大渣哥茶記 (已結業)

呢間絕對堪稱最黃食店之一最出名原因係真港姐小環姐姐有份開一直係排隊店，由小食店變茶餐廳都好受香港人歡迎武漢肺炎期間少咗人出街，排隊人的確少咗，但仍然係一間排隊店抗疫期間，小店好遵守限聚令+有好充足嘅抗疫措施1. 門口排隊四人一組2. 堅持只招待香港人3. 用紅外線感應器為客人量度體溫4. 要求客人涉高衫袖，確保無戴有隔離令嘅手帶5. 每張枱本身有1.5米距離6. 全部枱限坐4人7. 餐具由侍應遞上，唔擺餐枱8. 提供消毒洗手液室內有幾分懷舊色彩，加上crossover現代風格幾特別燈光充足，有空間感餐牌好有本土香港味，部分菜式名幾有創意好似All Day Breakfast叫柯Day壁佛士香滑奶茶係招牌嚟，我叫茶走都一樣入口有好香濃茶味香濃，奶味好夠，所以好滑溜自由西餐有豬/牛/雞任揀，可配飯/意粉/薯菜意粉好爽口彈牙，同普通茶記啲意粉唔同唔會隨便兜埋就算，嗰種軟淋淋意粉食到都怕可揀唔同醬汁同一款配料煎蛋絕對值得叫，雞蛋要煎到好靚先可蛋黃同蛋白完整分離幻彩詠西多勁吸睛！表面加上彩虹朱古力碎，顏色鮮艷改良自法蘭西多士同樣炸得好金黃色，上面有塊牛油將彩虹朱古力碎灑喺法蘭西多士上面淋上我自選

有冇人同我一樣鍾意食沙爹牛但又唔想食麵次次去茶記都心思思要點蛋治🥪俾我發現左原來有個滿足我要求的選擇黑沙爹牛炒蛋三文治烘底 | $48價錢係偏貴但原來有足一份公司三文治的份量沙爹牛肉同滑滑炒蛋比例係一比一❗️呢度的沙爹牛出名超香濃配炒蛋一流仲要冇湯溝淡所以味道比黑牛黑麵更濃唯獨係沙爹醬同蛋都係濕的餡料所以即使厚多本身烘至金黃脆身都變腍了建議佢上碟時打直放會令麵包保持部分脆感熱奶茶要散叫係有點唔抵 但食完個正正蛋治一定要飲埋杯香滑奶茶先至完美😌

大渣哥茶記，屬於真香港人既茶餐廳！去得大渣哥就預左要排下隊，不過唔算要等好耐，餐廳算大，大家食完都好快走，而且職員好貼心咁為你送上雨傘☂️幾曬☀️都唔怕👍🏻👍🏻👍🏻點左招牌常餐黑牛黑麵🍜$52即刻沙嗲牛肉（應該係建牛）公仔麵，我覺得重口味左少少，偏咸。丹麥多士🍞呢個要讚一讚好好味，夠鬆脆💯乾炒鮮牛肉河$43不過不失，牛肉係幾好味，有獲氣，又唔會因為下午茶而比少D料你，不過偏油，但我估食得炒牛河就預左肥🐷🐷另記，服務態度好好，一讚☺️👍🏻上菜都好快，唔會因為多人要等好耐！

放四日長假前，同同事嘆個靚早餐之前食過一次，要人齊及check 身分證証明香港人先可進入🤗我揀咗早餐B：鮮牛肉通粉配炒滑蛋加丹麥多士！因為之前下午來過食常餐見到同事嘅炒蛋好正，所以特登叫炒蛋試吓係咪咁好食先🤔炒蛋份量好足，真係有2隻蛋咁多，炒得又香又滑，沒有過熟值得一讚另外，丹麥多士好好味，因為落左好厚牛油加上丹麥包一層疊一層口感，香脆可口，食完充滿罪惡感老實說，牛肉通都唔差，牛肉份量同質素都可以。以$40 一個早餐來說係偏貴，但值得一試

💛朝聖黃到金大渣哥黃到金檸水?已經係2月個陣去仲未有1.5米限制
之前成日會收工去細渣哥篤魚蛋燒賣😋
係九龍灣返工嘅我知道開大渣哥真係超級興奮
2月剛開時真係好多人排隊😱
好喜歡店內懷舊嘅裝修細節
當日渣哥仲好nice行過黎問我地野食O唔OK
我好中意個上湯腿蓉娃娃菜好多蒜子🧄
椒鹽豬扒同蔥油雞翼飯都不錯
不過唔食澱粉嘅我聽到男友評價啲飯乾左少少價錢晚市茶記嚟講唔算平 但點都會支持💪🏻
疫情關係依加仲有特選午市外賣8折 
.🍖大渣小炒: 椒鹽豬扒 跟湯,飯,飲品 $81
🥬加上湯腿蓉娃娃菜 $20
🍗蔥油雙雞全翼煎蛋飯 $66
.📍大渣哥茶記九龍灣常悅道21號The Eastmark地舖

作為新晉冒起嘅港式茶餐廳，大渣哥無論市場營銷定係食物上都十分「足料」，絕對可以理解食店外大排長龍嘅原因。今次首嘗大渣哥，晚餐時段亦叫咗兩個非常港式風味嘅套餐，希望試下是否一如坊間形容嘅質素。蔥油雞扒煎蛋飯 － 凍奶茶以賣相嚟講，絕對比起一般茶記要出色，而且店內燈火通明，非常適宜打卡之用。雞扒煎炸得金黃香脆，亦唔會過於油膩，質素的確唔錯。而蔥油份量都好足夠，送飯一流。反而凍奶茶就有點平平無其，但亦算中上質素。黑椒汁牛扒薯菜扒餐喺茶記一般都未必能夠擔任主角之位，而今次我哋試嘅黑椒汁牛扒薯菜正正係令人有點失望嘅原因。黑椒汁同薯菜對比普通茶餐廳並未有太大突破，而牛扒嘅煙韌程度係超越Well Done同Good Job嘅水平。本身牛扒質素其實唔差，食落亦有牛味，但作為扒餐嘅主角，都有一定嘅進步空間。味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️

朱古力西多士好多地方都有得食，的的但係加上七彩繽紛嘅朱古力西多士就應該得呢度先至有得食 。碟西多士一嚟到嘅時候已經覺得外觀望落去好靚，IG able，香噴噴，再加上上面塊牛油形成咗絕配。成件事好地道、好香港。然後朋友亦都叫咗一個炸大雞髀拼碗仔翅。炸大雞髀真係好大份，食完之後個朋友都飽左，炸雞髀最緊要係個調味做得好，不過個人認為雞肉就硬左少少 ，可以再juicy 啲，口感部份就扣咗啲分 。碗仔翅我覺得做得一般，有少少烹濃左既味。整體不過不失，性價比一般，但值得一試。

呢排係外賣主打，今天收到同事一張外賣單張，有幾款，雖然唔多，但都可以揀到，即管試吓佢！ 我揀咗豉椒排骨飯，女友揀餐肉火腿雙蛋飯。首先唔講好唔好食，拎到返公司，女友一打開個飯⋯⋯😑😑😑 我啲豉油呢😫😫😫 真係想咸！知唔知呢個豉油汁完全係呢個飯嘅靈魂嚟㗎，點解咁都可以漏咗😤😤😤 我寧願你唔記得放個啲唔新鮮嘅沙律菜啦！亦都唔需要😕😕😕 總之就激死啦！外賣總是有風險！！因為無咗豉油汁，食嘅時候都無心機feel佢好唔好食，但佢塊餐肉係煎得好靚嘅⋯⋯跟住呢個豉椒排骨飯，正常啦，折左50蚊有杯飲品都可以嘅，啲排骨就麻麻㗎喇，個汁就漿漿哋⋯⋯個汁味好正常

一行4人Lunch時間慕名前來！友人Order蔥油豬扒飯！蔥油飯基本上係穩守突擊另一友人Order西炒飯！比我地話佢Order個甘簡單既餐女友Order麻婆豆腐火腩飯！都係有汁有肉，送飯一流我Order 餓底A 威士忌牛肋肉意！一坐低已經比個名吸住—————落完單，除口罩！個蔥油豬扒飯已經擺左響台面！會唔會快得濟？都係一如預期，無咩特別之後就係餓底A空降！夠汁夠味但嫌唔夠熱！有些少名過於實既感覺！可能比個名嚇親，先入為主！之後到西炒飯！呢個有驚喜！雖然用料普通，但夠熱大碟好食！最後麻婆豆腐火腩飯都黎埋！無乜特別！都係正常茶記質素！餐飲叫左凍奶茶，都係正常茶記質素————餐廳員工好有禮貌！響外面排隊果時好詳細解釋點解要排隊！大日頭下派發雨傘遮陽👍🏼👍🏼👍🏼餐牌超多款式，雖然全部都渣哥推介😂無錯...係全部！有好多款都想試，特別係見到隔離飯香😌「點解好似人地叫果d都好正咁既？」

九龍灣商業區內開咗大渣哥茶記，當然要去一試啦！我點咗一份雞翼拼碗仔翅(碗仔翅係佢招牌小食其中之一），料足好味，配上美祿暴龍特飲🦖，冰粒上加一層美祿粉濃郁可口，飲完人都心情好啲💯👍👍👍

呢日嘅夜晚同girlfriend食大渣哥支持一下黃色經濟圈 喺門口check體溫同身分證嘅任何一角 令我更清楚知道裏面係無中國人 可以食得更安心😊由於佢餐牌選擇太多…我哋揀左10分鐘先諗到😹叫左一個乾炒牛河同闊佬炒飯😆😆就咁望入去已經見到好足料🤤🤤🤤有超多牛係入面 唔似其他茶記得兩三塊喺入面😧😧牛河好有鑊氣 夠香同夠乾👍🏼👍🏼一定要趁熱食！！！！！而後面個闊佬炒飯就似燴飯咁 上面係仲汁 撈勻左佢食 調味適中 令人食完一啖就想食第二啖停唔到😂😂 侍應嘅服務都好好 有禮貌 會覆單 好服務👍🏼

當初得知渣哥開分店，仲要係堂食嘅茶記，真係好替佢高興。今日專程嚟九龍灣朝聖。餐牌有好多食物嘅選擇，諗住睇吓邊款係渣哥推介，點知全部都有like，玩嘢咩。有時想試吓餐廳嘅食物好唔好食，就會喺唔同嘅茶餐廳嗌同一樣食物，咁就可以比較到高下。多士幾香幾脆，炒滑蛋冇令我失望，好滑好creamy，有番咁上下質素。XO醬叉燒蔥花滑蛋飯，甜豉油會另上。呢個就普普通通，第一眼見到就覺得個滑蛋煮得太熟，瘦叉燒食落去口感都唔錯，蔥花略嫌唔夠多，不過，配埋XO醬同豉油一齊食，都幾唔錯。跟餐嗌左杯熱奶茶，係典型香港茶餐廳嘅味道，奶茶好滑，茶味好濃。整體來說，食物質素都唔錯，只係個滑蛋飯嘅滑蛋差少少。大渣哥新開張大排長龍，晏晝嚟排隊都排左半個鐘，想食就要預啱時間嚟幫襯啦！

夜晚830後先到，仲有得入去食！本身以為自己已經遲不過原來仲有好多人係差唔多九點先入座。服務生嘅態度很好，對於一間茶餐廳來講係非常之難得。講返食物，我地本身好鍾意食茶餐廳常餐，今次叫咗豬扒通粉同埋黑牛意粉，一個要煎蛋一個要炒蛋。佢常餐個麵包係丹麥多士，輕輕烘過，脆脆地好好食。雞蛋火腿就正正常常，黑牛意粉沙嗲味濃郁，啱晒啲鍾意味濃嘅朋友，值得一提嘅係牛肉好份量較一般茶餐廳多，亦更入味。我個豬扒通粉相對之下會清淡一啲不過都好好食😌佢嘅位置其實係德福戲院嗰邊落左邊天橋，之後直行轉右就到，唔使過馬路。尚算方便。

見到OpenRice 咁多人有負評，為咗求真相，決定今日衝去試試。這段非常疫情期間，為咗確保每個食客都可以安心用餐，入去茶餐廳之前，店員都會先探食客體溫，同時要檢查確保係「真」香港人先入得去。今日本人好好彩，沒有像傳聞中要排長龍，人流唔算多，唔洗排隊就可以順利安排入座。我叫左份最出名嘅黑牛黑麵餐，即是沙嗲牛肉麵。炒蛋夠滑唔會好多油，沙嗲牛肉麵沙嗲醬夠濃，牛肉又唔乾唔韌，凍檸茶又夠大杯，少冰就係真少冰，絕無投訴。

想黎大渣哥好耐次次行過都太太太多人排隊冇辦法一定要幫襯一下防疫很好 會檢查有冇手帶人士會量體溫排隊的也要遵守1.5米的距離限制入到餐廳有足夠嘅膠版同隔離枱隔開非常安全 另外食物未到亦會建議食客帶上口罩防疫工作做得很好一睇餐牌好多好多野食揀價錢與一般茶記差太多今次試呢個常餐配答喜歡佢以丹麥多士代替多士或厚多士 即使熱度失去口感仍能保持 下次再試大渣哥其他菜式😉野飲方面有好多選擇奶茶同紅豆冰有好多款揀下次再分享