72
4
5
港鐵將軍澳站 C 出口 繼續閱讀
所有分店 (2)
電話號碼
26683370
開飯介紹
餐廳主打90分鐘日式火鍋放題,提供不同牛肉套餐,包括鹿兒島黑毛和牛、美國SRF和牛等。設有自助區,提供不同的火鍋配料、飲品及甜品等。 繼續閱讀
營業時間
今日營業
11:30 - 23:00
星期一至五
11:30 - 16:30
17:30 - 23:00
星期六至日
11:30 - 23:00
公眾假期
11:30 - 23:00
公眾假期前夕
11:30 - 16:30
17:30 - 23:00
付款方式
Visa Master 現金 銀聯 Apple Pay
座位數目
146
其他資料
網上訂座
Wi-Fi
酒精飲品
電話訂座
加一服務費
有關獎賞計劃
食評 (105)
今日天氣較涼,所以夜晚跟朋友去咗將軍澳食《大將》火鍋放題,客人安排左sofa座位後還提供口罩套,每張檯都會有膠板分隔,食得安心。我地叫咗個新推出既阿古豬放題$198,weekend就另加$10@可以任食90分鐘,之後我地就點咗新出既松葉蟹味噌湯底&山葵鹽骨膠原雞湯底,每人一個鍋底,我哋仲加咗一份松葉蟹腳。阿古豬放題可以任點美國特上牛、美國嚴選極上牛、雞胸肉、五花肉、豚梅肉,店員第一輪先送上雞腿肉、五花肉、阿古豬肉,這裡送餐很特別,用咗店內嘅機械人貓貓送餐嚟我哋面前,十分可愛,還可以摸一摸貓貓的耳朵令它很開心,我地也食得開心。客人仲可以喺出邊放題區度拿取任食火鍋食物,由於疫情關係所有客人出去拎嘢食時需要戴口罩以及他們所有嘅食材都以用膠蓋蓋上十分衛生乾淨企理,醬料都是自己出面配搭揀選的 ,飲品有樽裝及自助汽水機;每檯每人都會提供一個膠兜,每人一個膠兜就可以拎住佢出去夾嘢食 :有熟食及火鍋嘅材料,我地首先夾咗一些熟食先頂一頂肚,因為太肚餓了,我地夾咗有炸雞同埋沖繩色木魚燒苦瓜,炸雞外面炸得很香脆,剛剛炸好所以很熱辣辣,而且雞肉十分嫩滑 ,雞皮金黃香脆;另外沖繩式木魚燒苦瓜上面有木魚喐喐下,另外苦瓜有少許苦,但食得健康,而裏面釀咗啲魚肉十分彈牙好味道。另外還有白味噌焗豬手,豬手肉都很嫩,味道適中。我地仲夾咗一些火鍋材料,有鯪魚滑、蒟蒻絲、蘿蔔、大蔥、秋葵等,我地夾完之後就可以開動啦!這裏很好有一個層架,下面就放肉類兜,上面就可以放膠兜,咁樣可以很慳位,good idea!首先就先灼一灼阿古豬,肉質鮮嫩鮮美灼一灼就可以撈起,這裏提供可以隔咗火鍋裏面的湯既碗十分好 。另外五花肉肉質都很鮮嫩,肉紋清晰,待它捲起時就可以食得。而特選雞腿肉十分鮮甜美,松葉蟹味噌湯底都很好鮮味,味道不會太鹹 ,而蟹腳肉質結實,細嫩幼滑,不用剝殼便可直接食到蟹肉已經拆了殼,食起嚟十分方便,也是焯一焯就食得。之後仲點了一份牛肉美國嚴選極上牛,都係焯5秒左右就可以食得,肉質較鮮嫩,牛紋理鮮明,牛味香濃,而最後我地就開始進攻甜品區啦,呢度嘅甜品就有brownie、瑪蓮路等,brownie朱古力味濃郁,入口鬆軟,所以我地都食咗四至五個😋😋另外還有窩夫機,客人可以自助整窩夫之後再可以加雪糕係上面,因我地食得較飽,只食左香滑混合味雪糕,自助雪糕機包括有朱古力口味、雲呢拿口味及混合口味,另外隔離旁邊還有自助嘅topping選區 ,可以根據自己喜歡嘅topping加上自己 唧出嚟嘅雪糕上面,又好味又有創意,我地食到飽飽捧住個肚去行新開既Donki,過左一個愉快既weekend! 😊😊+++++++++++++++如果大家喜歡💕我寫既食評,麻煩比個❤️鼓勵一下我,我會寫更多更好既食評比大家!😊 繼續閱讀
(以上食評乃用戶個人意見 , 並不代表OpenRice之觀點。)
自從係日本食過沖繩石垣牛同阿古豬之後,就一直好想再去~今次終於比我揾到,香港都食到石垣牛啦😆大將依家做間沖繩期間限定,除咗有石垣牛外,仲有松葉蟹味噌湯同山葵鹽骨膠原雞湯一入店就好似去咗日本,等位個陣可以行下佢個日式小超市,有好多款日本調味料同食品選擇~店中間係自助形式的火鍋配料,有幾多選擇:日本蛋、丸類、蔬菜、麵類等,另外仲有飲品區:即磨咖啡、朱古力、奶茶、樽裝飲品等😆完全滿足到唔同口味既客人🌠石垣牛主角石垣牛果然冇令人失望~每片牛嘅油脂紋理分明,食起嚟入口即化而且略帶甘甜,油花分布較少嘅瘦肉嘅味道濃郁,口感富有層次~湯底本身已經好夠味,所以唔沾醬料都好夠味!🌠五花肉同雞肉五花肉肉質新鮮夠軟,食起嚟好香~入口即化😆食下食下都加咗幾盤!而雞肉鮮雞肉質嫩嫩,睇落就好新鮮,煮後口感彈牙爽滑~🌠松葉蟹腳嚟大將除咗為咗食石垣牛外,另一樣令我期待嘅係松葉蟹腳~蟹腳外表纖細,肉質細緻,完全不用任何調味,蟹肉非常鮮甜! 😆打完邊爐,仲可以自製窩夫~可自己加朱古力、綿花糖等,另有雪糕同其他配料😜食埋甜品就滿足啦~ 繼續閱讀
(以上食評乃用戶個人意見 , 並不代表OpenRice之觀點。)
因為價錢幾吸引既關係、今日嚟咗一間將軍澳日式火鍋放題新店🙈一入到鋪面,右邊係佢哋自己嘅小小店,賣一啲急凍嘅食材同埋日式醬料,接下來入到去裝修非常寬闊,而且好光猛,坐得好舒服!店面以木為主裝修~襯晒日式火鍋!我哋揀咗個山原島阿古豬放題,只係$198加一,依度有熱食,各樣火鍋配料加配任食嘅牛肉豬肉、甜品、炊飯、咖啡機、雪糕機樣樣齊😍一黎到,店員會先上咗套餐包含嘅每一款肉,包括山原島阿古豬肉、豚梅肉、美國嚴選極上牛、雞腿肉、五花肉.. 雞牛肉都齊哂!仲可以任添 回晒本啦😂😂丫仲有依到係一人一鍋,夠晒衛生🤫阿古豬肉既紋理非常靚🐷🐷食落冇豬嘅騷味同埋雪味,薄薄的,係少量肥膏同瘦肉嘅中間,都幾香!一定要推薦一下佢哋嘅醬料!除左豉油辣椒蒜,另外有我好鍾意嘅椰子芫荽汁😍唔食芫荽嘅我都覺得非常讚,因為芫荽味唔重,但係椰子味就幾出,用嚟點豬肉同埋雞肉都好夾😍 而牛肉就點返極上牛會好過特上牛,特上牛肥既比例比較多,$198質素黎講算不錯喔,牛肉配生雞蛋正!另外我哋仲追加左一份松葉蟹腳,最得意嘅位係呢一份蟹腳會有一個送餐電動機械人送上🤣🤣好搞笑,咁就慳返人手又食得幾趣味~ 蟹腳係急凍既,不過食落都甜。而熱食當晚有日式炸雞、釀苦瓜、咖喱牛腩,都唔錯喔,當小食熱個身!出面嘅火鍋配料選擇就正正常常,有各式嘅日式丸類,必食嘅一定係呢一個日本年糕福袋、年糕、芥末魚子丸... 菜類方面好多選擇,不過我都係主打食肉hahaha另外有個幾特別既日式炊飯😍自己撈整好既咖哩汁/味增汁落白飯,再打入生蛋同蔥絲,一嘗日本既味道😛今餐令我大讚嘅一定係呢一個自己整嘅格仔餅,點解會預先調好原味同埋抹茶味嘅蛋漿,然後只要1分30秒就整得出超好味嘅格仔餅啊!呢一度嘅格仔餅食落真係好有驚喜,滿滿嘅蛋香味再加上有一啲海鹽味,食落係咸香,第一次試依個味道,再加埋雪糕機既雪糕同各款topping 我encore左兩件😋😋😋今餐性價比都幾高,棒住個肚走,下次會想試貴啲既餐,試靚牛😛😆 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-30
788 瀏覽
由於太耐無食過shabushabu喇,咁啱黎到大將,竟然見到有呢個沖繩石垣牛火鍋放題喎~~自從去過沖繩同石垣島之後, 一直都好掛住沖繩既石垣牛同阿古豬~~竟然黎到將軍澳食得到喎~~咁就一於試下先黎到大將,竟然見到有個將軍係度喎等候安排入座時仲可以去大將超市行住等行左陣就有位喇,呢度地方夠大,又乾淨夠光猛今日仲有送餐機械人送餐添係其他餐廳都未見過\主菜送黎就係期待以久既石垣牛整體肉質顏色鮮艷,油脂豐富分布平均,REFILL左2,3次,好食,又唔肥膩豚肉 雞肉就比較普通D自助配料有好多款式;獅子狗,魚蛋、牛丸貢丸、芝士丸、木耳金菇、生菜、白椰菜花、秋葵蕃茄、蒟蒻絲,粟米,蕃茄等等仲有日本蛋,細細隻,但好有蛋味,蔬菜區有豆苗、秋葵、生菜、娃娃菜等;熟食區有、茄子、蘿蔔蓉牛舌、咖喱飯,沖繩苦瓜等等唔夠飽仲可以加烏冬,拉麵等等飲品款式有熱飲機,有即磨熱咖啡,朱古力、奶茶、汽水機仲有數款汽水、樽裝特飲等等,想飲凍熱飲都可以甜品方面仲有得自製窩夫,軟雪糕🍦⋯⋯仲有朱古力味雪糕,好味不過只得90分鐘,時間比較短,如 果時間長番D會比較好~~整體黎講,下次可以再黎食過~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-30
538 瀏覽
好耐之前喺日本食過火鍋,一直念念不忘,今日經過呢間火鍋店,見到有沖繩期間限定嘅火鍋,只係$198可以食到日本阿古豬放題(90分鐘)就試吓佢啦!結果係非常非常滿意,本身我都唔係十分喜歡食豬肉,因為好多時呢一類連鎖火鍋店嘅豬肉都淡而無味、或者又鞋又韌。不過大將嘅阿古豬真係令人驚喜,入口有好香濃嘅豬肉味,厚度適中,唔會太薄但又唔會太韌,同我上次喺日本食嘅阿古豬一樣,食得返日本風味,真係好正!火鍋湯底我地揀咗「松葉蟹味噌湯」及「山葵鹽骨膠原雞湯」,呢兩款湯底都係期間限定㗎!松葉蟹湯底仲會配埋一份松葉蟹腳、蟹味好濃好鮮味,雖然份量唔多不過都足夠吊吓癮。推介!值得一讚係原來非常乾淨,而且枱面設計非常細心。一坐低店員解釋木架上邊係放膠碗,膠碗係用嚟攞出面的配料,而木架下面就係擺肉類,咁就唔會放到成枱都係!好抵讚!嘢食方面除咗頭先大讚嘅阿古豬,五花肉同埋雞肉都好出色,五花肉嘅脂肪比較多,入口好重油香味,好香口。雞肉出奇地非常滑嫩,我以前係唔會食火鍋嘅雞肉,今次竟然食晒!出邊可以拎嘅配料選擇都好多,有火鍋配料,亦有熟食。我哋試咗個沖繩式木魚燒苦瓜,好有日本風味,好食。有一種返雞蛋亦都係非常抵讚,唔係咁多餐廳會有提供。仲有幾部窩夫機俾客人自制窩夫,好適合下次帶女女嚟玩,不過食得太飽都食唔到窩夫了!飲品種類都算多,有汽水、有樽裝飲品、亦有熱飲供應。雪糕就有朱古力同抹茶口味,旁邊有啲toppings可以加落去一齊食,不過我哋都冇食到,因為真係好飽。總括嚟講,係日式火鍋店,大將係好高質,而且價錢亦都唔貴,性價比非常高。如果帶埋小朋友嚟食,仲會好開心添! 繼續閱讀
(以上食評乃用戶個人意見 , 並不代表OpenRice之觀點。)