大本瀛日式放題

營業中

休息中

琴晚同朋友去旺角，佢話想食日本放題，聽人講兆萬中心有間係10樓既大本瀛日式放題好似幾唔錯，食物款式多，刺身都幾幾新鮮！刺生🐟🦐🐙🐠刺身選擇都多，有三文魚刺身甜蝦刺身松葉蟹棒刺身泰式生蝦刺身帶子刺身等等，甜蝦好大隻，蝦肉都有彈性同鮮甜，值得推薦，三文魚都新鮮冇帶腥味。壽喜燒火鍋🍲🥓除左普通刺身壽司原來仲有得揀火鍋，我哋揀咗日式壽喜燒湯底，好清甜既牛肉味，我都飲咗好幾碗湯，材料可以揀肥牛娃娃菜金菇等，仼加仼添。泰式料理 🇹🇭 另外仲有泰式料理嘅選擇，炒通菜炒蜆冬陰公湯都有，真係同出面食嘅泰國嘢差唔多。炒牛舌🐄 牛舌既評價都唔錯，令我最深刻軟脆又帶彈性既口感，咀嚼起來實在教人回味呀！總括而言，環境都係加分位，有日式既廉去隔住每張枱，位置都闊落舒適，而且價格合理，性價比高，下次會再黎食！☺

兆萬樓下派傳單 5% discount近呢幾個月 不停咁食放題結論係亞太5樓 & 大本瀛勝大本瀛 有火煱嘅放題 更 呢度仲係用舊式寫紙仔 ……(試過其他手機落單 快靚正好多)男女侍應有笑容 有禮貌 快手快腳落單冇遺漏 份量足赤貝 帶子 背寄貝 好鮮味 泰式生虾爽甜 三文魚就一般冇叫甜虾……(因食過多間放題甜虾 都係唔鮮)年紀大食啲菜(熱嘢)冇咁膩養身啲唔安心輕灼都美味非常🤫略嫌 燒物: 牛仔骨牛舌 比較油膩 燒牛舌~香 滑 夠淋好多黑椒粒蚧粥~ 粥綿滑清清地但得1只蚧腳拉麵 面豉湯一般 蚧子沙律清酒煮蜆 ~ 蜆新鮮 乾淨冇沙但冇乜清酒味 湯汁較咸任飲多款汽水啤酒 ……但 清酒$10壺 或 $30任飲

抵食平價放題呢間都成日黎咖啦因為價錢同區算係最平選擇又多既果幾間是日平日中午黎到 人唔算多2個人坐4人位同埋都多左好多新野食.首先係出面拎左野飲先野飲種類勁多 今次仲多左王老吉椰子汁 都係唔錯選擇.都係點刺身先 梗係咩都叫3-10件先啦是日寫幾多黎幾多 冇漏單 好評是菜同壽司選擇都多.仲有仲有叫左 炒蜆 有小小沙板燒牛仔骨ok雞翼高質.甜品方面 唔算多 但合理既雪糕 雪米 豆腐花 泡芙類果d整體想大件夾抵食既 呢間完全做到.大本瀛日式放題 (旺角)地址：旺角西洋菜街1號兆萬中心10樓

book枱嗰陣時已經覺得個侍應非常之有禮貌老老實實如果唔係呢 我真係以為佢係老闆但係 女仔嗰個就冇男仔咁好囉佢啲嘢真係幾好食尤其是係個蟹子沙律不過做嘢都頗為那西下啲嘢 整得唔係咁美觀最開心佢竟然有越泰嘢而且熟嘅嘢食一啲 都唔差好多嘢揀啲魚生都算新鮮晏晝坐 三個鐘都唔趕人啲火灼壽司真係好好味呀不過啲海膽就唔得囉呢度最 失敗嘅 地方就係污糟洗碗嗰啲 洗得唔乾淨雖然佢service好啲嘢又好食不過我都係唔會再返去都係驚驚哋

今次黎到位於旺角中心地帶既放題專門店「大本瀛」，係兆萬中心十樓出lift左手邊。整體設計幾有格調，桌與桌之間用竹子簾分隔，桌面亦打上了臘，十分整潔。餐廳共有十數種不同類別的各式餐紙任君選擇。前菜小食叫了胡麻豆腐同中華沙律，不得不讚的是胡麻豆腐非常滑溜，胡麻則是用上了火鍋店可以食到既好味胡麻醬。刺身就叫了挪威三文魚、有頭甜蝦同鮑片，各項刺身算新鮮，選料亦不錯！食主菜當然要先準備好飲料，大本瀛有幾個好大既飲品雪櫃，由汽水到啤酒到健康飲品一應俱全，我就拎了Milkis忌廉溝鮮奶開波！我同朋友都好鐘意食三文魚，所以所有有「三文魚」既壽司都叫齋，另外都有叫一些鰻魚阿、芝士蟹棒阿嚐嚐鮮。我覺得咁多款唔同既壽司最好食都係 火炙京蔥三文魚壽司，大家有機會都一定要試一試，超好食！我地仲叫左少少燒物、焗物，有鹽燒珍寶大蝦、鑊炒蒜片牛柳粒、美式特濃芝士茄醬烤雞球、炭燒雞翼、鹽燒鯖魚等等。另外仲有鐵板燒紐西蘭羊架，肉質軟熟多汁，加埋香料既味道一流！最後輕輕拎少少甜品收個靚尾，正！MENU

同朋友慶祝生日，梗係去食放題啦，一定要搵間多嘢食，款式又多，中西日看太都有嘅放題先得，今次去咗人氣極高嘅大本營，旺角店長期爆王， book咗好耐先有位，今次終於可以試吓啦。我哋食七點呢個時段，一入場已經滿座啦，服務完好快手安排左座位，今次take左刺身拼盤，壽司，啲刺身好新鮮，而且款式好多，擺設亦都好靚壽司來講呢度算幾特別，有花之戀，海膽，海鰻呢啲貴價食材，我食咗兩轉已經回本。佢嘅點菜menu都好多選擇，居然比我搵到有清酒煮蜆，泰式炒通菜，牛肉火鍋等等話真係食到我哋滿肚腸肥，今晚食完聽日早午餐都唔使食！幾個女仔掛住吹水梗係頸渴啦，呢度嘅飲品都係無限放題，一邊飲一邊吹水，仲可以一邊打邊爐好正！雖然甜品比較少款式，但係佢嘅炸榴槤真係好好食， encore左兩次，榴槤蓉勁包將！最後食埋雪糕糯米糍真係食到醉醉地好happy！　

又想食日式放題，當然要來兆萬，今次揀這間餐廳，是因為它除了日式還有泰式，刺身有泰式生蝦，好爽口，帶子同赤貝都好鮮甜。爐端燒的鐵板牛舌夠厚，熱辣辣好惹味，值得encore。鹽燒珍寶大蝦，果然好大隻，鹽燒更加帶出蝦的鮮甜味。鑊炒蒜片牛柳粒，勁有鑊氣。炸蝦餅非常彈牙。飛天通菜，小油，而且通菜非常幼嫩。焗帆立貝配上煙肉蒜蓉好鮮味。牛油雞翼夠邪惡。壽喜燒牛肉鍋，非常足料，牛肉比菜更多，好滿足。冬陰公湯不太辣，反而好醒胃，中途休息飲碗，然後可以繼續食。香蔥和牛卷，一定要趁熱食，黑松露三文魚拖羅蓉卷，好香黑松露味，海膽花之戀，如果可以加多些海膽就更開心。貓山王榴槤炸彈，真的有大大件榴槤肉，如此美味的甜品，Encore又encore。最欣賞完全沒有漏單情況，收碟速度神速，又唔會被催埋單，可以慢慢嘆。

大本瀛突然想食放題，又唔知邊間，可以考慮下大本瀛，今日來試過，佢位於旺角兆萬位置都好方便！個位又唔逼，好多卡位！今日好早食，差唔多6點半就去到啦😆真係好早不過都有人早過我哋食晚飯🤣去到都有3、4張枱，不過去到7點左右開始人多啦！陸續有人入來，好快差唔多滿座！試過咁多間放題，呢間既質素算係高！刺身既選擇多而且又新鮮，熟食又熱辣辣！最驚喜係有泰國生蝦揀，仲有其他泰國嘢食，呢樣真係其他放題係未見過！一坐低當然係第一時間劃刺身先啦，食放題最重要一環！而服務員都好主動幫話我哋落左單先，話有樣嘢食左先，再慢慢揀其他🥰真係好好！而且上刺身既速度好快，落單後約5分鐘已經上到😆又唔會減你數量又新鮮👍🏻之後樣樣熟食都有叫D來試下，每樣都仲要熱辣辣，真係好好👍🏻而且味道都唔錯！鐘意芝士既一定要試下個流心芝士年糕，一定係熱辣辣先可以做到流心效果！真係正👍🏻

同朋友喺旺角行街見到， 見到兆萬有間大本型我同朋友都好鍾意食日式放題， 梗係上去試下啦。雖然係中午但係都有過百款嘅美食 ，我哋一坐低梗係嗌咗 ，刺身、 有好多款嘅黑松露壽司，一品料理天婦羅。呢間日式放題有刺身、壽司，即叫即做， 燒牛粒金菇肥牛 等串燒， 還有多款日式炸物， 清酒煮蜆等 鍋物和甜品， 更可任飲啤酒、汽水、和烏龍茶綠茶。 還有雀巢雪糕和雪米糍。刺身包括三文魚、希靈魚、 北寄貝和甜蝦等。三文魚油潤肥美口感豐富。帶子又 厚身 、又鮮甜。仲有多款嘅黑松露壽司。佢仲有燒菠蘿片菠蘿好甜呀燒得啱啱好，感覺有清新嘅味道用嚟清清味蕾啱啱好。 佢嘅沙律好清新。 拍青瓜好入味 。炒通菜好有泰國風味。仲有好多壽司和手捲畀我哋選擇， 鰻魚壽司， 牛油果軟 蟹殼捲， 海膽軍艦等都是必吃之選， 鰻魚壽司， 魚味香濃 ，配上惹味嘅燒汁， 令我哋嗌完一次又一次。食放題刺身梗係主角 ， 呢度嘅刺身種類好多， 包括三文魚，甜蝦 ，北海道帶子、 帆立貝，、吞拿魚、油甘魚， 希靈魚、螺肉 和北寄貝等等。呢間餐廳嘅環境 闊落 啦，有卡位坐， 多幾個朋友都坐得好好舒服。 呢間 日式放題嘅爐端燒 最值得推介， 我哋試咗

旺角兆萬中心有好多嘢食架， 好似今日我地今次去呢間大本瀛。 就結合咗泰國菜 ，同埋少少其他小菜， 同埋當然有佢主打嘅日式放題。飲品任攞， 有汽水、檸檬茶 、馬蹄爽、 涼粉都有。 我哋一去到梗係嗌咗刺身先， 刺身最出色係三文魚、 帶子都唔錯！前菜都有好多選擇, 我哋嗌咗川椒皮蛋 ，手拍青瓜 胡麻豆腐 ，同埋蟹子沙律。 川椒皮蛋細細碟 ，啲皮蛋浸咗汁 ，好惹味。 手拍青瓜 幾清爽， 胡麻豆腐好嫩滑 ，蟹子沙律 雖然細細碟 ，但裏面嘅青瓜絲 好新鮮， 蟹子好豐富， 粒粒都脆卜卜。壽司都唔錯㗎有和牛壽司，鰻魚壽司等等。我叫咗碗冬陰功湯， 裏面有蝦同埋其他配料， 味道正宗， 真係做得好有泰式風味！ 燒菠蘿可以等我偶爾食完其他嘢，再食一塊， 即刻又開胃啲！ 菠蘿片好甜燒得啱啱好 感覺有清新嘅味道 用嚟清清味蕾啱啱好， 日式一口甜薯 ， 係用上上等嘅 日本小番薯 細細粒仲好甜 燒冬菇串， 冬菇燒得好夠火喉 又淋又香 汁燒翠玉瓜， 翠玉瓜燒得啱啱好外脆內軟 我未食過咁好食嘅。 紐西蘭羊架 ，食落一啲都冇騷味， 火候啱啱好。都話女人有多個甜品胃，我地要左3.6牛乳奶凍、心太軟、草餅。甜品方面我覺得最好食

久違冇食日式放題，襯放假去旺角兆萬中心食下午市放題點餐紙一大疊俾客人自己寫，食物款式花多眼亂，有平時常見刺身、壽司、手卷、燒物、炸物、沙律同鍋物等等，更有泰式小食，例如:冬蔭功、燒豬頸肉同炸蝦餅等等，幾有特色。餐廳設有飲品櫃，客人可以自助去攞唔同種類既飲品，都幾方便。落完單冇耐，刺身好快就送到，我地叫左三文魚同玉子，三文魚好厚片，色澤鮮豔，退冰方面處理得唔錯，食落新鮮肥美。而玉子都幾厚，甜甜地，重蛋香，唔錯。鹽燒海蝦同雞翼，海蝦幾新鮮，口感爽口彈牙。雞翼燒得外皮脆，肉質幾滑，好香孜然味壽司方面，我哋叫咗軟殻蟹手卷、火炙芝士蟹柳壽司，和風龍蝦沙律呑拿卷。軟殻蟹同紫菜都好脆，配埋沙律醬，味道幾夾，呑拿魚新鮮肥。肥牛金菇卷，肥牛肥瘦適中，金菇索口多汁。牛舌咬落有彈性，口味重。牛仔骨燒得岩岩好，唔會好乾，肉質幾腍牛油炒雜菌，d菇幾新鮮爽口，索哂d牛油味，好香口。芝士煙肉焗帆立貝，帆立貝都幾大粒，而且好香蒜味同煙肉味，唔錯炸物同天婦羅炸得夠脆，食落唔會油膩，個人最中意芝士年糕同榴連炸彈，芝士年糕口感煙韌，芝士味道香濃。而榴連炸彈岩哂榴彈愛好者，超濃榴彈味，正食到差唔多就叫甜品啦，叫左心太軟同木糠

是日慶生日，同妹夫慶祝，好似係第一次啊！妹夫咩都唔鍾意食，淨係食海鮮，食放題就可以滿足到十一個人嘅欲望啦！食物方面唔點讚啦，都係正常放題質素，好食嘅！又多款！雪糕就雪米慈同雀巢雪糕杯，冇咩特別！甜品全部都好食，衰在每人限叫兩款太少放題，永遠都係好迫，仲要叫到成枱都係，負責人好細心，收完你張單會評估你上一轉黎晒未，未黎晒幫你hole起張單，適當時候會幫你落番，冇漏單，超讚！好服務要繼續讚！我用openrice book位，寫明for生日，負責人主動whatsapp我話見我係生日要唔要蛋糕，我要求加字佢又肯，上碟時仲插住支煙花蠟燭，真係冇諗過！當然唔少得要影相～放題職員忙到死就一定，幫我地影相都仲好殷勤，走又有禮貌！比左一個愉快嘅晚上我妹妹同妹夫，好想上黎讚下佢地！

旺角確實冇之前咁熱鬧，除咗少咗中国人之外，可能個個都驚自己變成object，怕有人分唔到係人定鬼，有打錯冇放過，不過大胃都就嚟飽到不成人形，照出旺角醫肚是也飲恨不能止渴，飲就飲有味嘅嘢飲啦，呢度都算多選擇，夠民主一口過壽司，唔會太大舊，夠老實魚生夠肥美新鮮，啖啖油脂香刺身係擺得冇咁靚，不過都鮮甜雞軟骨都幾爽口天婦羅幾大份吓上菜速度幾好，唔會太快太慢，食完咁上下先再上另一批樓面勸我地趁熱食羊架點都要食吓蔬菜嘅仲有焗蠔同帆立貝𠻹喎甜品有得揀，咁至係老闆大胃實係飽到不成人形，變成round object，點算？

今日咁岩經過旺角想食放題，旺角都試過好多間，見呢間之前都有朋友推薦餐紙都有好多野食選擇呀，餐紙A-K很多唔同的種類除了日本野之外 都少有見到放題會有冬蔭功湯呀，所以都即刻叫左來試👍🏻👍🏻個湯都夠辣味 有蟹柳同蝦做湯料另外覺得串燒方面都燒得好好食 我地比較食得多燒物 最好食係燒羊架 好大件都燒得好香😋😋 下次有機會 會再試不過當日叫左一輪已經好飽，好多野都未食唔到唔知係咪日頭食 食唔到咁多野 刺身叫左好少就飽左啦😭😭😭見到其他人叫左勁多 勁大盤 原本都想叫多次大盤,,所以真係多人來食都開心d 呀 最後仲有甜品紙，因為佢走時先問洗唔洗要甜品落單紙，不過已經食唔落所以大家下次可以差唔多飽時搵定食咩甜品🤗🤗

今日同朋友落旺角行街，晚飯都想坐多陣吹個水，咁日式放題就啱曬我地了🤤🤤見兆萬有間（大本瀛）就上左試下。款式多到今次食唔曬🙁🙁下次一定要再尼食過😆 兩隻餓鬼坐低就快快手手落單，轉個頭野食都到曬🤪 真係超快手。 今次我地叫左刺身，壽司，炸物，一品料理都有試。太多款了真係叫吾曬😆😆 刺身除左平時成日見嘅挪威三文魚，我中意食嘅甜蝦，馬刀背之外，依度仲有一樣特別刺身泰式生蝦，上面嘅泰式醬汁真係令人開曬胃口🤤🤤 壽司有分普通同火灸，三文魚壽司、劍魚腩壽司就點都要叫返次食🤤佢依度仲要有四樣加有黑松露嘅壽司識叫一定要叫埋👍🏿炸物要叫炸蝦是常識吧！佢依度只係用薄薄一層粉去炸夠曬鬆脆🤪仲有個一口豆腐比我諗嘅好食好多，脆脆嫩嫩好q的👍🏿👍🏿真係炸得好有水準拍得住去直接去日本食。 最緊要同最好食就係一品料理。今次叫左炒蒜片牛柳粒，香蒜煙肉焗北海道帆立貝和芝士焗廣島蠔。大大粒牛柳入口一d都唔難咬，仲整得好入味又多汁。香蒜加上煙肉連同帆立貝加入焗爐烤焗，蒜蓉特有香味溶入了帆立貝中，簡直芬香撲鼻。邪惡嘅芝士加上廣島 蠔真係絕配。我都忍唔住叫多左轉。 大本瀛日式放題  旺角西洋菜街1號兆萬中心10樓