大喜屋 (已結業)

幾個朋友，又唔想諗食乜，就不如食放題，上網見呢間大喜屋好似好多野食，就黎左試下。話明放題，梗係自己剔下食咩先。魚生刺身都幾新鮮，長腳蟹都好肥美多肉，食落都夠凍，最梗要食物都黎得快呢個牛肉烏冬都幾好味架，牛肉啱啱熟，夠嫩，烏冬彈牙。壽司不會太大件，剛剛一口食晒。羊扒都唔錯，夠厚身，冇乜蘇味。仲有其他美食，炒芥蘭，紫薯，焗芝士蠔都好高質。最後食個甜品先，又有我最鍾意既haggen dazs, 但係季節限定既。

這晚跟同事們💼辛苦了一整天，決定要大吃一頓來好好慰勞自己😋。不要以為銅鑼灣區就一定很貴💰，距離地鐵站🚉不遠有這一家2小時的日式放題🍣，絕對能讓你吃得捧腹而回。晚飯時間🌛，餐廳內蠻熱鬧，還好剛好有位置☘️。先來一個刺身拼盆🐟，店員端上來時感覺已是超震撼✨！滿滿的新鮮刺身，單是看外觀已經知道他的鮮甜度❤️，同事亦馬上出現心心眼😍。另外點了幾件我們最愛的壽司🍣，入口亦是非常鮮甜，芥末八爪魚🐙的辣度亦很適中。熟食方面亦沒有讓我們失望，羊架🐏膻味及香草味配合得很好；蜆🐚清理得很好，沒有沙；焗扇貝🐚亦很爽口彈牙。甜品🍧選擇很多，我們點了幾個最愛的，朱古力味🍫很香濃；Tiramusu🧀口感綿密；焦糖布丁🍨入口即融，口感嫩滑。總結：$228就能享受如此高質素的2小時任食，的確是物有所值👍🏻。貓頭鷹🦉時段更有85折優惠，下次加班後又可以帶大吃一番😋！

依家香港到到都搵到食放題嘅地方，不過要搵到質素好嘅放題就好難，大喜屋正正係一個好好嘅選擇，種類多(有刺身 火灸壽司 軍艦 卷物 手卷一品料理 煮物 燒物 炸物 沙律 小食 甜品 飲品 特飲)、上菜快、質量好、服務佳。依度就同大家分享一下一定要試嘅食物。刺身，食落就知好新鮮，冇任何調味就已經好清甜，特別係長腳蟹，肉質厚滑。避風塘炒特大海皇蝦，真係好大舊，炒得火紅熱辣，好惹味。冬陰公煮海鮮，啖啖嘅冬陰公再配上青口花蜆，更加能夠突出佢嘅鮮味。燒北海道帆立貝，加上酸酸甜甜嘅烤料。脆炸貓山王，外脆，內有流心嘅榴槤，榴槤好香滑。卷物軍艦手卷唔洗講都一定要試，特別係手作壽司。

銅鑼灣購物and飲食既地方特別多，係時代/希慎/祟光商場購物完，想搵間餐廳透一下一d都唔難。今日就去左大喜屋食午市放題($208，未計加一)，限時3個鐘，2:30最後落單，見到有3個鐘任食已經係bling bling眼，咁就唔洗趕頭趕命咁叫野食，野食黎得都算快。依間餐廳係咪嘥嘢餐廳，所以每碟野食嘅份量唔算多，咁樣就可以每樣都試少少又唔洗浪費~刺身，賣相吸引，入口鮮甜，肉質嫩滑，爽口彈牙。火灸壽司，一凍一熱嘅配搭，口感上嘅衝激。軍艦、卷物、手卷，料多，飯實。一品料理、煮物，熱辣辣咁上，加上配料煮過嘅海鮮又有另一種風味。燒物、炸物，一啲都唔油，唔會話食幾舊就飽肚。沙律、小食，用黎開胃就最啱。甜品，種類多，有中有西。

香港咁多間日式放題，大喜屋比較實際，不是太多的選擇 ，但是貴精不貴多。大喜屋啲魚生好新鮮， 劍魚腩同三文魚好新鮮，呢間特別好食。熟食最正係炒花甲、鹽燒雞翼、 焗帶子、羊架、炸蠔……鍾意食榴槤嘅朋友，一定要試炸貓山王。 真係好正 食過番尋味。甜品選擇不多， 味道一般。 飲品選擇都不多，汽水只有可樂和芬達提子， 其他都是茶、果汁先生、蔗汁等等，梅酒清酒任飲。最值得一讚嘅係……每碟熟食都係熱辣辣上枱可惜雪糕只限一人一杯座位比較迫， 枱比較細。食17:30仲有85折，超抵食。

星期五晚到銅鑼灣食大喜屋，以為跟尖沙咀分店－樣，但－坐底已知不對路,格局完全兩回事，裝修，擺設，客路，服務態度完全南轅北徹。—坐下，鄰枱又嘈又吵，都算，以為店長會按時限吹促該枱客人離開，但店員沒有，仲不停上食物，不是按時限二小時的嗎？原全沒有準則。另外，店員上菜胡亂擺，有否見過碟上碟，上面有食物仲會擺另一碟上去！有熱煲菜式，又不理照塞上枱，還熨到我隻手背！！完全冇安全意識！如果是煱物，分分鐘照頭淋！而且魚生份量亦比尖沙咀店細，擺盆又求奇！帶子仲未解凍，咬落去是硬的！個份炒蜆，個pat汁像糊仔，唔知點解可以拎出來上菜！嚇死人！總之，完全不似大喜屋集團其下店鋪！！亂七八糟，服務同食物奇劣！！無下次！

有日唔知點解好想食刺身 食刺食緊係要食放題先抵就同朋友提議咗食大喜屋 因為之前食過覺得價錢唔會好貴但食物幾高質果然今次都冇令我失望刺身係重點 大喜屋既刺身真係冇令我失望過 次次食都咁新鮮最中意三文魚同帶子 三文魚非常厚身而帶子就好鮮甜壽司🍣同軍鑑都細細舊 唔會搞到好快就飽肚食唔到其他野🤓 海膽拖羅魚生塔超正!!!!牛柳粒估唔到咁大份 仲好有鑊氣肉質又嫩滑非常推薦芝麻雞翼同芝士年糕真係好好味 我地之後又再嗌咗芝麻雞翼羊架燒完都唔會覺得好乾 而且唔會有騷味 牛舌記得加埋檸檬汁 味道一流咁耐冇食都仲係保持住高水準 果然冇令我失望啊而且呢度服務好好 食都食得開心啲

近來天氣太凍，朋友聚會，離不開食火鍋，食得火煱太多，都想轉吓口味，一於走去食放題，二小時任飲任食，每位(星期六日$238加一)花費不多，正合我意。去到大喜屋，坐位尚算舒適，枱子四四正正的。其實食日式放題食物不會有太大變化，坐低就即刻order了刺身：劍魚腩 油甘魚 北海道鮮帶子 北寄貝 甜蝦 東風螺赤貝。食刺身最緊要味道新鮮，師傅教落，刺身夠新鮮就不需要任何醬汁調味料。當然唔會放過創作壽司：鵝肝伴帶子 和香蔥三文魚壽司，鹅肝伴帶子，入口即溶，一啖一件，停不了的好味道。香蔥三文魚壽司味道不錯，但三文魚始終是屬於比較普通的刺身類，始終最重要是入口夠新鮮。再叫了三款火炙壽司:和風黑椒香蒜牛肉壽司 海鹽燒左口魚邊壽司 和鰻魚壽司，黑椒香蒜牛肉壽司，牛肉夠薄，黑椒香蒜味道不算太濃烈，左口魚撒上海鹽燒烤再伴壽司入口，味道一點都不帶鹹，味道配撘得剛剛好。喜歡鰻魚用的日式醬汁調配燒烤，更加喜歡鰻魚的鮮味。叫了二款開胃卷物：蜜桃龍蝦沙律卷 和牛油果軟殼蟹卷，蜜桃是多汁香甜的水果配龍蝦沙律卷，聽見就已經想食。反而牛油果是我的至愛，但配軟殼蟹卷，牛油果的味道就顯得清淡了。但最令我覺得驚喜是一品料理的避風塘炒

上排冬天太凍完全無意欲去食日式放題，因為大部分都係食刺身、壽司，感覺凍冰冰，但天氣暖左即刻想去食。今晚就去左銅鑼灣既大喜屋，200零蚊就有任食，致岩我呢d大食仔。點菜紙好厚有成兩本甘多，真係好多選擇。刺身好新鮮，有象拔蚌、蝦、帆立貝、魚刺身、仲有冬風螺！一口壽司細細件，好精緻亦令人食得比較斯文，而且唔會成舊飯甘飽滯，可以留有空間食多d其他野。之後開始食熱食。點左蟹粥，有驚喜，水蟹好鮮甜而且比預期中有肉，令粥底又甜又夠熱。小食有風味淋燒魚干、燒雞翼、燒菠蘿，送酒一流，所以我點埋清酒！風味淋燒魚干香口，點沙律醬好惹味；燒雞翼香脆；燒菠蘿多汁清甜。之後食埋滑溜既溫泉蛋同香口既榴連炸彈，啖啖香濃榴連肉。生果都有得點。每位最後都會有雪糕雪條式日本海鹽雪糕一傷，我選擇左特別既後者。

太耐冇食刺身，朋友就提議去大喜屋去過下口癮。佢話價錢公道，而且食物高質，所以就扑鎚去嗰度食晚飯。我地一坐低就瘋狂嗌，實行有殺錯冇放過。基本上所有刺身都好新鮮，大推帶子同赤貝，前者好厚身鮮甜，後者爽口彈牙，我地最後都encore左唔少xd壽司每件都細細粒，唔會一下就食飽，好貼心。我最鍾意食吞拿魚軍艦，入口即溶，好好食。海膽手捲嘅海膽分量唔會少，而且都幾鮮甜。連羊架都有！兼且唔會太肥，羊“蘇”味啱啱好。炒牛柳粒嘅分量大方，夠穫氣，肉質嫩滑。仲叫咗唔少小食，串燒同熟食，全部都好高質！甜品方面，焦糖燉蛋特別出色，好滑同出面專門店賣嘅有得fight!仲有haagen-dazs食添!

今天同朋友行銅鑼灣，两個都想放肆一下來一晚放題，放題不一定到旺角，上網做下功課發現銅鑼灣黃金廣場就有耳熟的大喜屋，平均每位200多元就有放題任食。來到餐廳，環境舒適，座位甚闊，坐得舒服，馬上看看點菜紙有什麼好吃。但放題當然先來刺身，我們點了油甘魚、劍魚腩、北海道鮮帶子、赤貝、北寄貝、甜蝦、東風螺等等。整體刺身都新鮮，質素不錯。再看看壽司也分好幾類，有創作壽司、火炙壽司、卷物、軍艦、手卷，點了些特別的，有香蔥三文魚壽司、和風黑椒香蒜牛肉壽司和海鹽燒左口魚邊壽司。另外還有蜜桃龍蝦沙律卷、牛油果軟殼蟹卷、芥末八爪魚和北寄貝沙律手卷。放題竟然有豉椒炒花甲和馬拉盞炒芥蘭苗食，當然要試試，炒得火喉十足，味道一流。燒物我們點了燒香草羊鞍，肉質嫩滑野味，鹽燒牛舌不韌、鹽燒雞翼入味、海燒帆立貝；炸物有芝麻雞翼，皮脆肉嫩；炸吉列蠔酥脆和脆炸貓山王。還點了两個鍋，雪花牛肉鍋和首爾人蔘滋補雞鍋，牛肉鍋湯湯底香濃鮮甜，牛肉肉香味濃。人蔘雞足料滋補。飲品甜品甜品花款亦不少，有馬卡龍、北海道3.6牛乳布甸 法式燉蛋、日式和果子和日本海鹽雪糕。甘蔗汁、得米烏龍茶、真露桃啤、麥精、板町碧螺春綠茶等。

相隔多年，我終於可以同自助餐相遇啦！一上到七樓嘅大喜屋就見到一條長長嘅人龍喺門口排隊，但入去都唔係等咗好耐啫，大概十分鐘之後就可以坐低落嚟叫嘢食啦。 第一個嗌嘅當然係刺身拼盤啦，刺身拼盤入面有三文魚腩，劍魚腩，希靈魚，油甘魚腩，虎蝦，北寄貝，帶子，同埋長腳蟹。係咁多款入面最值得讚嘅就係帶子。帶子刺身厚肉，色澤光亮，咬落去嘅時候非常鮮甜，而且肉質仲有少少咬口，唔會變咗好腍，所以刺身應該非常新鮮。而且聽店長講話啲刺身係每日朝頭早搭飛機過嚟㗎，所以真係好新鮮，好好食。而第二個值得讚嘅 就係油甘魚腩。油甘魚腩咬落去清甜，爽口，脂肪分佈平均，咬落去嘅時候魚油充滿口，但係唔會太油膩，每一塊有油甘魚腩都有大概1.5至2 cm厚度，分量非常之大，係一般刺身嘅兩倍大小。 除咗刺身，唔少得嘅就係甜品喇。我試咗芝士餅，係有驚喜嘅。芝士味道非常濃，係忌廉芝士嘅味道，明顯加咗好多芝士落去，真係好足料，而且 口感軟滑，唔會過甜。芝士餅餅底亦都做得非常之好，牛油味唔會過重，亦都唔會好容易就散，每件分量偏細，啱啱好一啖就食咗，所以不妨嗌多幾舊。整體而言，食物質素非常好，價錢合理，刺身同埋芝士餅水平高，想食自助餐嘅不防

沙律醬焗元貝🥘 元貝肉質都幾有鮮味，沙律醬香味濃郁， 發揮烤焗的完美配搭。至於爆炒芥蘭苗🥦相當值得一試， 有鹹魚粒配搭， 仲有加入香蔥辣椒醉等等， 爆炒過十分惹味，芥蘭苗幼嫩又淋甜， 但是 惹味必選菜式， 唯一不足之處係油分過多， 每一條都佈滿油光... 如果能夠炒得健康少少就好啦😆比足100分嘅酥炸榴槤🍨簡直令我吃過不停，廚房師傅功力十足，外皮鬆香脆，裏面榴槤流心， 係原粒果肉嘅香滑， 雖然過年已經食咗好多煎炸嘢，但係香口食物永遠唔會夠😜 忍唔住叫多幾粒， 我諗榴槤粉絲會好有共鳴💕最後呢件係京蔥燒汁牛肉壽司🍱，醬汁值得欣賞， 有豐富蒜香， 調味適中不太鹹 ， 唔會蓋過牛味。牛肉肉質幼滑 ，再加上炸過嘅蒜粒同蔥絲， 好想食多幾件， 不過最後都係選擇留肚試下其他味道， 呢度壽司有一大優點就係見見細細粒一口size， 唔會食飯食到飽飽滯滯咁🙌🏻 餐廳完全明白我哋食放題嘅心態😆整體嚟講， 呢間銅鑼灣大喜屋性價比係高嘅， 食物選擇多， 服務態度又幾好收碟上碟有效率， 雖然飲品選擇可以更多， 但算係幾滿意㗎啦， 下次再嚟食過。

新年假總是大魚大肉嘅日子，拜完年幾日又去食放題，今次同阿媽同細妹去， 好耐冇食過放題嘅細妹興奮到不得了， 誓要食遍所有刺身， 今次特別想同大家介紹幾個重點回本位！食放題必叫刺身！ 間間放題都有刺身，但唔係間間高質，呢度嘅質素我真心滿意。我都數唔清我食咗幾多件三文魚刺身， 總之就係不斷食， 因為肥瘦均勻，三文魚味香濃，呢度嘅魚生切得好厚身，十分慷慨😆食過幾間放題，發現帶子刺身最容易分高下， 因為一唔新鮮，就會喪失原有鮮甜味道， 呢度嘅帶子軟熟鮮甜， 係啖啖新鮮嘅味道， 食刺身嘅朋友必定要叫多幾舊， 絕對係回本位！呢舊油甘魚沒有想像中咁有魚油香， 唔太夠肥美，但勝在啖啖肉，呢一嚿魚生足足有1.5 cm厚~呢度嘅羊鞍有一般西餐廳嘅水準， 本身以為一件係細細件，上到枱先知道原來有一隻半手板咁長， 肉質可以再嫩滑一啲，但講到調味絕對冇得輸， 香草味十足， 醬汁和羊肉都配搭得宜！餐廳限定每人一款指定甜品， 其中一項係季節限定今期就有haagen dazs 嘅焦糖奶油餅乾味道， 細細杯外面都買二十幾蚊， 平時唔捨得食，嚟食放題就可以慢慢享受啦！餐廳亦都提供四五款無限點嘅甜品， 特別推薦呢一款軟芝士蛋

已經有一段日子沒有和朋友食日式放題，所以留意下銅鑼灣有沒有些放題可試試，發現了這家在黃金廣場7樓的”大喜屋”。來到餐廳，裝潢簡潔和式，環境舒服，卡位非常寬闊，坐足6個也不會有擠擁的感覺，急不及待看看點單紙先。飲品都是落單店員取，款式多樣，有甘蔗汁、得米烏龍茶、真露桃啤、麥精和板町碧螺春綠茶等等，而且清酒及梅酒都係任飲。刺身：刺身質素不俗，有劍魚腩、油甘魚、北海道鮮帶子、北寄貝、甜蝦、東風螺和赤貝。創作壽司：鵝肝半帶子 香蔥三文魚壽司火炙壽司：和風黑椒香蒜牛肉壽司 海鹽燒左口魚邊壽司 鰻魚壽司卷物：蜜桃龍蝦沙律卷 牛油果軟殼蟹卷軍艦、手卷：芥末八爪魚 北寄貝沙律手卷壽司整體精緻，選擇多花款，味道配搭不錯。沙律：日本溫泉蛋 有幾新鮮生果(西瓜 橙)一品料理：十分有驚喜，師傅炒功了得，火喉十足，簡直如在大排檔食到一樣，豉椒炒花甲和馬拉盞炒芥蘭苗我們都各再點多两份，推薦。燒物和炸物： 我們點了海燒帆立貝、燒香草羊鞍、鹽燒牛舌、鹽燒雞翼(兩隻)、芝麻雞翼、炸吉列蠔和脆炸貓山王最愛芝麻雞翼，外皮超脆，里面熱辣辣。燒香草羊鞍，肉質嫩滑，羊羶味不會太重，野味香味，我們當然再Encore。煮物：少有餐廳