大喜屋 (已結業)

首先入座 懶係野咁一定要你五點半先至可以遞單 七點半攞張單埋嚟問我方唔方便買咗張單先 我 包拗頸係唔埋單因為由頭到尾我叫嘅 燒羊架 花甲同埋燒牛舌都未嚟過追咗十個唔同嘅人都係同一個答案同你去廚房追追跟住返轉頭都冇咗件事 你可以話畀我聽埋曬但係唔好hea住答我所以啲嘢幾好食都冇用服務太差唔使之我返去

喜歡大喜屋的日式放題，因為唔會俾劣質食物客人，刺身真係好吸引，又新鮮又正, 落單寫咁多俾足咁多，雖然每份上菜都好細件，旦真係超好食！除左刺生，我仲好中意芝士年糕，蟹粥好綿好香,而且每鍋都有蟹件，魚湯好甜好香,而且材料十足，酸菜魚煲好惹味，芥辣章魚軍艦夠芥辣味,真係幾好味,幾有誠意!包括沙拉、味噌汁、爐端燒拼盤、三色刺身,都真係超好食!!

大喜屋尖沙咀店去得多，第一次食較便宜既銅鑼灣店。雖然收費較咀沙咀店平，但環境、服務及食物質素都保持一貫水準。如常先叫剌身，肉質厚、鮮甜及新鮮，每次食都不會令人失望，特別係蝦，叫完定必下一輪再叫｡跟住叫我最愛既蟹籽壽司，爽口，食極都唔厭。避風塘大蝦係我最喜愛食物，大蝦肉質新鮮，避風塘煮法又惹味。燒菠蘿同樣都係我每次會叫既食物，菠蘿多水多汁，食多幾塊都冇問題。最後當然要叫甜品，這個看似平平無奇既白色野，其實係牛奶布甸，奶味夠濃唔太甜，食多兩個都唔怕肥。

銅鑼灣等老公放工，當然要食番餐好既。Book 定位同老公去左好耐無去既大喜屋食放題。 一口壽司係我最愛，由傳統既三文魚到黑松露壽司都一樣咁好味。壽司唔大件，最啱我最鍾意試多幾款既壽司既人。 刺身更加要一叫再叫。所有刺身都切得好厚身，我最愛既劍魚腩夠晒肥美，食完之後啲魚油回甘夠哂正。值得一提既係帶子刺身，唔似出面個啲又薄又細又冇乜味，大喜屋個啲又大又厚，仲要好鮮甜。 軟殼蟹手卷同海膽手卷都好好味。軟殼蟹大大舊再加埋蛋黃醬，絕配。海膽夠鮮甜，份量又夠多。最抵讚既係飯既份量唔太多，完全有位俾你食其他野。 小食及飲品唔洗自己拎，寫左單就有人拎黎俾你。枝豆及螺肉送韓啤就好正。最後就緊係食埋甜品啦！重點推介就係豆腐雪糕，真係好香豆腐味。總括黎講，大喜屋係我既放題首選，味道好，上菜快，最好就係野飲唔洗自己拎。

同老婆去銅鑼灣行街食晚飯 ，因為老婆鍾意食日本嘢食放題就最好不過，冇得輸。 行經黃金廣場揀咗銅鑼灣大喜屋試一試， 星期三晚唔算太多人， book 好位再上去攞位唔使等位。 開波第一時間指定動作全刺身 色澤唔錯 ，新鮮 。刺身厚切有口感。 刺身好新鮮👍欣賞他們的壽司， 大細適中， 可試多種口味又唔太飽。 最正係清酒梅酒任飲，當然叫番壺清酒同老婆飲番杯。 燒帆立貝認真唔錯😘 最後飯後甜品叫了豆腐雪糕及朱古力雪條。三人食埋單七舊幾，抵食。

追追趕趕，忽高忽低，唔知點解，到最後總係黎番食放題！😂有種習慣又真係無咁易改變！今次去咗銅鑼灣黃金廣場樓上嘅大喜屋。唔講都唔會唔記得想當年第一次嘅放題就係呢一間！😩今次最快嚟到嘅就係刺身，有北海道鮮帶子，三文魚，甜蝦......其中最鐘意就係佢個北海道鮮帶子同三文魚！帶子好鮮甜爽，三文魚肥美！ 之後嚟嘅有火炙壽司！火炙鰻魚、牛肉壽司同燒帆立貝都keep得到想當年嘅水準！😊不得不提燒帆立貝！呢個真係無得頂！ 帆立貝又鮮甜 沙律醬味又重！ 正！之後仲叫咗天婦羅、手卷、牛柳粒都好好食！加埋當想當年嘅回憶，仲好食！ 最後同想當年一樣，叫咗啲泡芙、法式燉蛋 同埋牛乳布甸做甜品！ 大滿足！ 有時食野除咗食味道，其實加埋啲回憶一齊食，都可以話有另一番嘅體會，特別係當你身邊嘅人同事都已經改變！😩

隔左大半年再嚟大喜屋放題，價格便左，但質素差左很多。首先漏單太多，上餐速度尚算快，食物種類少左選擇，服務員的態度頗有差別。整個流程見到比較混亂以前有序好多，可能經營模式，團隊也改變了。相比同等級的放題差很多。

上星期有朋友見我 食過極尚大喜屋放題，見我食得津津有味就問我，朋友興生日去邊好。上網一查之下 銅鑼灣仲有間大喜屋飲食料理，2話不說 我地就安排一行8人去大喜屋興生日！！因為Book左枱 所以唔洗等好耐就攞到枱食野，可能我係電話到講過有朋友生日啦，餐廳既服務員好快就問我地有冇訂蛋糕，先幫我地放入雪櫃，反應之快值得一讚！ 又到食物環節，刺身船就走唔甩啦 一黎就黎盤勁野，三文魚同其他魚刺身都件件厚切(好似唔洗本咁) 食落新鮮 比得上極尚級數 雖然冇拖羅任食：(熟食方面，今次青魚唔錯，魚肉質鮮嫩，充滿魚油香味，非常可口。 可惜係好似冇太多甜點 所以冇食到(極尚真係感覺好正 雖然貴D) 到8點半左右，有人提我地last order心知不妙，仲有咁多好野食未食，蛋糕又未切，拿拿聲食埋D野，差唔多九點就叫服務員落蛋糕出黎切。 好彩服務員都好識做，好就我地 比我地慢慢唱埋生日歌 同食埋蛋糕先埋單。富有人情味以2百幾蚊位 經濟級放題黎講，今次生日飯 個個都滿意分200!

今次就去咗銅鑼灣都幾出名嘅大喜屋食晚飯。食放題當然要叫返一碟刺身拼盤作為頭盤先啦, 啱啱遞完紙冇幾耐五六分鐘到就有得食, 因為我實在抵受唔住佢嘅誘惑, 大家都明個原因㗎啦, 所以相中嘅魚生係亂咗少少。拼盤上面嘅刺身真係夠晒份量, 尤其是三文魚同甜蝦, 三文魚就厚切啖啖肉, 甜蝦就好鮮甜同大大隻。 值得留意嘅係大喜屋有得叫蟹腳, 對於我呢啲鍾意食蟹嘅人嚟講係加分嘅。 每張枱都有兩把鉸剪, 方便大家開蟹腳嘅時候用。之後我就嗌咗一件炙燒左口魚裙邊壽司淺嘗, 試後十分支推介畀大家, 件左口魚擺落口係入口即溶, 而且仲有少少嘅橙皮嘅上面點綴下, 真心好食。呢個焗帶子, 帶子雖然細, 但係食得出佢落咗牛油同蛋黃醬仲有芝士嚟整嘅醬汁, 個醬汁唔會太濃亦都唔會蓋過帶子嘅鮮味, yummy😋之後都叫咗啲炸物, 包括芝麻雞翼, 榴槤炸彈, 炸年糕同炸蠔。當中炸年糕就外脆內軟煙煙靭靭幾好食, 炸蠔就十分之juicy, 食嘅時候小心辣親個口。以咁嘅價錢食到啲咁高質素嘅嘢, 算om啦, 期待下次再光臨大喜屋。

好耐冇食放題，好想食但又手頭緊，於是揀左係一眾大喜屋之中，價錢最親民既呢間。餐廳位於希慎廣場附近，超方便。重點係，星期一至三6pm-830pm黎食，只係＄228一個人炸！！！！超抵！即使價錢平，但食物款式一樣好多，有兩大本點餐紙。一開波一定點刺身！基本放題有既刺身呢度都有，都幾新鮮。而且蝦都有分虎蝦同小甜蝦，個人最鍾意虎蝦，大隻又多肉。壽司就每樣都點左少少黎試下，中間個個炙燒芝士蟹棒壽司encore左勁多次，因為實在太好食！鮮甜既蟹棒配搭鹹鹹地既芝士令蟹棒既甜味更加突出，一啖咬落去，d香味就係口腔爆出黎！呢度竟然有炒花甲食！正啊！花甲既豉椒超級惹味，而且花甲幾新鮮滑嫩，又係encore左幾碟。人參雞湯都係其中比較特別既菜式，唔係到到都有。人參味好重，不過就略嫌唔夠鹹，可能係我食得比較重口。哈哈哈哈哈。燒菠蘿、芝麻雞翼呢d都係我食放題必食，呢到都做得唔錯，同極尚/殿既味道一樣。飲品方面要落紙，唔洗自己出去拎。大部分都係韓國牌子，比較少見，味道都幾好，解渴一流。最後點少得一杯雪糕為一餐完美既放題畫上句號。限定每人一杯，有哈根大師同milk top揀。我揀左豆腐味milk top， 豆腐味超

未到中午已經排曬隊幸好可以預早訂檯， 內裏環境地方唔算太大。 想去食一係十二點前排隊否則不出十分鐘已座無虛席 '食物選擇太多樣樣都想食，但自己個胃又唔係裝得多，款式有:刺身、軍艦、炸物、熟食、前菜、甜品......先食個刺身拼盤，三文魚好肥美魚油又香， 象拔蚌，帶子爽口鮮甜，刺身蝦肉質新鮮 睇相淨係見到佢啲眼就知靚左下係鵝肝帶子壽司，右邊係蟹膏蝦壽司 估唔到兩款有驚喜。鵝肝同帶子份量比例唔算少勁鮮甜,壽司細細粒可以encore多幾次 必食避風塘炒蝦，救命呀點解啲蝦全部都咁新鮮兼爽口仲要有蝦膏脆卜卜夠野味雞翼大人細路都啱，芝麻雞翼好香口又唔會炸到燶，外脆內滑。下面係鹽燒雞翼一樣咁好食。 仲有兩粒圓形嘅物體係炸生蠔，新鮮鮮甜飲品少見都係韓國牌子， 椰汁芒果， 有椰肉同芒果肉，唔會好甜味道自然好飲仲有檸檬梳打水好fresh沙律醬焗帶子，醬汁酸酸咪咪好醒胃，帶子鮮甜都大粒去到尾聲食咗咁多生冷嘢,梗係要食番碗熱食。呢碗係肥牛讚岐烏冬，烏冬同肥牛都好滑溜，細細碗同朋友share食啱啱好，食完成個人暖笠笠同好滿足仲有食咗天婦羅，炸天婦羅嘅師傅手勢好好， 粉漿薄薄地又係一定要食 。仲有一個炸榴槤，鍾意

We have reserved a table for 4 in this Japanese buffet tonight. We started at 8:30 and the time of ending was 22:30, which had a 2 hours dinner time. I had been to this restaurant twice before for lunch buffet. It was so grateful and tasty.There were various food choices, all were so fresh and delicious. Chicken wings and durian balls were really great!Sweet potatoes really yummyThe staffs were nice and helpful. No food was missing out! Besides, there were lots of drinks to choose with wine, bee

月頭出糧 ，又同老婆去食好東西 ，因為老婆鍾意食日本嘢食午市放題就最好不過，冇得輸。 都係食同樣嘅嘢 午市仲平幾草野所以揀咗銅鑼灣大喜屋試一試， 午市時間唔算太多人， 唔使等位。 老規矩開波第一時間指定動作刺身壽司 色澤唔錯 ，新鮮 。刺身厚切有口感。 對我嚟講刺身只要新鮮便ok 烏冬唔錯彈牙 湯底亦鮮味。 個人幾欣賞他們的壽司卷， 龍蝦膏甜蝦， 蝦膏很鮮味。 鵝肝帶子味道濃郁， 芒果蟹籽花之戀很清新。 味道配搭唔錯 最好嘅係佢細細件唔會太飽 飲品選擇 飲品選擇還可以， 個人幾喜愛檸檬梳打水及 椰子肉芒果汁 燒牛柳粒味道唔錯 及 鹽燒雞翼嫩滑， 香脆。 避風塘大蝦 必食 我食咗三轉 大蝦新鮮，肉質彈牙避風塘煮法惹味。 燒青魚正常嘢。 炸貓山王，榴槤愛好者必食。 芝麻雞翼香脆好味， 炸蠔正常嘢。 最後飯後甜品叫了豆腐雪糕及朱古力雪條。 埋單四舊幾。 臨走前見佢門口貼咗啲poster出來，午市套餐都幾多款式揀。 唔食放題都可以食定食。

話說早一排放假，同女朋友行銅鑼灣諗住買下野入下冬天衫，行到有啲肚餓，女朋友就話想去食放題。上網搵吓最就腳嘅放題鋪頭就係大喜屋，就係黃金廣場7樓！咁咪去試吓食囉！一上到去大喜屋，就見到10幾張放題嘅order紙，多到要食晒都真係一啲都唔容易！入到去坐低食嘢啦，地方都尚算寬敞，幾乎每張枱都有卡位！唔經唔覺坐下坐下就成間鋪頭都放滿晒啦！一開場梗係叫番啲魚生嚟食吓啦，刺身來講最鍾意都係食蝦，無論係虎蝦海蝦海老都係我個範！呢度仲可以俾我叫好多帶子！同埋鮑魚片！之後到壽司啦！我哋就叫左好多火炙壽司！之後我哋仲叫咗好多燒物包括左雞翼同埋榴槤！食放題埋齋點可以無烏冬？好在呢度有我最愛的熱湯烏冬！最後呢度仲有得俾你食哈根達斯雪糕添！

今日我同上司有啲意見分歧😵所以非常唔開心😔我覺得要填補我依家心碎💔嘅心情😏莫過於就係可以搵一頓美味嘅晚餐😋彌補我依家嘅心情😏而我最渴望一齊享用這頓美味嘅晚餐，莫過於我嘅至愛的老婆😍⋯⋯我最愛嘅就係👘日本餐🤓但係非常大食我😏一定就係選擇🍣食放題🍣又可以任飲🍶又可以任食😏⋯⋯我哋選擇咗位於銅鑼灣嘅《大喜屋》日本料理，貪嗰度有任飲清酒🍶而且食物非常新鮮🍱🍘🍣刺身方面有🐠劍魚腩🐠三文魚🐟油甘魚🐠希靈魚丶北海道鮮帶子丶赤貝丶北寄貝丶鮑片丶虎蝦🦐丶甜蝦🦐丶東風螺仲有我最愛嘅😋加拿大松葉蟹腳🦀其實淨係呢啲嘅刺身😏我已經食咗四盤👍🤓所以我覺得已經值回票價😍非常滿足👯👯⋯⋯⋯⋯小食😋我最欣賞嘅尖椒麻辣皮蛋和螺肉北海道燒帆立貝一個人食咗六隻😏壽司方面🍣我最愛嘅海鹽燒左口魚壽司😋😋鰻魚壽司🍣金黃蟹棒燒又好味又鮮味🍱和風汁炒牛柳粒細細粒容易👍食充滿牛肉香味天婦羅蝦🦐我覺得做得非常出色到最後來個結尾有我最鍾意嘅Haagen-Dazs雪糕😋🍨🍨大家一定唔可以錯過北海道3.6牛乳布甸🍮🍮