大本瀛日式放題

營業中

休息中

好耐無食放題, 睇食評見到唔錯, 點知最後都係中伏.一入到去條通道窄到唔可以兩個人行, 之後分到張枱又迫又窄, 同旁邊只有一手之隔.甘都無辦法...只好叫野食....魚生剌身...其實好似全部一樣....無味.甘只好食熟食...選擇多但只有一樣野覺得好食, 就係個"左口魚壽司".其他野食只能說可填飽個肚, 沒有任何滿足感.只可以話沒有下次了. 不過除了野食外, 服務都唔錯, 有笑容, 有主動收碟同落單, 上菜都快.如果野食可以有甘高質就好.食飽見到都好多人O係度排隊, 只可怪是自己要求太高吧

在長期抗爭的時期, 有時都需要找一個令自己精神放鬆的方法，食就是令人心情愉快的好選擇。位於旺角的大本瀛，不是第一次幫襯，但之前食過質素很不錯，所以一想到要食放題，就第一時間想起佢。下午的時間，相對夜晚時店內人流不多，坐得很舒服。而且店內有提供BB座椅，對於有小朋友的家庭飯聚，是個不錯的選擇。刺身類，我就點了三文魚、甜蝦、北寄貝、帶子、馬刀貝、赤貝、鮑片。刺身夠新鮮，我點的也沒有什麼可以挑剔。個人比較喜歡帶子夠鮮甜, 而馬刀貝同赤貝的爽脆口感令我最回味，再encore了3次。壽司細細的一件，可以食多幾件，除了基本的三文魚、帶子、鰻魚等外，也有比較特色的壽司: 火炙左口魚，有入口即溶既感覺。手卷選擇不多，而軟殼蟹手卷算是中規中矩。燒羊架：羊架肉質鮮嫩軟腍，帶點肥膏油脂香，而且調味適中。日式的炸豆腐精髓在於外層有薄薄脆口炸漿，而內埋的豆腐滑不流口，配上醬汁，根本就是我的菜。榴槤炸彈：呢個炸粉厚薄恰好，入面有熱辣辣的流心爆餡榴槤蓉，榴槤控一定喜歡。炸香芋丸：香芋丸既炸粉就比較多，香芋蓉亦都略為實身，口感被比下去。來到最後要再叫一Round焗蠔，佈滿沙律醬的焗蠔雖然感覺很肥膩，但醬汁惹味得很。醬

行行下旺角肚餓，經過兆萬發現好耐無食放題，就入左黎試。試完覺得好ok!!會再幫襯😋先講出餐速度先，佢地收完order之後唔洗5分鐘就會出齊。快到痴線😂 侍應仲會好細心，有時填完紙放埋一邊，轉個頭佢地經過見到就會順手拎埋 好抵讚👍🏻食物方面食左好多野，刺身、熟食、沙津、鍋物同炸物都有試。魚生都好新鮮 尤其三文魚 凍凍地 好開胃好吸引！最最最好食既一定係燒三文魚壽司，之前有短暫上網做過research，個個都話好食。 果然不出所望 超級好食！！油脂好夠，三文魚好嫩，我同朋友瘋狂食左好多😂另外個菇都好好食，甜甜地又唔會覺得食唔到落去。最後我一個人食左兩碟😂整體來講，佢地種類好多好足，好多想食或者無諗過佢會有既野食都有😂環境都好好，係座位同枱太近有啲窄，不過都接受到既。而我地坐個個位咁岩望到廚房，見到情況都好衛生，食得好安心。題外話：食食下個陣突然播生日歌，然後有侍應拎住插左煙花蠟燭既蛋糕出黎，好靚😍佢地生日event都搞得好好，諗住下次有朋友生日都會去哩度慶祝！

前天想起女仔朋友提起去旺角大本嬴吃放题，都好掂又唔貴，便约了朋友去！環境舒適。坐落即落單，點了剌身，當然少不了最愛吃嘅三文魚，希靈魚，鮑片，生蝦，象拔蚌等。刺身果然新鮮甜美，尤其是鮑片和象拔蚌最正。隨即再落多一份！超滿足！停了一陣再點壽司，炙燒三文魚，不喜欢生吃三文魚的朋友，一定要吃包你會愛上它的口的感。黑松露三文魚壽司也不錯，還有象拔蚌壽司，蟹孑芝士吞拿魚也很美味！廣島生蚝和醬汁.牛舌嫩滑，羊架吃落一點騷味都無，超水準，很想再來一份，可惜肚子没太多位置品嘗美味燒大生蝦，生菜包，冬陰公連泰式食品也一流，最後一擊：蟹粥，人參鸡湯，和甜品牛乳就美滿的结束了今次的时候美食之旅啦😋😋😋😋😋

今日同一班朋友總數18人一齊食飯慶生，餐廳的食物質素好好，媲美尖沙咀一啲放題的大牌子而佢性價比更高！但最令我欣賞係每一位員工的服務態度，首先好盡量滿足我地咁大班人的坐位問題，亦會怕我地難去拎飲品而時不時就幫我地拎一大盤飲品。每一位同事細心的服務都令我地非常滿意！多謝你地

呢間放題既員工態度都好好又主動，見我地自拍會主動問使唔使幫手影相，仲提供自拍棍畀我地。上嘢食速度好快同埋唔會漏單，而且性價比好高，食物質素okay最緊要位置唔會好逼。之後一定會繼續幫襯！！

自從上次發現在大家慣常的晚飯時間前食放題，座位多選擇，食物上得好快~!!食得好開心之後!!今次同樣選了比較早的時段來食晚餐~我真是好喜歡這間放題，因為性價比高，食物選擇多，而且好多都好好味，又夠特別~刺身是放題一定要食的。最愛的刺身就是章紅魚，而這裡必點的我會推薦泰式生蝦，那個醬實在太好吃了!還有赤貝非常鮮甜!!壽司方面，老公今次點了很多黑松露系列壽司。還有他最愛的軟殼蟹手卷。這間我最愛的食物其實是湯類，今次就喝了最喜歡的韓式人參雞湯(必點推薦)，這個真的超好味!人參味特別濃!!另外，還點了泰式冬陰功，湯料很多!夠辣，有椰奶香味!好喝!!比較特別的是今次點了壽喜燒鍋，那顆蛋，好吸引!!我覺得這個鍋做得不錯，牛肉剛好~蔬菜夠軟~第一次在放題吃到川椒皮蛋，覺得好特別，味道好香，吃著的時候好想要配麻辣米線XD鹽燒珍寶大蝦，非常大隻!!其中一隻比竹籤更長!!炭燒雞翼超好味道!超想翻叫無限次~不過要吃其他，沒辦法XD還有椒鹽雞軟骨，配啤酒非常襯~!!當然我覺得吃放題不想飽到爆開，我會推薦喝茶~天婦羅多春魚炸粉不多，可以食到多春魚的香味，魚春在口中炸開的滋味一流~!!和風芝士焗廣島蠔，芝士足夠多~

朋友生日食放題，食物上得好快，味道ok，服務態度一流，金毛哥哥親切友善，笑容滿面，同食客有傾有講，收銀哥哥好nice，我付款時簽卡的，所以知道我既姓氏，我臨走撘lift 時仲同我講幾次「bye bye 黃小姐」，好窩心，其餘侍應哥哥都好nice，提我記得食埋雪糕先走，比起其他連鎖餐廳服務好很多。我平時都無乜寫食評，但今次都要寫一下,尤其是係金毛哥哥真係攞滿分💯我個人覺得食物味道固然重要，但服務態度都影響客人既感受。

朋友想食放題, 我提議去大本瀛食，因為水準唔錯，可以 encore 首選當然是魚生刺身, 北寄貝、赤貝、海蝦、希靈魚、帶子、 鮑魚…… 品種多樣， 實在是太新鮮肥美，充滿光澤， 忍唔住要叫多一次，大飽口腹 喜愛魚生的朋友一定番到本其他烤焗蠔 ……無糖有糖飲品任飲，怕甜，全部揀無糖韓式人蔘雞湯，清酒蜆泰式冬陰功湯，炒飛天菜都功夫到家，東南亞食品都有得食燒羊架更是必食，保持水準， 沒有令人失望鹽燒青魚、燒菠蘿、翠玉瓜、冬菇金菇牛柳卷、燒牛舌……黑松露手捲、鮮蝦 更顯矜貴烤大海蝦……食過不停甜品豆腐花、奶凍只可叫一次但已經飽到食唔落了

約左無見好耐同事出旺角聚下舊，本來想揾間靜靜地餐廳傾下計，不過同事話想去食日式放題，貪佢任食又抵食，於是去左兆萬中心，因為過度好多間選擇，最後同事揾左10樓間叫大本灜日式料理，2小時任吃都係二佰鬆啲，環境就比較迫，不過梳化尚算舒服，可以望出窗外個石屎森林景，原來係自己點餐，嘩大大舊餐單紙，食物類多到你唔信但飲品款式就不多。最後都tick左好幾款大家都啱食嘅有壽司，一品料理，券物手券，泰國風味，炸物天婦羅，剌身等等，好彩同事夠大胃口通通掃清，成晚我最欣賞係啲服務員好勤力，密密換碟和收單食物上枱好快，唔使等好耐，我最欣賞係刺身，廚師擺設有心思，好有鮮味，娜威三文魚和有頭甜蝦，手切八爪魚入口啖啖鮮而炸物天婦羅送啤酒就一流整體係滿意又滿足的

好耐冇食放題，今日晏晝約咗朋友去兆萬，呢間放題都幫襯過幾次，算係抵食。第一輪當然叫咗刺身先啦，三文魚都係好厚實，我朋友就話甜蝦好食之後就係每次必點嘅火炙壽司，每一款嗰隻壽司都有嗌，最好食係三文魚壽司，我哋前後都嗌左三round之後就帶咗啲熟食，鹽燒牛舌就最好食，唔會太鹹，牛味重值得一讚嘅地方係，侍應嘅態度不錯，上菜嘅速度都好快，而且冇漏單 食到最尾梗係要甜品啦，佢有雪糕同埋雪米糍可以揀，同埋有另外一張嘅甜品紙，嗰度會有啲特別嘅甜品，我哋就揀咗牛奶奶凍每人埋單二百幾蚊，都算抵食啦，食到勁飽

說兆萬是放題集中地一點也沒錯，這𥚃已經有幾間不同的放題。通常會就食物種類、味道、價錢的性價比作選擇。這裡有泰式食物是其中一様較特別，最重要是有泰式生蝦，因為很多泰式餐廳也沒有了生蝦刺生了。生蝦會跟其他刺生一起上，但會加了泰式醬汁，特別惹味。亦有九層塔炒蜆及冬陰功，不過辣度則減了，比較合大眾化的口味。壽司方面劍魚腩壽司也不錯。燒物的牛舌、燒大蝦、燒羊架也推介。 榴連炸蛋是每次放題必叫的，超濃郁榴連流心醬一汁，外皮脆卜卜，氣味也夠濃烈。

食過咁多間放題，呢間算係食物款式好多，特別刺身好新鮮，食左兩round 都覺得質素唔錯，燒物同天婦羅都好好味，仲要有我最鐘意既炸榴槤，芝士年糕😚唯一係食壽喜燒牛肉難以進食，因為用碟食，沒有提供碗比我地🤭飲品任飲，選擇都好多，有酒飲，另外每人一個甜品食，木糠布甸同迷你心太軟，都好好味，最後仲可以食埋雪糕/雪米糍價錢合理，餐廳環境舒適，唔會迫挾，服務都唔錯，最重要地理位置方便！！！值得Encore😆

前日放假同朋友去食生日飯，幾個人都旺角又想食好啲，就選擇係美食集中地旺角等，去到旺角又唔知食乜好，見到樓下有人派傳單又唔係貴，就上去試下。上到去啲staff都幾nice，又岀奇地唔洗等好耐，就決定食佢！食物方面，真係有surprise!! 本身以為都係一般放題咁得幾款，同啲刺身唔多新鮮，點知都幾多野食，刺身都算幾新鮮，又快到，你寫幾件真係會岀幾多件，唔似其他，你寫20，都係比2你😂其實款式好多，下面就推介幾樣我覺得必食既，其中一樣一定係火山溫泉蛋，佢咸咸地又唔係太濃味，入口即融，每日只少叫左2/3隻😂最好係佢啲壽司，全部細細粒，唔似其他餐廳用飯填飽你😂細細粒就可以每款都試下，特別推介黑松露系列，好正！熱食我最中意食佢既金菇肥牛卷同玉子天婦羅，又香口又好味，食到停唔到口😂有朋友唔食牛既，佢就最中意食雞翼，有牛油雞翼同香草雞翼，玉子天婦羅好厚切，幾有驚喜，連人蔘雞湯都有，飲得岀無乜味精，正！芝士年糕入面係滿滿可以拉絲既芝士，炸蝦餅夠脆夠彈牙，好味！仲有個燒菠蘿，夠juicy又甜，汁燒冬菇同翠玉瓜烤得好夠火喉，好正！野飲有2個雪櫃咁多，仲有啤酒添，連荔枝紅茶，忌廉鮮奶同芒果汁都有，岀面通常得

旺角咁多間放題，唔知揀邊間好見食評話呢間性價比高！就試呢間平日夜晚上到去，差唔多full曬好彩個fd預先bk咗！先叫刺身，擺得好靚咁上枱泰式生蝦仲有配埋個酸辣汁，好味！螺都好食，甜蝦係有頭呢款，大大隻前菜叫咗木耳同鳳爪細細碟非常好，可以咩都試d木耳整得好好食個汁酸酸辣辣調得啱啱好好食到encore咗2次壽司有我最鍾意嘅火炙左口魚欣賞佢d壽司飯細細件，唔會塞飽你另外海膽花之戀都好食燒物炸物全部黎到都熱辣辣芝士年糕必食燒雞翼加咗孜然粉都好味太多嘢食，不能盡錄，全部水準都不錯！人參雞湯味道清甜清酒煮蜆，估唔到都幾大粒忍唔住叫咗個壽喜燒有菜肥牛，蛋，金菇，洋蔥，娃娃菜夠入味最後食甜品最正係個心太軟，細細粒，又做到平時甜品舖食嘅味道好正！要encore!!店員都好nice!!係我去過咁多放題之中最有禮貌！