大滿喜日本料理 (已結業)

同舊同事聚舊……食下飯……揀咗旺角呢間…大滿喜日式放題食…！都有驚喜！！食物種類都算多，亦有多款汽水、果汁、茶類及啤酒供選擇，不得不讚一下，茶類也有提供烏龍茶、玄米茶供選擇 ……刺身…其實唔多地方有我最愛吞拿魚食……呢到就有！仲有大赤蝦…肉厚彈牙！熟食嘅有羊架食……而且燒得剛剛剛剛好……唔老又唔鞋肉！！牛柳粒都唔錯！芝麻雞亦都仲熱住上枱……脆皮好食！冇乜漏單而且出食物都幾快！侍應都好勤力…經常幫手換碟…！值得再食多幾次……價錢抵…食物質素好！

朋友又大一歲拉朋友生日頭痕既又點止係買咩生日禮物連食咩都係一個大問題懶人如我，就當然係揀放題拉一次過滿足各大需求虎蝦天婦羅天婦羅一D都唔厚粉炸得外層幾鬆脆入面既蝦肉彈牙有咬口我地之後仲叫多左ROUND添煮蜆蜆肉唔算大勝在份量搭救湯唔算濃味，唔會好有味精湯既感覺壽司帶子壽司帶子刺身都唔算細雖然分開左一半咁上帶子都幾飽滿有甜味、幾新鮮鰻魚壽司鰻魚配上鰻魚汁都好難出咩差錯保險之選蟹棒壽司蟹棒甜美仲加上芝士點點咸香更惹味北海道牛乳海鮮鍋滾左之後，牛乳香四溢其實都幾足料有2隻大蝦、蜆同埋菜想食D菜健康D就可以選擇呢個鍋

好耐無去食放題， 今日就約朋友去旺角食。朋友提議食大滿喜，佢話試過都唔錯，反而我就第一次試呢間。餐廳位置係創興廣場8樓，就幾就腳。我地食第一輪，估唔到平日都幾多人。個場都幾大有兩邊，一入門口就有個自助取食物既地方，都幾特別，第一次食放題可以自己拎野食。講番食物方面，都係有得寫紙仔落單，都無咩漏單情況，係得燒鰻魚落到最尾都無來到。刺身有一版可以選舉，刺身用個出乾冰既碗裝頗有特色，幾有feel。各款肉質都唔錯，真鯛算較為出色，保留到鮮味。熱食方面，反而有驚喜，蒜頭牛仔骨，同牛油帆立貝我地encore 左兩三次，人氣既芝麻雞翼就油左少少，燒雞翼重好食d,夠肉食又唔太油，燒菠蘿食落好多汁，酸酸甜甜好開胃，翠肉瓜都出奇地燒到入面重有好多汁。甜品就食左榴連炸彈，咬落去好有榴連味，第一次食，感覺幾得意。最後係想提議餐廳提供理紙巾就非常貼心。

朋友生日想食放題慶祝，放題而家真係比以前少食左好多，一來胃細左食唔到太多野，但朋友叫到就試下好野，一上到餐廳就見佢係網上食評拎理獎，就知無簡左。餐廳搞下花臣有得比客人自取食物同飲品。我地就拎左小食，麻辣雞腎辣味好夠，又夠爽口，螺肉同八瓜魚都好大舊，中華沙津都唔錯。刺身都都幾厚肉同新鮮，食落都唔錯，不過只係點左兩輪就無叫，因為熟食更吸引我地。雞軟骨，非常有咬口，送啤酒一流。芝士帆立貝，上面鋪滿芝士又多汁，串燒牛舌，軟硬度剛好，羊鞍一上菜飄散好香既膻味，肉質不錯。蒜味牛肉粒，係今餐最好食之一，蒜味夠，牛肉味重，唔會太硬。炸蝦就有少許失望，體積好細舊，蝦味亦不太出，所以只點左一次，無再試其他。飯後當然來個甜品，餐廳有好多種雪糕選擇，亦有提供乳酪雪糕，可以比人客DIY,但我就無試到，食左個曲奇味mega, 為今餐畫上完美句號。值得一讚係餐廳，飲品不是獨沽一味得汽水，竟然有茶提供，可以比我呢種唔鐘意甜野既人多一個選擇。餐廳做緊優惠，除開每個人唔洗二百蚊，絕對抵食，外面都食唔到呢個價。

今次係我第二次黎呢間大滿喜食就係因為差個朋友一餐飯!今次黎到都冇令我失望!刺身好新鮮而且種類都多選擇,甜蝦好鮮甜,三文魚魚腩好肥美好新鮮甜蝦我極力推介,因為好鮮甜,我連續叫咗六次 (見張圖個盤靜係得甜蝦就知幾吸引!)而且非常爽口再加上鼓油入口會更好帶子爽口鮮甜,食落去好有口感D炸野炸得好脆,而且雞翼好滑榴槤炸彈好脆食落口有種被融化既感覺,而且榴槤味好重,真係好似炸彈咁係口中爆出黎燒鰻魚好食又新鮮,外脆內軟,無腥味同埋入口即融真係好少見有放題會有燒鰻魚食!而且唔會食到有骨!但係呢我就有少少意見既,就係食物數量希望可以黎得準確D而且都希望增設蟹子沙律 (純粹個人口味哈哈)

日本放題是我不二之選，大滿喜日本料理，有各式各樣日本料理，又平又好味，常常其門如市，食物新鮮肥美出色，份量十足，多不勝數的美食，侍應生快手快腳，食物佈滿在卓上，真是食家之福，大吃大喝，滿足而回！首先當然是魚生拼盤，滿滿的海鮮，可口鮮味的生魚片，蝦貝類等，配搭精美，令人口水直流，感覺幸福味蕾！而其壽司種類繁多，使用日本珍珠米配生魚片是特配美味，軟綿滑膩，油魚而生，口控愈嚼越甜美口感！炸物油小脆嫩，人見人食，享受就是這麽簡單！特別介紹是芝麻雞翼及秘製羊胺脾最為滋味肉質彈牙，飽食到胃！日本麵食及沙律到位，新鮮食材又冷熱適中，可口非常！飲料選擇多而糕點都是任飲任吃，真是經濟實惠而又是一餐豐富日本平價料理！

大家今日出去食放題小不免都係刺身,壽司為主,今日為大家分享呢間大滿喜相信大家未食過都應該聽過下,而為咩大家一定要黎試佢黎?我即刻為大家介紹有咩咁特別,其實呢間放題唔係第一次食,旺角放題餐廳亦都非常之多,因為呢間大滿喜次次黎都人山人海,仲次次都有驚喜,一坐底首先就係畫紙落order,種類款式之多都不在話下,刺身點左赤貝,北寄貝,甜蝦等等,壽司方面推介鮮帶子,花之戀同鹽燒三文魚,每款都非常鮮味同大件,至於串燒方面首推一定係羊架!網燒牛仔骨,燒原隻帶子同燒菠蘿,羊架燒到岩岩好,唔會落好多味粉同唔鹽,另外燒帶子非常有水準,醬汗唔會溜,帶子亦非常有口感,其他食物如天婦羅,燒海蝦,燒雞翼都好好味,真係坐咁耐食咁耐,值得一提係餐廳上菜快,唔會嘆慢板,入紙數同出菜數量都好夠數,唔會點10舊黎得4舊至於另一個驚喜係餐廳新增左自助乳酪吧,平時大家出去食一杯閒閒地收你一百幾十仲要就住就住,黎到呢到大家可以一試自己diy 一杯充滿candy 又大大杯既乳酪啦!

話說旺角有好多間日式放題, 大滿喜係其中之一, 亦都係比較好味嘅放題今次係我第十次嚟大滿喜, 發現多左一個自助沙律吧一開始叫咗啲刺身壽司帶子壽司好鮮甜👍其他刺身都好靚跟住叫咗啲炸嘢 有 炸蠔 ,芝士波波,榴槤炸彈蠔好脆 芝士波波,榴槤炸彈 都ok雞軟骨超好食肉質鮮甜跟住叫咗牛肉湯烏冬 啲烏冬好煙靭好滑牛肉味噥最特別嘅就係呢間何入面有個自助 雪糕機 可以自己整一 貝雪糕或者乳酪我自己食咗三大 杯因為真係好好食員工服務態度好收碟速度都快但係辣椒炒蟹就唔多好食冇肉兼冇味

數數手指呢幾年來已經第4次幫襯大滿喜對於間中都會食放題既我 都算係"翻兜"機率最多既一間放題 平心而論大滿喜絕對無因為出左名,做耐左而質素下滑最近又再幫襯 到現場先發現多左個自助專區 有熟食,沙律bar, 甜品, 仲有乳酪+雪糕機 規模十足十 K buffet咁 幾過癮 今次去 刺身多左我最愛既北寄貝非常新鮮 另外榮螺都好爽好甜壽司有好多款式選擇 花之戀 帶子 芝士蝦 火灸三文魚 蟹棒等雖然明知食放題唔應該食咁多壽司 但實在忍唔住 好彩壽司飯唔會好大舊 卷物 味道都唔錯 好多花款為食既我又忍唔住點左好多自助飲品都有好多選擇 有果汁先生飲, 連新既黑維他奶都有得試黃金焗元貝 個醬好好味牛仔骨 味道都唔錯 唔會過熟 合格辣酒煮花螺 味道唔錯 細細粒 幾爽口雞軟骨串燒 燒得好香 好味道放題當然唔小得食燒雞翼甜品好吸引 有芒果糯米糍, tiramisu等最正就係有自助乳酪食明明已經食到好飽但都忍唔住食左勁大杯希望大滿喜可以繼續保持水準啦~~

遇著大滿喜第二位半價，鍾意食放題的朋友嚷著要食，早段時間每人約$170，真的好抵食呀雖然好平，但食物質素好，每樣都唔錯，2小時過得太快，唔多夠喉😅刺身類好新鮮，三文魚肥美，啖啖肉咁、北寄貝好味，爽口、赤蝦好大隻，肉質鮮嫩、油甘魚充滿油脂，正呀！試咗少量壽司，細細件，對於飯桶嘅我叫做有少少米氣落肚，三文魚系列壽司好得，滿足了平時成日想食壽司的感覺。平時食放題好少見到街頭小食，這裡竟然有辣汁花螺，個辣汁真辣，辣中帶香，花螺入味好好食，蘿蔔亦然，浸在辣汁中，淋身兼入味薯粉，好煙煙un un，爽爽地咁，不錯牛油炒雜菇，香噴噴牛油味，加上雜菇，又係食唔停口。羊架煮得剛好，唔會太老而咬唔開，好香羊味，但不腥的個人嚟講好鍾意食甜品部分，tiramisu杯最正，同甜品店食嘅無異👍🏻芝士蛋糕都好食，勝在細細件，食3、4件都唔會漏巨型飲品櫃，太多選擇，連維他奶都有👏🏻👏🏻常見嘅茶類、果汁類都不缺少，只怪肚子太細，乜都想食、想飲😍😍

9:30 PM 入坐的放題時段會有85折優惠，途經旺角見到大滿喜的招牌，希望未FULL BOOKING 吧~餐廳的店面比想像中大，即使到宵夜時段，人客亦十分爆場。巿面有眾多的日式放題，要突圍而出的確甚艱難，大滿喜的策略是配以中、西美點，為放題增值。自助沙律吧美食當前放肆吃前先沙律帶動食慾，菜類達十多種。材料切開的大小恰到好處，就連車厘茄也切一半、蟹棒撕碎，一口一粒不怕出洋相。沙律菜用上幼嫰的菜苗特別爽脆，菜葉邊緣非常翠綠便略知一二。枱面側旁放置着沙律醬，只是沒有標籤味道，憑經驗分辨出是日式沙律醬、油醋、千島醬、凱撒沙律醬。其中一面凍櫃仲有超市賣得貴的乳酪、迷你豆腐花，同各口味的雀巢雪糕。令我十分欣賞的是即製乳酪機/雪糕機︰親眼目睹店員為乳酪機加添牛奶，由食客自行斟滿，餐廳會有棉花糖、脆餅、橡皮糖等配料提供，我則選擇了棉花糖，貪它有軟綿綿的口感，即製乳酪奶味十足，而且帶點點的乳酸味，非常醒胃，強烈推薦!!!刺身及壽司類刺身大約有10-20款選擇︰我們精選了其中的油甘魚，三文魚、帶子、劍魚、刺身蝦等其實大滿喜的刺身做得很出色，絕對比得上尖沙咀區更貴價的放題餐廳，三文魚肥美、油而不膩、鮮味十

壽司刺身，食完再叫到上得快， 其他食物水準佑保持返一年前我食過既味道， 比我既驚喜就係甜品真係多咗好多花款 通常啲食日本放題得兩三樣甜品“”嘩嘩嘩 佢好似食自助餐甘多， 1句話保持水準 埋單 6大一細$1540 。 oK

隨便係旺角食放題選擇都有幾十間，未食勻真係唔知邊間最好。係創興樓下接到傳單，尾場時段有折扣之後唔洗二百，彷似回到五六年前的價錢幾抵食喎入座時間是9：30全場滿座，看裝修同服務是走奢華風格。餐廳佔全層場地好闊，所有梳化位數量比一般放題店多，枱同枱之間亦唔到迫到聽到鄰枱傾計∼放題點單紙包裝到像一本厚schedule，食物分為9大類，偏偏缺少飲品同甜品紙。原來飲品甜品係自助形式於專區自由拎取，更想不到會提供湯水熟食，種類多到唔知食邊樣先進入自助區第一個感覺係呢度已經夠餵飽我沙律除左有常見的羅馬生菜，又有紅葉生菜，水菜，翡翠苗。旁邊係小食，酸辣鳳爪雞腎日式小食，單獨食或者都得為沙律加餸都得。職員refill的次數頗密所以生菜都幾新鮮。人大左注重養生，刺身就唔點太多啦。三文魚油脂融入整塊魚生中，橙白色相間就知有幾香。有頭甜蝦大小如迴轉壽司碟，蝦肉彈牙爽甜。帶子無自己係超市買的貨咁大隻，但有海水味都值得一試。一般食放題魚生件件都差不多味道，大滿屋既超凍，豉油又唔會過鹹非常配合! 食得少而精完全合我心意∼云云中我認為炸物係呢度既招牌 (本人無炸物不歡)炸物靈魂在於外面那薄薄一層的炸粉，濕左凍左粉醬太

一行7人飯聚，真係第一次，從來未試過食到覺得要寫食評，食物極一般，出得慢，漏單情況誇張，催埋單還枱，服務差，總括：不可一，不可再！！一行7人飯聚，真係第一次，從來未試過食到覺得要寫食評，食物極一般，出得慢，漏單情況誇張，催埋單還枱，服務差，總括：不可一，不可再！！

價錢唔算貴 但服務質素都好好 第一次食 都幾超值下 menu款式雖然唔太多 但集中係賣相同味道度 刺身好新鮮好大件 壽司都好好味 值得一讚係迷你海膽手卷 細細件 食多幾件都冇問題！！仲有榴連炸彈 勁香皮脆內軟！正！