大渣哥茶記 (已結業)

一直要排長隊的大渣哥茶記，剛巧今日星期六早上十點幾去到唔算太多人排，終於可以一嘗啦！提提大家入座前先要show身份證證明自己真係香港人泥架！同埋基於疫症關係，每個人也需要探一探熱以確保自己及其他人安全，然後就係必須人齊先可以入座。鮮牛肉通粉牛肉肉質滑嫩，不過就唔係好食到牛味，反而食到美極味？通粉嘅份量比較多。另外配左太陽蛋、丹麥多士。太陽蛋偏生，蛋白都仲未凝固。香煎雞通粉男朋友就揀左雞扒，煎得幾香口，雞肉入口都嫩滑，比牛肉通有誠意。唔知有冇人認同大渣哥嘅炒蛋，無論味道同口感都好似ｍ記！！員工服務態度有禮，唯食物質素有進步的空間，香港人加油。

大渣哥咁出名點可以唔試？！前幾日我就特登去左食，初頭喺ＭＡＰ　ＳＥＡＲＣＨ大渣哥都搵唔到地址ｈａｈａ要ｓｅａｒｃｈ　ｅａｓｔｍａｒｋ～我地２個人去，大約１點幾左右，都仲係好旺場！不過可能我地人少少，都好快有位ｗｏ！等左大約１０分鐘左右，前面排隊既人都係３位ｕｐ，所以職員有２位檯就比左我地先～ｌｕｃｋｙ～我叫左個黑牛黑麵！我見佢好出名，個麵煮得好彈，完全唔會因為拎到出黎就無晒曲曲麵既樣，正！！個餐仲有配個ｄａｎｉｓｈ　ｔｏａｓｔ，個面黃黃地咁，ｔｏａｓｔ皮好鬆化，正正正！！仲有個炒滑蛋加火腿，炒蛋係偏水個種，炒得幾靚！！要多多支持高質餐廳！

大渣哥就係公司附近 睇住佢哋裝修 至開業 裝修期間 圍板貼上不反為通知書 哈哈 好有創意平時放工經過一定有條隊今日放工見到條隊唔係好長 星期天下午茶時間 一於試試 係唔係不反胃先量完體溫 睇完身份證 等咗一分鐘就有位 菜式的名字好有創意 好棧鬼叫咗個出名嘅全日套餐 黑牛黑面試試即沙爹牛肉米粉 都ok呀 丹麥多士幾好食香港味的裝修 也算是寬敞 也光猛和開揚 坐得都舒服服務質素也很好 隔離枱點咗杯青檸檸檬可樂 睇落去唔錯喎 呢餐的確不反胃 下次去會試下個小炒

在九龍灣商貿區要搵一間乾淨企理 的茶餐廳是比較困難，這間店舖最近是新開的，甚有名氣，所以專程前來幫襯，星期六早上不太多人，這裡早餐選擇甚多，正常茶餐廳價錢，五香肉丁米粉份量足夠，炒蛋及丹麥多士也有水準，店員有禮貌兼反應快速，地方乾淨清潔，地點也非常就腳。在現今疫情的環境下，市民消費是不能停止的，否則經濟便難有起色，所以我要繼續為食，繼續搜尋好嘢正嘢，推介一些值得去嘗試的食店，盡一點綿力，香港未來的希望。

撐港人！撐渣哥！大渣哥茶記。渣哥就人人都識。佢哋開嘅茶記，大渣哥喺九龍灣開咗啦！今日就特登去幫襯，撐渣哥！幻彩詠西多 ($30)。首先聽個名都知係向本地某燒錢嘅晚間節目致敬😂 即炸西多配上凍冰冰牛油，冰火交融。加上朱古力醬，簡直將下午茶西多推高咗幾個層次！西多切開入邊係粗粒花生醬，特別有咬口！提提你: 記得帶身分證啊！

因為今天可以早點吃午飯，所以便可以到這長期長龍的新開茶記開了。因為人氣充足，又深受人們愛戴，所以一直都是長龍不斷。要在短時間完成的午飯時段來幫襯，真的不易。既然是茶記，就來一份茶餐吧。經期的叉燒意粉，質素不錯。意粉軟硬適中，好吃。叉燒瘦得來不會硬，很易入口，而且甜甜的口味很喜歡。配上的當然也是經典的煎蛋、火腿及牛油多士。特別喜歡這裡的多士，很有特色。包上有很多孔，讓牛油很易滲入。加上是由廚師預先搽好，不怕因為牛油太硬而不平均的問題。但一個敗筆是火腿，是完全凍的，沒有烹煮過的。在吃了其他熱食後，又在沒有預期的情況下吃了這凍火腿真是有點驚奇。能夠稍稍的烹煮會是更佳。

星期日下午時段排咗大概5-10分鐘，都唔算耐🧏🏻‍♀️，會量體溫🤒️，堂食客人都唔需要太過擔心🤘🏻·蔥油🐔扒煎蛋飯 $63(轉炒蛋)推薦指數：★ ★ ★ ☆ ☆炒蛋好滑嫩，雞扒煎至金黃色，塊皮炸到幾脆口，肉質細嫩唔鞋口😋，甜豉油成支比你倒到夠為止，岩晒我呢啲汁撈飯嘅人。不過如果與光榮對比🆚，覺得光榮較為出色😛·乾炒鮮牛 $65推薦指數：★ ★ ★ ☆ ☆河粉軟硬適中，口感爽口，炒到條條分明，牛肉嫩口，整體來講唔算太油膩，亦未話好出色·西多士 $26推薦指數：★ ★ ★ ★ ☆呢個厚切西多士係後加嘅😛😛，所謂隔嚟飯香，見到隔嚟檯order咗都真係吸引到我😋；價錢嚟講都唔算貴，真正嘅「厚多士」，外皮酥酥脆脆，麵包鬆軟，空氣感十足‼️

我終於去到太渣哥度食飯啦雖然門口都仲係有排隊不過好快就可以入座排緊隊嘅時候需要量體溫同埋睇下你係咪有香港身份證聽講佢嘅黑牛沙嗲係最好味嘅所以一定要試平時我會食通粉今次呢就試下公仔麵丹麥多士充滿牛油香 酥脆沙嗲味超濃的確係好味嘅奶茶 很balance 同期望一致可以做飯堂喇

今日去左megabox睇戲，睇完就去食左個早dinner(6點😂）其實九龍灣都多野食，今次就揀左大渣哥...入門之前店員會check check身分證，睇下係米香港人...呢樣野真係霸氣坐底左要做咩，你話呢餐牌就同平時d menu差不多，我見好耐無食過港式扒餐，所以揀左個雜扒食...仲有餐包同餐湯飲主角到了：份量絕對夠食....薯條，紫薯（比較少見）...一雞一豬扒同腸仔....好豐富...味道方面就正常水準啦....唯獨杯奶茶比較淡，多水味....總括而言，呢間都值得食既，專做港人生意

今日諗住支持一下，冒住中肺炎嘅風險，特地坐咗幾個站巴士過嚟，點知…等入場唔算多人，大概10分鐘左右已經入到去。叫咗午A，秘製威士忌火焰牛肋肉飯同鮮茄焗豬排飯…牛肋肉飯先上，算熱辣辣，牛肋肉份量多，汁撈埋飯幾好…過咗大概幾分鐘，焗豬排飯到，阿姐千叮萬囑小心熱，好窩心。諗住牛肋肉飯幾好，對焗豬排飯有多少期待，點知…先試茄汁炒飯底，唔錯，燙囗嘅…跟住到豬排，出事了…我唔介意豬排比較熟，咬落去有榨，起碼都叫做係豬排，但佢呢塊應該歸類為受生化武器摧毀過嘅豬屍…我完完全全感受到鬆肉粉之類嘅嘢衝擊緊我嘅味蕾，有咁嘅用餐經驗，真可謂死而無憾…

一間以香港人為服務對象嘅茶記💪🏻係公司附近開咗咁耐終於有機會去試一試一如既往都係要排隊嘅排隊期間會幫你量體溫同埋check身分證全部都係自己人就食得安心啲啦😎講真食物質素就普普通通都係一般茶餐廳可能係啱啱開嘅關係都會有漏單或者上菜慢嘅情況暫時會選擇支持其他黃店🙈

平日大家排長龍、今日趁星期日中午一人前往果然星天沒有大排長龍、門口姐姐安排左我坐一長大枱十分之擠迫、當我起身想走時姐姐即刻再安排我坐二人卡位、值得俾like👍🏻但失望😞叫了一份豬扒公仔麵茶饗、公仔麵十分之咸、奶茶冇茶味😟最後唯有將滾水倒落去吃埋個麵吾好浪費😁

星期五收工後，與三五知己，行去此餐廳，約25分鐘，到了門口已有人排隊等候，要等齊人才可進入用膳。叫咗4道菜，有飯有湯，中湯味道不錯，沒有味精，低溫麻辣雞唔辣，唔食辣嘅朋友，可以試下！

只招待香港人嘅餐廳，作為香港人又係街坊weeken咪幫襯下囉，但係真心覺得要改善食物質數，唔好只係識攪門面野。價錢唔係平，但味道連一般談不上。早餐叫左腸仔公仔麵比一條腸咁大把，湯底又冇味，難食。牛油丹麥多士又油又硬一d都唔鬆啲化。難食。另外有叫牛肉公仔麵唔記得個名叫乜，我老公都係話難食杯奶茶又唔好飮，見到個仔份雞扒早餐又係食唔晒，問佢佢都係話唔好食冇味道三個人120蚊茶記，我真係冇諗過質數可以差到咁。

今日去開九龍灣，諗起有新餐廳，不如去試下，不過預左好多人排隊,  結果真係T0T... 下午2點幾去到, 目測有7,80人排緊. 但唔緊要, 照排! 如果真係好怕排隊既朋友, 可以考慮之後先黎！大約3點半多D終於入坐, 即刻睇下MENU有咩食, 呢個時候有下午茶, 有飯有麵, 我地2個人叫左2個黑牛麵餐(即係沙爹牛肉麵) , 再加炸焗雞翼薯條!佢上菜效率真係超快.唔駛10分鐘, 碗麵好大碗, 好足料, D沙爹牛肉好明顯係自己調味. 超惹味! 之後再上埋個腿蛋配丹麥包, 平時出面D餐廳只係配方包. 呢度好DUM本... 竟然係配呢隻包... 真心充滿牛油香, 10個讚!!! 好好食!! 而雞翼... 冇影相添...但都係熱辣辣出爐, 不過薯條就爭D, 而且份量少左D, 可以更好!不過可能鋪出邊D去水位. 仲未處理好. 鋪內外都有蚊滋... 聽到D STAFF話已經搵緊食環處處理,  希望盡快可以解決呢個問題... !!