大滿喜日本料理 (已結業)

朋友生日，要由朝玩到晚，指定活動係唱🎶🎶🎤🎤同食放題🍣🍲🌽🍟🍤由於近排係咁⛈🌧⛈🌧，揀咗係旺角創興，完全足不出戶，只係轉lift就完成生日大慶祝😁大滿喜成日都好多人排隊，我地校啱時間，唱完剛好就落嚟開餐，早d嚟就唔使咁迫✌🏻️✌🏻芝麻醬凍豆腐沙律菜係雪櫃自己拎，麻醬豆腐好滑、好正，豆腐凍櫃隔離有一大個沙律櫃，八瓜魚、中華沙律、麻辣青瓜、雞腎、螺肉....好多款式薯格+葡式蛋撻薯格仲脆脆地，好味葡式蛋撻，一口一個，唔過甜，撻皮係脆，得！麻辣薯粉本身想食薯粉，所以叫咗👆🏻，估唔到咁麻辣😌太辣我食唔到，但嗜辣嘅友人就勁讚，話又麻又香又辣。我食咗少少無醬嘅薯粉，爽身、有彈力，good ar刺身多達10款揀，全部都新鮮，三文魚夠油脂、北寄背、大蝦都爽甜、油甘魚好味...黃金蝦，必食，足滿咸蛋黃鹹香、炸得香口，推介白汁帶子，個汁整得好美味，如果有個意粉拎嚟撈就正😁辣酒花螺，原來依家放題多元化到連花螺、黃金蝦呢d晚飯小菜都有得食，食客就最有口福呢個花螺，辣，連配菜蘿蔔都入哂辣味，花螺梗係正，索哂味，肉質爽爽的，唔錯。食得太多肉，想食番d蔬菜平衡下🍍🍍🌶🌶🍠🍠燒🍍🍍🍍，好得！未食過放題嘅🍍係咁甜，似係糖

放題都食過好多間，寫食評都係第一次，今次同事請食生日飯，話來哩間試下，個場都算幾旺，好彩事先book佐位，唔駛等。來到第一turn咁係要點刺身喇，但食落D三文魚唔係好新鮮，蝦好腥，反而係個蚌、北極貝同螺好味D所以有叫到第二turn，壽司同炸物都不過不失，但個海膽手卷好腥，馬卡龍甜到，其實仲叫佐好多野但冇影到相今餐飯整體評價三顆星，二百幾放題都係咁上下

今日突然間想食放題，跟住同朋友仔嚟咗呢度食，其實之前都食過兩次，覺得呢度啲嘢好食,今次第三次,果然有驚喜,刺身一如既往幾好食, 之前來嘅時候甜品吧都仲未完成，今次甜品吧已經整好，重有乳酪食，非常開心。呢度嘅嘢食喺邊錯幾好味！不過可能繁忙時間，人真係超多，所以出入行得有啲辛苦！

除左燒羊太熟外，燒物試過哂都唔錯，虎蝦同翠肉瓜都食左好多刺身就正正常常，甜蝦最好味，但有兩種唔記係咩魚，好腥，食完怕怕。燒帶子個汁又幾好味喎炸物都幾好食，特別係芝士同芝麻雞翼，蠔就一炸，唔新鮮，我係榴蓮愛好者，但個炸榴蓮真係好難食壽司方面真係麻麻地，d迷你手卷真係難食，但個花之卷就好味道飲品選擇多泰式鳳爪微辣，岩我呢d唔食得辣既人，個醉雞翼有驚喜，好味道，可惜太飽食左兩隻。甜品方面，係我食過最難食既馬卡龍，真係好難好難食，基本上甜品全部麻麻地，除左獨立包裝既豆腐花同乳酪外，雪糕無試到唔知道。叫左成枱野食，食物快上，好過食宵夜自助餐，有下次

今晚，約了三位朋友19:00聚餐,事前早一日訂了枱，並看過食評話食物OK及攞過獎，中午餐廳職員致電作實Booking，並給了訂枱編號，我們准時19:00到達後還要等，這是美中不足，好在五分鐘後可以進場，坐位寬闊，我們坐下立即點食物，食品種類很多，我們點了很多食物，order後……不用一刻已經送到了，食物新鮮好味，order過食物沒有失單，一小時候已經吃個飽，餘下時間食甜品，想不到甜品種類很多！這次美中不足是吃到80分鐘，餐廳職員不斷吹促你們快點食物及放低埋單牌要你埋單，這種做法很討厭，驚死你們無錢找數！總括食物OK，服務普通！下次都可以再來的！

連續兩晚食放題，但呢間比我既印象真係不太好..同樣book左6點半，同樣早5分鐘上到去,但等到6:45先有得入座，一入口有個飲品櫃，建議拎左野飲先..因為佢啲通道位真係超窄 牛油翠肉瓜 燒牛舌Ps .第三次加單既燒牛舌好似未燒熟就上枱，顏色帶灰白，朋友見咬唔開都唔敢隔硬食        吉列蠔 一口炸芝士甜品吧 款式都有唔少，另外仲有雪糕櫃同乳酪雪糕機可以比客人diy朋友七月生日 餐廳送上蛋糕..不過大家都覺得食落好似食緊冰皮月餅😂海膽手卷..超迷你

原本朋友今晚約咗食打邊爐不過全日都咁鬼熱一出到嚟成班朋友都ban咗呢個Idea成班人企左係創興下面諗左陣最後都係去咗食放題我點左我最喜愛的三文魚三文魚用上厚切的方式完全可以令人感受三文魚果種口厚而且鮮味回甘另外亦有我愛食的凡立貝雖然凡立貝一開二弄成了兩份不過不影響其鮮甜味我每次打孖兩件兩件咁食呢D就食放題過引之處到卷物同壽司花之戀用料上乘而且外型靚爆都十分出色壽司料多而飯團細少可以留肚食多幾款另外他們的紫菜比其他的好唔會太快變淋食到咁上下開始口乾佢地個自助飲品區簡直會令選擇困難的人十分頭痛果汁又有茶類也有不過唔可以飲太多因為要留肚食野

日式放題店就食得多不過開始來來去去都係咁嘅款不過今日食完呢間就真係同其他店唔同啲刺身種類選擇十分之多單單咁睇成張刺身種類選擇起碼有十款除了普通常有的三文魚和油金魚呢度近有比較特別赤貝螺同埋北寄貝呢兩款刺身都係成本比較高嘅估唔到呢間竟然會成為不需要加錢的刺身放題所以我一哎就點咗成台刺身壽司方面都十分特別我尤其喜歡他們的花之戀依然用上魚腩位雖然bb醬左DD不過蟹子個鮮味可以提升返鰻魚的燒汁十分濃厚但不會蓋個鰻魚的特有鮮甜味而且有D腩位係非常爽囗另外最特別呢度就係有一個資助專區餐廳會不定時咁提供一啲特別嘅熟食例如今晚我就見到有泰式蝦給一些炸蝦的款式而且水準都唔會差個其他小菜店而個沙律吧就係我十分喜歡因為好多時去到放題店就會食少左蔬菜但係呢度就可以比我自己配搭自己想食嘅而且選擇亦都十分之多食完今餐之後我已經準備要再encore呢間放題店了

近日真係天氣十分之熱每一條街起碼成33 34度其實每日都差唔多都冇乜胃口不過今日失驚無神好想食炸嘢但係前排先至食嘢韓式炸雞就唔想再食韓國野住所以弗法奇想之下就拉咗朋友去食放題因為貪佢乜都有得食平時去到放題點第一樣叫極都係刺身今日我就完全同傳統返轉晒因為我係本食物menu中間嗰頁嘅咋物開始叫起叫咗芝麻雞翼 炸紫薯波波 炸芝士年糕 榴槤炸彈全部無一倖免俾我點哂不過我朋友依然跟返傳統就係點刺身先天氣太熱關係都不會減少我對刺身都十分之瘋狂見到啲三文魚油金魚帶子同埋甜蝦我個瘋狂喪食mode要開動了三文魚竟然揼本咁用上了魚腩部份魚腩部分好肥美入口魚油出晒嚟甜蝦個size十分大而且爽口非常尤其個蝦頭入面充滿晒蝦膏淨係食個蝦頭都十分之滿足跟住就有我最鍾意食嘅炸物了芝麻雞翼大大隻而且啱啱炸起咬落隻雞翼啖啖肉但係又唔會肥淋淋我一食就好似上咗癮咁連續啪左六隻另外嗰個榴槤炸彈都十分之瘋狂真係每咬一口成浸榴槤味就喺口入邊爆炸可能食得太多今餐都係食咗炸物刺身同埋甜品就差唔多舉手投降了

父親節！食好西，食放題！一入去招呼都OK， 好多人手帶位同提你點野食要寫台號，服務唔錯啊～食放題第一件事梗係急點刺身拚盤，見到隔離檯甜蝦同油甘魚都好靚仔，即叫！可惜我對生蝦有敏感，只能睇住爸爸媽媽食啦...兩個都話甜蝦好大驚喜！好好味！好鮮甜。然後身為三文魚控，當然必點三文魚，三文魚刺身厚切，魚的紋理分明，不過雪味稍微多了一點，但在桌上也成為搶手貨啦！另外仲有油甘魚，有一種魚油香味留在喉嚨，好正！油甘魚的雪味不大，覺得值得再安哥！炸物方面，吉列蠔炸得岩岩好，吉列蝦就稍微覺得炸粉厚左D仲有牛利都煮得好入味，好「林」，經常自稱「無牙」的母親大人都大讚！蟹粥很入味，食到一條條蟹肉，（可能係蟹柳絲掛...麵粉做果D），但口感絕對好好，粥很稠，絕對唔會hea你～燒菠蘿最怕乾爭爭，呢到燒得剛剛好，一咬落去就有熱熱得波羅汁飛出來！好鮮甜，好新鮮！另外值得一提，就係呢個超迷你手卷！食放題最怕就係大件，叫少少就飽曬，呢個做法，我好鍾意，更加能夠減少浪費食物的機會！讚！ 

因為今天要見客朝頭早係公司度飲咗一杯咖啡之後食落去都成四點幾五點都冇食過野去到下晝五點幾時候終於見完客客人竟然話不如一齊食埋晚飯我肚餓都咁一聽到之後梗係讚好啦佢竟然選擇左我最鍾意嘅日式放題啱啱好呢間餐廳入職時間是五點半原來個客同我一樣都係成朝冇食過野所以我哋兩個一坐低就瘋狂咁點野食我哋直頭好似分工合作咁佢負責點熟食而我負責點刺身及壽司刺身方面當然樣樣都要叫啦三文魚 劍魚腩 油金魚呢啲梗係必點嘅刺身魚類款款都十分新鮮而且充滿鮮甜味甜蝦就大大隻而且肉質十分彈牙熟食方面天婦羅全部新鮮炸起肯定係必叫件件天婦羅都係熱辣辣的而且外面炸粉唔會厚一上枱已經俾我哋差唔多十分鐘就掃晒成碟另外有個自助區都係十分抵讚直情好似去到酒店嘅自助餐咁我可以自己整自己想食嘅沙律吧而且個雪櫃十分凍因為最怕其他店嗰啲雪櫃咁雪櫃唔夠凍連啲沙律菜都霉霉地咁呢一間就完全冇問題短短兩個鐘就完全可以補充番我成日冇食過野嘅胃空間滿足滿足

超正既放題！朋友介紹呢間唔錯，性價比高。一入到門口，侍應就用日文同你講“歡迎光臨”，服務態度都唔錯。由於我地3人book左5:30-7:30，就可以享受優惠（買2送半），既系埋單唔使600文，所以都算抵食。.. 入到去，梗系去自助區攞左想食既野，攞左幾個葡撻，葡撻吾系熱辣辣，但勝在夠迷你，食完都唔覺，可以食其他嘢！跟手就攞左八爪魚同螺肉，味道就同壽司店買到果d差唔多！. 坐翻埋位，就開始叫野食，因為未齊人，所以就叫左幾塊三文魚同其他刺身。三文魚系厚切，食落冇怪味！真系唔錯！最最最值得推介幾就系“榴蓮炸彈”，d榴蓮蓉真系好香，好似爆漿咁樣爆出黎，真系好好食！，於是encore左3次！真系好好食。 總括而言，炸野、刺身值得推介！

返shift最開心是就到一班朋友一齊放工然後一同去食飯⋯今日異常地早地去食放題。旺角附近多放題食就眾所週知⋯但要有質素就可能少之又少⋯由於我們食早場17:30-19:30，價錢大概$200就可以任食了⋯有各款不同的選擇紙另外設有自取部分⋯其實都幾驚喜！沒想到自取的食物都有很多選擇！飲品種類有很多⋯而且單支如果在便利店買其實都幾貴，這部分也挺欣賞的。一看這個位置⋯不說是日式放題⋯我還以為自己去了食自助餐！沙津及小食吧: 正常開餐前食個小食，日式泰式都有，而且幾新鮮！口味可以自己調搭，我的自家製沙律是生菜、青瓜絲、蟹柳絲、粟米、車厘茄配合日式胡麻醬！好好味！返回主菜⋯少不了的刺身！超讚！很新鮮！三文魚好肥味而且厚切⋯不得了！甜蝦又大隻又鮮甜⋯所以要一叫再叫！總括每款刺身都很高質素⋯所有都值得一試喔！卷物: 食放題都比較少食壽司⋯因為怕食飯會填飽個肚，所以只叫了這客芝士軟殼蟹卷⋯味道還不錯，芝士味可以再濃一點更好。炸物/天婦羅: 最最最值得推介的是榴連炸彈和流心芝士天婦羅。首先本人是個榴連控！如果你不是的話⋯你不會明白到底有多好食，哈哈！外皮比較厚但重點在裡面的榴連蓉⋯暖暖的非常濃郁，一咬味

旺角放題真係好多間,今日班同事就帶左我黎食呢一間放題,佢地話質素好好而且價錢都唔算好貴!刺身真係好新鮮, 我個人就覺得甜蝦, 三文魚同赤貝都好正!最緊要係無好重既雪味!因為大家都太興奮相都影唔切...一上枱唔洗30秒就KO晒D刺身...牛舌超級好味牛味香, 燒得剛剛好, 又唔會過火!海膽手卷都好正, 細細舊, 食幾舊都唔會覺得好飽呢三舊都係我KO晒!飲品種類真係好多, 企係雪櫃前都企左成分鐘, 因為款款都好想試!總括...由食物,飲品到甜品我都覺我非常滿意同事真係無介紹錯,睇黎呢到真係可以變做我地成班同事飯眾既好地方!一定會再黎食!建議一家要訂座因為真係全場滿座..而且重有好多好多人等位

今日約左一班朋友黎到食放題真係好滿足開心既一晚呢間放題既食物種類都算多~有幾樣真係要推介一下首選係我既最愛榴槤炸蛋一咬開,榴槤蓉即刻流出黎 榴槤味好香! 一口氣忍唔住食左三粒第二推介就是炸芝士球同榴槤炸彈一樣一咬開,芝士即刻流出黎(記住熱食, 凍左口感同味道都無咁好)呢到既刺身都好新鮮, 特別係三文魚!真係要叫完一ROUND再一ROUND!!食到好飽好飽,,,先知道原來有一個自助甜品區哇, 裡面好多種類既甜品都有...多到講唔晒女人麻....甜品又有另外一個胃!見到乳酪雪糕我即刻雙眼發光..哈(因為平時出面太貴唔捨得食)呢到除左任食...配料都係任你加!非常滿足!一定會再幫襯!!