但此餐廳環境已算不錯,比起其他快餐式營業,坐得較舒適但服務認真有待改善!我地飲完餐湯後,男友去左toilet,侍應竟以為我們用餐完畢,收掉我們我餐具?!?實在太差哪...有sense o既都知道我地係未食完啦~!一d都唔醒目!該侍應話完唔好意思就轉身拎過d刀叉俾我地,但係冇再三表示歉意,又冇笑容,扣晒分!不過有部份侍應都好好,證明質素好參差,訓練不足!我認為迪士尼樂園o既服務唔應該係咁!

只接受訂位客,冇得walk-in gar.有set menu又有散叫. 呢間唔係美心經營,所以係呢到食o野就真係食迪士尼出品啦.磨菇忌廉湯尚好,稀杰到適中.蝦肉雞喇沙湯米好味. 香濃得o黎唔係好漏.Fish-n-Chips炸得o岩火路,唔會乾爭爭.燒春雞就一般. 分量都唔係太夠.沙爹雞串同雞批都合格.甜品方面,楊枝甘露較為稀,佢o地話係佢o地o既特色. marble cheese cake 好味. 夠rich. 芒果布丁係米奇款. 當然可以吸引到小朋友啦.環境係坐得舒服, 服務都殷勤, 不過出食物o既時間就有待改善.