大榮華酒樓

營業中

休息中

到元朗食晚飯屋企人最愛到大榮華。大榮華的晚飯小菜水準很高， 而且一點也不貴，每份只是80多元。 晚飯小菜每個月都會更新， 每次都會試到新款式。你請我哋點咗四個小菜。 第一個是煎蠔餅。 蠔仔很大隻， 蠔餅恆香蛋味。 但因為太好味， 一上菜就畀屋企人夾曬， 面相都影唔切，哈！第二個是茄子牛仔骨煲。 這次牛仔骨煲不是太鹹， 帶點甜美， 牛仔骨煮得很腍，茄子也吸收了醬汁的味道， 加上用鐵鍋上菜， 食到最後也是暖暖的，正！第三個是侍應介紹的拔絲咕嚕肉。 因為醬汁加入咗蜜糖， 所以夾起時 醬汁會好像一絲絲。 雖然醬汁鋪滿醬油， 但咕嚕肉外面仍然是脆， 味道和口感都很好。 咕嚕肉的配菜不是菠蘿， 而是桃，很特別。第四個是芥菜胡椒排骨煲。看似清淡，但胡椒湯底很濃。芥菜和排骨都滲入了胡椒味，正。今次我哋加咗糯米包半份（四個）。 糯米包是即叫即蒸， 所以咬落去好軟熟。 炒過的糯米飯很香， 估不到今日最好食居然是這個。還有一款小食， 鮑汁炆鴨掌（＄38）， 因為鴨掌和冬菇都很入味， 是我媽媽最愛。吃晚飯還會附送甜品， 可以選擇紅豆沙或紫米露， 通常我們都是點紅豆沙。 今日的紅豆沙畀之前冇咁好， 不夠沙， 但

連獲多年一級米芝蓮的餐廳 名不虛傳的圍頭菜元朗大榮華 自不然就想起梁文韜(韜哥)這生招牌孤陋寡聞的我 到很後期我才知道 原來這家與街常見的是同一品牌 是否同一老板就不得而知？點了一個12人圍頭餐 (需提前預訂)薑汁冰肉燒鳳肝肥豬腩肉加鳳肝本來就感到十分肥膩 但配以蝴蝶包夾在一起食 反而恰到好處 減少肥膩感 加上燒鳳肝非常入味 真是想一試再試翡翠碧肉卷鳳凰蟹肉炒長遠一碟炒長遠 原來背後比喻 “家人之間的感情永遠維繫，不會磨滅。”梅醬燒一字排好多時外邊食的一字排 骨比肉多 但這個一字排是口口肉 加上梅醬 令人十分開胃!頭抽浸大米鴨鴨的油脂不多 用頭抽浸非常惹味！ 鴨肉亦非常鮮嫩！韮菜花沙葛炒魚青絲苗缽仔飯豬油撈飯是整個餐的亮點 大家都説豬油撈飯是舊時窮人的恩物 但這些古早恩物又有幾多人識整奶黃馬拉糕除了以上 亦不得不推介未有影相的蒜香金沙焗生蝦瓦罉濃湯雞煲翅焗蝦金黄色 蝦殼脆鹹蛋味濃 雞煲翅雞湯味濃郁 擔擔翅總括，一個12人餐當時16個人食 都要打包！後話: 當日有幸見到韜哥 他説他們師傅零晨三點就開店準備 所以點心都是自家製 非國內送來 對食物質素有要求 不敢抵讚 圍餐午市晚市同價 當日

打電話去book位，講完時間就話冇得book,之後問多句都唔得就cut你線，咁我當然想打多次去問清楚，一通問左句，佢已經唔耐煩答五點晚市，最遲六點，一定要齊人先入得，之後我覆返佢講嘅嘢佢又話唔係，態度極度惡劣。我再問返佢點解cut我線,佢話忙，乜忙就可以咁嘅態度對待客人咩，問多句都唔得。奉勸各位去食嘅朋友要諗清楚，未食已經受氣，你要諗下食嗰時會點。

今天約了媽媽係元朗飲早茶，媽媽提議去「大榮華酒樓」好啦！懷舊一下急不及待品嚐😍進入酒樓環境，感覺樸實，門口有侍應安排座位，要搭枱的。我和媽媽點了四樣不同點心，一籠糯米包、一籠淮山餃、一碟煎炸腐皮卷、一碗豬腳薑醋糯米包- 酒樓都好少見到有這道點心，餡料豐富，食落糯米軟硬度剛剛好淮山餃-食落味道清淡爽口👍煎炸腐皮卷-皮簿，內𥚃是豐富的豬肉👍豬腳薑醋-這個是媽媽喜歡吃，熱騰騰的豬腳夠淋，薑吃落沒有渣，醋味很濃郁好好味😋

總店事隔十年後第二次再嚟(九龍灣店也有去過)，我們叫了四餸一湯一甜品。例湯係粉葛赤小豆排骨湯，味道夠濃又清甜，好飲，唯一係湯可以再熱啲，排骨太碎，但已經好得。圍頭五味雞 ，雞非常入味夠晒嫩滑而很多汁，但係偏肥，皮下脂肪都幾多，而且毛仲拔唔乾淨，係好食但賣相要注意一下。化皮乳豬件，乳豬皮夠鬆化，都是偏肥，皮下脂肪很厚，但份量不算太多。馬拉盞通菜鮮魷，味道夠晒香濃，啱晒重口味朋友，即叫即炒上碟時非常熱，通菜份量算多，鮮魷又夠長，食到一半依然熱辣辣，值得一讚。順德欖角骨，哩個係等得耐少少，但上碟熱辣辣一定係即整，味道香脆軟滑，還有很多蜜糖，所以非常野味，配飯一絕，下次嚟可再encore, 推介王。豬油撈飯，豬油好香燒豬味，同出面啲豬油撈飯唔同，零捨香濃而唔覺肥膩，再配佢地自己出嘅頭抽，直頭係perfect match ^ ^ 😋😀👍奶黃馬拉糕，叫了半份，即叫即蒸，椰汁味非常香濃，馬拉糕亦很軟綿綿，必食推介。總捨嚟講比上一次嚟進步了，絕對有下次 ^ ^ 😋😀👍

國內朋友來港，西式早餐怕他們吃不習慣，飲茶是最佳之選吧！元朗的大榮華，晚飯的豬油撈飯十分出名，點心就未試過，所以當天就決定前往！！！中式的招牌！十一點的時間，不用等位！都是選擇番平日食的點心！奶黃馬拉糕必選，每一層都塗上奶黃，不會比傳統的馬拉糕太過單調，而且太乾！喜歡食甜點的我，蓮蓉包夠分量吧！😓原來要夠$350先可以碌咭，真的要注意，剛好身上沒現金，要朋友先付了！

難得今日大榮華唔洗等位👀重要星期日！可能落雨關係同要睇總決賽，冇咩人食😱圍村菜唔便宜，想食豬油撈飯就會想起！金銀蛋肉碎菠菜。上湯清甜不油，只係皮蛋同鹹蛋份量偏小，相比下蒜子重要多，肉碎過份多，肉碎多數都係肥肉👎黎到大榮華一定要食豬油飯，砵仔飯+豬油。飯加入豬油同豉油以經好香👍圍頭五味雞。雞好嫩滑，汁好入味，半碟份量都唔少👍用黎送飯一流😋燒鵝，份量也不少。鵝本身有加料去燒，不會淡而冇味。只係鵝皮不脆，同肉有點太難咬👎菠蘿生炒骨。呢邊都有糖漿嘅痕跡 ，肉的大小相若，肉嫩有口感，唔會覺得難嚼，醋度剛剛好。小朋友喜歡食👍圍村雞蛋煎豪餅。豪餅一點都唔脆口，雖然好大件但好油，想睇見豪仔都難，好像食煎香蔥雞蛋餅👎黑椒鹹豬手煲。賣相好靚仔，豬手肉好淋身。但味道唔夠黑椒味，好淡👎最後叫咗甜品奶黃馬拉糕，好香唔會太甜軟棉棉。一人一舊剛剛好👍

呢間酒樓，執鬼左佢啦星期日，諗住去飲下茶開心下。 一上到去，全部侍應都係圍埋傾計，叫我可以搭枱，但叫我自己搵，都唔緊要，本人都唔係俾人招呼開。但見到全部空枱都係寫留座，終於頂唔順走左⋯⋯⋯垃圾⋯⋯⋯服務零水準，漠視尊貴食客上至經理，下至侍應全部該炒

今晚飯後意見 : 每次主要為了豬油飯跟奶黃馬拉糕而去，其中一樣也變垃圾，可以不要再去元朗大榮華食飯1. 柚子蜜香骨，全肥膏，經理態度敷衍，話所有入既貨一律都係咁，換左都差不多(即意思只會都係肥膏一碟)，京都骨，沙拉骨，甚麼骨會是這樣，最後退貨取消2. 招牌奶黃馬拉糕，聞落，食落都一陣類似酒的氣味，經理態度照舊敷衍，只講26籠一樣，話無人投訴，堅持無問題，唔會有態度去查咩事。屋企人話算數不取消，而避免有機會食到肚痾，整籠馬拉糕就這樣只食了一點點，被迫浪費了。

難得同朋友試下香港獨有嘅圍村菜，點味唔會好濃，因為要食返食物本身嘅鮮味，真係一試愛上！懷舊點心愈食愈滋味！好耐冇見嘅糯米包香軟煙韌;榮華臘腸卷嘅臘腸爆晒汁，唔油有咬口;3層馬拉糕又鬆又彈口;大包真係名符其實又大又多料；牛肉球放耐咗都唔會出水；素餃幾爽口！全部點心都非常足料！（HKD24~3x不等）小菜都一樣出色！蟹肉炒長遠嘅炒絲好爽身;蒸芋泥好滑，但蝦肉好彈牙，餸飯一流！臘腸炒芥蘭有啲媽媽嘅味道；圍頭五味雞一定要食，醃得好入味，成餐飯真係食唔停口！（HKD90/例）美咪指數：9.5/10抵食指數：9/10

好耐冇去元朗，天晴氣朗的星期六，決定入去一日遊，去到黃昏，諗返起滔滔大榮華，於是去搵，好彩好快搵到，未到六點，仲有位！👏二個人，只有叫少一點、有雜菜煲帶子豆腐鵝掌煲,樣樣都好味！👍😊見到砵仔飯，又叫左，跟住又俾左一支頭抽同一支豬油俾我地原來用黎放在飯上（半茶匙豬油+半茶匙頭抽）嘩...好好味、好香滑⋯⋯👍👍食左兩砵...跟著仲有紅豆沙及麥米粥甜品送！非常美味呀！見到有其他好多特別食物，太飽了！下次一定再來！😊

今日是我家團年飯日子，我地今年選擇係大榮華呢間老字號，當日都差不多全場爆滿...！幸好我們還有預先預位...燒味拼盤：叉燒係半肥瘦，所以肉汁豐富，質地都唔「鞋」口，乳豬皮又夠脆...頭抽蒜片煎生蝦：蝦味道鮮味...亦都唔會太重既頭抽味道....我地叫了一條魚兩食，其中一款係西蘭花班球另一款係炆魚腩，魚腩好滑...枝竹亦都好入味，所以其實一魚兩食...是值得推介....

聽聞大榮華係元朗好出名，未有機會黎飲茶，先黎試下原來係圍頭菜既晚餐～今次9大1b黎食飯，知道係傳統酒樓，我地就自備便攜式餐椅。一如既往，bb食物自備。而大人方面，我地一共叫左11個餸，同埋一d砵仔飯。今次就簡單d~推薦幾個食完比較深刻印象既餸比大家參考。首先特別要提一提，原來呢間酒樓出名豬油撈飯，我自己都係第一次食，幾特別。酒樓會提供一支豬油同一支豉油俾大家自己落。然後講下另一個比較深刻既餸-就係南瓜香竽臘味煲。呢個餸本來只係求期叫，諗住會係一碟唔係咁受歡迎既餸，點知大家都話比想像中好，d汁香濃，送飯都好好食。再講下個XO醬翠瓜胭脂蚌，鮮味十足，有咬口，老公表示好好食。另外講下碟黑椒野菌炒牛肉，牛肉好嫩，唔會硬唔會難咬，而且炒得幾入味。最後想講下奶皇水晶包，唔算好流心，覺得有陣奶粉味，自己覺得一般，不過有朋友覺得幾好食。

忽然間諗起大榮華既豬油飯，今晚就即刻嚟左食依到食飯其實唔平，大部份既餸都係$87一個，海鮮、燒味或者其他特式嘢食當然仲貴啲😲雖然今次目的主要係佢既豬油撈飯，但都想試下啲特別啲既餸雞蛋焗魚腸($87)一個考功夫既傳統嘢食，唔係好多地方有得食，咁就試下啦唔試好過試。。。只可以話唔啱我地口味，食落好多唔同香料既味，芫茜、陳皮、薑等等，全部都係我地唔食既嘢好努力食都係食淨左三分一圍頭五味雞($87)依個啱我地食好多雞件嫩滑，半隻雞既份量都唔少煮得好入味，配飯一流主角既砵仔飯同豬油飯加左豬油同豉油，已經好香，就咁食一碗飯都得最後再加左半份奶黃馬拉糕($44)好香唔會過甜，每人兩件啱啱好最後埋單每人百五蚊左右，其實只為左佢個豬油飯

星期日下午茶叫了滑蛋雞塊炒河，上碟時河粉根本冇同汁一齊炒，好似放左好耐，勁硬好難食，另外叫左鳯爪同埋稜魚球....點解呢兩樣野食都可以硬到咁？？？員工服務態度差，比完點心紙想叫多個炒河，佢一收完點心紙就走左去🤷🏽‍♀️咩服務？係食緊野嘅時候，開放式廚房D姐姐用醋去清潔...整到成間酒樓都好酸，大佬...我都係想舒舒服服食餐飯都要搞到咁？