大榮華酒樓

營業中

休息中

四人一枱，點左8樣點心。平日13：00左右食，樓面已經八九成滿座，要等位，等左10分鐘入座。首先來到係叉燒酥同鹹水角。叉燒酥幾好，酥皮層分明。鹹水角皮好厚，餡好少，唔掂。沙薑雞腳有6、7隻，頗受好評，食得津津入味。蝦餃4隻厚肉，蝦算幾大粒，金錢肚清清地唔會太鹹。水晶紫薯包幾特別，比較少見，味道都唔錯，包既紫薯蓉好豐富，唔會過甜。然後係豉椒鳳爪同牛肉球，不過不失，普通水準。茶係叫左兩壺，香片同鐵觀音，香片越飲越好飲。八樣點心，共$299。四人除開，每人$75。食物質素還可以，姐姐們有禮、服務唔錯，枱同枱之間相距有一定空間，唔會靠得好埋。

牛年初四疫情下一家四口隔住膠板食大榮華點心，小朋友第一次去，還有種懷舊文化教育下一代，推薦傳統豬腳薑和胡椒豬肚湯（大人only），小朋友秒殺肉餅蒸飯！珍珠雞份量足！好味😋

由出世在元朗生活到現在，伴隨的其中一間酒樓是大榮華酒樓。相隔幾年，今日再來飲早茶，發現點心的質素同味道與以前相比，差了不少。今天點了五個點心：分別是蝦餃，切肉燒賣，薑蔥牛柏葉，鮮竹卷，蝦滑釀冬菇。蝦餃仍然保持皮薄，所以仍然是合乎水準。但切肉燒賣因為用的豬肉份量比較多，所以食落去的口感似吃整粒豬肉，與其他酒樓相比口感有點不太一樣，亦都不太自然，口感不夠好吃。而薑蔥牛柏葉的薑蔥反而見不了，亦欠那些味道，只見蒜蓉及蒜蓉味。而且牛柏葉切大件比較爽，所以吃下去反而感覺比較硬。老人家必定冇牙力𡁻。鮮竹卷應該有足夠的𧐢油汁浸在整件鮮竹卷，有濕淋淋的感覺。但是汁不夠，吃到炸腐皮的乾身感覺，要自己去「點汁」。鮮竹卷用了魚滑，魚滑的感覺不及豬肉及其他配菜的感覺好吃，味道又偏鹹，整體上不好吃。冬菇釀蝦滑當然大家不能粘在一起，想一起吃有難度。整體食味只覺偏鹹。服務仍算不錯。茶市多做街坊生意。如果只為到大榮華而選飲茶吃點心，可以有更好的酒樓選擇。

元朗大榮華可說是無人不識，不過我還是第一次光顧。到達時已是下午茶時段，點了以下食物：味菜鮮魷飯：這飯份量很大，味道很好，可惜由於煮得過熟，鮮魷變得很硬，有的根本咬不開。薑蔥牛柏葉：份量多，味道好，牛柏葉煮得很軟很入味。荔芋鴨腳扎：味道也不錯。奶黃馬拉糕：很柔軟，不太甜，不錯。總括來說，我覺得這店的點心頗有水準。這酒樓的招牌在很遠處已經可以看到，不過原來入口並不在大馬路，而在轉角的小街，進入後乘升降機便可到達。這店雖是老式酒樓，但環境也不錯，桌椅之間距離充足，坐得舒服。服務也不錯，侍應有笑容，禮貌好。

Visiting this one of the most famous and traditional Chinese restaurant in Hong Kong will of course lift up ones expectation. And more often than not, this high hope will bring you just some kind of a disappointment.Traditional is a word of two sword. it praises by meaning a long bloodline that withstand time; it criticises by addressing the obsolescence over time.Tai Wing Wah is a bit of the both. They have one of the best quality of chinese buns, especially the lotus seed paste bun (榮華白蓮蓉包) wh

大榮華 5/10👍🏻自2010年攞住米豬蓮必比登推介的大榮華係韜韜-梁文韜做執行董事，係真人生招牌圍頭菜。佢每天到酒家巡視，參與設計新菜式，興之所至，更會炮製堂弄菜，與客人打成一片。圍頭菜，是香港水鄉家常菜，4成睇材料，3成睇調味品，最後3成睇大師廚藝。講到最出名的豬油撈飯，豬油係燒豬時，一滴一滴地收集，應該香氣四溢，精華係要有醃過的肥肉炸。米飯是老字號廣新行的出品，新舊米混合，再用瓦缽蒸煮。醬油用鮮味最豐的頭抽。食用時，在米飯上倒入一湯匙頭抽及半湯匙豬油，拌混吃。另一名菜係五味雞，是這兒的名物。以花椒、八角、桂皮、桔皮及草果，合稱五味，把五味材料入袋，再加頭抽和冰糖，以慢火滾至出味，熄火後，把雞浸 35 分鐘即可。韜韜在五味之上加了月桂葉去腥，是在傳統食譜中的一個少少的改良。理論要多了解，長長知識，只係舌頭要再進步先挑戰。五味雞5/10👍🏻豬油撈飯 4/10👍🏻

懷舊飲茶好地方~比較多特色點心, 想吃雞球大包, 但當日已經賣哂喇喎蓮藕餅5係咁多地方食到, 響E度第一次吃, 覺得好好味~福建炒飯...都炒得好香, 可能係落左豬油...其餘點心就普通啦~

今日突然間想去一間老牌酒樓-大榮華酒樓平時一直都會同埋屋企人一齊嚟，礙於政府發出嘅限聚令關係，只能兩人一台，唯有同男朋友自己撐枱腳啦。不嬲都係鍾意黎開啲老牌酒樓，但係今日嚟到嗰時，一樓果層冇開，唔知係唔係冷氣壞咗，所以叫晒所有人上2樓飲茶。第一次上黎2樓，覺得環境麻麻地，不過都算係衛生嘅，可能平時去開一樓度飲所以反差有啲大。（一樓嗰度係有裝修幾靚嘅）咁今日就叫返平時會食果幾種點心嚟食啦，一食就知出事，啲嘢食大部份都唔夠熱，仲有啲凍添。同埋啲質素都有少少偏差，唔知係唔係因為個廚房平時喺樓下，拎咗啲嘢食上嚟就變咗有啲唔係咁好食😂😂如果俾我揀多次，我會等佢一樓開返先再去飲，因為質素真係爭好遠😭

相信元朗大榮華好多人都聽過，其中一間老字號的食店！還記得以前細個的時候，去飲喜酒有去過！食物當中有好吃的，但亦有一些不好吃的！點了當歸豬手：夠入味，而且豬手夠淋南瓜餅：煎得夠香，上枱時夠唒熱，似剛剛煎完一樣，而且好軟熟，非常煙韌👍🏻👍🏻蝦餃：望過色水已經麻麻，隻蝦太深色，蝦餃皮太薄，一夾就爛蓮蓉包：不是好多酒樓有，蓮蓉配著蛋黃的包非常好吃👍🏻👍🏻水晶奶皇飽：本人對流沙麻麻的也覺得好吃，薄薄的皮包著奶皇，正👍🏻👍🏻淮山百合餃：有創意，吃落去一般燒賣：還可以，好吃過蝦餃😅豉汁蒸魚雲：超鯹，一上枱已經聞到好大陣鯹味，吃了一口覺得怪怪地味已經冇吃😰

今日約咗親戚入元朗飲茶， 他們推介去這間元朗出名的大榮華酒樓， 鋪面舊式，內裏裝修正常酒樓格局， 係多咗啲獎狀， 滔滔啲相掛喺牆上面， 每條柱都有啲懷舊嘅相片。 點心都算多嘢食， 不過個人覺得價錢偏貴，反而碟頭 飯麵就相反地平， 叫了幾款點心和一窩柱候牛腩伊麵煲。 先講牛腩伊麵煲 非常好食柱侯牛腩夠入味， 伊麵索咗鍋內的汁很惹味。 而點心就冇乜嘢值得推介， 係得個椒鹽九肚魚炸得幾好味道易錯，而蝦餅魚肚的魚肚很乾， 水晶奶皇包的皮很厚， 其他點心正常嘢， 唔會太差又唔會話好好食。 聞說呢間酒樓晚市小菜出名 下次有機會試下晚餐啲小菜。

今天遠征元朗，去到至出名的元朗大榮華酒樓，跟幾位行家擺龍門陣，縱論天下大事。口水花四噴之餘，當然要品嚐美點。說真的，這些傳統老酒家，你要說有什麼驚喜，可能就真的欠奉，但材料倒真是貨真價實。而且幫襯老式酒家，最主要就是兩個字：情懷。你說是嗎？

有天.跟家人在大棠了紅葉.必須在元朗覓食吧.元朗的美食實在太多.有長輩的關係.選了大榮華酒樓.相信大家都認識吧😋大部份的食物價錢都是💰9 2...🥢圍頭五味雞 👍🏻必須推薦皮質嫩滑.juicy.鼓油味醬汁味特別.🥢啫啫生菜煲 （自訂菜式）👍🏻大榮華可以自行配搭不同的菜式.家人偏愛生菜.生菜新鮮.煲底還有大蝦米.🥢上湯龍蝦伊麵🦞 💰 2 2 8 (+$ 2 0加伊麵）龍蝦新鮮.肉質彈牙.鮮甜.龍蝦肉勁多.用上湯煮伊麵.索哂d上湯.一流👍🏻🥢蓮藕炆豬手豬手夠淋.入味.不過不失.🥢炸豬大腸炸得很脆.豬腸乾淨.鍾意食豬大腸都必須一試👍🏻🥢奶黃馬拉糕 /8件 👍🏻必食 馬拉糕層與層之間充滿奶黃香 .超鬆軟.淡淡奶黃香味.超級好味👍🏻👍🏻👍🏻👍🏻👍🏻👍🏻總結：五味雞和馬拉糕是必須要吃的👍🏻🥢款式很多.想食咩都有.一定岩哂一家人口味.

光顧大榮華超過十年，那時滔滔還肥到像座山，那時一個菜才是$48元。今次來到滔滔，仍勤力巡場但瘦了老了，菜也加至$98了，依然卻高水準超值。圍村菜大意指新鮮，食材不用高級，就地取材新鮮鮮簡約即成。 先來一碗順德拆魚羹，將魚蒸後拆肉煮羹，手工甚多，魚湯鮮甜，絕對是店舖名菜，挑剔是骨甚多，師傅不夠細心。 圍頭五味雞，也是必點名菜。 以頭抽浸煮方式烹熟，時間火喉一定要準確，過時過火則會令雞肉變嚡。師傅十多年心得，掌握必然準繩，雞剛熟嫰滑，皮有咸香味。 如果用上新鮮雞效果更佳。酥炸軟殼蟹，不是常有菜式，菜牌每季也換。 今次首次點選，遠超期望。$98 四隻打算是急凍貨式，估計蟹味雪死、蟹件細份無咬感。上菜時賣相平平無奇，每隻蟹中間剪開。吃落竟黃膏流出，炸漿包實蟹身，油炸時間準確金黃色，不老不白。也不像急凍貨，有咬感，新鮮肉質。莫非真的用了新鮮貨，那就超超超值了。另點大班兩味，蒸的部分先抽出魚腩位置，將魚腩平切舖碟，每塊肉中間夾上雲耳紅棗，再加薑蔥中和。入蒸爐七八分鐘。魚味鮮爽，伴豬油撈飯一絕。炒的頭腩很大份，絕對用上二斤以上斑，來貨價也要$200，但賣價才$400多，手工燈油也是超值。最後當然來個

好多時候，同屋企人食飯，都會食中菜。而呢一間，最近朋友帶我去食嘅大榮華，可以話係我食過最好食嘅中菜。本來我都唔係好食羊腩煲，不過，我啲朋友話一定要試，於是我就好啦試一塊！哇！點知一食就停唔到口！啲羊腩完全冇蘇味！好鬆化！一食再食！另外就係要食拔絲咕嚕肉，好香脆，而且拉絲嘅醬汁酸酸甜甜。仲有，椒鹽鮮油亦都係好惹味。最重要係個豬油撈飯，阿姐俾咗一個砵仔飯我哋，出名另外俾咗支豉油、一支豬油，教我地落半茶匙嘅豬油，加少少豉油，完全唔使食餸都可以食晒成碗飯！

平時好少入元朗 今次就去咗元朗嘅大榮華酒樓食佢嘅傳統點心😝最出名嘅雞球大包竟然已經賣晒😶懷舊馬拉糕同埋金錢肚幾好食唯一唔好處就係比較多人係需要同人搭台下次再試