大將 (已結業)

又去食日式火鍋放題，餐廳更新咗餐牌，星期一至四晚市可以食足150分鐘，可以慢慢食同傾計。✨澳洲和牛牛小排150分鐘放題 $398🌟湯底呢到係一人一鍋，要咗完熟蕃茄海老濃湯同一款新湯底。見到最近推出咗新既味噌雞煲湯底同中華重慶辣雞煲湯底，係一鍋兩食，我揀咗味噌雞煲湯底，先食雞煲，黎到可以再煮一陣，雞煲可以再添加雞件，之後再叫店員加打邊爐，味噌醬帶少少甜🌟肉類、海鮮肉類有澳洲和牛牛小排、安格斯牛小排、豬、雞、羊等。海鮮日本帶子、杭州黑魚片同大蟹捧都好值得食。帶子幾大粒，黑魚片冇骨滑嫩和牛牛小排油脂唔算特別豐富，肉質都幾軟滑，羊肉豬五花都正常，昆布漬雞肉切咗細條唔洗淥好耐，肉質好滑 🌟自助區除咗餐牌上既肉類同海鮮，其他都配料都可以自己到外面自助區攞到。有少量前菜熟食，今日有泡菜、壽司同炸雞。另外有蔬菜、丸同腸類🌟甜品呢到甜品選擇就多啲，除咗一杯杯既甜品杯，可以自製窩夫，有晒圖文指示點整，都幾得意。甜品雪櫃隔離仲有軟雪糕機，雪糕有朱古力同雲尼拿口味，雪糕都幾滑，朱古力唔會太甜，仲可以自己加toppings.

一人火鍋🍲最正就係自己一鍋，揀晒自己鍾意食既野，唔洗問人又要同人share，所以間中自私食都幾爽架🤭今日就約埋將軍澳街坊一齊去Popcorn的大將打邊爐。餐廳裝潢以簡約淡雅的木系為主，卡位座位夠寬敞，坐得舒服。揀左澳洲和牛牛小排放題，可以任食和牛好正！有八款湯底選擇，另有三款新出的雞煲🐓系列，只要+$10就食到。雞煲仲係無限添加雞，我就揀左味噌雞煲。味噌醬汁底既不過鹹又夠香，食完雞煲再打邊爐非常豐富！店員會先每人先上一份澳洲和牛、雞肉和五花肉。除了澳洲和牛，仲有鹿兒島黑毛和牛、美國SRF和牛等。澳洲和牛肉大大塊，油脂豐富，肉味濃郁encore左好多碟😋自助火鍋區有多款丸類，蔬菜和烏冬麵。飲品和甜品都係任飲任食。最特別就係可以自製窩夫🧇大人小朋友都食得開心🥳

主打日式火鍋放題，裝修風格都以日式木系為主，卡位都多，坐得舒服。 有五款套餐簡，最平$188套餐有齊牛、豬、雞，個人推薦星期一至四黎食，因為可以坐耐啲，最高可相差30分鐘! 因為想食和牛，簡左澳洲和牛牛小排套餐 (150分鐘 - $398/ppl)。自助放題區主打日式風格，有小食、漬物前菜、丸頪、蔬菜、麵食、甜品同飲品區，選擇多元化，排列整齊，refill速度都快。特別啲既有蟲菜花、日本葛粉、年糕褔袋同玉子燒，仲可以自製雜坎飯同窩夫。湯底簡左中華重慶辣雞煲同海老濃湯完熟蕃茄湯，一人一小鍋，雞件頗辣 (我估大概X仔小辣程度)，食完雞就可以叫店員加湯打邊爐; 蕃茄湯係暫時試過多間邊爐店，頭三位濃郁既! 有陣陣蝦味，好鮮甜。肉類方面首推澳洲和牛牛小排，同時具備油花同肌肉，入口柔嫩；另一款和牛（胸腹眼）既油花密度高啲，食落較油軟，一人食左半碟都夠，睇個人口味! 牛肉味再濃啲就有美國牛; 至於雞肉、豬肉質素亦不錯，中意羶味既我都叫左羊肉片。海鮮方面有7款選擇，首推日本帶子同杭州黑魚片! 帶子鮮甜，唔算細粒，魚片滑嫩。因為太飽，就冇再試小食，最後當然要留quota比甜品，每次黎都會朱古力味雪糕，冰

超正澳洲和牛牛小排放題依個放題有好多好吸引既肉、安格斯牛小排、和牛胸腹眼、特選美國牛肩肉,依幾款牛既酒脂分佈都不錯,湯底: 中華重慶辣雞煲、花生沙嗲湯辣雞煲超好, 雞係可以不停加既,真係食過番尋味,回味無窮海鮮我就點左日本帶子、蟹棒、沙白、仲要有花膠,真係超正呀~食完又點,好新鮮。外面仲有好多加料選擇,好開心佢有個夾餅機,真係超級香呀。飲品有不同清熱既選擇,而且仲有好多菜既選擇,欣賞佢整得好新鮮既。將軍澳既朋友真係要黎試下啦~有150分鐘食,真係食得好滿足而且可以傾好耐計,真係好值得呀~

今日去咗將軍澳PopCorn行街，順道去咗呢間《大將》食放題，店內有幾個放題餐選擇，主要係肉類和時間嘅分別！🍲湯底～有八款選擇，亦可選擇雞煲系列，而我就選擇咗雞白湯，清清甜甜比較簡單👍🏻，另－鍋就係中華重慶辣雞煲，食完重可以無限添加😌！🥣醬料區～每款都好有特式，椰子芫茜汁、芝麻味噌汁、柚子昆布和韭菜醬油等等．．．🥰🥰自助區～有前菜、炸物、火鍋配料、蔬菜等等．．連支裝飲品、汽水機、咖啡機，全部清晰整齊有哂說明😁！🥩肉類～主食和海鮮都需要店員下單📝有齊6款牛、2款豬、雞和羊，“澳洲和牛牛小排，薄切肥瘦適中，牛味濃又快熟。“昆布漬雞肉，肉質特別嫩滑👍🏻。“熊本豬梅花肉，脂肪比較少，所以肉質有點鞋口。“西班牙五花肉片，邊位帶豬皮的爽脆，口感不錯👍🏻。🍨甜品區～軟雪糕、泡芙、布甸、奶凍、自製窩夫．．．

大將 @taisyou.hk火鍋愛好者又出動🍲今晚book左大將日式火鍋放題～特別喜歡佢地係一人一鍋～有多款不同口味湯底可供選擇😏叫左兩款不同湯底～都好好味😙。中華重慶辣雞煲先食雞煲再加湯～打邊鍋重慶辣雞煲～非常惹味～辣度適中。雞白湯湯底～濃香不油膩我叫左$398 ～澳洲和牛牛小排120分鐘放題 任飲任食2小時～包你食到飽飽😋肉類🥩🐖🐓款式眾多～款款都好高質😌。牛肉類🐃澳洲和牛牛小排、安格斯牛小排、和牛胸腹眼、嚴選Prime 牛肩肉、一口牛肉粒。豬肉類🐖 熊本豬梅花 ～油脂香。雞肉類🐓 昆布漬雞肉～雞肉滑嫩更有多款海鮮🦞、丸類😁大推杭州黑魚片🐟入口滑嫩而且仲有即叫即炸 響鈴👀👍🏻出面更有自助吧枱～甜品、蔬菜、飲品任君選擇😋特別喜歡可以自制即整窩夫有得玩😙又有得食😋食物高質～座位舒服好推介大家嚟試😌📍將軍澳唐賢街9號PopCorn 1 1樓F10號舖#大將 #火鍋 #日式火鍋 #大將火鍋 #火鍋放題 #日式料理 #日式涮涮鍋 #日式放題 #任飲任食 #火鍋湯底 #和牛 #放題

平時食開都係食旺角分店，冇諗過將軍澳分店水準都係咁好！火鍋店就真係周街都係，但係我覺得呢一間餐廳最特別嘅話係佢可以自製窩夫，💛🎉🎉佢有晒啲教學同只因一定唔會整燶，適合俾小朋友玩，同時窩夫嘅質素都好好，啲蛋漿真係超好食仲好甜，當時我已經好飽，但係識到啲咁好食嘅甜品真係有個種甜品係第二個胃嘅感覺，就算好飽都仲想食！真係MVP🤣🤣🤣🩷🩷🩷

自助邊爐係我最愛嘅菜式之一，所以尋晚就去左大將食喇。🥰🥰我地揀選咗最基本HKD188一位嘅餐，因為醉翁之意不在‘肉’, 而係食啲配菜。不過就算係入門版嘅美國牛肩肉都已經好有質素❤️❤️。最令我地有驚喜嘅係黑魚片。原本我地都冇任何意慾想食魚，因為驚有骨。但服務員極力推介，一試之下真係好滑又唔煋😋😋，所以我地都叫左幾碟。配菜係重點，選擇非常之豐富，好多蔬菜選擇，另外丸類都好多。除左邊爐配菜，當中都有啲小食做前菜，仲有白飯任裝，好飽肚✌🏻✌🏻。醬料方面，如果鐘意食喇嘅因真係可以一試佢地嘅麻辣紅油好香🤩🤩。甜品方面，有雪糕同一啲小甜點。而我最喜歡嘅就係自助窩夫機😍😍😍，可以自己動手做窩夫，好多小朋友都爭住玩，幾好嘅idea.整體而言，餐廳乾淨企理。而服務我地嗰枱嘅姐姐都好好人，值得一讚。👍🏻👍🏻

120分鐘火鍋放題價錢由$298起，星期一至四仲可以食足150分鐘。今次揀咗中間價位$398，包括任點任食澳洲和牛牛小排、和牛胸腹眼、安格斯牛小排、熊本豬梅花肉等等。任點任食嘅牛肉非常高質👍🏻平時打邊爐必嗌牛小排，澳洲和牛牛小排油花分佈均勻，質地柔軟。嚴選和牛胸腹眼油花分佈靚呈大理石紋😋想食無咁多脂肪嘅話，可以嗌特選美國牛肩肉熊本豬梅花肉同西班牙五花肉片都嫩滑唔會鞋。湯底有成十款選擇，一人一鍋新出嘅中華重慶麻辣雞煲，可以無限添加雞，唔算辣但好香麻辣味前菜、熟食、火鍋配料同飲品係自助形式蔬菜、丸類同粉麵都好多選擇。熟食有韓式炸雞同炸芋丸，新鮮炸起幾好食😋最特別係有得自製窩夫同自己唧軟雪糕😍

餐廳有八款人氣湯底，我點選了🍅海老完熟蕃茄湯底，蕃茄味十足，任何火鍋材料放入後都滲透湯底鮮甜，而且令配料更惹味。另一推介雞煲系列，🤩可以無限添加🐔味噌雞鍋，甜味噌作為火鍋湯底加上雞煲，好有中日fusion 感覺。🐮我到訪是平日星期一至四，仲可以有150分鐘放題時段，真係可以慢慢食，勁enjoy！澳洲和牛牛小排，油花細緻，入口即化，肉味香甜，而另一安格斯牛小排，則牛肉味較濃厚。套餐牛肉類還有和牛胸腹眼，特選美國牛肩肉，嚴選Prime 牛肩肉及一口牛肉粒。而我最愛反而係羊肉卷，因此入口實在太嫩滑香甜！🐙海鮮類方面，七鍾配料分別有日本帶子，杭州黑魚片，大八爪魚，大蟹棒，沙白，花膠及蝦滑。尤其沙白十分鮮甜，滾到一打開就食，剛剛熟透，無沙鮮甜又彈牙！蔬菜，丸類，甜品，飲品，醬料應有盡有。仲有「自製」格仔餅，及各種惹味日式炸物熱食。而打邊爐另一重要當然係個火鍋啦，餐廳採用矮身雪平鍋，所以好快滾起，矮身設計唔會滾完食材搵唔翻😂，不過鍋邊要小心提防會燙到手。

📌Taisyou 大將 火鍋放題有幾種價錢，唔同套餐食到不同種類嘅牛肉湯底有重慶辣雞煲、壽喜燒、昆布湯等多款口味🫧自助區餐前小食、漬物、丸類、蔬菜、粉麵、飲品樣樣有齊最驚喜係有窩夫機同雪糕機自制雪糕窩夫🧇🔖湯底湯底一人一鍋，分別揀咗味噌雞煲同沙爹湯底🥘味噌雞肉味道香甜，雞件嫩滑又多肉，無限添加食得滿足食完雞件就可以加湯打邊爐，食到兩種滋味🥢澳洲和牛牛小排入座後店負按人頭送上牛小排丶豬五花及雞肉，相當有效率套餐主打的牛小排肉味濃又有油香🥩油花分布均勻、肉質軟嫩，十分推介🥢安格斯牛小排肉質juicy，肉質鮮紅柔嫩，有適量油花，口感豐富🥢嚴選Prime牛肩肉牛肩肉非常滑溜，脂肪唔多，肉質依然嫩滑🥢熊本豬梅花打邊爐一定會點豬梅花，肥瘦相間帶少少油脂感，好正🥢昆布漬雞肉以昆布醃製，雞肉滑嫩入味🥢日本帶子帶子爽口而且幾厚肉，口感唔錯🥢沙白沙白大隻又飽滿，肉質鮮甜🥢蝦滑蝦滑肉質爽口彈牙，配上醬料更滋味👍🏻🔖火鍋配料配料款式相當多，有必食嘅芝土豆腐、包心丸、芝士腸、年糕、迷你竹輪卷等等蔬菜方面有南瓜娃娃菜、冬菇、冬瓜、油麥菜、生菜、翠玉瓜、蓮藕、萵筍等熱門蔬菜，擺放得整齊有序

老公話想食拉麵，見到呢到有咁多好評，就去試吓啦！結果真係直升機咁，伏伏伏伏！呢間真係超級難食，咁大個人，未食過拉麵係咁嘅樣同味道！佢個所謂「拉麵」，似上海麵多過拉麵，無味嘅！個湯底，本身係拉麵嘅靈魂，可惜，佢似係史雲生清雞湯加水！個職員話，3歲要叫一份食物，但係又無兒童餐，佢仲話：最平嗰個都係$48咋嘛。我哋第一時間話：唔係錢嘅問題，係佢食唔晒會浪費！最後叫咗3份嘢食，但啲嘢食嚟到，樣樣都好難食，就算好肚餓，都係食唔晒！佢話星期六日要加$12/1個餐，但係個餐牌無寫明。間餐廳又無講話3歲以上一定要叫餐，全部都係個店員自己講，張單又淨係得「廚部手寫單」。完全唔明呢間咁難食但咁多好評😏

【將軍澳】大將 一間好有趣嘅日式火鍋店，時不時舉辦活動，吸引一眾食客挑戰。早排大將召集嘅大胃王挑戰，成功挑戰可獲$500餐飲券，唔知有冇朋友參加咗呢？🤩（無咩事～小鳥胃嘅我都係正正經經去餐廳食嘢先🤣）我哋食澳洲和牛牛小排放題，店員先介紹新推出嘅雞煲系列，揀咗味噌雞煲同雞白湯火鍋湯底，一人一鍋唔洗爭。🤭不得不說自助吧都幾多元化😳！除咗多款蔬菜同丸，仲有前菜、甜品、雪糕機，最最最～特別有部自助窩夫機😳。✨味噌雞煲 醬底都幾惹味，雞件預先炒好，大火煲返滾就食得，仲可以無限添加雞。肉類方面推介 澳洲和牛牛小排、和牛胸腹眼，雪花分佈均勻，肉質軟嫩，胸腹眼肉味更濃郁🥰。以及昆布漬雞肉，超級嫩滑👍🏻👉🏻特別想讚下餐枱嘅用餐設計，每人一個透明架用作分隔菜盤同肉盤，慳位之餘亦都方便攞，設計非常聰明。😆👉🏻環境光猛，座位寬敞舒適，空間充足，好適合一家大細嚟用餐。舖面設置咗個小型超市，飯前飯後可以順便shopping 下。😆✨大將 📍將軍澳唐賢街9號PopCorn 1 1樓F10號舖

昨日下午兩點一行五人到店內食放題火鍋，唔洗排隊。當時用餐區大約半滿。各服務員都用心去聆聽客人的要求，有禮貌， 反應亦快。我哋張枱主要由一位年輕服務員叫做阿星負責招代。佢嘅服務態度非常良好，十分細心和有耐性，辦事效率高，值得一讚。食物整體來說都好新鮮，疏菜種類都算多，安格絲肥牛片同牛柳粒好味，雞肉出奇哋好食，魚片就夠滑，值得一提嘅就係甜品嘅格仔餅粉浆調教得唔錯，只須一分鐘就可以自製一份美味又脆卜卜嘅格仔餅🧇。地方亦算清潔。不久將來會再次幫襯。

話說 之前幫襯過覺得食物質素一般 又冇乜服務 所以好耐冇幫襯。事隔一段時間 今日再返去 感覺唔同哂成間餐廳嘅服務水平提升咗好多 店長店員們態度有禮 會詳細介紹餐單 會問食客意見 有講有笑 感覺很舒服。今日店員向我推介新出雞煲系列 本來已點壽喜燒湯底嘅我 立即轉軚 點咗重慶雞煲 （佢仲有椰子雞&味噌雞煲照顧不愛辣嘅朋友）餐廳係用一人一鍋嘅 真好唔好雞煲嘅朋友可以揀番自己喜好嘅湯底 嗜辣嘅朋友就可以自肥一人雞煲 雞煲到 香噴噴 有板有眼 味道未算好驚艷 不過我好滿足了可以一人享受 仲係任添任食 食完雞煲 加湯再打埋個邊爐 正到痺