大灣咖啡廳

營業中

休息中

第一次到嘉利酒店吃自助餐：大年初一；今天每枱都送一碟俗稱（撈起），味道也可以！另外，出名的（分子料理）：今天是蜜桃雪葩配士多啤梨，好味 😋！燉湯是花旗參紅棗燉瘦肉👍🏻大多是本地人，感覺唔錯！

雖然在紅磡區返工，由未開業已經非常期待，直到今天（年卅晚）放平日才可以休閒地享受一頓豐盛的午餐！如果用HSBC Visa 付款，在平日可以有20% off!由於我一早訂位，所以好開心可以安排就坐在window sit (但今天天氣溫暖，中午時份感覺到太陽🌞的熱力）😅第一碟先吃三文魚刺身，冰凍新鮮（完全沒有根）第二碟開始食熟食：三文魚（厚切）遠看有點像豬扒，但很好味！ 蝦球做得很特別也帶點CNY 的氣氛！蒸魚肉就好似一般般！最受歡迎一定是「DIY石頭碢」，自己喜歡吃什麼及份量多少，由自己決定，師傅又快手，一下子就吃到熱騰騰的石頭碢中式蒸的餃子、燒賣及點心大大粒⋯⋯另外即叫即煮粉、麵、菜（配上不同source),適合不同人士的合味！My favourite 當然是甜品！造型設計已經很吸引，吃了後更加覺得比不少Hotel 更出色

因為生日所以去咗食buffet! 好滿足！一入到去就見到勁多冷盤！冷盤都幾新鮮，係凍蟹冇咩味。但係煙三文魚就超好好味！食左好多！另外仲有好多款壽司！而佢最特別嘅就係韓式石頭鍋飯（仲可以揀公仔麵或者烏冬）自己揀配料 （例如芝士，午餐肉，菜等等）同加醬油～ 所以整部隊鍋都得！另外一區嘅主食有咖喱，炒粉麵，海鮮，點心等等～最後～甜品更加係令我impress！ 全部都係一件件係雪櫃，好衛生！仲有好精美！之後仲有好多新鮮水果，六種gelato，即製carpe/ waffle! 超滿足！因為定位時講咗生日，酒店仲好好咁樣預備左生日蛋糕！ （唔係甜品櫃嗰啲嚟㗎！）我哋叫餐飲嘅時候自動攞埋黎！好細心🧡因為上網訂每個人$300有找，物超所值！🤩🤩🤩仲有海景睇添！

當得知香港嘉里酒店澳藉行政總廚 Matthew Woolford，由家鄉引入來自塔斯曼尼亞 Robbins Island 和牛、精品牧場 Cape Grim 草飼安格斯牛、Petuna 漁場的海鱒魚及 Kinkawooka 青口等美食，從來都傾心澳洲而且超為食的甜魔一家，便馬上再訪 Big Bay Cafe 吃自助餐增肥！ 新主題自助餐由即日起至2019年2月28日，於晚市（晚上6時至9時30分）供應，週一至四成人$638／小童 (5-11歲) $447；週五至日成人$688／小童 (5-11歲) $482，價錢已包新出的三款美味果茶任飲，另有澳洲紅白酒選項。很喜歡這裡早開始晚餐，最適合我們這種「餓底」家庭，而且早開始還可以欣賞天色由日轉黑～要知道酒店對出就是開揚壯麗的維港景致，而餐廳除了入口的細檯，店內大部分座位都可以望到海景，拌著美景進餐自是享受加倍！ 事不宜遲馬上開始介紹食物：一進場左轉是芝士、火腿區，誠意推介這裡的 Epoisses、Brie 及 Manchego 芝士，喜歡濃味的更可進一步挑戰羊奶芝士及 Gorgonzola 藍芝士，Feta 芝士則可以拌著區內麵包或其他沙律

酒店住了好幾次，每天早上都會準時下來吃早餐，必定鮮榨青菜果汁第一道菜哈哈，麵包，熱菜，面當都是必吃。拿鐵也適合我的口味兒，而且一大杯，不像有的酒店小小杯幾口就沒了。服務也不錯，空盤子很快就會被收走，看上去服務員都很有效率，人人都在勤奮的工作著，也可能看慣了美國的服務員慢慢吞吞的吧，香港的服務態度都不錯啊。而且用香格裡拉酒店的積分即時換早餐，記得是3百多分一位成人，要是座位不那麼擠就完美了。我們肯定會再去的!

是日公司活動，安排了我們到嘉里酒店內的餐廳共進早餐。餐廳很大，取食物的位置闊落。望海景致的座位也挺多的。早餐是自助餐形式，款色，菜色種類很多。就只是乳酪都有4款或以上。除了乳酪，就是奄列的配料選擇也很多，我選了比較簡單的火腿、洋蔥。不過蛋多料少！挺飽肚的！配料還有磨菇、蕃茄、煙肉等。沙律吧反而不算大，但勝在蔬菜翠綠新鮮，令人食慾大增。麵包的選擇也不少，個人偏愛牛角包，不過這裡的牛角包不夠鬆軟。粥好像有三款，除粥白粥，我選了雞粥，不過雞粥其實與白粥無異，完全沒有雞味！在自選配料上，我選粥咸蛋、皮蛋、蔥花。這樣粥的味道就變成豐富了。不過還得一讚的是：粥挺綿，溫度剛好不燙口！點心有四款，只有蝦餃燒賣比較好吃，其他兩款幾乎無味。總結：早餐選擇之多，有如午市及晚市自助餐。還有壽司，芝士，車仔麵，咖哩，格仔餅、窩夫，生果、甜點等。飲品種類也多：咖啡、橙汁、西瓜汁、西柚汁等。是梗有一款啱口味之選。

又係自助餐時間😊呢間係黃埔既嘉里酒店，環境認真一流，大大個無敵海景，食飽左行出去露天位置，吹下風散下步消化下又可以再食過🤪講返食物先，近門口位置有刺身、龍蝦、蟹腳、蟹鉗，不過就冇生蠔。海鮮夠新鮮，蟹腳都好粗好大條，每次出都勁快俾人掃晒，真係手快有手慢冇！再隔離就有即叫即製韓式石鍋飯😍呢個值得食！先揀要飯、麵定烏冬，再揀配料同湯底，仲有鍾意食芝士嘅朋友記得要同師傅講多芝士，佢幫我地灑到成個面都充滿住芝士，已經見唔到底下啲餸🤣🤣熱辣辣既石鍋飯就係咁完成左啦。食個陣芝士仲有拉絲效果，所以石鍋飯真係要試一試！😋係刺身同海鮮對面有parma ham，仲有麵包、火腿等。然後再行前啲就係甜品區，成個櫃都係甜品呀🙉🙉🙉但佢啲甜品就要你同佢講先拎俾你，就唔係自己夾嘅。再特別啲就有分子雪糕食，係雜莓雪糕配茉莉花茶泡，不過我覺得味道就一般般啦～熟食方面有燒烤區，有燒三文魚、虎蝦、青口、鴨肝、火雞，仲有印度同中式點心美食。留意7點半就會出中式燉湯，一聽到叮叮響就要即刻衝過去，因為係超多人排隊。個湯唔錯，好多料，我飲左兩盅😆

又係時候慶祝聖誕節，今次就同朋友一齊食buffet，經過細心挑選之後我哋決定去嘉里酒店食lunch buffet。每間酒店嘅buffet都大同小異，都係不外乎食刺身海鮮為主。嘉里酒店嘅刺身同埋海鮮都好新鮮。熟食方面都好出色，無論係羊肉，豬肉，雞肉嘅調味都唔錯。另外，都有韓式石鍋麵或者部隊鍋，不過味道比較淡，唔建議食因為都比較飽肚。最後梗係要食甜品啦！嘉里酒店嘅甜品都有好多嘅選擇，cake 已經有好多唔同嘅味道，朱古力嗰幾款都好好味。另外，仲有朱古力噴泉同埋窩夫，窩夫係即叫即整，熱辣辣咁食加埋雪糕真係好好味。嘉里酒店嘅lunch buffet整體來講都不錯。

係度食過自助餐，如果比正價真係會覺得好唔抵。通常都係信用卡優惠或者Flash sale先會食。佢有個網係逢星期五會擺咗下一個禮拜全間酒店有啲乜嘢優惠。午餐自助餐就$368無需再加1, 大家可以留意下。不過要讚嘅就係甜品真係抵食，好多人平時都會喺大堂Lobby lounge食呢啲款式，女仔一次過就已經可以抵消番嗰個buffet價錢而且好多酒店d cakes都俾人畢到爛晒，佢就可以係甜品櫃好靚好精緻咁樣拎出嚟。Macarons都不會太過甜。同埋燒龍蝦好好味，見好多人都係攞呢個。a la carte就食咗好多次，因為同出邊西餐廳價位冇乜分別，但係就有景同有服務。親戚朋友好多次都表示滿意。不過略嫌選擇少。記得好似以前a la carte選擇多啲。例如有個素菜卷而家好似搵唔番。推介龍蝦包! 包嘅牛油味同埋質感都好好，燒春雞都唔錯。另外叫咗一個冇影到嘅，好似係焦糖唔知咩貝殼粉，但係完全比松露琴晒冇乜特別，但係都好味嘅最後都禮拜食返個甜品panna cotta剛好我同朋友兩個叫嘅就都俾我哋開咗新酒全晚用餐感覺到好唔錯啊，chill到本來朋友諗住去第二度食甜品，後來都唔想郁。

十二月，有唔少朋友聚會，有好多飯局，尤其是自助餐，因為我總覺得，聖誕是要食Buffet的。 搞埋些少手尾才來，到達時朋友們已經攞左好多嘢食，砌好個陣，剛好可以靚張食物大合照。 又壽司，又刺身，又熱食，仲有點心，同埋粉麵，超級豐富，現在回想起來都口水流。 快樂星期五晚上，既然咁高興，一於開枝香檳喝喝，與大家把酒談歡。 縱然滿桌都是食物，但點都要出去兜個圈。Cold Cut也有數款，有刺激亦有咸香的，岩晒我口胃。 凍海鮮從來是搶手項目，龍蝦水準比市面很多地方優勝，龍蝦鉗特別鮮甜。另外還有自助餐罕目的琵琶蝦，滿足了。 拿點龍蝦肉沙律，著師傅撈得靚仔一點，好睇又好食。 食食下，忽然聽到噹噹聲響，原來是燉湯，馬上去排隊。一盅我肯定飲唔完，取兩盅回來大家分享，最好。很清潤的湯水，在蔭蔭涼的天氣下喝幾口，份外舒服。 應節食品有燒牛肉與火雞，另外其他燒烤的食品，如虎蝦、粟米等等，同樣香口。 家陣好多酒店自助餐都有印度師傅坐陣，呢度都唔例外，出品自然來得比較正宗。 粉麵我實在再吃不下，但席上有愛吃麵食的朋友，呢個檔口佢一定唔會錯過。冬蔭公湯底配雲吞，看賣相知道應該唔差得去邊。 壽司與刺身也來我新鮮，個人

作為紅磡新貴酒店，對於聖誕節，當然不容有失，從酒店大門開始，到步入大堂，都充滿了聖誕氣氛。 餐廳座位闊落，而且有室外座位，選擇幾多。海鮮 係餐廳入口處，最顯眼的地方，擺放了大量海鮮，尤其是在自助餐中少見的琵琶蝦，當然輕易成了今晚主角。 波士頓龍蝦隻隻有膏，雖然有人龍，但 refill 得快，龍蝦質好，要加分。 龍蝦鉗實在好喜歡啖啖肉既感覺。加上甜美既鱈場蟹爪、幼嫩既藍貝同爽彈既凍蝦，這個海鮮陣容令人滿意。 刺身有近來開始受餐廳選用的赤蝦，加上八爪魚三文魚、吞拿魚及鯛魚，陣容不錯，但注意力當然集中在甜美的赤蝦身上。Carving Station 有骨肉眼扒烤得外層微焦，骨膜位滿有油香，好正。 燒火雞聖誕節當然要食火雞應節。 香草虎蝦連蝦殼都脆卜卜，夠香口，點可以唔食。 白酒煮青口肉質嫩滑又帶酒香。 加埋威靈頓三文魚、叉燒醬牛腹肉及蜜糖燒汁豬肘骨，都是坊間自助餐少見的好菜色。 湯 花旗參燉排骨湯每晚7點半限量提供，雖然要排隊，但都值得，因為甜中帶甘，湯香醇厚，正。瑤柱青紅蘿蔔湯任飲的湯有瑤柱青紅蘿蔔湯，火喉足，蘿蔔都煲至軟稔，味道出，好有家常湯水感覺。

🎄自助午餐跟晚餐差不多 只差龍蝦上回曾評論過試食Big Bay Cafe的自助晚餐，今次活動關係，試下此cafe的午餐。環境: 由於臨近聖誕，很多公司都在酒店開聖誕派對，因此全場爆滿。酒店將團體的及獨立的座位位置劃分，避免團體的過於嘈吵，影響其他食客，亦可讓團體的較集中，不過取餐變相相對較遠。食物: 老實說，基本上同自助晚餐差不多。我想分別在於海鮮及熟食部份晚餐有龍蝦，午餐則有蟹肉沙拉(這個啖啖肉，讚).由於人實在太多，刺身區需排隊，而海鮮區的蟹腳，靚的大的就被人全取，剩下瘦的就繼續被擺在一邊，有時尚未來得及refill, 你只會見到瘦的蟹腳熟食區，牛扒很早就沒有了，只剩羊肉。甜品區，最值得回本。平常精緻的甜點在街吃都要五六十元多，這類幾乎每款都很精緻，而且味道甚佳。🍫朱古力款的朱古力味濃之餘又不會太甜，🍌香蕉撻款的撻底加了一層薄薄香蕉蓉， 非常香之餘又香蕉味十足。🍍青檸菠蘿款的，甜點內夾啖啖菠蘿肉甜點非常出色總括，當日自助午餐418加一部份信用卡有折扣優惠若對龍蝦沒有特別興趣，只試午餐也無仿

聖誕節美食停不得了，今次介紹嘉里酒店大灣咖啡廳 Big Bay Cafe的自助餐，高質素之餘選擇亦多，是很合節日慶祝聚餐又不後侮之選。 平安夜、聖誕節及除夕晚的自助晚餐收費成人＄908/位、小童＄636/位，已包括汽酒、紅白酒及果汁汽水任飲，以平日收費＄728/位來說相對節日收費是開心價了！步進餐廳最吸睛莫過於精彩的海鮮陣！凍蝦、龍蝦、琵琶蝦、鱈場蟹腳，藍青口，伴旁還有厚切肥美的三文魚各自各精彩，那款能俘虜到您心呢？ 海鮮旁是即製自選石鍋有三款湯底可選包括有豬骨湯、雞湯和泡菜湯底，另配料亦有很多選擇如芽菜、芝士、午餐肉、雞蛋、韓式芋絲、牛仔腸、韓式泡菜、沙葛、芋頭、豆腐卜、炸銀魚和甜薯等，喜歡還可配烏冬和即食麵。 自助沙律區有新鮮沙律菜，和多款配料和汁醬，客人可隨心喜好選擇心水沙律！ 壽司卷物款式不少，質素也十分不賴，還有新鮮刺身如刺身蝦、八爪魚、三文魚、吞拿魚等。 芝士區有六款選擇那麼多，選擇有Reblochon Cheese、Gorgonzola Cheese、 Manchego Cheese、Goat Cheese、Brie Cheese、及Feta Cheese，我只能吃輕盈

離聖誕越來越近，還未落實節日大餐計劃的朋友，可以考慮嘉里酒店 Big Bay Cafe 的節慶自助餐：24、25及31號晚的自助晚餐收費成人$908／小童$636，價錢不算便宜，但已包括汽酒、紅白酒及果汁汽水任飲；另設汽水果汁任飲的自助午餐，收費成人$598／小童$419。  甜魔媽媽與好友們於上週五再訪，原來平日自助晚餐已經要$728/位了！連同加一服務費，比初開時的確漲價不少；匯豐卡週一至四會有8折，但週五晚上仍然人頭湧湧，除了反映12月強勁的消費慾，也是因為食物的確出色。  一進場就是繽紛琳琅的海鮮區，最矚目一定是波士頓龍蝦，肉質爽甜，令人忍不住多吃；啖啖肉又鮮甜的鱈場蟹爪，也是個人心水，另外琵琶蝦、龍蝦鉗、藍貝、凍蝦也是各有其擁躉，將這批佳麗通通帶回去吧！ 在凍海鮮旁邊的煙三文魚，也是鮮美的優質貨，喜歡的朋友不要錯過。接著，這裡的刺身也非常強：赤蝦、八爪魚、三文魚、吞拿魚及鯛魚，每一款都很鮮甜，忍不住併了兩大碟回去一起分享！ 沒有兩兄妹在場，壽司只能跳過吧；然後來到沙律吧，除了款式極多應有盡有，又是用上很新鮮的材料，我當然要製作一份凱撒沙律當是打底頭盤～ 而在海鮮冷