影片
更多
2021-04-09
560 瀏覽
屋企附近開咗呢間叫大壹燒鵝嘅餐廳，見都幾多人幫襯，就嚟試下佢嘅燒鵝係咪真係咁好食。其實我食過好多出名嘅燒鵝，都冇邊間食完好想返轉頭再食。但係今次我發現呢間嘅燒鵝又幾好食。嗌咗個燒鵝髀飯（其實比普通燒鵝飯貴咗$40）， 但好值，燒鵝髀真係又大隻又多肉，睇見都非常之開胃！燒鵝髀皮脆肉嫩，我食得出八角同好多香料嘅味道，覺得個醃料應該都幾足料，同埋佢嘅鹹度係啱啱好，唔係死咸。最欣賞係個皮食落甜甜地，但又唔係平時叉燒醬嗰種甜，真係好好食。大概夜晚八點幾，轉頭已經聽到話所有燒鵝都賣曬，隔離好幾枱嘅人啱啱先嚟，已經冇得嗌燒鵝，所以大家要食一定要早啲嚟。除咗燒鵝正，另外我要再讚嘅係避風塘軟殼蟹。見餐牌有個避風塘系列，突然之間好想食，嗌咗避風塘軟殼蟹，兩隻138蚊。因為我係兩個人嚟食，諗住一人一隻啱啱好。點知上碟時候發現超大盤，原來係比我想像中嘅軟殼蟹大，一開二都好大隻，我諗係夠四個人食，件件都半隻手掌咁大，覺得超抵食。仲有非常之多嘅炸蒜，真係估唔到屋邨有咁地道嘅避風塘蟹食。熱辣辣脆卜卜，好香口，但要有心理準備真係幾熱氣！餐牌上見倒一個菜式的相幾特別-士多啤梨豬扒，覺得應該係特色菜就嗌咗。鍾意食士多啤梨
其實我食過好多出名嘅燒鵝，都冇邊間食完好想返轉頭再食。但係今次我發現呢間嘅燒鵝又幾好食。嗌咗個燒鵝髀飯（其實比普通燒鵝飯貴咗$40）， 但好值，燒鵝髀真係又大隻又多肉，睇見都非常之開胃！燒鵝髀皮脆肉嫩，我食得出八角同好多香料嘅味道，覺得個醃料應該都幾足料，同埋佢嘅鹹度係啱啱好，唔係死咸。最欣賞係個皮食落甜甜地，但又唔係平時叉燒醬嗰種甜，真係好好食。大概夜晚八點幾，轉頭已經聽到話所有燒鵝都賣曬，隔離好幾枱嘅人啱啱先嚟，已經冇得嗌燒鵝，所以大家要食一定要早啲嚟。
除咗燒鵝正，另外我要再讚嘅係避風塘軟殼蟹。見餐牌有個避風塘系列，突然之間好想食，嗌咗避風塘軟殼蟹，兩隻138蚊。因為我係兩個人嚟食，諗住一人一隻啱啱好。點知上碟時候發現超大盤，原來係比我想像中嘅軟殼蟹大，一開二都好大隻，我諗係夠四個人食，件件都半隻手掌咁大，覺得超抵食。仲有非常之多嘅炸蒜，真係估唔到屋邨有咁地道嘅避風塘蟹食。熱辣辣脆卜卜，好香口，但要有心理準備真係幾熱氣！
餐牌上見倒一個菜式的相幾特別-士多啤梨豬扒，覺得應該係特色菜就嗌咗。鍾意食士多啤梨嘅我覺得好好食，甜甜地嘅豬扒配香濃既士多啤梨汁，原來又唔錯，送飯食一流。下次會嚟再試下啲煲仔菜。
離開嗰時先睇到門口嘅宣傳報章，原來燒鵝在馬鞍山開業的時候，每日限量賣一百隻，仲發現原來我覺得特別嘅脆皮甜味道，係嚟自麥芽糖，唔怪得燒鵝髀味道咁特別。
張貼
