大本瀛日式放題

營業中

休息中

狂食@大本瀛日式放題 地址: 旺角西洋菜街1號兆萬中心10樓 電話: 37431977 放題好處係易於控制budget ,以劃一價錢食到多種日本食物，由貴價的刺身壽司，到熟食如串燒小炒鍋物天婦羅，都一一食到$188 lunch time食足3小時前菜食了手拍青瓜，木耳，川式皮蛋，勁開胃刺身基本上我忠心於三文魚，吞拿魚燒鯖魚愛到每次食放題都一定點翠玉瓜串，爽口芝士醬炒雞球 個醬唔算重芝士味，但幾香滑！野菌炒雜菜健康唔單調 驚喜是有泰國野食同邊爐，包羅萬有！牛油雞翼脆身夠熱，手打蝦餅算彈牙，炒蜆重香料味，通菜鹹香，全都惹味！眼花撩亂，好辛苦都試唔到當中1/4 menu, 可以話是香港放題中最多食物款式選擇！又收費合理，定必encore , 多國菜式都係呢度食到！

在樓下見到有廣告都有不少食物選擇而且價錢又不貴就上去吃晚餐放題，坐得都不錯幾大張梳化，食物以餐紙點，之後結帳計晒加一都是二百二十都不用十分抵食，有日式又有泰式，都幾多選擇而且食物質素都不錯。來到當然叫了點刺身先，這裡的刺身新鮮程度都不錯，幾鮮甜。壽司選擇都不少，壽司飯不錯，燒左口魚邊，鰻魚，火炙三文魚都叫了幾次。這裡除了日本食物仲有泰式，冬陰公都幾辣又香口，仲有炒蜆同飛天通菜都炒得幾香口，牛油雞翼好香牛油香同炸得好新鮮的蝦餅春卷。燒物有牛仔骨同牛舌，味道都十分濃郁，鍋仲有分大同細，我就選擇了細的牛肉鍋，份量的確剛一人份，牛肉口感都不錯，有牛肉味帶點甜，仲有菜都幾入味。天婦羅仲幾新鮮夠熱，再叫了一個牛肉烏冬二人份剛好。飲品我就要了烏龍茶而朋友見到有椰汁就取了都講不太甜不錯，其他放題比較少有。甜品就要了豆腐花，泡芙，木槺布甸，不太甜細細件可以食多輪。

今日同frd行mk，行到一半覺得好肚餓，咁啱見到兆萬樓下有人派傳單，就上左去食大本灜放題。我大概一點半去食，個場都幾多人但係都唔洗等位幾好。一打開個meun，都幾多野揀，通常d人去食放題都係食刺身，但因為本身我唔食生野，所以我會好著重佢有d咩熟食，而佢都有幾多選擇。首先我叫左軟殻蟹手卷，都幾好食，佢個軟殻蟹都幾多，所以配個飯都唔會覺得好dry。之後我再食左個蟹柳壽司，因為佢個面頭係用火燒過，所以食落口好香👍🏻，味道比美元氣。之後又叫左個鯖魚，呢個大堆，佢燒得好香，加左少少鹽調味，再加啲檸檬汁，完全食到個魚的鮮味！除此之外，我仲叫左一口豆腐，佢上面仲加左啲紫菜，一口size放落口，好好味。之後就到燒物。我叫左個燒菠蘿，個菠蘿燒完酸酸甜甜，好正。跟住個金菇肥牛好有驚喜！佢個汁較到好好味，啲牛燒得又香，包住金菇好正。之後又叫左個花枝丸，花枝丸咬落好有彈性，好好咬，呢個真係食到停唔到口。然後又叫左燒雞翼，呢個雞翼係店鋪推介嘅，燒得好香，因為我本身好中意食雞翼，但即使我食過咁多雞翼，但呢個雞翼都依然好正，燒得勁香，好正。之後又叫左豬頸肉，個豬頸肉本身已經煮得好正，然後再加上個酸甜汁，食落去酸酸甜

唔少放題環境都好逼，幾乎同後面枱背對背咁坐，想郁一郁都難所以我中意去呢間，貪佢有卡位坐得舒服啲，枱與枱之間有蓆隔開，私穩度高。而且呢間放題無乜漏單情況，店員收碟換碟程度都好快，抵讚放題必點刺身，呢度有泰國虎蝦供應，蝦肉爽口配上帶蒜香既辣醬，質素比得上泰國餐廳最中意食前菜胡麻豆腐，落足醬料，香口又涼浸浸夠消暑。好少放題有枝豆，仲要夠大粒飽滿元氣要廿蚊碟，有得任食當然要瘋狂encore。推薦燒鯖魚唔腥，燒得唔燶又唔會太鹹。燒烤類，肥牛片唔油，包裹住爽脆既金菇，口感豐富。羊架一定要食，燒得夠稔夠鬆軟，最重要夠厚肉，一咬落去仲識咇肉汁咖牛柳粒位置幾好，唔係得肥膏，切成骰仔大小岩岩好一啖一粒，稔身唔韌，落左椒蔥炒得香口惹味次次黎都會點既特濃芝士茄醬雞球，個醬好似食梗pizza咁，酸酸甜甜鹹鹹香香辣椒膏青口無咩辣味，反而似芝士醬，同嫩滑既青口夾埋口感幾滑。呢度仲有唔少泰國小食，例如鳳尾蝦春卷，網卷口感鬆脆，內餡係蝦肉同豬肉，雖然略帶油膩，但香口程度滿分💯手打蝦餅超級彈牙連豬頸肉都有，肉質爽口，味道清清地，主要靠酸甜醬調味。呢個越式牛油雞翼一定要食，外皮炸到好香脆，但又唔會有脆香雞翼既粉感一咬開勁濕

暑假就梗係要約埋成班friend一齊出去食放題啦，今次要介紹嘅係兆萬中心10樓，大本瀛放題！一間放題店點,就取決於刺身啦！係刺身方面，我帶咗挪威三文魚，甜蝦， 赤貝，珍寶帶子， 鮑片，玉子。我嗌左大約10分鐘唔夠，就已經有得食啦，速度方面都算係OK快！覺得所有刺身裏面最正就係三文魚，夠厚夠新鮮，真係入口即溶！食完刺身就到食壽司啦喎！我就帶咗蒲燒鰻魚壽司，將燒芝士蟹柳棒壽司，三文魚壽司。我最鍾意就係食將燒芝士蟹柳棒壽司，啲芝士半熟小小溶，再加埋鮮甜嘅蟹柳！真係好正！直到三成飽，就開始食炸物啦！我最鍾意就係流心芝士年糕，出邊係熱辣辣嘅脆皮，年糕包住留心芝士，一咬落去啲芝士溶到成口都係，浸芝士味真係香到爆，我食咗五粒先夠皮！最後就梗係嚟翻個壽喜燒牛肉鍋！呢個真係一定要嗌，好食到不得了呀，甜甜地嘅湯底，加隻半生熟嘅蛋，同埋超多牛肉， 真係好抵食。 我同朋友一人一個！總括而言，大本瀛放題，環境唔錯，佢哋會用一塊簾格住同枱嘅唔同客人，客人有空間感得來，又唔會比其他客人影響！另外上菜速度亦都非常快，嗌咗三輪，都係10分鐘之內送到！

剛踏入店內，就即刻有服務員招待。基本的問題不在話下，特別的是有問我地要否坐窗邊，和說了那些位置是風口位。服務的專業態度十分滿意。店內環境寫意，燈光泛黃猶豫西邊的黃昏，使人陶醉於這𥚃。每個坐位也有一盞吊燈，燈的設計是行走工業風。令整個格調提升了一個層次。食物方面包羅萬象，由冷盤至熟食的種類五花八門，有選擇困難的顧客要意注這點，因為樣樣都想食的時後，肚子又要漲大一倍了。冷盤類食物，雪白的冰在底做了一個衡溫功量，保持住食物新鮮。就像相中的新鮮生文魚安躺在冰塊上。令加上有淡綠的菜作了一個點綴，令整個賣相變得更有層次。熟食感覺到除了廚師的心機外，更品嚐到大火高燒的鑊氣。烏冬在高溫烹調使它更有口感。

今日去到店員見我們沒取飲品便提示我們飲品是可以隨意自取，但那刻我們只想要杯熱茶便order熱茶店員亦即刻奉上跟隨估不到有店員即刻弄熱兩罐烏龍茶給我們那刻很有驚喜，吃飽結帳後因是雨天店員還很親切問我們有沒有帶遮可以把他們的遮給我們用那刻真的覺得他們很貼心，服務態度非常好臨走還記得叫我們取甜品雪糕去吃，真的真的感到非常非常貼心今時今日這樣的服務態度真的很難找到，讚讚讚👍🏻👍🏻👍🏻

好耐都冇係兆萬食過野，大家都應該知道原因XD今次朋友推介，就即管試試! 位於兆萬的10/F, 日泰放題(其實主要都係日式多D)來吧, 好快 (係快到唔夠5分鐘) 就上第一round的刺身黎得好足, 而且刺身的款式都有好多！除左一般的三文魚, 甜蝦,帶子, 鮑片, 仲有八爪魚, 玉子, 泰式生蝦, 仲有D螺等等全部都好新鮮!仲有, 前菜的款式都有好多比一般更多選擇，有皮蛋, 鳳爪等等料理果PART就叫左少少, 2款蜆牛油粟米, 溫泉蛋 等等串燒方面真心唔錯 一口甜薯好味 翠肉瓜燒完都唔乾身羊肉同牛仔骨!羊肉有羊味, 兩款肉肉質都岩岩好, 而且好juicy牛仔骨仲encore 左!!!!我最愛既飛天通菜!!!比平時出面食既泰菜淡味少少, 不過都好OK如果太濃味, 再食刺身會影響左刺身既鮮味份量岩岩好~ 唔會太多再黎多ROUND 刺身第2 ROUND 刺身都黎得好足冇馬夫到!今次呢一餐真係令我對兆萬既食市改觀左好多推介兆萬10/F 大本瀛日式放題 

呢個月第二次光顧，第一次生日party,第二次家人聚餐，兩次感覺都好好，食物滿意，成間鋪員工俾人感覺好舒服，好融洽，服務超超超好，好舒服嘅一個用餐氛圍！成個飯局都食得好開心🥳特別讚賞員工Tony 更加超出預期的服務態度👍食完漏咗個耳機（因為有紀錄價值，所以以為唔見咗，好唔開心），員工Tony更是代為keep 起，更主動what sapp提醒隨時可以去拎返，好有責任心，所以好驚喜🥳以後御用飯堂就係呢度喇😊（第一次寫食評）！

大本瀛出名性價比高，食物選擇多，今次小編食完，果然名不虛傳~雖然張枱有啲窄唔係好夠位擺，但d staff收碟速度快，見到空碟即刻收🤤·晚市放題（兩小時）$198·飲品飲品選擇唔算多，不過應有盡有，放題就最啱飲消滯嘅烏龍茶🍵·刺身放題必點嘅刺身都有，魚生好新鮮冇雪藏味，仲有推薦放題好少有嘅泰式生蝦，配上個醬汁好好味！·壽司火炙京蔥三文魚壽司聽講係呢度嘅名物，油脂夠，三文魚嫩，小編忍唔住食左好多🍣🤣🤣仲有蒲燒鰻魚壽司同軟殼蟹手卷都推薦大家食！·炸物芝士年糕：有麻薯口感同竟然拉到絲😍有驚喜泰式牛油雞翼：一啲都唔乾身，食落仲有少少牛油嘅香味😋·燒物、串燒鹽燒珍寶大蝦🦐超級推薦，好大隻！佢啲串燒即叫即燒，好新鮮熱熱地，d蝦仲好彈牙🤤椒鹽雞軟骨，最啱配啤酒🍻，又係熱辣辣咁上菜，有咬口，好正！燒有機菠蘿🍍燒完唔會太乾，仲keep住好鮮甜☺·一品料理、煮物壽喜燒鍋梗係要整爆隻蛋先食😋，牛肉夠淋，仲有小編鍾意食嘅娃娃菜🥬火山溫泉蛋🥚小編好鍾意半熟狀態嘅蛋，將面頭嘅蟹籽、甜豉油同溫泉蛋撈勻，再一啖食左佢，好正！鍾意食溫泉蛋嘅人一定要試🤤🍳.另外，呢度有好多款泰國料理，推薦飛天通菜，唔辣又夠惹味！同埋豬頸肉

去到旺角一帶，今次食放題，第一次食依間。感覺係一間小店經營既放題，但頗受歡迎，七點左右已滿座。刺身選擇唔算好多，但基本款都有齊。螺同鮑片都俾多左兩塊，但兩個都有返放題應有既水準，食得出佢既鮮甜。帶子有厚度，北寄貝爽口微甜，特別係泰式蝦有加醬，酸酸辣辣都幾開胃😜壽司大推火炙壽司，鰻魚、蟹棒、三文魚都幾新鮮，有少少微溫，味道唔錯！配上芝士，特別好食！炸物 天婦羅紫薯波非常推介，新鮮炸起，又香又熱辣辣，食到啖啖既蕃薯蓉。炸蟹棒好有港式風味🤣炸蝦都唔錯，大大隻。壽喜燒牛肉鍋份量超級大😂超足料，有好多牛肉同娃娃菜，仲有原隻溫泉蛋，抵讚！個湯仲好好飲添。甜品方面，鮮奶凍好腍入口即溶，留底少少奶味入口入面。順帶一提，佢由落單到上菜都好高速，驚死你食少兩碟會蝕底咁😂😂真係好適合有少少趕時間 食完仲有下場既人🥰

生日飯陸續有來~ 今次朋友請我吃位於兆萬中心的優質日本放題~刺身，任點任食，份量十足，鮑片，鮮嫩彈牙; 珍寶帶子，清甜細嫩; 挪威三文魚，厚切肥美; 有頭甜蝦，粉嫩鮮甜; 泰式生蝦，明亮剔透，鮮嫩爽口，加上青檸香茅醬，酸香醒胃。款款刺身鮮味滿瀉，點一盤已值回票價!壽司，選擇繁多， 賣相吸引，其中黑松露系列壽司不容錯過! 刺身鮮香味加上松露香，令人垂涎; 醬燒芝士蟹棒壽司，芝香味濃; 火炙京蔥三文魚 / 香蔥左口魚邊壽司，鮮味十足; 海膽花之戀，海膽濃厚甘香，蟹籽晶瑩爽脆，三文魚鮮味十足，加上沙律醬的酸香味，份外滋味~壽喜燒鍋，牛肉軟嫩，牛味濃厚，滿嘴充滿肉汁及燒汁的甘甜味~ 配料冬菇、金菇及娃娃菜鮮香甜美，拌勻生雞蛋吃，更添馥郁的蛋香，令人回味 ~清酒煮蜆，蜆肉肥厚鮮甜，滲出陣陣清甜酒香，加點青蔥調味，清新香口，很適合夏天享用~鐵板燒紐西蘭羊架，肉嫩腍滑，肉汁豐盈，羊味濃厚，毫無羶味，香口惹味!燒有機菠蘿，富天然的果香甜香，厚肉多汁; 汁燒翠玉瓜，口感爽脆，瓜甜汁多，帶點焦香，健康味美; 燒冬菇，彈牙多汁，菇香味濃; 金菇肥牛串，肉香加上菇香，加上燒汁的甜香，非常惹味!流心芝士年糕，外

兆萬一向有劣食塔嘅稱號，今日同兩個大專朋友聚會，而佢地臨時先決定食放題所以別無他選下，就黎左呢間兆萬10樓大本灜日式放題，7-11樓食肆記得先用扶手電梯到3樓搭lift門口位置擺咗幾個雪櫃，你見飲品選擇就一般啦，唔係十分吸引嗌咗三文魚刺身啦甜蝦帶子，三文魚🍣肥美👍🏻，其他正常燒虎蝦求其嗌左壽司大蝦天婦羅難食唔知係個烤漿有問題定蝦超級唔新鮮，個味好奇怪服務：幾個員工態度友善，會同客人傾計食物：刺身ok,熱食部分ok種類：食物，同飲品唔算好多選擇，埋單先有甜品紙，幾款野揀座位：3個男仔坐4人位唔算好寬敞，少迫

奶油包同朋友星期六忽然身痕好想食放題咁奶油包之前食過『大本瀛』就推介朋友同奶油包再嚟幫襯2位朋友都係第一次嚟食佢地都覺得野食方面好多選擇N張點菜紙總有一款岩大家因為奶油包同朋友都太肚餓既關係所以就以狂風掃落葉形式去點左一堆野食『大本瀛』既飲品同甜品係自助既奶油包就唔講飲品個D因為呢D都係外購既唔好講廢話講下食左D咩先刺身拼盤…『大本瀛』既帶子刺身同蝦刺身都勁新鮮食落去既鮮味俾你知道佢唔係"揸流灘"既真心要講講帶子鮮味十足奶油包同朋友encore個刺身都有叫帶子三文魚刺身就一如出面既水準油甘魚食落都好食炸物奶油包都叫左好多 但係有一樣係真要推介 就係貓山王榴槤炸彈 鍾意食榴槤既真係要叫嚟試試 好食到冇朋友而串燒方面真心唔錯 一口甜薯好味 牛油雞亦方面牛油味唔係好重而且覺得有D咸蛋味唔知係唔係落左咸蛋牛脷勁好味要大大力要推介而羊架又唔會有個種騷味肉質都幾軟都係唔錯既而蜆肉方面清酒煮蜆係唔錯但招牌炒蜆就好一般喇冇咩辣味仲有少少沙飛天通菜就OK啦不過可以再重味少少天婦羅方面 水準都幾平均 而且唔係好油 但奶油包鍾意食蝦天婦羅多D甜品有木槺布丁，迷你心太軟同3.6牛乳奶凍3個都唔係好吸引但可以加

特意選擇了午市去吃放題，人流較少，價錢也相對便宜。店面的裝修偏日式，食物種類可以說是應有盡有，但值得推薦的是蟹粥，蟹的鮮味十足，混入粥水之中，令人想一試再試。除此之外，放題當然少不了刺身，刺身十分新鮮，每一口都是原汁原味。牛柳真的燒得很棒，每一口都是滿滿的肉汁。之後又點了喜壽鍋，湯底完全吸引了牛肉的精華，也不會過於油膩，一口牛肉一口湯，簡直是人間美味。炸物亦炸的酥酥脆脆，外脆內軟，特別是當榴槤波波咬下去，原來裡面是流心的，榴槤味十足，成個口腔都充滿住榴槤味。喜歡吃榴槤的人可以試一試。甜品方面，可以下單點些糕點和布丁，或自己出去拿雪糕。不過雪米糍始終都是我的最愛，一口氣吃了兩三個，再加個雪糕杯，作為午餐的完美完結。