大灣咖啡廳

營業中

休息中

香港嘉里酒店─大灣咖啡廳，今次係以白色聖誕節為主題，美食超過200款食物，包括冰鎮海鮮、香烤聖誕火雞及酥皮三文魚卷等聖誕節菜式，更有不同特色食物！迎接聖誕節，例如：柑橘醋波士頓龍蝦沙律、香烤慢煮紐西蘭羊鞍、火炙澳洲和牛壽司、泰式咖喱炒軟殼蟹、香烤聖誕火雞及即焗酥皮三文魚卷等，呢d熱食都是我至愛、現階段唔理了！放棄減肥計劃先，皆因每款甜品的造型都相當精緻，重散發濃濃節日氣氛，我又點會錯過呢！#自助晚餐

Kerry hotel食評星期五成班人一齊食自助午餐，開心一如既往，先食甜品，一共有12款款拎晒，可以happy share,不過今次唔同既係，居然仲有好幾個都係拎甜品先，原來係因為冷盤個條隊超長椰子朱古力最特別，不過偏甜。如果d份量可以再細份少少會更好。同埋，係職員拎而唔係自己夾，其實真係差d,無左嗰重自助餐感覺。到熱食啦！燒豬頸肉係好食既!燒蝦都好食，不過好快俾人拎晒。火腿芝士都係一般既自助餐既水準，不過不失冷盤條隊終於少人d啦!原來同一條隊排1:湯面;2:凍食海鮮3:壽司刺身，點解唔分開佢地呢?唔理啦！拎左凍蝦同長腳蟹。好食，好甜，枱面有濕紙巾，都方便。壽司刺身都新鮮，款式偏少不過大路野都有。最後就食雪糕，聽聞homemade，綠茶無綠茶味，朱古力味都ok既。餐飲早段叫左杯凍檸茶，臨尾都有出現到既，如果快少少就更好。食到咁上下，就話夠鐘，咁快2個鐘啦原來!!整體黎講，食物水準不過不失; 款式可以再多d，排隊安排有改善空間

Tried to plan coming here a while ago but the it was difficult making inquiries by email to the Kerry Team.Anyway went here in the end and the staff were amazing and very helpful.The food variety was a bit boring so ended up having lots of salad that night.

早二星期，慶祝朋友生日，大家都未食過大灣，一於試下，仲要有位。去到至知，係唔full.地方好大，行一round 好似好多野食。到拎時發現D刺身仲差過放題，瘀黑又瘦。沙律睇完唔想食 （其他自助晚餐我都會食沙律）。壽司一樣。印度咖哩區睇完冇野係令你想試。唯一最好又吸引是凍盤火腿芝士區，多款又好食。凍龍蝦無味，熱盤龍蝦好多肉不過無味又un. 無天婦羅，有炸雲吞春卷，點心一般。食左一陣，已冇野想食。之後七點半有燉湯，個湯好甜。再食雪糕，有怪味。甜品多但幾樣都唔好食。食過咁多自助晚餐，呢間最難食又唔扺食。咁既價錢加少少食JW好過。最後連杯熱咖啡都好難飲，浪費了。

對於今次嘅嘉里酒店嘅dinner buffet，都幾有驚喜😍首先就有必食嘅魚生，然後就有大大件龍蝦，啖啖肉，好鮮甜 (can you imagine how tasty is it ? )除咗魚生部有龍蝦，熟食部亦有芝士龍蝦、龍蝦湯、龍蝦伊面。lobster lover (me) is mouth-watering。嗰日嘅七點半就有中式燉湯，食咗咁多魚生，飲啖湯暖暖胃好舒服。另一個驚喜就係- 自助石頭煱。你可以自己選擇食材，我就揀咗韓式芋絲、午餐肉、芝士、蛋同烏冬。甜品區嘅蛋糕係10萬個心心眼，蛋糕既精緻又好食。而且雪糕每一種口味都好啱我食，仲有分子雪糕可選擇。今次嘅buffet係大滿足呀

其實入面的而且確有好多種類食物，可以話係花多眼亂！不過個人覺得環境質素高過食物質素。環境夠乾淨，而且待應態度全部都好好。食物放置得整齊有條理而且多gimmick!海鮮其實都係新鮮！起碼食落去唔腥！但係食到長腳蟹就覺得太新鮮，太咸！所以食左一啖就冇再食， 唔係話浪費！而係真係太咸！仲咸過咸魚！但其他蜆果d係正常不過冇咩蜆味！刺身係新鮮，有魚味！而且不停refill! 質素同食板長差唔多！不過係任夾。唔洗問佢地拎！韓式部隊鍋即叫即做！不過要小心唔好燙到自己！有小朋友係側邊要小心D牛扒呢個係我成餐最滿意！五成熟，而且則邊又會放埋配菜俾你自己夾，仲有唔同汁Tim !甜品雪糕口味特別，出面不常見， 可以一試！

超級喜歡吃這裏的自助早餐一早可以吃到很多自己喜歡的東西感覺非常幸福嘉里酒店的自助早餐是我近年來吃過的最好的環境非常整齊企理 侍應們都很熱情甜品和熟食的選擇非常多我最喜歡早上吃個粥 放滿鹹蛋榨菜 感覺很清腸胃乾炒牛河 雲吞湯 蘿蔔糕 中式點心 還有各種各樣的奶類及cereals 囡囡最喜歡煎太陽蛋甜品我們喜歡crispy rice 顏色好美 風景好美 早餐好吃非常感恩 給我漂亮心情的一天

已經幾年沒有吃buffet了記得以前係抱著掃場心態去食以飽到上心口為目標現在比較喜歡慢慢品嚐食物週末晚上選了落成不久的嘉里酒店換個新環境也換換心情未進場前已被維港夜景深深吸引是必然的打卡位吧沒有抱太大期望Openrice的食評也好壞參半不打緊就親身體驗一下吧已預知沒有生蠔的供應一進場我要了一件芝士焗龍蝦，肉質彈牙芝士味也夠濃途經海鮮櫃台的長腳蟹、蟹拑、凍蝦都是優質的刺身櫃的四款刺身也很新鮮我encore了一次呢中湯西湯各要了一碗中 - 青紅蘿蔔豬骨湯 清甜西 - 龍蝦湯 味道夠濃龍蝦肉夠多平時較少會吃的中式點心是晚有點驚喜蝦餃燒賣也是足料貨式感覺這酒店的蝦很新鮮喜歡蝦的朋友定必滿意餐廳七點半會有燉湯供應今次是海底椰燉豬肉未夠鐘已經開始有人排隊都頗期待而且又真係幾好飲近排天氣乾燥了 正好淸潤一下甜點也頗多選擇 我有選的味道都是正常的唯一雪糕是不令人期待的我點了伯爵茶跟椰子味兩者味道不太濃郁 甚至怪怪的總結 想找個靜靜的地方慢慢嘆一個晚餐 這裡是合格有餘 但想食物多元化一點這裡未必最適合

呢個酒店嘅自助餐可以話係大酒店之中比較差。啲嘢睇落好靚但係全部都唔好味，我同朋友食完第一輪已經開始食甜品，$700幾一位，咁既食物質素真係一啲都唔值。海鮮就係普通嘅幾款蝦，青口，長腳蟹，熱食有龍蝦不過全部都好乾，刺身啲豉油好鹹，之後諗住既然唔好食就試吓食個粉啦，雲吞皮又好厚，燉湯係全晚之中最好嘅，甜品都係好一般，佢嘅選擇係好多不過食物嘅質素真係有待改善。本來一直都係好期待哩間酒店嘅自助餐，不過食完之後真係好失望！

大概一年前我們也在這間酒店的自助餐，記得之前食物質素不錯所以今年親戚生日也帶他來慶祝。食品數量有很多，菜式有印度咖喱，燒烤，中菜點心，燒味，日式有壽司海鮮有青口凍蝦。食品質素是在正常的，不是話特別很好食，但是在這個價值上，我覺得應該值得更好，或許有生蠔和凍蟹話就好了！甜點卻是很不錯，款式和味道也很合我口味，不是太甜而且更有朱古力噴泉呢！

Came for dinner buffet, first time coming to this Kerry Hotel near the pier. Not a frequent visitor of whampo as this place is way too crowded... last time I came to this district was few years back then.Not a big fan of buffet. Not my pick but am ok to try new spot! There’s quite a lot of food and dessert (very nice to see yet none I want to try). They have no fresh oyster which is my must have at buffet especially their price is not cheapOnly the lobster and coconut soup taste ok... everything

整體環境不錯 但配上如此食物質素 實是有點可惜. 其他方面亦需改進.服務方面. 整體服務態度不差. 唯獨是收碟方面. 完全唔會主動問/幫手收碟. 之前有看過這裡食評. 有提過收得太密. 但現在是相反. 可見這方面需要改善. 特別對自助餐來說. 而且當晚感覺上不是太忙.食物方面. 食物選擇合格. 只是印度菜有8樣以上選擇. 中式口味 例如點心. 麵既配料 種類都任君選擇. 甜品方面亦有不同口味排得靚靚仔仔. 但味道方面. 整體而言 完全是失水準.最正常是龍蝦與蟹腳. 亦欣賞佢有椰青. 可惜唔夠凍. 飲左兩個情況一樣.最深刻當晚選左5樣甜品 原來只是虛有其表. 平日喜歡將雪糕mix窩夫一起吃. OMG. 綠茶雪糕味道超級奇怪. 窩夫係得個脆字同乾了的感覺 硬到最後埋單折左$5xx一個人.

會黎Kerry Hotel食早餐Buffet，係因為有個朋友一直想食好耐，我就陪佢黎啦！依間酒店好似新開一排，由一入門口所有環境都好靚好舒服，5星酒店既員工更訓練得好好，每個都有笑容有禮貌有服務客人既心，未食已經覺得好舒服！一入到去餐廳，行去安排好既座位時，沿路已經有勁多野食選擇，安排左坐窗邊旁位置，望到海景，陽光照入黎好舒服呀！其實好多食物都好美味，但早餐我真係食唔到太多，最欣賞係有即榨鮮果汁，而咁早已經有牛扒選擇，喜歡食牛既我就唔放過啦！不過食完眼前依碟已經好飽😂想再返黎試其他野再嘆個靚景吖❤️

又抵擋唔住榴槤嘅誘惑..見到上網介紹就心思思去試新野，仲要喺榴槤嘅主題~! $638 某信用卡有75折榴槤要排長龍而且只可以喺室外食，見到有人排完一路食一路再排過就可以狂食😂 冷盤不過不失，熟食都多選擇。。總體如果用75折後嘅價錢係可以接受，但如果唔太好榴槤就唔用考慮了。寧願選擇其他中價自助餐。

向來我都好少主動話要食自助餐， 因為覺得食得少又唔抵，食得多又飽又辛苦🙈但係今次畀佢個榴槤主題吸引咗，因為睇介紹有4款榴槤輪流任食，仲有鱸魚，芒果糯米飯，牛扒等等自助餐係六點至九點半， 榴槤就七點半先開始供應，一到7點半勁多人去排榴槤。。。。我自己就差唔多八點先去排，因為少人啲啲， 我以為係有幾款榴槤畀大家揀，但係原來係佢開到乜就派乜，冇得揀，每人每次最多可以攞一碟，大約兩件我第一次排攞到金露，第二次就係貓山王，但就冇見過D24, D88嗰啲款lu...不過睇住佢開都幾新鮮既～但黎到原來又無鱸魚又冇芒果糯米飯，淨係得芒果，山竹大約8點半已經冇曬，都幾失望。。😥其他嘢食質素整體黎講還好吧！個中式燉湯就幾有誠意👍另外都有龍蝦，長腳蟹，煎三文魚果啲都not bad甜品有一款分子料理，好多蛋糕同埋八種口味嘅gelato / 雪芭，味道正常成人每人$638，信用卡有75折至8折，呢餐整體而言ok 啦，但認為有進步空間。