大渣哥茶記 (已結業)

又到新年 🧧 今年嘅新年有啲唔一樣, 市況淡靜, 大家都唔敢似往年咁四圍出街拜年 😐 喺咁嘅情況唯有盡量搵啲比較安心嘅食肆食嘢 😌 最鍾意試新餐廳嘅男朋友今日提議過九龍灣, 試新開張嘅大渣哥! 😍一到埗睇見嘅又係長長嘅人龍... 不過排得好快, 40分鐘左右已經入到去😌一般茶記應該有嘅食物都齊, 啲名都改得好有心機同創意😏呢間野好似好標榜自己啲鮮牛肉 🤔男朋友叫咗份迷你乾炒鮮牛河, 我就叫咗份黑牛黑麵餐, 一於試吓佢啲🐮係咪真材實料! 我份黑牛黑麵到咗, 收嗲鮮牛肉配通粉, 用上鮮牛肉係真係好食好多, 有少少後悔冇叫公仔麵 👉🏻👈🏻 丹麥多士配煎雙蛋, 火腿, 忘記咗叫太陽蛋 杯奶茶亦都收貨侍應服務勤快, 有禮貌, 餐廳亦都乾淨, 最緊要食客食得放心!

🥢九龍灣層於真正香港人的茶記🥢當今日政府實施禁止公眾地方多過四人的眾集，對於小店來講真係有雪上加霜，雖然不主張出街食，但有時迫不得已都要搵間餐廳醫肚，所以都會小心選擇一間衛生良好的真香港人餐廳食下，所以今日都特別去支持下🥢這間茶記成為香港最安全的餐廳，全因只接待本地香港人，安全第一，雖然要排隊，餐廳安排得好好，每檯排隊人士都會保持1.5 米距離，而排隊時有店員量度體溫之外，仲需要提供香港身份證，保證一定係香港人，長袖衣服的客人需要檢查衫袖，睇睇有無檢疫手帶，絕對安全第一🥢入到店時店員提醒如果唔食野時或食完後請保持戴返口罩，保持衛生，進店後覺得裝修光猛又乾淨，每張檯客人都有保持1.5米距離，而且不會安排唔識的打對面坐，又一安心位🥢黑牛黑麵 $50收嗲鮮牛肉公仔麵丹麥多士炒蛋 熱啡先試丹麥多士，食落好鬆脆，牛油味勁重，是千層多士feel 好正，炒蛋好滑身，蛋味香濃，沙嗲牛肉麵的牛肉好新鮮有牛味，唔係平時茶記的那爛晒牛肉，公仔麵的軟硬剛剛好，成個餐都好啱口味🥢午餐A $58 凍飲+$3秘製威士忌火焰牛肋肉飯牛肋肉軟淋好食，感覺有點似食牛腩飯，而且份量夠曬大，一

第一， 入門口檢查身份證，完全係唔正確的，只係睇下你有冇身份證， 並不是睇你是否香港人。第二， 早餐叫咗個黑牛黑面加雙蛋， 沙嗲牛肉真係幾好食， 不過有少少過鹹同埋唔係好夠熱， 丹麥多士幾好味，不過都係唔夠熱，嗌咗杯凍奶茶少奶， 顏色唔錯不過冇茶味， 不過都幾大杯。第三， 員工態度不過不失， 有啲員工好有禮貌有啲員工串串貢， 未坐低就同你講對面可能有人坐。 有啲座位打曬交叉唔畀人坐，但係卡位就可以坐喺對面有啲唔明白。最後， 到時值得一試的茶記。

<check id. 度温度先入得既大渣哥>😂九龍灣好少經過 今日終於有機會試下大渣哥 個環境真係幾大 😆 正常茶餐廳佈局 因為肺炎關係 所以入門前 一定要量體温 check下有冇藍色手帶 防 d自私 L, 仲要睇下你有冇 hk id, 防乜野人大家明白既😂大家心照知邊 d數據唔信得過啦 冇腦先信架即 食店 同平時多元化既茶記差唔多 常餐 碟頭飯 小炒 . 平心而論佢既優素 係好過 average未到超正， staff有禮 黎菜快， 所以整體 係值得食既 👍🏻🍴麻婆豆腐火腩飯56 蚊🐷🍚上枱大慨6分鐘， 以我4點幾呢 d時候點 佢黎得算快 碟飯都算幾大碟 飯粒正常口感 最緊要熱 佢既醬汁 係麻婆豆腐汁 口感比較黏稠 佢既辣唔多， 比較多係胡椒同麻子既麻味 比較濃 所以一定要撈飯😀 醬汁中規中舉 但要讚下豆腐大細適中 十分滑 撈飯夠哂正 再加上切得大細適中男人既浪漫 其實就好難輸 一啖將飯 豆腐同 火腩一齊食 都幾正 🔥🍴打躉常餐 b 48 蚊丹麥多士 🍞鮮牛肉公仔麵 炒蛋🥚多士夠厚身 帶 d甜同牛油香 夠香脆 👍🏻 炒蛋夠蛋香差甘 d滑 但都中上 火腿🐷 好

已經有好多年無走入茶餐廳食飯，因為啲野通常都好肥膩又太大份。今次經過九龍灣攞蛋糕，順便去試依間新開既「大渣哥」！依間野黃到癡線，仲講明只做香港人生意。入門口前有店員先幫你量體溫同核對身份症，確保入面唔係手足都係香港人。喺咁既肺炎時期，真係比左好大安心。下午５點半去到，店內未坐滿（有空位擺下袋），仲有下午茶餐供應。但我都係想食下啲佬飯😂咁啱當日比朋友去左食光榮既蔥油雞扒飯，比佢燒到我都想食。蔥油雞扒煎蛋飯（跟餐飲） $63癡左線，我真係唔知雞扒飯原來可以咁好食😭😭😭佢個雞扒係外脆內嫩，真係脆到個皮咬落有聲果隻，嫩滑既雞肉加埋啲皮脂黏黏糯糯咁，正到傻！隻蛋流心，啲米乾爽好食，樽秘製鼓油簡直世界級，入口甘香濃、有層次，仲任你加！杯茶幾好飲，飲得出個茶底唔錯。不過啲檸檬好多，篤左幾下都幾酸。聞到枱離杯啡幾香，下次試下咖啡先。本身心諗死喇都唔知食唔食得曬。結果食下食下，實在太惹味，竟然比我爬曬成碟飯，不得了不得了。雖然係茶記，但用餐環境衛生又舒服，啲夥計又好有禮貌同注重清潔，成餐食得好舒服　茶記既味道，五星級既享受

💛 大渣哥茶記 💛..............................大渣哥茶記未開張嘅時候已經好想去試😍但因為想支持多啲其他小店 所以一直都無去🥺咁啱我地去開九龍灣 咁梗係唔會放過呢個機會啦🤩.🔅6.9呼籲大家遊行🔅6.12 罷巿🔅捐錢去612基金、星火..............................～鮮茄焗豬扒飯 $66。送 凍($3)/熱飲.焗飯底係炒底 但啲蛋食得出唔係蛋水 蛋味好濃個茄汁唔會好杰撻撻 啱啱好 比較偏甜🍅豬扒係有骨豬扒 但已經幫你切好一嚿嚿同埋整到好腍 唔會係又老又乾咁 食落好Juicy🤤但對👦🏻嚟講就唔係好夠鹹 不過都幾好食嘅！.～黑牛黑麵餐 $50。丹麥多士 + 煎雙蛋/炒蛋/反蛋 +凍($3)/熱飲.主角係收嗲牛肉麵🍜渣哥改啲名又幾搞笑公仔麵唔會淥到腍晒 食落幾爽口沙嗲汁有陣花生味 食落都幾香牛肉食得出係新鮮牛肉 好彈牙😋炒蛋好香蛋味同牛油嘅味🥚🍳但最驚喜嘅係個丹麥多士 超香牛油味👧🏻平時唔會食包 嗌親常餐都會走包但呢個真係好食到忍唔住問有無得單嗌😂好可惜譚小環答我地無😢佢真係好靚呀 畀佢拒絕我心息🤤.提提大家 入餐廳前要量體溫同sho

每日無論係lunch time定夜晚都長期排長龍 但其實無想像中排咁耐 大約等15分鐘check埋身分證同量體溫就入得 同埋好快有野食！收檯既店員仲同我講唔該😛無疑係間有禮貌既茶記---------------------------黑牛黑麵 （11:00前 $42 ｜11:00後 $50)聽講大渣哥啲沙嗲牛醬係秘製 緊係要試下有咩唔同🤪好明顯顏色比一般既沙嗲牛深色 沙嗲味飄香 鮮牛肉醃得入味 易咬得黎不失彈性 堅係好味喎😍跟配既烘丹麥多士搽滿牛油 好邪惡但咁重牛油香真係好難抵抗 不過可能係一早整好放喺到 稍嫌唔夠熱 感覺唔夠酥脆😐同埋炒蛋唔算嫩滑 可改善😛熱奶茶茶底夠濃 入口順滑 整體不過不失

良心食店食物唔錯，鮮茄牛肉飯，其他茶記一般都係炒兩下就上碟，啲蕃茄仲係生嘅，雖然蕃茄生都食得，但食飯就緊係炒淋少少好食啲啦，呢度就炒得啱啱好夠淋又有咬口，牛肉亦醃得好淋又夠味，厚薄適中，茄汁甜酸味亦啱啱好，合晒我口味，西多士就普普通通，麵包中間搽左粗粒花生醬口感唔錯，西多夠厚但唔夠軟熟，邊位有少少硬，有改善空間，咖啡就ok嘅，本來想叫埋個碗仔翅試下，但無奈實在太飽要下次再試，餐牌幾多選擇，良心食店要多多支持。

大渣哥仲裝修緊嘅時候已經同同事好期待，終於等到佢開嘅時候集齊同路人先可以去食😂lunch係排隊等好耐，所以要試嘅朋友要早少少去會幫你量體溫同睇你有冇香港身份證先可以入去員工都好有禮貌😊見到餐牌啲用字都幾搞笑同舟共濟，淨飲雙計😂叫咗個意粉食，老實講味道就一般啦😂奶茶就唔錯嘅有一次就食咗佢最出名嘅黑牛粉麵幾好味但有有少少咸最好食係個包，好鬆軟好香牛油味整體來講食物就覺得可以再好啲，尤其是有啲都唔夠熱希望老闆可以再接再厲😊同舟人誓相隨

港姐譚小環嘅渣哥最近進軍茶餐廳行列，選址九龍灣，既然咁近我，一於過嚟睇吓掂唔掂。星期日嘅下午四點幾，嚟到門口，嘩，仲排隊嘅，乜真係旺成咁？原來係排隊探熱check埋身分證先俾入，寸成咁都咁好生意，或者勝在夠黃啦！主餐牌都係密密麻麻嘅大路嘢，同一般嘅茶餐廳差唔多。另外就有應該係屬於廚師推介嘅早午茶晚市餐牌，都係睇呢張清晰好多。而以下嘅餐牌就改咗啲得意啲嘅名，見到個黑牛黑麵咁過癮個名咁似我就諗住叫嚟試吓，點知佢竟然話賣晒結果就叫咗個豬扒出前一丁常餐，炒蛋炒得算幾滑，多士用上丹麥多士，豬扒醃得好夠味，亦都好淋又冇筋，非常啱我口味另外叫咗個炸雞髀薯條茶餐，隻髀都幾大隻，不過我就嫌隻炸雞髀炸得over咗，食落已經冇哂肉汁，仲好乾好硬，食完之後係覺得口腔入面有啲痛嗰種感覺總括嚟講大渣哥食物質素一般啦，下次都係去試其他新嘢喇！

渣哥作為其中一個推動黃色經濟圈💛既始祖，近月開張機大渣哥茶記當然要去支持一下🙌🏻🙌🏻位於九龍灣工廠區，應該都係主攻打工仔～3點幾去到估唔到都有人龍😅😅真係唔可以睇少手足既力量～防疫措施做足，check足身分證同埋探熱，保障顧客同員工👍🏻每次去茶餐廳或者冰室我都一定會試茶餐，火腿通粉加炒蛋配丹麥麵包🍞炒蛋正常，丹麥麵包作為gimmick唔算最突出，沙爹公仔麵係水準之上，可惜通粉煮得太耐只有麵團感覺，而且熱奶茶唔夠滑。 可以純做醫肚或者支持同路人之選🙈

Kowloon Bay 九龍灣 • 大渣哥茶記📍九龍灣常悅道21號The Eastmark地舖真正屬於香港人的茶餐廳✨入座前請出示身份證😀鐘意大渣哥茶記夠黃，所以出篇食評先👍🏼Xo醬叉燒蔥花滑蛋飯 $56Xo 醬好惹味，第一次見叉燒滑蛋飯可以加xo醬，好特別，叉燒、滑蛋同飯的份量十足，味道正正常常，好飽肚！👅 味道：🌟🌟🌟👀 環境：🌟🌟🌟👩🏼‍🍳 服務：🌟🌟🌟💰 抵食：🌟🌟🌟

假日忽然想食茶餐廳，即刻去大渣哥試下!!!去到有10幾個人排緊隊，但係排左20幾分鐘就入到座，人流好快。入座之前有專人度體溫，無發燒先可以入店。店鋪大，有好多位，有專人負責分配位置。坐底叫餐伙記好快手，Meun改名睇得出苟左好多心機，例如：「自由西餐」，「食物衛生焗」，香港人睇完都會回心微笑一下。我點左黑牛黑麵 ($50)，即係沙爹牛肉麵，一黎到已經聞到好香，食落麵質雖然軟左少少，但味道係香港久違既味道，我覺得香港人一定要黎渣哥到食番個陣味，跟餐仲有煎蛋火腿同丹麥多士。另外叫左一個牛肋肉飯 ($58)，肉質好稔，醬汁好味，飯既軟硬度適中，絕對係可以一試既茶餐廳!

一行二人 晚上9點 見門口沒有人排隊 就走入去試下, 期間要量體溫和出示 身份證（無問到到點解）, 然後見到餐牌都好多嘢食 叫咗個 蔥油 豬扒 煎蛋飯 後來嚟咗個雞扒 算啦都砌咗 ，味道就一般啦我覺得佢唔夠熱， 加一杯茶走 就有啲失望 首先用膠杯 加上啲茶唔夠熱 後來魚香茄子煲 就相反好熱上枱仲咋咋聲㖭 好香鹹魚味 加埋杯凍檸茶， 因為我們去的時候已經 是last order 服務感良好

大渣哥都開左一段時間，成日想去食，都係因為條隊排到好長而放棄。 好好彩今日12點幾去到唔洗排隊，即刻可以入座XO醬叉燒蔥花滑蛋飯 HK$56勁多XO醬，滑蛋做得唔錯，而叉燒數量都尚算多，成個配搭都好夾好香口，只係飯有小小硬身。整體份量都多老香港洋蔥豬扒飯 HK$56豬扒都大件厚身，大件夾抵食，醬汁多，撈飯一流大渣哥整體黎講，環境闊落，卡位都算多。 呢段時間入去食飯，所有人都要探熱量體溫，而staff個個都好有禮貌