大滿喜日本料理 (已結業)

搵到新工，緊係要食下好野。好好慶祝。無搵任何資料，同樣地本住一個心態，食邊間梗有吾鐘意既野食，改變睇法自然心情更好。食放題早而有一個心理準備。繼續努力增磅~!我地早早預訂，所以去到自我感覺良好，以為不用等位，怎知道一樣要等，一個字(忍)有人誤認「忍」是消極、懦弱的表現，是自我的壓抑，故凡事皆要爭，絲毫無容忍之心，亦無吃點小虧的雅量，故人事不和、沖突頻繁。其實「忍」是積極的、是豁達的、是有遠見的，有識者才能深切體會到。忍左佢好耐，15分鐘，就入到刺身盤整碟賣相不錯未去到絕對吸睛，就咁睇都幾多嚿魚，嘩！表面上平平無奇的刺身盤，居然用三文魚、希靈魚、油甘魚和帶子等組，成色澤悅人。三文魚不算肥美，不算肥美，咬落厚富彈性，入口算是鮮味甘甜。帶子同樣地吸引我，帆立貝鮮味十足，帶而且嫩汁肉厚。Oh my love my darling~ 仲有其他可以叫。虎蝦咁多樣刺身中最愛呢種。先講SIZE，比較小，深信一試便知龍與鳳。肉眼睇肉身紮實，一口咬下去即感受到鮮甜彈牙的口感及鮮蝦自身的鮮味在口齒間流竄。焗鮮貝好大隻又juice，呢個真係必點的，好好味。牛仔骨這碟牛感覺沒有過人之處，秘製醬料有少少似燒汁味牛

今晚約左班同事食放題，有人提議去大滿喜，話食過覺得好正，叫我地點都要試一次，聽講大滿喜好多人食，好彩我地早去到，等左一陣就有位，坐低就開始揀食物，黎得放題梗係咩都要試，所以我地叫左勁多食物！飲品係自助形式，好多選擇，鍾意拎咩就拎咩炸物好食，金黃色外皮好吸引，特別推介炸榴槤同炸芝士炸得好乾身唔油膩，雖然生緊暗瘡都忍唔住encore左幾次刺身夠凍大蝦刺身口感好彈牙，北寄貝同帶子好鮮甜，三文魚無得輸，好大件，仲要入口即溶，刺身我地都encore左幾次無意中係水吧發現玉子燒，味道好甜，中間夾左蟹柳，好特別好多間放題都有燒菠蘿，但大滿喜呢間的菠蘿又甜又多汁最後食返杯雀巢黑芝麻雪糕做個完美的總結今餐每人只需要二百蚊多啲，真係平靚正呀！！！

今晚同朋友聚舊，相約去旺角創興大廈的大滿喜放題，我地食5點半至7點半第一round，都見到好多食客，好彩事前有訂位！食物選擇眾多，壽司刺身炸物煮物天婦羅燒物一品料理手卷全部都有，岩哂我同班朋友！蒲燒鰻魚估唔到有燒鰻魚食，因為係出面餐廳食鰻魚好貴，普通鰻魚飯都要八十幾蚊，而家可以放題任食真係好抵！而且鰻魚燒得好好，又唔太燶，好食刺身船我地叫左三文魚、帶頭赤蝦、貝柱刺身，刺身船好靚，有乾冰凝造出煙效果，三文魚刺身厚切，非常肥美，赤蝦蝦肉爽甜，好新鮮，貝柱好甜好爽口，大滿喜的刺身好食海膽手卷份量好迷你，食幾舊都唔會太飽，海膽味道甘甜，海水味濃，正天婦羅食放題點少得天婦羅，我地叫左虎蝦、流心芝士、玉子，天婦羅炸得岩岩好，粉漿好薄，虎蝦好大隻，好爽口！流心芝士超正，一咬開真係流出黎！玉子好甜，味道不過不失，大滿喜的天婦羅好有水準最後出左水吧食甜品，有乳酪雪糕，有啲似食緊益力多沙冰，好好味呀！今餐食到勁飽，物超所值呀！

大滿喜的放題，在我印象中是有一定水準的。事隔一年再次光臨，魚生依舊新鮮、上菜速度快、新式食物配搭令人喜出望外。當中，我最喜歡吃大滿喜的手卷。在一般的日式餐廳，我對手卷是沒有好感的，因為大大的手卷材料太少、飯量太多，紫菜不新鮮。但大滿喜的手卷卻是只有兩根手指般的大小，一口便可吃掉，方便之餘材料更是十分足料。另外，當然也有大滿喜自創的新式壽司，芒果壽司、朱古力壽司等等。其他食物的質素也是中上的，這個價位能吃到這種質素，可算是我在香港首推的日式放題。

依家愈黎愈多放題，但係質素非常麻麻，但係大滿喜真係要俾大大個Like佢！其實本人經已食過好多次，不得不推介。刺身選擇多，有帶子有大隻甜蝦經已非常吸引，啲三文魚又肥又厚，order多一兩次都抵番條數！👍 另外羊鞍，芝麻雞翼同焗蠔，帶子真係整得好好味，絕對係必食！最後最最最緊要係食手卷，超迷你手卷仔，食多10條都唔怕濟呀！超正放題！

個日就岩岩考完試，咁緊係要放鬆下，食下放題食盡佢!哈哈首先食放題緊係要叫刺身啦!呢到D刺身真係勁新鮮!兩種蝦都同樣大大隻亦都好鮮甜!三文魚都好肥美，而且都幾大塊下，同埋呢到叫幾多黎幾多，唔會比少左!我就好鍾意呢到既羊架，睇幅圖就知個羊架大大塊，食落去亦都唔會好硬，熟度都岩岩好!仲有唔會有個D SO味，值得一試!呢到既特色就係有一D食物係唔洗寫紙，有個位有野食可以自己出去拎，好似自助餐咁，所以去到既時候好肚餓但唔洗餓住等D野食黎，就好似上面八爪魚個D咁，我覺得就比平時個D辣左DD，但都好開胃，食佢寫紙個D前食一流!平時個D會比面D芝士個D COVER左，其實粒帶子好細，但係呢到唔會，而且唔會太過硬，焗得岩岩好!呢D炸物就可以係出面到拎到，可能佢擺係出面而唔會即叫即整，所以我就覺得冇即整咁好食，不過多春魚就值得一試，佢加左D紫菜碎去炸個多春魚，所以我覺得好香口，亦都冇落到好厚粉呢到既雞翼亦都係必叫既，即刻整出黎所以唔會林晒，仲要好入味，再加上有芝麻係面，真係好好食!同埋有個牛柳粒冇影到!果個真係好好食，唔會太硬，亦都好香口，搞到我又再叫多一次，份量亦都好夠我地兩個人食。最後就緊係要食番D甜

今日同朋友行旺角，一向旺角多野食 搞到我地搵野食同格價都決定左好耐，最後就去左一間可以確保有質素 價錢大概200蚊兩個鍾既日式料理放題可能係閒日食所以好快就有位，一入到去聞到少少腥味 搞到我地覺得環境唔太好 但坐耐左就無乜再留意啦。一黎到見到野食種類都好多，刺身方面好新鮮，三文魚厚切 好多肥膏 好食得黎又有罪惡感哈哈！除左一般食品外，我特別推薦榴槤炸彈同炸紫心丸，叫幾多次都係熱辣辣 好濃榴槤同紫心味，係平時地方都食唔到 對於榴槤迷食完真係一試難忘除左任叫食物 ，仲有自助區，有Yogurt，比起平時食既yogurt更凍同無咁酸 配料有6至8種，好細心仲有奶凍 豆腐花 puff 芒果糯米糍 雪糕櫃有好多種 選擇 好似便利店咁 飲品方面都好多種，估唔到除左普通牌子既汽水，有烏龍茶，樽裝鮮橙汁，仲有唔同果汁紙包飲品。真係覺得大滿喜準備好豐富，200錢蚊一個人實在係超值！所有選擇好全面，值得一試！

琴日同朋友補祝生日 我地就去到大滿喜日式料理放題 入到去 已經有d節奏明快既音樂沿途有好多個waiters同我地打招呼一坐低咁梗係睇下d menu 有超多選擇 刺身 小食 熟食等 咁我比較中意熱食所以揀左肥牛鍋同蟹粥d蟹係長腳蟹腳 好鮮甜 仲要加埋粟米 令成碗粥又甜又鮮 肥牛鍋有雜菜 加埋佢地既湯底 令成個鍋好健康 好清甜 可以係咁飽既一餐中消消滯出面有個小食區 有各式各款既甜品 例如有香蕉冰卷 朱古力餅 馬卡龍除左甜品之外 中間有個沙律區 有好多唔同配料 菜 肉 生果既沙律都有 亦有一系列熟食小食 葡撻 玉子 炸物 見到咁豐富既menu加上自助小食區 覺得208一位實在好滿足大滿意

考完試，緊係要食下好野。尼之前當然搵左啲資料，見到呢間好似不錯，就尼左lu。佢同其他放題有小小唔同，通常啲放題所有野都係用紙叫，或者只係飲品同雪糕自取。但呢道野，部份炸既野呀，雪糕呀，大量甜品呀，小菜呀同小量熟食都係自己去拎。好好囉我肚餓到一個點唔洗等佢就有得食。一開波尼刺身，前後叫左2次。有頭蝦勁爽勁甜，帶子都係勁甜，所有刺身都勁新鮮，勁肥羊架一定要食，熱辣辣，啲肉好林，啲瘦肉混左小小肥肉，一齊食落去真係好正。呢個係抄牛柳粒，啲用好林，好入味，一舊一淡，正。食放題點少得炸蝦，佢咪會有個汁比你點既，但我唔會用。我永遠中意炸蝦點沙津醬肥到一個點但都好味到一個點。佢炸到好透，出面層衣一啲都唔厚，勁脆勁熱，o岩o岩炸出尼既野緊係好食啦。牛舌我好中意牛舌，不過我係中意燒牛舌，呢道無，咁只要食呢隻啦。呢隻既牛舌好林，好似食緊普通牛肉咁海膽手卷海膽好大舊，入面飯就細飯，所有食10個都無問題佢海膽好新鮮，甜甜地，同飯一齊食真係好夾。呢個都係一定要食又係勁辣辣，個汁有小小甜甜地，粒帶子仲要幾大粒，好味炸蠔呢就一般啦，層衣有小小厚。但個芝麻雞翼真係好食到一個點，佢偏咸小小，入面啲肉都勁入味，加埋啲芝麻勁

近來壓力大自然會想食嘢又吾想食到山窮水盡又要食得多結果都係揀放題旺角任食既店舖特別多最愛日本嘢既我當然係揀放題今次就試下創興呢間正所謂心急人上坐低一落單就好似師奶心態甘沖去自取區拎食物有甜品，雪糕，熟食，沙律，飲品雪糕有雀巢系列，亦有斟既雪糕加配料（但好可惜出左去幾次都吾記得左拎）玉子燒同葡撻好令人驚喜玉子燒佢會有蟹柳同普通版蛋香好夠，而且吾會太甜平時嫌太甜既朋友可以試下葡撻有得早拎就早小小拎佢個酥皮好鬆脆好欣賞佢都吾會好甜呢度上菜速度都好快所以B-H既落單紙千其吾好一次過俾哂將枱會連你放隻手既位都冇刺身好肥美，冇冰鮮味三文魚又厚又大塊，食得哂先好叫啊我幾意外佢帶子都好新鮮，吾會冇左本身既鮮甜味次次食放題都會見到好多款蝦揀，當吾知邊隻打邊隻既時候我會樣樣都叫有蝦頭個隻蝦明顯冇用水浸過表層都有佢既鮮甜味有一隻蝦係平時泰國嘢會見到特別在佢連個汁都有埋媲美到泰國店既味道左口魚有好香既魚油味如果可以厚身多d就完美了燒牛肩肉頌正會睇到佢燒到半熟狀態吾會un又有牛油出到嚟劍魚腩如果有一點點紅色就係血位通常都會冇甘好味但呢道一點都冇😋放題冇雞軟骨點叫合格啊佢燒得岩岩好吾會硬海蝦如果有一日係冇殼上就好

晚餐唔知食咩好，於是揀左食放題，多選擇丫嘛 等上菜嘅期間我地已經忍唔住，食住其他野先玉子夠晒厚身有口感，甜度岩岩好 葡撻都幾酥幾鬆脆跟住呢個松露焗帶子我覺得係必食 芝士鋪滿晒個殼，加埋松露同帶子一啖食，好滿足 燒物我地就叫左羊鞍同牛仔骨我特別鍾意牛仔骨個汁，少少甜量唔會過多，配埋牛仔骨好juicy夠味 總括黎講食物好好味，冷氣溫度都適中 上菜速度好快，食緊第一啖好幾碟已經陸陸續續到齊兩個人食兩個鐘可以慢慢食，呢個價都唔錯

潮濕的天氣令到最近整個人都懶洋洋的，做什麼都沒氣沒力，好長時間都沒有打食評了。最近光顧了一間位於旺角的放題，食物的水準令人驚喜，值得推介一下。放題最重要的是刺身，是回本的必需品。刺身最怕吃到還未解凍或者不新鮮的，這裡的刺身無論是份量還是新鮮程度，都不得不大讚一下。最愛的大甜蝦入口飽滿，肉質鮮美甘甜，一個人吃十隻絕對不成問題。還有八爪魚刺身，入口有咬勁，清甜，越咬越滋味。除了蝦刺身外，鹽燒海蝦也是我杯茶。加了鹽燒熟的海鮮，肉質比較結實而且彈牙，帶有微微的蝦鮮味。入口羊騷味比較淡，肉質沒有太多的油脂，香而不膩，吃了一大塊都不覺油膩。燒菠蘿雖然沒有技術可言，但是菠蘿的清甜絕對是每次放題必點食物之一。愛吃油炸類食物的人不可錯過炸雞翼，香脆可口又不會油淋淋，裡面的肉質非常嫩滑，必吃！還有很多食物都好好吃，例如壽司，天婦羅，最後甜品當然不可缺少，選擇多，份量少，可以吃多幾款也不怕，值得再回頭。

成班老友終於難得可以約齊食飯等左好耐啦!!!! 咁耐冇見, 梗係一路食一路傾啦, 於是我地就用慣常聚會地點: 放題。第一次試呢間大滿喜, 睇落個場都好多人。由於我地BOOK左位既關係, 係門口等左約5分鐘就入得去啦。一坐低梗係叫我地最愛既刺身啦!!!呢到既選擇都好多, 我地就叫左幾樣:刺身都好新鮮, 而且唔會話未溶雪而食到一舊舊冰。三文魚十分肥美厚切, 令人愛不惜口....呢到既蝦有3種:甜蝦同赤蝦同埋虎蝦, 前者2款同樣十分鮮味甘甜, 而後虎蝦十分彈牙脆口, 同時滿足到我呢啲愛蝦之人!!!! 帶子味道都十分鮮味, 仲有其他例如希靈魚, 八爪魚, 魷魚, 蛋等等, 都令我地安哥左幾次.....值得一試!!!我地仲叫左卷物, 令我地更加驚喜!!!特別係鰻魚, 肥厚既鰻魚放係微溫既卷物上再加埋濃濃既鰻魚汁, 十分讚!!!!三文魚卷既三文魚腩好厚, 而且好鮮味; 太卷包住唔同既材料仲有三文魚子鋪左係上面, 好味之餘味道亦有好豐富既層次, 令人十分滿足!!!!!除左刺身同壽司卷物, 我地仲叫左海老天婦羅: 外表炸衣好薄, 咬落去仲有係熱熱地, 好好味..... 最後當然唔小得甜品啦.....佢

復活節假期,,無無聊聊,,最好就周圍搵野食.今次就試左大滿喜,,早幾日BK午市有位,$168加一~一去到,唔洗等有位,,4 個人有得坐卡位~開始叫野食,拎野飲,,刺身當然要點三文魚,蝦,青口,螺片,希靈魚,但竟然有我至愛既泰式生蝦,即刻叫返碟 先等左一陣,丫野食到齐,,螺片,希靈魚夠凍,夠新鮮,三文魚係厚切架,但係佢又唔太油!!好食!!  泰色生蝦簡直係我至愛,因為出面平時食一碟都要$100,呢到任叫,真係回本,佢個汁酸酸地,今我好開胃,用黎點蝦簡直PREFECT MATCH再黎第二ROUND,今次叫左海膽手卷,黑松露軟殼蟹卷,燒羊鞍,左口魚壽司,灸燒牛肉壽司,鐵板牛柳粒,凱撒大蝦沙律,不過可惜當日烤元貝,芝士焗帶子冇貨...冇得試... 海膽手卷,黑松露軟殼蟹卷係MINI SIZE,一口洨完 對我黎講岩岩好,黑松露軟殼蟹卷黎到咬落個陣仲係脆,好難得,因為好多都係淋哂.同埋有少少黑松露陣香味燒羊鞍好食,燒得岩岩好,咬落去唔太"SO",因為我怕個陣味..有肉汁流出 左口魚壽司入口即溶,正!好~食完第二ROUND再黎~今次叫左蟹粥,咖喱炒蟹,海鰻炒飯,鹽燒海蝦,芝麻雞翼，炸物，樣樣都係好

個人認為晚市早段十分抵食，因為二送半，即二人同行，送半個，每人$180埋單，任食兩小時：）一開場已十分多人，但入座及上菜速度都很迅速。坐下來很快便有一盆吸引的刺身。這裡刺身特別吸引我，除三文魚厚切外，還因為有帶子，都算大粒。更甚的就是有多款蝦刺身，如：有頭甜蝦，大大隻的。平時細細隻要兩隻入口先有口感，但這裡夠大隻，逐隻食正呀！還有大大隻的紅蝦，也是賣點，不是間間有。款式吸引，都算新鮮，不會霉霉的，但鮮甜就食不到了。另外，天婦羅就只食了海蝦，因為一般，不脆，粉略厚。其他燒羊架、雞軟骨串、炸蠔、燒波蘿、芝麻雞翼都翻叫，因為味道幾好，有脆的，有香的。叫了蟹粥，粥底很綿，很香，幾好！壽司及手卷都是細細的，不會易飽，可多吃不同款式。我更要讚一讚甜品，這裡除牛奶公司的杯杯雪糕及雪條外，還有細細杯的木糠布甸、奶凍、紅豆綠茶糕等等。不太甜，質地很滑，凝固度適中。很好味：）