大瀛喜日本料理 (已結業)

和一大群同事來到這裏放鬆壓力，這裏的環境熱鬧，完全可以配合，不怕一群人太吵而騷擾到別人，適合一大班朋友來食。這裏的食物任食，而且種類也多，要推介的是芝麻雞翼，食下去多汁而濃味，我同同事都搶著食，大家可以一試!刺身也很足份量，切得厚厚的，而且你見多少就有多少，不會走單。它的燒波羅是我在吃過多間的放題餐廳中最好食的，不會留有其他一同烤過的食物味道，所以也不會顯得油膩，而且也很新鮮。總括而言，這間餐廳適合與朋友前來聚會，食物也很好食，大家不妨一試!

平日經過見到很多人排隊今次朋友邀請就一於試下唔洗諗 一坐低緊係叫刺生食啦佢材料好新鮮 完全無腥味頌會用乾冰 製造一些煙霧效果店員每次送刺身出嚟都好壯觀三文魚脂肪夠厚，肉質甜美北寄貝略嫌未夠爽口難得有像拔蚌食當然吾好放過食落一樣爽口甜油甘魚因為用冰坐住所以要等佢冇甘凍先食到佢陣魚油叫幾多俾幾多，令我好滿意佢地既態度壽司都唔差 夠飯唔會太大 可以食多d都唔怕舊舊都比得上普通壽司店既水準吾會似粗製濫造三文魚上加左黑松露入口好香最中意三文魚加蔥加沙律醬冇甘寡花之戀就比較普通冇咁令人喜出望外 如果沙律醬可以再甜少少就更好味海膽冇得齋叫刺身食只可以買手捲 但係都唔會話太大舊 叫多幾個都補返數海膽見到色澤鮮豔 好甜一d都唔會苦證明用料新鮮燒物類 會令人係甘想食雞軟骨如果唔落檸檬汁就會比較油但依然好味加左檸檬汁冇甘油食落去爽口有小小脆點都吾會係炸完放係度好耐芝士焗扇貝既肉唔會話好大粒 但肉質較實上加上燒到少少脆的芝士一絕天婦羅簡直是日本餐中既我的最愛而家好多既放題鋪頭都會有呢款既甜蕃薯岩岩炸好食落口 軟淋淋好甜天婦羅蝦雖然比較細隻但依然肉質彈牙加上可以睇到天婦羅漿的分量唔會太多 岩岩好燒菠蘿係食放題食

同朋友响朗豪坊行完街就黎下對面呢間放題食雖然個陣先5點幾咁早，已經有好多人响出面排晒隊等入到去估唔到差唔同有半層都用晒做檯，空間非常大燈光暗暗地幾有氣氛事不而遲即刻食野！第一樣係鹽燒雞軟骨燒咬落去好爽脆，啲骨一啲都唔硬，好有口感淡淡地嘅鹽燒香加上少少檸檬汁，好開胃強烈推介！之後仲叫左好多刺身，有三文魚，油甘魚，劍魚腩，北寄貝等等等等全部都新鮮又大塊，一啲雪藏味都冇之前都未食過象拔䰷，估唔到咁彈牙，好有口感珍寶赤海蝦隻隻都勁大隻，啖啖肉，好開心我地仲叫左啲小食菠蘿片大舊得黎又好甜，一咬落去成口都係菠蘿汁酸酸甜甜好開胃重點係完全冇渣而特別焗扇貝粒扇貝雖然幾細粒但個人覺得啲汁先係重點因為竟然係辣辣地，正！呢度無論甜品雪糕同飲品都超多選擇大冬天見到有熱維他奶飲真係好貼心朋友竟然仲有胃口叫晒全部甜品食，但胃口細嘅我只係試左紫薯撻估唔到一啖三種口感，最底個撻底好脆，一啲都唔似擺左好耐甜度適中，用黎總結呢餐真係最好不過啦

連甜品胃都餵飽了的日式放題門庭若市的放題, 因為新年早放架關係, 清曬手上工作就出來食啦。海哲撈同醬炒BB象拔蚌, 都係貪佢小小一碟過下口癮啦, 幾惹味送酒一流架。辣酒煮螺肉質無過老, 有點酒香, 用牙籤挑出來食食食下就食完一碟。大蝦沙律有人食放題都唔ORDER有飯架壽司, 不過有D又真係要配飯先有, 好似鰻魚芝士卷同海膽手卷都要食。細細件唔會話塞飽左, 海膽雖是一小塊,起碼食到甘味唔係苦,侸雞軟骨燒都係串燒中我愛吃, 雞軟骨好爽一口芝士用麵包糠包住塊芝士炸, creamy黃金蝦其實係中菜架鹹蛋黃炒下, 鹹蛋黃要好多同加油, 食佢架鹹甘同蛋黃香, 精華係蝦殼度, 真係拆完殼食完肉, 要沾沾手指上的鹹蛋黃碎。有機番薯仔天婦羅, 平日食開燒架, 炸架又另有一番口感,中心粉糯又甜。窩物個粥有鮑魚好足料，綿綿有薑味汔水、果汁係個雪櫃任取任飲, 仲有啤酒, 種類令人大開眼界。小甜品都幾多款,栗子紫薯撻,葡撻 , NESTLE雪糕同乳酪 ,法式焦糖燉蛋 ,雪條, 女仔見到甜品就算已經好飽, 都忍唔住要乜都試D, D甜品都係一口大小, 做得唔錯。好似個撻皮唔會好厚身, 奶香十足又蛋漿又甜又滑。

一網打盡刺身冷熱肉食新年啦, 同朋友見一見當拜個早年啦, 因為有些又出國玩。約左出旺角食日本放題。 時間530-730兩個小時任食, 收200左右是很合理, 試問菜餐廳都要8,90元一位, 所以出外用膳都會搵飽肚又抵的店啦。習慣是先剔選刺身, 一大盤三文魚、油甘魚、綢魚 甜蝦、珍寶赤海蝦、鮑片、象拔蚌食玩大輪刺身, 就食熱食啦, 今日做左食肉獸, 全部戰鬥力都用來食肉。香草燒紐西蘭羊鞍, 去街市買一件羊鞍都十幾二十元, 把住回本心態食返幾件先。燒完有油膩感, 帶點羊羶味, 冬天食羊補暖呀, 香草就用來調味可蓋過下陣羊羶味。香口架芝麻雞翼同蜜糖雞翼/ ,芝麻雞翼香脫唔油膩,蜜糖雞翼皮焦焦地, 真係好有去BBQ架味道。內疚吃太多肉, 點盤炒什菜先,食肉味濃會像好多飲品, 呢度勁多款汽水啤酒, 好多係出面少有架, 都忍唔住拎左幾款飲。同埋呢度都有好多甜品架, 完美架一餐點可以缺少左甜品, 食返杯雪糕之餘, 佢D蛋糕同撻細細件, 我個胃仲容納到架, 比較推薦係。唔想食雪糕仲有杯裝YOGURT架,對腸道都好呀。

來呢度食最好提前定位，而且有時間限制，不過食完下次肯定仲係會返頭嘅，因為真係抵食又好味！刺身真係正吖！各種海鮮都好好好好新鮮，魚生件件都係魚腩，而且切得好厚好大件，好爽吖！象拔蚌好爽口，北極貝好甜好鮮，甜蝦肉好扎實好鮮甜、、、好好食！！！食完仲可以食住其他嘢在叫多份刺身吖！炸蝦唔錯，外脆裡嫩中間鮮甜，滿滿嘅一啖蝦肉再爽唔過了！天婦羅都推薦要食！如果要叫主食，可以叫龍蝦粥鮑魚粥之類嘅粥，當然各種壽司都几好，不過還是想食D熱嘅嘢，粥就比較好了，熬得很粘稠嘅粥，裡面大大嘅新鮮龍蝦，龍蝦D鮮甜融咗落D粥度，夠曬鮮吖！

因為今日比較忙，lunch 求其食少少野就返公司做野，放工一於食放題補償番lunch 嗰餐~ 位於朗豪坊對面既MPM 文華商場既大灜喜非常受歡迎，門口平日都經常出現人龍，今晚就決定食呢間~ 食物種類有好多選擇，有沙律、刺身、壽司、手卷、炸物、燒物、鍋類、天婦羅、甜品等等，啱哂鍾意食不同款色餸菜既我! 燒物．雞軟骨串雞軟骨入囗"索""索"聲，好脆同好有咬口，燒到啱啱好，一d都唔油膩，用少少海鹽調出雞軟骨既味道。羊鞍醃得幾好味，好有重慶燒既風味，孜然粉味香濃而且有騷味足，喜愛羊既朋友值得一試黃金蝦一望落就知好香口，有時出街食好怕d蝦唔新鮮一咬就有d"梅梅"地，好彩呢個黃金蝦都算爽口，都ok~牛肉鍋個湯底用左燒汁，偏甜少少，不過材料尚算豐富，有牛、菜、金菇...屬清淡之選~芋頭天婦羅天婦羅炸粉薄薄的，好脆同埋絕不油膩，不俗甜品有一個雪櫃任食唔同味道既雪糕、大腳板... 包羅萬有! 任食一個都只係$200 ，非常抵食服務態度很好，而且侍應們做事都很有幹勁，又有效率，讚! 

朋友生日 最好就係食放題 唔洗諗 尤其係係旺角 大家都咁近 方便朋友係唔同區放工 無諗過誤打誤撞都食到一間好嘢 尤其係甜品刺身 其實到到放題 刺身既款式都係差唔多 不過唔係間間都有甜蛋 除咗甜蛋之外 呢間啲刺身都叫幾新鮮 尤其甜蝦 特別好味 叫咗兩三轉😍 壽司 總括嚟講 款式了多 而且啲飯酸甜適中 本人最鍾意就係鰻魚芝士壽司 鰻魚同芝士好夾 成個壽司好有層次 而其他款式嘅壽司都幾好味 令我最有驚喜嘅係甜品 不得不推介 意式奶凍又香又滑 無用咩多餘嘅材料去整 淨係食到淡淡既雲呢拿味同香濃既牛奶味 又軟又滑 口感細膩 食完個個有淡淡既奶味 令你忍唔住一啖又一啖 食得出佢無點落魚膠粉 平時出面甜品店食個啲會用比較多魚膠粉 去保持個形狀 去配合成個甜品造型 但呢個單純係奶凍 用玻璃杯上 所以可以更香軟 法式焦糖燉蛋其實真係估唔到一間放題會有咁好味嘅甜品 法式焦糖燉蛋係凍食嘅 面頭有脆脆嘅焦糖糖衣 燉蛋香濃軟滑 再加上雲呢拿籽既香氣 不得不encore 葡撻相對前面果兩個甜品 葡撻真係好一般 好味嘅葡撻外皮應該酥脆 可惜呢個葡撻上來既時候外皮已經軟林林 令人失望

今日同朋友九點半收工 趕過去旺角 去食十點放題啱啱好 入到去先發現 原來呢間之前食過 不過冇咩印象 可能進步左 今次反而覺得好好味 咁夜去食嘅好處就係少人啲 上野食嘅速度快啲 刺身種類都叫多 仲有我最鍾意食嘅甜蛋😍 真係唔係間間有 啲刺身都叫新鮮 三文魚係薄切 壽司 平時去食放題 太多創意壽司 其實唔啱我 將好多唔同材料配埋一齊 根本食唔出咩味 而呢間放題啲壽司 配搭比較簡單 以下呢幾款係特別好味既 鰻魚芝士壽司鰻魚汁甜甜地好好味 而饅魚又夠大份 飯量唔會太多 放入口第一時間食到嘅鰻魚味 之後陣芝士味就慢慢飄出來 最後鰻魚味同芝士味溶埋一齊 正啊 大瀛喜自家太卷太卷入面有青瓜 黃蘿蔔 蟹柳 甜蛋 口感豐富鮮味 壽司飯軟硬適中 鐵板蒜香一口牛牛柳粒幾乎間間放題都會有 味道大同小異 好唔好就睇佢肉質 不過呢間就麻麻 肉質偏老😑 咬極都未咬完 而味道反而唔錯 甜甜地 牛柳粒上面有啲炸蒜總體來講成間餐廳都幾唔錯 飲品櫃夠多 唔使行咁遠 員工服務態度好 反應又夠快 食宵夜時段 都係$200左右一位 👍🏾

12月約了KAKA生日飯,去大瀛喜食放題,BOOK左5位,8:45飲任3小時,每位218,好抵食呀。因為是12月,有聖誕的佈置,有好多精品賣呀。坐的位置,同平時的放題一樣格局,都是比較擠迫的。放題紙的薄,好精美呀。拿了飲品先。先來一盤刺身,有一束花點綴,要了三文魚、甜蝦、珍寶赤海蝦、鮑片、象拔蚌及貝住等,刺身好新鮮,特別係三文魚,珍寶赤海蝦好大隻,爽口鮮甜,一定encore呀。辣酒煮東風螺,幾好味呀。風味醬炒bb象拔蚌,冇試到。特式焗扇貝,正常水準。海虎蝦天婦羅,味道普通。蜜糖醬燒雞中翼,幾惹味呀。花之戀,小小的一件,太好了,可以試多點卷物,平時因為驚飯太食唔晒唔敢叫呀。櫻花珍寶蝦卷,味道普通。香草燒紐西蘭羊鞍,香口惹味又唔太羶味的,不俗呀。食第二轉刺身,有聖誕花出現,要了多款,有三文魚、甜蝦、珍寶赤海蝦、鮑片、象拔蚌、北寄貝、貝住及鯛魚。海膽手卷,用精緻的手卷架盛裝。小小的手卷,同壽司差唔多份量,海膽不俗呀。鹽燒多春魚,好香口呀。和風柚子汁燒牛仔骨,味道普通。流心一口芝士,熱騰騰入面好多芝士餡幾好味。吉列炸生蠔,正常水準。榴槤炸彈,有好濃的榴槤味,入面是榴槤蓉及年糕,好煙韌呀。紫心香

哩篇野我會將自己食過的所有食物評一下,好食就係好食, 唔好食既都唔會客氣希望可以成為大家落order的參考免費星級海鮮宴1. 辣酒煮東風螺: 唔好食, 無辣味無酒味, 只有唔太新鮮的味2. 大瀛喜鮑魚龍蝦粥: 唔好食, 無海鮮味, 不過有熱野入肚感覺唔錯3. 特式焗扇貝: 一般, 比想像中細隻, 味道普普通通沙律前菜1. 日式枝豆: 唔好食, 一來係凍, 二來雪到無乜豆味2. 泰式酸辣鳳爪: 哩個堅係唔好食, 有陣怪味, 又唔夠凍唔夠辣唔夠酸刺生1. 三文魚: 好味, 有油甘香, 又夠厚切, 又新鮮2. 劍魚腩: 唔好食, 唔夠滑3. 玉子: 一般, 因為唔係新鮮整既, 所以都無乜特別4. 珍寶赤海蝦: 必食, 新鮮, 彈口, 又有蝦頭食, 正!!5. 北寄貝: 好食, 新鮮, 甜美6. 象拔蚌: 唔好食, 有d鯹7. 貝柱: 唔好食, 有d鯹卷物1. 蒜香和牛卷: 一般, 件野整得幾精緻, 可惜塊和牛太簿, 食唔到個味, 反而俾其他材料蓋過左牛肉味手卷1. 海膽手卷: 好味, 幾香甜, 係細件左d壽司1. 黑松露三文魚腩壽司: 一般, 如果鍾意食黑松露的人應該會幾鍾意, 但我厭黑松露

朋友就快要去exchange走之前當然要食餐飯唔知係咪聖誕節臨近同埋呢間既口碑都幾好530個場都幾爆好彩預早book左位開場指定動作，睇下有咩野飲先唔只有野飲，仲有YOGURT任食添刺身上到冰下面放左燈，散出黎既光線帶有浪漫色彩而且用左瀛字冰粒做佈置好特別講返刺身先，三文魚睇下幾大塊色澤光鮮，放落口好香魚甘味虎蝦同甜蝦size都幾大爽口，鮮味 大愛!去到串燒，雞軟骨真係encore再encore燒得香口，而本身已經醃得夠味軟骨唔會燒到乾哂，保留到水份炸物到，芝麻雞翼燒得好靚皮脆肉滑，一唔小心食埋朋友果隻唔緊要拉，再叫多轉芝士年糕芝士味ok,唔算淡而榴槤炸彈簡直係必食味道絕唔似人工水果味味道好似真係食緊真榴槤只係口感變左蓉大版燒都有得食個漿開得幾好，厚身又有啲煙un羊肉我都好鍾意食，所以點會放過羊鞍呢燒得幾香，羊肉都唔UN仲有羊肉專有既"蘇"味辣酒煮東方螺螺肉無沙，呢點已經抵讚肉質都結實，算得上有咬口味道都幾惹味，但只算得上微辣香芒世界*0*上面係椰汁糕下面係芒果布丁仲有星星形既椰果添呢個真係十級好味，食左5杯先走椰汁好香，芒果味都唔人工真心推介

說香港人喜歡吃日本菜，相信沒有人會反對。特別是在限定時段內可以任點任吃不同種類的日本菜式的日式放題，更是極受歡迎，只要稍有口碑，更加是客似雲來，不愁生意。這一夜，忽然想吃日本放題的我，來到這間第一次幫襯的「大瀛喜日本料理」，見到的景象正是如此。這一天，其實我已經是下午五時半左右便已來到，因為之前已經打電話來訂位的關係，所以可以一來到便入座，原先估計時間這麼早，這間日本料理店應該不會太多人吧！誰不知，出乎意料之外，這偌大的店舖內竟然已經差不多全場爆滿，座無虛席，人多得實在誇張！很有理由相信，與這天是星期日和只要在7時半前結帳離開的話，便會有85折有關吧！其實這店子不太好找，地址雖說是奶路臣街，商場的入口其實卻在砵蘭街；登上電梯，進入商場二樓後，又要轉乘專用升降機直上五樓，才能看到需要往下步行十數級樓梯才到達的店舖門口。原來這店子地方一點不小，店子設計與大部分日本放題料理店大同小異，都算有點日本風情。我與太太被安排坐到一張二人桌坐下，桌子不大，在擺放食物之後，更感細小。這兒的點菜紙是放在一本小活頁簿中的，裡面以英文字母 A - F分別代表不同的食品。A是沙律小食、B是刺身、C是卷物與迷你手

📅 25th Dec 2015 📅聖誕放題大餐$178一位（未加一），聖誕節前book檯有85折，早啲去落訂就唔止85，有8折 💰訂金為每位$100環境好有氣氛，員工都好nice幾funny 👍🏼野食方面，特別在有唔同顏色既蝦餃。不過唔係order既，應該係提早book檯而送。另外有炸榴槤，海膽手卷，黑松露三文魚壽司，帆立貝壽司同三文魚籽，鐘意食就記得食多啲 😋 芝麻雞翼同焗扇貝都好好食！亦都有黃金炸蝦 🍤，最鐘意連殼食，不過就唔夠「黃金」，所以麻麻地 👎🏻飲品方面，都有唔同款式揀，連新出既If都有，出面買都貴嫁 💸 椰青水比較淡，葡萄果汁比較甜。飲品唔係主打唔多介紹啦，自己try try 😌如果book檯既話，記得問清楚係咪有咩野食送！因為好多野食係無落order而自動送上嚟，搞到最後好多野食唔哂 😤整體黎講，好似大瀛喜有提供大多放題都無既野食 🍣 所以都唔錯👍🏼👍🏼👍🏼

臨近聖誕,一行二人與朋友到旺角一間號稱《神級放題》的大瀛喜，食5:30開始的晚市放題。我們5:40Pm一進餐廳已經好多人了，近七成滿座，原來差不多所有客人都有book位，好彩今次walkin都有桌比我們，不過下次食千萬要記得book位了。一坐底當然寫完食物再去拿飲品，飲品很多選擇，汔水必然有，還有枝裝果汁先生烏龍茶，乳酸，連椰青水都有，再看旁邊的雪糕雖然是大眾化的雀巢牌，但是有大腳板雪條和市面上少賣的朱古力味牛牛雪條，最令人驚喜有杯裝乳酪供應，切合不同人喜好。拿完飲品坐返位，等了不用五分鐘，首先刺身就到了，三文魚夠新鮮，連蝦刺身都有二款，甜嘏略細但爽身鮮甜，而虎蝦大大隻很結實，象拔蚌必叫，爽身有鮮味，而且師傅連刺身盆邊的裝飾也非常有心思，有閃燈和聖誕花，十分應節。不食魚生的朋友不要緊，這裏亦有幾款熟食海鲜供應，特式焗扇貝，黃金海蝦，炒聖子花枝片等等，而且味道不比餐館遜色，無論生定熟總有一款岩食。當中我最喜歡的便是黃金海蝦，炸得香口，可殼連蛋漿脆脆一同進食。其他食物天婦羅和串燒質數不錯，炸物中有一款榴槤炸彈，若喜歡吃榴槤的人，請你必須點它，簡直會一試愛上，一咬開流出流心的榴槤，非常香甜，