大喜屋 (已結業)

已經有一陣子冇黎大喜屋，今次同表妹同埋男朋友黎食，先知道原來大喜屋個menu更新左，多左唔少新野黎得食放題，打頭陣一定係刺身啦！款式都幾多，有經典三文魚、甜蝦、北海道鮮帶子、北寄貝、鮑片等等。仲有一般放題比較少見的劍魚腩、油金魚、希靈魚、象拔蚌、虎蝦等等。最令我心心眼既當然係加拿大🇨🇦松葉蟹腳刺身雖然唔係厚切，但勝在夠新鮮！帶子鮮甜，象拔蚌同鮑片好爽口，甜蝦爽口彈牙，虎蝦跟甜蝦口感截然不同，虎蝦口感帶黏性，但同樣好食！加拿大🇨🇦松葉蟹腳呢個松葉蟹腳真係冇得輸！大大隻好厚肉！豐海水味，啲肉好鮮甜，並唔會散開蟹籽沙律🥗大愛青瓜配蟹柳、蟹籽真係好好味！最重要既係有足夠既沙律醬，超正！黎食放題好少會叫壽司，因為驚食完兩舊之後就會好飽，不過今次見隔離枱叫左，係mini size，所以先夠膽叫～呢粒芒果魚籽花之戀，唔好睇佢細細粒，仍然食到芒果同魚籽既味道，魚籽好鮮甜，一粒一口，真係幾好！　火炙壽司三文魚腩雖然唔係厚切，但果陣油脂口感超好，加上表面火炙過，好香鹽燒雞奕我最愛鹽燒雞奕，每次放題都必點，呢度既鹽燒雞奕燒得好好味，鹹度適中，燒得香脆，加少少檸檬汁提一提味更正！飲品除左汽水果汁，仲有好多熱飲

難得表妹放假回港，決定去大喜屋食放題，為佢洗塵和聚舊。昨晚約6時到達大喜屋，場內已頗為爆滿，座位較想像中寬敞。入座後，表妹立刻點了一客刺身拼盤。雖然三文魚稍為遜色，但其他的都很新鮮，甜蝦更是爽脆彈牙！這裡的炸物仍能保持一貫水準，無論是芝麻雞翼、蝦天婦羅或炸蠔，全部都外脆內嫩，入口時仍是熱辣辣的。蝦天婦羅的炸漿厚薄適中，又不會過於油膩。我一口氣食左7隻炸蝦，表妹在旁嚇得倒抽一口涼氣～燒物和壽司都相當不錯，炙燒左口魚邊壽司（應該...是這個名字？）更是一絕。壽司份量剛好一口，左口魚邊略經炙燒後，入口即溶，沒有丁點魚腥味！除蝦天婦羅外，這便是我的第二愛了～飯後甜品方面，這裡不但有常見款式，更有榴槤糯米糍，榴槤迷萬勿錯過！

好耐無去食大喜屋，今日約埋幾個中學同學去放題！餐紙唔講啦！刺身方面，叫左最大路果d，不過佢重有蟹腳，當然叫埋啦！帶子好鮮甜，長腳蟹亦夠新鮮，佢重幫你剪開左少少，督一督就成條出左黎，十分細心方便！不過佢就無甜蛋，如果有埋會更好！壽司方面，佢地不太鐘意，我就叫左鰻魚壽司獨食！細細舊，食多幾舊都唔覺飽！之後叫左天婦羅蝦，炸得剛好，不厚粉，蝦肉緊實好食！最正都係芝麻雞翼，炸得皮薄不多油，有少少辣果，食落重好食。誠意推介，叫左3round，我重食左半打。。食左咁多熱氣野，整返個馬拉盞炒芥蘭苗平衡下，正常，d菜炒得唔老，都ok！之後重叫左是日生果，橙+西瓜西瓜鮮甜，相反個橙就太酸！最後就係雪糕本來打算食牛奶巧克力果支，結果佢無晒，整左支笨啦啦雪條來。。算，照要，好大陣香蕉味，不過食落比普通雪條好少少！最失望係燒物無雞軟骨😩如果有，更好！今次最滿意係無漏單，侍應們重好有禮貌，值得一讚！每人260多，食2.5h傾下計，不錯的選擇。

有時生活太苦悶，最好就係去食餐好去慰勞下自己。今次一於食放題啦！銅鑼灣大喜屋我同朋友成日都去食，因為位置好，上菜快，唔漏單，野食又好味！刺身新鮮好味，d甜蝦好大隻！！真係要讚，壽司細細件，好味又唔會食完之後咩都食到唔到！左口魚裙邊好好食，出面食要成十幾蚊舊架！蟹粥：雖然食蟹粥好似唔太抵，但其實個蟹粥幾好食，入面仲好多蟹芝麻雞翼，好好味又香口，encore左幾次！！又係雞翼，呢款係燒雞翼，都好食！（不過我個人都係鐘意芝麻雞翼）魚干都好好食，可惜我無飲酒，唔係拎來佐酒一流！特別鐘意大喜屋燒菠蘿，菠蘿非常新鮮香甜，大大件，我一口氣食左5/6件，食到停唔到口正最尾食左個milk top 沖繩海鹽味雪糕，又係好好味！！出面買起碼廿幾三十幾蚊啦！！雖然只可要一份，但係已經食左好多野，飽哂！大滿足！

放假前好有 holiday mood，即興約了班 friend 去食放題。先來客刺身，嘩，單看賣相已經夠吸睛, 食材新鮮，三文魚肥美，甜蝦鮮甜新鮮，帶子夠大粒。最正係芝麻雞翼，皮脆肉嫩滲透住芝麻香，有少少辣味令人食指大動，我地encore幾round！大大隻帆立貝燒到金黃色，食落好 juicy。鰻魚忌廉芝士卷，蜜桃龍蝦沙律卷，芒果大蝦沙律卷, 無論色香味都配搭得宜，size 細細，ㄧ件ㄧ口，食得夠痛快，岩晒想試埋其他野食的你。天婦羅蝦及蟹棒天婦羅, 炸到岩岩好，皮又唔會過卅厚，唔理熱氣, 食了先算！食到咁上下，終於輪到我的最愛---甜品。款式不多，不過好味道！有軟身芝士餅，芝士味濃郁，伯爵朱古力杯，牛乳布甸等，不過我最愛都係榴槤糯米糍,飄香嘅榴槤味,，令你齒頰留香，我食左5粒！鐘意榴槤又想食放題既朋友，岩晒你啦！重要一人都係約$250不算太貴在！

上次咁岩經過呢間大喜屋，見到都係集團式，應該諗住冇死啦，之前都聽過朋友話麻麻地，但一心諗住都係一式一樣既出品應該差唔太多首先我地去到，原來要分時段入，平時放題一入就可以架啦，點解分時段？話唔比入就唔比？然後逼於無奈兜左個圈食最尾場，加埋一都差唔多300蚊，真心寧願拎多少少錢食其他野仲好過首先我地落左好多刺身同埋炸物天婦羅，點知好多D份量全部減哂半，驚死我地會食唔哂，其實我地真係好大食，你咁樣我又要不停係咁點加上佢地又係咁間唔中漏單，到頭黎我都唔知佢會上哂咁多份定真係miss咁D，搞到我就住就住咁叫，哂左好多時間去食更多野刺身我覺得三文魚都OK，但其他就真係麻麻地，油甘魚同劍魚腩都冰冰地未溶哂，蝦就有少少唔新鮮，食落有D霉炸物普普通通唔算多款，不過重點係好多油，搞到唔係好想食！太熱氣！同埋D野飲唔係超甜就超多水溝到稀哂，好似個杯咩紅粉飛飛咁，完全係伏黎，除非你想一試啦唔係就真係唔好叫野飲種類都係一般般，上檯清檯速度一般，記得個晚有個戴黑眼鏡既哥哥仔態度超差，叫佢又唔應，清野又好似發悔氣咁，我地都已經好好態度，真係谷氣

好幾年前我都成日食大喜屋嘅，但宜家真係不敢恭維，無論人定品質都有好大差別，價錢又加，以後只會轉食其他放題都不會再來首先一去到，有因為我哋同行裡面有小朋友，只係簡單一句問有冇可以安排比較角落安靜位置以免小朋友發生危險，及安排小朋友椅給我們，店員竟然態度惡劣，一喺無視我哋，一喺就話「得啦得啦，你等等啦」，一貫敷衍的態度令我哋感到十分反感，直至我們入到去找一位應該是經理的人才受理到點餐部分，叫啲卷物嘅時候，我哋每樣都有點，點知到來得三款，平常已經有份量少咗嘅問題，宜家直頭連點咗都冇出現過，壽司炸物都有呢啲情況出現海膽手卷上面嘅海膽有D水水地，食落冇咩口感，很淡，唔好食人蔘雞鍋味道好淡，雞肉有點爛，所以吃得不太開心蟹粥裡面隻蟹居然仲有縛住橡筋，即是橡筋連蟹和粥一起煮過，有其他東西一起煮出來，我們當場跟店員反映，店員直接拿走說換過便算，十分無奈！有時候愈是集團式嘅野更加要努力維系好個品質！咁樣落去真係永不回頭！

辛苦咗成個月終於可以休息一下，約咗一班好朋友到銅鑼灣食放題開心吓食放題最愛食刺身有厚切的三文魚、鮮甜好味的帶子及甜蝦、肥美的劍魚腩、油甘魚、還有北寄貝件件大件新鮮，叫了兩大盤已回本跟著有海胆手卷、鰻魚壽司、燒左口魚邊壽司、芒果大蝦沙律卷、牛油果軟殻蟹卷，件件壽司細細件食多都唔覺飽燒物的羊鞍、北海燒帆立貝、鹽燒牛舌、燒菠蘿都好好食，但燒雞翼偏淡炸物有必食的芝麻雞翼炸得脆口，十分入味、芝士年糕、炸吉列蠔，還有榴槤愛好者的脆炸貓山王甜品有芝士餅、榴櫣糯米糕、牛乳布甸、朱古力杯除咗以上甜品之外，還有一張雪糕紙，每人只可以選擇一款，我㨂咗沖繩海鹽雪糕又食又傾，認真開心😃

晚市放題, 最重要是不用再排隊。試想像每一餐飯需要排半小時, 人生就白白浪費了3%時間！人到門口, 侍應即安排入座。你可能會諗: 「無人幫襯, 緊係可以唔需要排隊！」你錯了。店內座無虛席。 座位寬闊, 可以舒舒服服地戰鬥。芝士牛油焗帶子。醬汁非常creamy, 表面燒到脆身。必食！燒羊架 + 燒雞泡魚干。羊油非常香, 肉質鬆軟。雞泡魚干表面塗上一薄糖漿, 甜度適中而且肉質煙韌, 送酒一流！巨型刺身拼盤。刺身款式應有盡有, 無一或缺。重點推介牡丹蝦、劍魚腩、帶子, 非常新鮮。火炙芝士蟹棒壽司。小弟至愛。必食！豉椒炒蜆。殼多肉亦多。戰事尾聲, 甜品亦不欺場。朱古力mousse、tiramisu、creme brulee。

朋友時常推介大喜屋食放題，甚麼回本，甚麼價性很高云云。今晚友人生日大日子，我們一起去食這間日式放題。大喜屋位於銅鑼灣，地點方便易搵。我們一上到去就剛好入座。店鋪環境寬敞，裝潢富有日式風味。放題有很多食物選擇，琳瑯美食任我們品嚐。刺身 雜錦刺身，有甜蝦、赤貝、三文魚、希靈魚等等多款選擇，刺身鮮甜，滿有新鮮氣息。當中我最喜歡食鮑片，肉質彈牙，非常鮮嫩，比一般放題高幾班。壽司壽司飯與肉比例合宜，整體配合美味，一啖一口， 宛如置身日本食壽司。雪花牛肉鍋有水準的牛肉鍋，而且設計用心。一般偽日本食市會連火爐上，表面專業，但實質扮嘢。牛肉會熟得好韌和嚡口。但大喜屋的做法就能夠讓牛肉煮得腍而美味，加上雞蛋一撈，又滑又美味的牛肉即可獻上。冷稻庭烏冬稻庭烏冬煙韌彈牙，麵身爽口，配上醬汁，我也番叫了兩碗品嚐。燒香草羊鞍羊肉香而不羶，肥而不膩，肉質夠腍而不黏口，水準不賴。北海燒帆立貝帆立貝入口煙韌，配上酸流流的醬汁，味道非常可口。避風塘炒特大海皇蝦用料上乘，海皇蝦肉身結實，加上避風塘炒法，真令人齒頰留香。隨碟附送炸豆腐，認真鬼馬。芝蔴雞翼非常香脆惹味，肉質白滑，雖然炸上，但不油不膩。甜品有我最喜歡的桂花椰汁糕

好耐無食過大喜屋，記得銅鑼灣這間新開時，就算訂位都要齊人先可以入，好巴閉，原因係好少地方有正宗日式放題，它算是日本放題打入香港市場的始祖。我們兩大一小點左幾款刺身,有三文魚丶希靈魚丶油金魚、北寄貝、甜蝦丶虎蝦丶鮑片，刺身厚切，顔色光澤，賣相新鮮，大大件，食落味道鮮甜，而甜蝦都算大隻。本人最欣賞三文魚刺身，魚味夠濃，油花多，口感肥美。海膽手卷，海膽肉呈深黃色，味香甘甜，口感紮實豐富，加上大大份yummy👍🏻熱騰騰的牛肉湯烏冬，打算點俾囡囡，估唔到蛋同肉都好生，最後我倆自己食，牛肉好淋好薄，肥瘦適中。最後點左個冷烏冬俾囡囡，好正，煙韌爽口，簡單配烏冬汁，鮮味至極。甜品之中，我最欣賞榴櫣糯米池糍，用糯米皮包住榴槤，然後冷藏，食上去似食緊榴槤雪糕，好特別，我自己再encore多兩粒。

難得朋友相聚，當然係食放題啦。我們這次去了銅鑼灣店，好彩一早預訂了位， 中午都一樣很滿座。最喜歡大喜屋就是食物種類多而且食物質素是不差的。每次食放題前都會特登留肚，所以一去到就好肚餓，見到點餐紙就好興奮，坐下就忙著動筆點餐。放題當然少不了刺身，它的刺身很新鮮，特別是蟹脚👍🏻👍🏻美味鮮甜。壽司就没點太多，我最愛左口魚壽司，很香。還有這些特別的壽司小小一口吃完，它的壽司飯不會太多，小小的可以吃多點款式。這海膽手卷也值推薦，海膽很鮮甜。熟食，我就最愛這個焗扇貝。我也很愛燒菠蘿。還有榴連波波最後這個雪糕不得不贊，這個是限定每人只可以點一樣。這一餐真是大滿足！

去過銅鑼灣廣場哪兩間很多次， 今天訂位因沒有位改試這一間， 銅鑼灣廣場兩間都不錯，今次試下呢間 ，魚生尚可其他一般般 ， 炸雞翼焗高下立見， 長腳蟹完全冇味道 ， 只有甜蝦刺身 ，沒有赤蝦， 清酒溝水👎， 若嫌成本高，寧願不提供 👎甜品不多， 雪糕也沒太多選擇， 飲品及甜品是單点，不及銅鑼灣廣場哪兩間自助形式 飲品及 甜品食品選擇也較多 ， 始終銅鑼灣廣場嗰兩間比這間高一皮， 怪不得今天訂位，那麼輕易可以得到， 銅鑼灣廣場哪兩間也沒有位， 所以這間，一試無妨有下次.

真係唔記得有幾多年未黎過大喜屋，印象中一直係品質既保證，所以岩岩病好想瘋狂食日本野就揀左呢度回味下喇~落單紙分左生、熟食各一疊，另附一張限量既貴價甜品紙，搣紙都搣到手軟。刺身選擇齊全，共有12款，包括三文魚、加拿大松葉蟹腳、北海道鮮帶子、赤貝、北寄貝、甜蝦、虎蝦、劍魚腩、油甘魚、希靈魚、鮑片同東風螺。最令我驚喜既係長腳蟹，由於斬開成細段所以我開頭冇咩期望，點知拆肉後發現係酒店buffet既水準。蟹鉗真係超鮮甜彈牙，瘋狂encore左幾次。唔知點解呢個三文魚腩壽司睇落似火炙三文魚，但細細舊都唔會食到好飽。芥末八爪魚軍艦幾新鮮，紫菜亦夠脆，不過個wasabi真係幾攻鼻，受得辣先好叫。泰式鳳爪同辣味螺肉夠凍開胃。海蜇沙律既海蜇辣辣地幾正，如果可以多海蜇少菜就好喇。炸物方面，芝麻雞翼同炸蠔熱辣辣一貫地好食。　脆炸貓山王第一次食到，估唔到咬開會湧出味道香濃既榴槤蓉，真材實料，必叫！天婦羅炸皮唔會好厚，幾欣賞炸蟹柳品質幾靚夠嫩滑，同埋就算叫好少野都必定連同天婦羅汁上菜。燒物亦幾出色，燒香草羊鞍雖然係全熟，但香口又嫩滑，完全冇羶味。鹽燒牛舌好入味，再厚少少就更好。海燒帆立貝都幾大粒，蛋黃醬同芝士撈埋

刺身拼盤上得幾快幾齊估唔到個凍蟹幾鮮甜。炸蠔+榴連波+芝麻雞翼+燒牛舌燒羊架羊架同牛舌都燒得幾好，而且上時仲係熱辣辣。不過燒物要等幾耐下，搞到我差啲以為佢漏單，建議大家燒物要早啲落單。榴連波都真係幾重榴連味。喜歡榴連既人可以試試。好似叫避風塘炒蝦感覺新鮮好味過刺啲甜蝦同虎蝦。其實呢間啲熟食都幾好味。海鹽雪榚貴價個幾款雪榚每人只可以揀一樣。要小心！！！我揀左個海鹽雪榚，咸咸的雪榚幾特別，但又出奇地幾夾啲奶味。其他幾款任叫既甜品其實都唔錯。3.6牛奶布甸幾好味，細細地呢個份量其實我一個人可以食十碗，如果唔怕唔好意思的話。白色個兩粒係榴連糯米池。入面唔係榴連味既雪榚，而係好似真既榴連肉咁。同上面個炸榴連波一樣好香既榴連味。整體上算係幾多選擇，又幾好味，係坐得逼少少。