大渣哥茶記 (已結業)

良心食店食物唔錯，鮮茄牛肉飯，其他茶記一般都係炒兩下就上碟，啲蕃茄仲係生嘅，雖然蕃茄生都食得，但食飯就緊係炒淋少少好食啲啦，呢度就炒得啱啱好夠淋又有咬口，牛肉亦醃得好淋又夠味，厚薄適中，茄汁甜酸味亦啱啱好，合晒我口味，西多士就普普通通，麵包中間搽左粗粒花生醬口感唔錯，西多夠厚但唔夠軟熟，邊位有少少硬，有改善空間，咖啡就ok嘅，本來想叫埋個碗仔翅試下，但無奈實在太飽要下次再試，餐牌幾多選擇，良心食店要多多支持。