更多
2018-02-25
3960 瀏覽
新年假總是大魚大肉嘅日子,拜完年幾日又去食放題,今次同阿媽同細妹去, 好耐冇食過放題嘅細妹興奮到不得了, 誓要食遍所有刺身, 今次特別想同大家介紹幾個重點回本位!食放題必叫刺身! 間間放題都有刺身,但唔係間間高質,呢度嘅質素我真心滿意。我都數唔清我食咗幾多件三文魚刺身, 總之就係不斷食, 因為肥瘦均勻,三文魚味香濃,呢度嘅魚生切得好厚身,十分慷慨😆食過幾間放題,發現帶子刺身最容易分高下, 因為一唔新鮮,就會喪失原有鮮甜味道, 呢度嘅帶子軟熟鮮甜, 係啖啖新鮮嘅味道, 食刺身嘅朋友必定要叫多幾舊, 絕對係回本位!呢舊油甘魚沒有想像中咁有魚油香, 唔太夠肥美,但勝在啖啖肉,呢一嚿魚生足足有1.5 cm厚~呢度嘅羊鞍有一般西餐廳嘅水準, 本身以為一件係細細件,上到枱先知道原來有一隻半手板咁長, 肉質可以再嫩滑一啲,但講到調味絕對冇得輸, 香草味十足, 醬汁和羊肉都配搭得宜!餐廳限定每人一款指定甜品, 其中一項係季節限定今期就有haagen dazs 嘅焦糖奶油餅乾味道, 細細杯外面都買二十幾蚊, 平時唔捨得食,嚟食放題就可以慢慢享受啦!餐廳亦都提供四五款無限點嘅甜品, 特別推薦呢一款軟芝士蛋
食放題必叫刺身! 間間放題都有刺身,但唔係間間高質,呢度嘅質素我真心滿意。
我都數唔清我食咗幾多件三文魚刺身, 總之就係不斷食, 因為肥瘦均勻,三文魚味香濃,呢度嘅魚生切得好厚身,十分慷慨😆
食過幾間放題,發現帶子刺身最容易分高下, 因為一唔新鮮,就會喪失原有鮮甜味道, 呢度嘅帶子軟熟鮮甜, 係啖啖新鮮嘅味道, 食刺身嘅朋友必定要叫多幾舊, 絕對係回本位!
呢舊油甘魚沒有想像中咁有魚油香, 唔太夠肥美,但勝在啖啖肉,呢一嚿魚生足足有1.5 cm厚~
呢度嘅羊鞍有一般西餐廳嘅水準, 本身以為一件係細細件,上到枱先知道原來有一隻半手板咁長, 肉質可以再嫩滑一啲,但講到調味絕對冇得輸, 香草味十足, 醬汁和羊肉都配搭得宜!
餐廳限定每人一款指定甜品, 其中一項係季節限定今期就有haagen dazs 嘅焦糖奶油餅乾味道, 細細杯外面都買二十幾蚊, 平時唔捨得食,嚟食放題就可以慢慢享受啦!
餐廳亦都提供四五款無限點嘅甜品, 特別推薦呢一款軟芝士蛋糕!!唔好睇佢細細粒,絕對足料, 口感好滑, 有好豐富嘅忌廉芝士味道, 絕對唔係其他放題嘅麵粉cake😂😂 (本人已在多處中伏)
整體嚟講, 銅鑼灣呢一間大喜屋性價比極高!
p.s. 店員服務態度非常好,上碟收碟都好有效率, 截單前半個鐘仲會有溫馨提醒!
張貼