大本瀛日式放題

營業中

休息中

本身係旺角行緊街，行過兆萬，見到呢間放題就諗住試下。 一入到去，第一樣野當然係叫啲刺身試下先。呢度嘅三文魚唔錯，側邊睇夠曬厚，夠哂肥美！又唔會咬唔開，夠鮮甜！玉子都幾滑，咬落去唔會好實，反而甜蝦就略為普通，無三文魚咁有鮮味。有火焰壽司！黑松露個啲好好食，尤其係個帶子！ 跟住就嗌咗啲小食，係呢度要讚下呢間放題上菜夠快，又唔會拖單漏單，好快就有啲食！佢個雞串有跟汁，沙嗲汁幾夾個雞肉，唔錯！ 炒峴都幾新鮮，無咩沙，有少少辣，熱辣辣，叫咗兩碟。雞軟骨份量都幾多下，叫一碟都食咗幾耐下。 天婦羅都頗出色，唔油膩又唔會好厚粉。炸物方面，個榴槤炸彈幾好食，榴槤味夠重，鐘意食榴槤嘅朋友仔一定唔可以錯過！ 食咗咁多野想清清個口，就嗌下炒雜菜啦！本身對炒雜菜無咩特別期望，反而有驚喜！雜菜咬落去好爽脆，好開胃！！ 呢度嘅飲品係任拎！整體性價比幾高，食物選擇又多，有機會再嚟食過～

今日係旺角行完街之後就黎到兆萬呢間🇯🇵餐廳食放題。由於好內無食過放題所以好興奮。一入到呢間日本放題店，裝修好似日本個d居酒屋，由於店舖面積唔算太大，所以好多細卡座形式。一坐低，當然二話不說就即刻點野食啦！放題既好處就係你比一個價錢就可以做富豪，餐牌上任叫嘛，所以第一時間當然係望餐牌！豈料，餐牌由a排到i，真係花多眼亂。雜錦刺身拼盤第一樣叫既當然唔少得刺身啦，今次叫左章紅魚，三文魚，帶子，玉子，螺片等等，刺身切到一口形式，十分新鮮，而且擺盤絕不馬虎，擺到令令。特別私心推介章紅魚同帶子，唔係好多地方有得食章紅魚，而且一d腥味都無，淡淡鮮甜的魚質。壽司卷物拼盤壽司方面，分別叫左三文魚腩壽司，和牛壽司，黑松露油甘魚壽司和蟹棒壽司等等。和牛壽司一開始見到佢全塊紅真係有d猶豫擺入口，最後放入口又覺得正窩，表面紅但唔代表真係生，係經過火槍焰燒過，肉質鮮嫩，配合青瓜卷物，感覺好match。三文魚腩入口即融既感覺亦正，大大舊魚腩，鍾意食三文魚既朋友萬勿錯過。一口芝士煙肉焗帶子一聽個名就知好食，之後encore多兩客，芝士煙肉足料，加上芝士焗帶子，成個汁好juicy又拉絲，十分值得推介。炸物（芝士年糕和炸

食放題、自助餐是我有事與友、與客要傾或商量時都會揀的用餐方法。今日我就揀左左旺角兆萬的大本瀛日式放題，圖地點方便又性價比高，是我較常光顧的日式放題之ㄧ。食放題就首要看刺生的質量，這裏每位$188加一，食物有A至K十一張咁多，仲隔一段時間加新食物，增加新鮮感。今日一來就點了盤刺生拼盤，如往常質不錯，較突出是帶子，鮮甜無比，有質感、口感。三文魚鮮美是鮮美但感較上次稍遜一點，但仍不失鮮味，油香四溢。新鮮刺生食過ㄧ巡後，點了我必食的温泉蛋 ，配了獨有的醬加魚子，除口感層次多之外，味道仲始終一試難忘。我們又選了很多新菜式，其中喜歡的有黑松露珍寶帶子壽司，帶子本身就質優鮮美配上濃香的黑松露醬，原美配合，味道提升。ㄧ口手卷，細細的一舊飯反而更貼合我口味，這樣便可嘗多款ㄡ不至於一下就食飽了，飯是暖又綿軟配幾款不同的刺身都好夾，其中新加的海膽ㄧ口手卷味最鮮。熟食中的京葱爆安格斯牛粒，京葱大大粒，牛粒肉嫩，鑊氣十足，滋味無窮。今次掛住食忘了影火炙左口魚邊壽司同大家分享但這魚，油甘濃香，肉入口化，真是不容錯過。

今日係星期五，我就放工之後同朋友去咗旺角食一個大本營瀛嘅日式放題，其實之前都食過㗎啦！😀因為我有意外嘅收穫，👍😀😀👍所以我再去多一次！三文魚刺身等⋯⋯食放題，第一樣野梗係叫三文魚刺身啦，首先我就叫左差唔多10件，佢嘅刺身都依舊鮮甜，種類多，好新鮮，最重要係唔會比少啊！除咗三文魚之外，佢哋仲有章魚，有頭同埋珍寶蝦！火炙三文魚寿司🍣，黑松露三文魚壽司等等除咗刺身之外，我本人仲好鍾意食火炙三文魚壽司，所以，即刻叫咗四件，佢好細心嘅地方係佢會係火炙三文魚壽司上邊加入細块嘅芝士，令到有一種入口即溶嘅感覺👍🔥除此之外，我仲叫咗一個黑松露三文魚壽司，佢個黑松露從來都唔孤寒，好大粒，同埋真係好有黑松露嘅味道！👍👍👍紫薯炒蜆之後我仲叫咗啲日式嘅食品例如係紫薯，炒蜆等等👍👍👍全部都好新鮮，份量都好多，兩個人食都啱啱好。😀人参雞湯飛天通菜炒雜菜⋯⋯除咗日本野之外，呢間日式放題仲有啲中式嘅食物，例如人蔘雞湯，飛天通菜，同埋炒雜菜，全部都係我平時喺酒樓會食到嘅嘢，呢度都有得食！👍👏😀🔥蟹粥最令我好驚喜嘅係佢嘅蟹粥真係好鮮甜，佢啲蟹肉仲係好粥，每一碗佢都要確保係有蟹肉！👍😀👍😀榴槤炸蛋，芝士年糕，炸玉子豆腐等等蒜

朋友帶我去聽講座，之後我請佢去兆萬食放題。一路食一路回味著講座的主題 ”知足常樂”，明白到做人要知足，快樂就會來。食嘢都是一樣，有嘢食是美好的事，亦要知足。雖然是食放題，亦要知足，夠就OK，不要食過多，所以精心在order 紙上剔了要吃的食物，不精亂剔，以免浪費。二人分享:-剌身:三文魚章紅魚有頭甜蝦珍寶赤蝦泰式生蝦迷你甜蝦北寄貝馬刀貝赤貝珍寶帶子玉子廚師把新鮮刺身堆砌在冰盤上，保持刺身的新鮮和衛生。每樣刺身都很鮮味。壽司:劍魚腩壽司象拔蚌壽司鰻魚壽司帝皇蟹棒壽司燒羊架:幾惹味。日式一口甜薯、紫心香芋丸:兩樣都可以一口可以食到，味道香甜。鳳尾蝦春卷、海老天婦羅:夠香口、香脆。日本吉烈蠔:都幾大隻。汁燒冬菇串、汁燒翠肉瓜、沙爹燒雞肉串、香茅燒豬頸肉、板燒牛仔骨:牛仔骨好食，其他一般。清酒煮蜆:呢個正，蜆肉吸收咗青酒味，鮮甜得來有酒香。火山溫泉蛋:半生熟蛋上加些蟹籽，又幾有火山熔岩效果。泰式生菜包:似乎簡單咗啲，沒有辣椒絲。韓式人參雞湯:味道唔錯，幾有人參味。食完好飽。何只知足，而且好滿足。

同朋友喺旺角行街佢話呢間放題好味，見行到攰攰地就即刻去食下。餐廳裝修闊落都幾有日本feel。每次食放題我都會先主打刺身，今次亦唔例外，有十幾款，兩個人叫左滿滿一大盤。刺身好新鮮，食落味濃鮮美，其中的泰式生蝦更加非常爽甜，加埋個酸酸辣辣嘅醬汁更加滋味。卷物中的芝味鰻魚卷嘅鰻魚夠肥美，表面嘅鰻魚汁加上芝士非常味美，食完當然會再encore 啦！海膽一口卷，足料creamy海膽加上香脆的紫菜，好食又口感豐富，當然要encore。香蔥和牛卷的牛肉亦非常嫩滑，亦係唔錯嘅選擇！天婦羅多春魚，上枱時仲係熱辣辣嘅，外面的炸漿非常鬆化，食落唔覺油膩，多春魚juicy一D腥味都無，好味！椒鹽鷄軟骨，上枱時亦係熱辣辣，食落爽脆加上椒鹽味，唔錯！鹽燒珍寶大蝦，熱辣辣未上枱已經聞到香味，燒到香噴噴嘅蝦殼香味加上鹽香，滋味無窮！京蔥爆安格斯牛柳粒，牛柳粒肉質鮮嫩，配上香口的京蔥同鮮味的醬油味的醬汁，正！日式花蟹粥上枱時熱辣辣，粥底又綿滑又有蟹鮮味，配上粒粒甜粟米同紅蘿蔔，好味！仲有好多款唔同口味嘅飲品同雪糕可以揀！通常食放題都未必話會每樣食物都好食，但係今次食呢間放題就不論係冷盤定熱食都咁好味，落order之後上

就黎脫離下午先返工既補習行業，將要同其他打工仔一齊爭野食，決定享受最後一個平日既午市放題。Reception都幾靚，一入去想影相既時候，reception姐姐好開心咁拎隻龍貓比我影，話係佢地既吉祥物，唔知佢係咪老闆娘呢？另外一個拎野食既侍應又好nice咁，唔知呢間店點解咁好請到啲咁好既侍應，未食已經心情靚左。野飲照舊有得自己拎，唔使落order。酒就得ice啤酒，但茶既款式就好多，咩味既茶都有!岩哂食放題。野食既款式都好滿意，樣樣都有啲。有我最愛既海膽一口手卷同榴槤炸彈 質素唔錯，岩岩好一啖食哂，唔會太多飯。佢呢到啲份量全部都細細碟，符合哂放題既標準! 唔使食一樣就飽哂! 刺身好新鮮，壽司飯調味岩岩好，中式小菜有驚喜，焗帶子超好食! 最後個甜品岩岩好，好滿足 😄

旺角兆萬咁多放題揀，今次就試下呢間大本瀛啦。入到去係好日式嘅格局，暗暗地但幾溫暖。放題紙包羅咗各種類型嘅食物，有成九張咁多，唔洗驚唔啱食。先食個飛天通菜開下胃先，辣辣地帶有蒜味好香口而且夠熱。再嚟炸物叫咗日式帶子，好大件，表面炸得金黃，而內裏唔會過熟而變得鞋口。日本吉烈蠔，隻蠔好鮮甜，唔會因為係炸物而俾次貨出嚟，完全無苦澀味。台式鹽酥花枝丸，花枝丸炸得好香，再配埋鹽酥風味，咸香酥脆嘅表皮，值得一讚。流心芝士年糕，咬落去就真係有流心嘅芝士水溶出嚟，而且仲拉到絲，相當吸引。馬來沙爹燒雞肉串，雞肉嫩口，配埋沙嗲醬味道好濃郁。香葱和牛卷、海膽一口手卷，本來對放題店嘅和牛、海膽無乜期望，畢竟都係任食，但估唔到呢度做到和牛嘅嫩口，而且生生地帶有肉汁，而海膽好鮮，帶有海水味而唔會腥，最後我都返兜叫多咗份。

是日同朋友係旺角行完街，肚仔打曬鼓，黎到兆萬樓下睇下有咩好食先，兆萬有不少的放題餐廳，總有一間岩你，我同朋友就決定去食位於十樓既大本瀛放題。以為平日應該唔使排隊等位啦，點知一出lift就見到有十幾個人係度等位，可見呢間餐廳幾受歡迎。等左半個鐘左右，就入得去了。首先，飲品方面，餐廳有三大個雪櫃供應飲品，各類飲品都有：汽水，酒，茶類飲品等。有我最爱的忌廉鲜奶！有一大疊放題紙，種類繁多。朋友超鐘意食刺身，點左一大盤：有頭甜蝦，珍寶赤蝦，迷你甜蝦，鮑片，三文魚，珍寶帶子，北寄貝等，都很新鮮，其中三文魚最出色，厚切，入口即融，甘香鮮甜；朋友覺得最特別既係珍寶赤蝦，大大隻非常有口感。至於壽司方面，屬於迷你size，岩嗮放题食，唔會太飽，黑松露三文魚壽司，蟹棒壽司，火焰三文魚壽司，仲有花之戀，都非常不錯，值得encore。再黎係熟食，牛肉粒炒得很香，肥瘦適中，有肉質。芝士焗壕配料豐富，壕算幾大個，一d都唔腥。泰式小吃如蝦球同豬頸肉配上甜辣醬，開胃又有泰式風味。天婦羅就點左蝦餅，蟹柳。不得不提鹽燒大蝦，真係oversize，趁熱食，蝦肉多。最後黎個邊爐先，選左豬骨濃湯，再order一份肥牛，金針菇，娃

喺旺角食過咁多間放題最鍾意都係大本營，食完又食都唔會厭 ，搞到而家連lunch都忍唔住去食。最鍾意食佢嘅壽司，細細件每舊都唔多飯， 食多幾款都唔會怕曬位，火炙三文魚係我嘅最愛 燒到啱啱好入口即溶， 又不失三文魚味。今餐一定要推介嘅就係京蔥爆安格斯牛柳粒 一上枱熱辣辣 ，好香濃安格斯牛肉味， 薑蔥醬汁入曬落啲牛肉度非常好食， 我一個人食曬成碟。焗蠔又係另一個我必食之選， 上面鋪滿沙律醬同芝士， 配埋生蠔食味道一流。前菜小食我叫咗四款， 胡麻豆腐， 川椒皮蛋， 中華沙律 ，辛辣冷麵， 我將啲豆腐皮蛋中華沙律撈落冷麵度一次過食， 又有另一番風味。

今日同男朋友係旺角拍拖拖，經過兆萬就入左去呢間旺角大本瀛日式放題到試試佢。上到去地方幾寬敞，唔洗等位就有得食！一坐低太口渴，我地即刻點左個蟹子沙拉同飲品。好正啊，有得任飲韓國飲品，我拎左蘆薈男朋友拎左忌廉溝鮮奶 ，雪得好夠凍，爽啊！加埋好fresh好清新既沙拉，簡直是胃口全開。之後緊係要試下壽司啦，我地都唔係好食生野，所以叫左炸蝦卷，蟹棒壽司，鰻魚壽司等等，壽司全部都好有水準，上到麗仲係暖暖地，特別要讚既係蟹棒壽司，我地翻嗌左好多次，加埋蛋黃醬係上面一齊燒好好味。之後食左牛柳粒，份量好夠還惹味。中意食壽喜燒嘅我地點會唔試下，冇失望好足料熱辣辣！除左日本野，仲有泰國野食，我地叫左飛天通菜同冬蔭公湯，同樣地好食，辣辣地好醒胃架。之後見到隔離台係咁食焗野，我地唔執輸又試下，又真係幾正，焗蠔同焗帶子都好好食，d芝士係上面一齊食好幸福啊！最後點少得甜品，我叫左牛乳布丁，男朋友叫左木糠布丁，兩樣都好creamy好smooth，今日真係大滿足啊！

我想食日本野 男友想食泰國野所以就㨂左來呢間日式同泰式都有既放題啦原來呢度預早訂位係會有野食送想食既朋友記得要先預約啦去到都尚算多客 我地被安排到大枱 旁邊有其他客人既關係 所以係中間掛左竹蓆分格開 都算有返私人度食物林林總總 一開始都係例叫左刺身先大大盆 睇到都滿足估佢唔係係有泰國玻璃蝦刺身覺得玻璃蝦刺身仲好食過甜蝦真係估佢唔到 好有驚喜最愛係放題食芝麻八瓜魚 呢間較為煙銀有咬口蒜蓉焗帶子都不錯 面層埔厚厚嘅煙肉薯蓉帶子都仲係多汁一口牛柳粒更是一定要食 果種口感同味道令人一試難忘食完牛柳粒陣味遲遲不散令人食完想再食 調味得好好泰國小食仲有麻辣木耳麻得唔算太辣食食下日本野又有泰國野食都幾得意個泰式飛天通菜好好食 好夠味 食左兩三round 炸物選擇都幾多下 有芝士年糕 炸帶子 炸墨丸等芝士年糕炸得唔油 入面仲係林身炸帶子炸粉不會太厚 仲配有美乃滋tim 一次食到兩種國家口味 滿足哂兩個願望呢度食物份量不算大份可以食多啲唔同種類 鐘意食又可以叫幾round 減少浪費

好多時同朋友去旺角食dinner都會揀放題，貪佢一個價錢多野食揀，大家鍾意叫咩就叫咩，但係越食得多就越覺得間間放題係樓下sale你上去就講到自己好抵食又好好食咁，但係上到去就咩都唔同晒，服務唔係真係好又唔係多野食，但係呢間真心覺得好正，3個人每人都唔使$200，超多野食揀，仲要好多都好好食，刺身算幾新鮮，鐵板牛舌厚度適中，唔會好薄，3個人叫完再叫食左4份，我兩個fd都唔食辣，我仲仲諗緊叫唔叫冬蔭功湯好，但係好彩個湯好細份，而且佢係香味而唔係得個辣味，我個fd都慢慢試飲都好幾啖，自己都飲得晒，炸個啲野食真係即叫即炸，飲品任你自己攞超多選擇，坐得又舒服，有大量卡位，中間啲8人梳化可能會分2張枱坐，不過佢地設計超細心中間會落左簾，自己一圍會有返自己私人空間，可能今日唔多人所以無特別趕我地枱，旺角區黎計$200位俾到呢啲服務同食物質素我地3個都食得好滿意，大家都一致覺得食過旺角區咁多間呢間算係數一數二最滿意，會想再約朋友翻食既一間~

同友人兩個人去食，d野上唔齊，味道又麻麻，選擇好少！另外個海膽係臭的...一睇就知唔新鮮，融融地。 Lunch 198➕一，價格正常的，食得放題都預左呢個價，但個質素完全唔，失望到極點！！1.味道方面，三文魚刺身普普通通正常，但d蝦有d係霉霉地，連好中意既蝦既友人都say no，串燒牛舌...原來係煎既牛舌，真係唔好拎呢間同大瀛喜比2.服務方面，d人好似唔想接你單，要你行出去比張單佢PS(食完，第二朝肚痛)在

等朋友放工一齊去旺角食放題😙😙今次去左大本𤅀😆😆先黎一個刺身拼盤：有三文魚、甜蝦、象拔蚌、帶子、玉子、大蝦... 都算幾新鮮✌🏻✌🏻個人最鍾意食三文魚～ 我哋食嘅仲要係三文魚 魚腩嘅部份 好肥美呀！ 應我朋友最鍾意食就係大蝦🦐 佢話都幾鮮甜👍🏻👍🏻刺身都夠厚 唔錯唔錯😎😎另外重點左一啲壽司🍣火焰壽司個人幾鍾意⭐️⭐️ 用火槍燒香咗表面令到魚嘅有油份和香味更加突出❤️❤️❤️ 點少少豉油加Wasabi更加提升咗魚肉嘅鮮味😛😛呢個壽司加左黑松露 就另有一番風味😙😙另外我哋都叫咗一啲炸蜜同天婦羅🍘🍤天婦羅做得中規中矩 還好～我就比較欣賞呢粒番薯波波 炸到外脆內軟 裏邊嘅番薯仲幾有番薯味😊😊😊呢個快炒青口有少少辣又非常惹味😉😉仲有呢個牛柳條😍😍超級嫩滑 又有牛肉味 大推🤗🤗🤗食完全部野之後 飽到上心口 但都仲要食甜品hahaha 😝😝😝