大澳餅店

營業中

休息中

大澳吉慶街的廉價美食真的多，就在「大澳炭燒雞蛋仔叔叔」的斜對面不遠處，就有另外一間受歡迎度或許稍遜，但招牌食品與「大澳炭燒雞蛋仔叔叔」的雞蛋仔同樣美味，不遑多讓的食店 ---- 「大澳餅店」。而這一間外表看來十分普通的街坊餅店的招牌食品，則是自己童年時經常都見餐廳餅店有售，但現在已不多見的「沙翁」。這一天，正當自己和老婆仔兩人在排隊等候雞蛋仔叔叔的雞蛋仔的時候，饞嘴的我其實已經忍不住去不遠處的「大澳餅店」觀看兩位餅店的嬸嬸即炸「沙翁」。到拿到雞蛋仔，並且即時把新鮮熱辣的雞蛋仔一掃而光之後，意猶未盡的我更立即遊說沒有我那麼「為食」的老婆仔即時開始我們的第二輪行動，買個新鮮即炸的「沙翁」一試它的水準。這新鮮炸起的「沙翁」味道確是不俗，炸成金黃色的雞蛋球外層香脆燙熱，內裡鬆軟可口，加上蘸在外層上晶瑩如同白雪的白砂糖，甜甜的味道十分討好，給自己留下深刻的印象。大澳吉慶街的廉價美食真多呢！

今日天氣好好就入大澳走一轉, 入到去見到有人係到炸沙翁, 嘩...正呀, 嗱嗱聲買返個食吓先, 食咗一啖...好好食呀, 熱辣辣又唔會好甜, 好香蛋味, 好正呀. 老實講而家係香港好難揾到沙翁買, 即使有最多都係輕微暖, 唔會有佢咁熱, 熱得嚟又唔會燙咀, 而且仲係睇住佢炸出嚟添, 真係新鮮不過都係賣 $6/個, 係市區點得呀! 所以真係唔可以唔食.

唔食唔知, 今日想寫這篇食評之下才更了解沙翁做法及來源. 沙翁又叫炸蛋球, 係一款油炸既甜食, 用上雞蛋, 油及麵粉混合再炸後加上砂糖係面層.其實有點似西式既DONUT, 食物既野真係中西製法都好相似只不過後期加工之後, 感覺西式既食物變化更大.又係經查看各大食評之後, 第二款必食大澳小食之一. 此店既沙翁真係唔錯, 無論甜度及鬆軟都好適中, 雖然用上油炸, 但食落一點都不覺油膩.炸後既沙翁脹卜卜, 內裡濕度高咬一口感軟綿綿好重蛋香.

本人很少食沙翁，可以說近乎零。沙翁給我的感覺是無空心的冬甩，感覺沒有甚麼特別。一試之下發現味道、口感大不同。冬甩的質感較實，通常麵粉味較蛋味重，再撒上一定分量的砂糖。沙糖跟麵粉發酵後產生的甜分頗為配合，味道吸引。而此店沙翁質感鬆軟，不乾身，蛋味很濃。砂糖份量剛剛好，而且不會有過多油分，感覺並不油膩。沙翁的膨脹度很好，令到沙翁密度不高且鬆軟保留水份。 這證明油溫控制恰當，若果油溫太低﹐沙翁會很吸油。食用後，我發現雖然沙翁跟冬甩用料很相似，不過它們是兩種不同的味道。在很多餅店、咖啡店，我們都能買到冬甩。相反，賣沙翁的店就少之有少。所以，難得在大澳有賣質素高的沙翁，又何況一試呢。

即點即炸既蛋球,炸到一大個, 幾好食。如果可以再碌多少少砂糖喺上面, 應該會仲好味!麵粉有蛋香味, 但食落有少少甘甘地既發粉味。等候時間有點長, 明明已經整好, 但眼見越黎越多人圍埋黎, 順勢讓我們一堆人喺攤位前等, 幫忙吸引其他人食客來光顧。

不少小食檔都集中在吉慶街, 在輪侯雞蛋仔期間, 發現同樣在清單之列的大澳餅店就在對面, 看到炸蛋球($6)即炸即賣, 流量頗高的, 炸起後馬上放到砂糖堆中滾動, 十分香甜誘人。 志在試味, 兩二人共享一個剛好, 色澤金黃討好, 糖上得緊密又均勻, 從外看來, 頗為乾爽, 袋內亦未見油漬處處, 比泰昌的少了一陣油益味, 蛋香反較突出, 來得自然。 外皮吃起來有種鬆化感, 內裡組織卻十分軟綿, 發得不俗, 不像別的完全是硬實的一塊粉糰, , 又帶點濕潤煙韌, 入口香甜。

這日到大澳遊玩，欣賞風景之餘少不了一路找些街坊小食店試試。其中看到這間炸沙翁炸到無停手的小店，一於也買一隻試試支持一下小生意吧。沙翁的質感做得不錯，很鬆而皮脆。新鮮熱辣炸起，其實也不會怎樣難吃到哪裡。值得一吃的大澳小食。

來大澳之前完全沒有PLAN過食沙翁, 因為本人唔係咁好太甜的食物, 而坊間大部分的沙翁都極度超級無敵的甜反而友人卻甚喜歡沙翁,碰巧看見在店鋪門口新鮮即炸,就買了一個來試她試完之後讚不絕口, 叫我試試再下評論一試, 雖然即炸即食,但完全唔覺油膩, 沙糖份量適中,甜度剛好而且食到好香的蛋香味!!!!呢個真係大澳之旅的一大驚喜, 連我呢個唔食沙翁的人都忍唔住買多個獨食,哈哈哈好好味呀!! 再來大澳必定要再食這個!!!!!!!!!!

沙翁本乃尋常之物，就是一個以麵粉及雞蛋搓製的蛋球，再經油炸後灑上沙糖。大澳餅店因為假日人流多，密密做，即炸即食，所以熱辣辣特別好吃。拿上手後急不及待咬一口，雖然即炸即食，但不覺油膩，表面很脆口，裏頭既鬆化而且富蛋香，點點的沙糖為沙翁添上甜味。大家來大澳的話，不妨一試！

一班朋友去行山，行到大澳餓餓地，經過吉慶街，成條食街一樣，檔檔都要排隊。最感興趣就"大澳餅店"的沙翁，即叫即炸。雖然要比小小時間耐心等候，但值得！熱辣辣，外面小小脆內軟，又唔係好甜。而且賣$5一個，咁遠來到，都超值啦！間值10個Like！

食完香妃卷, 在往前走兩檔, 又見到好多人排隊, 是排蛋球.看見母子檔拍住上的親情, 加上新鮮炸起的蛋球, 連砂糖也即時灑上, 二話不說就話要食了! $5個, 我們買了4個share. 問哥仔可否幫我們剪開, 他說他沒有較剪, 但蛋球很鬆, 一搣就能開二.我們看著即刻到手的蛋球的製作過程, 很快就到手了, 新鮮炸起的, 但食落並不燙口, 外面的確很鬆脆, 一搣就開了! 入面的蛋漿軟棉棉又不乾身, 又有很香的蛋香味, 真的是極品! 而且明明看著在油中拿出, 但食起上來一點油膩感覺都無, 真的要用食神中的“好好味呀!”來形容. 我如果再來大澳必定要再食這個!!! 食完這個後肯定覺得泰x 的沙翁簡直天壤之別.大澳真的是天堂呀, 有那麼多的美食! 一定要再來呀!

話說個日去食係紅日..點解我咁遲先寫呢係因為係開飯搵唔到lee間舖頭呀..剛岩見到有人寫食評woo..咁好食隔左成個月都一定要寫番呀~當日好多人呀又排哂隊...多人買到都炸唔切...我地要等...等左大約10分鐘..終於有得食la~~~~~~~好努力咁炸緊....新鮮炸起...正~賣相好靚woo熱辣辣..雖然岩岩炸起都唔會好油..加埋d沙糖一齊食..一咬落去真係好軟熟好好食呀~..市區真係好難食到lee d沙翁...如果有機會入去我一定會再買黎食!!!要排要等都抵la~

在無名炭燒雞蛋仔伯伯檔口對面，有一家大澳(金門)餅店，門面不太起眼，也沒有人龍守候，卻供應現做的沙翁。 沙翁賣 $5 一個，蛋球熱燙的從油鑊取出，再放在舖滿白砂糖的盤子內滾兩滾，製作看似相當簡單。 急不及待的咬一口，沙翁入口尚算鬆化，但略嫌蛋味不太豐富，差一點點，但說到底，新鮮做起的炸物，始終有種令人難以抗拒的吸引力，偶一為之亦無妨！