大喜屋 (已結業)

大喜屋心血來潮食一個刺身嘅lunch ,上網睇咗好多間，都揀唔到食邊間，把心一橫，不如去食放題啦，種類又多價錢又唔算貴。為咗要就朋友係港島返工，就揀咗銅鑼灣大喜屋，其實而家已經開咗好多間大喜屋，今日試番最basic一間，貪佢比較小人，上菜快的，爭取一個鐘頭嘅午飯時間。未夠12點已經去到準備安排入座，人龍都唔算長，好快就被安排卡位。座位比較緊密,不過唔緊要，最緊要係要食一個快速嘅午餐。刺身嘅種類同一般樂天大喜屋、殿大喜屋差唔多，都有12款選擇，非常新鮮，帶子雖然唔算大隻，但係好鮮甜，蝦嘅刺身都有兩款，啱晒我蝦迷，虎蝦大隻又鮮甜啦。除咗一般嘅刺身選擇之外，仲有松葉蟹腳任點添，肥大肉厚。最欣賞係劍魚腩，同埋油甘魚刺身，兩款都油脂分布平均。熟食方面，羊架係個人心水選擇。另外手卷，以為係迷你size ，點知原來係好大件，食咗兩件已經覺得好飽啦。飲品方面，並唔係自助形式，需要用點餐紙order。食完刺身，即刻好想飲番杯熱茶暖下，呢度除咗有綠茶之外，竟然有碧螺春，真係有啲意外，連中國茶都有，相當唔錯！此外，服務員嘅態度非常好，經常有耐性地回答隔離枱嘅問題，友善有禮！

記得第一次食放題已經係好多年前既事,而當時正正係去尖沙咀既大喜屋. 自從有左極尚,樂天同殿之後..真係好少會稔起去返普通既呢間…直到今次朋友約食飯訂左呢間..先有機會再試..。好啦講返正題, 一坐低當然例牌叫刺身啦….俾完紙好快就來左..睇落D魚同帶子係細過其他少少,不過個presentation都好靚..食落亦都好新鮮, 由其係劍魚腩同油甘魚油脂分佈岩岩好..值得一試..去到壽司同手卷, 個左口魚壽司都好食…吃落口啖啖香味, 即刻encore多一轉, 之後叫左6件海膽手卷, 原來係正常size而唔係迷你卷, 所以食左4件好多飯..如果咁多飯來講多返少少海膽會滿足好多..最後甜品都有唔少選擇, 我就食左個home made海鹽雪糕, 都幾驚喜個雪糕有好香牛奶味, 感覺都好似係沖繩食果D…最後走果時都係好滿足..雖然呢間大喜屋既選擇想對少左D,但食物都新鮮同埋味道都唔差,係性價比高既一間放題

蟹籽沙律，蟹籽少其實都預左，不過系估吾到有咁多沙律醬，d沙律醬仲多過下面d青瓜。海蜇沙律，海蜇既調味都吾錯，酸酸甜甜，有少少辣辣地，幾開胃，好味過平時燒味舖過d。燒羊架，但其實似炸多d，可能貪快，燒要燒好耐，不過都幾香口，吾算太肥太多脂肪，肉都幾多。壽司全部都整到細細粒，其實都有好處，吾會食幾件就飽，可以試多幾款吾同口味。炸物，芝麻雞翼都幾推介，好食過普通既雞中翼，因為佢黐住d芝麻一齊炸，所以好香。

年三十晚走左去同屋企人食放題，黎左呢間位於銅鑼灣既大喜屋。呢間放題吾算大，但人手都算充足，上菜同收碟既速度都算快，幾好。帶子裙邊，平時食冷麵一定會叫既餸，估吾到呢度都有，調味都ok，同冷麵舖嗰d差吾多。刺身選擇吾算多，不過食材質素又ok既，甜蝦味道幾鮮甜，值得一試。燒帶子，上面d醬系芝士加沙律醬，但沙律醬太多，搶晒味，好似淨系食緊醬咁。燒牛舌，口感吾錯，燒得幾香，系再叫既食物之一。燒鯖魚，系腩位，所以魚肉好滑。

出左bonus ，好想去興祝一番。靈光一閃，不如食餐勁！於是去左大喜屋，為求食到爆肚為止。日本放題不嬲都係我至愛。因為我最鐘意食魚生同串燒。大喜屋其實都同朋友黎過，不過係其它分店。今次我選左食cwb分店。枱面成本電話薄咁厚嘅點菜紙真係花多眼亂。有時真係唔知點咩先。不過食放題就是任性。先隨便點一叠紙嘅野食。唔夠咪再點😂。不過我個人好反對浪費野食，所以每次點小量，食完先再黎。鍋物，炸物，刺生，手卷，天婦羅樣樣同我黎d 先唔該！開頭點時好似有d 驚雖然量少，但會唔會太多款式，最後點點埋埋食唔晒，好彩呢度佢地每件比較小巧。食左好多款都唔太飽。咁先可以試晒呢度d 野食（其實都係試唔晒，實在太多款）款式太多不能每樣都寫，唯有只講我鐘鐘嘅食物。魚生新鮮到企理，最開心佢有虎蝦同劍魚腩之外，仲有我至愛嘅希靈魚🤘🏾 。壽司我鐘海膽拖羅魚生塔，每樣野比例剛好，夾埋一齊好夾。黑松露油甘魚就失色左少少,黑松露味唔太夠。炸物我鐘意脆炸貓山王，本身我唔係好食榴連，但佢張紙寫到咁吸引又比左錢，咪叫黎試下😂。試左又ok ,佢係有榴連香嘅甜品，甜甜地又ok 。食到飽都仲叫左個雪花牛肉鍋，牛肉好滑，加埋隻蛋比你攪勻佢食。食

天氣咁凍其實應該係屋企冬眠既，但又一早約左朋友食放題，無計啦唯有照食，咁先過癮！😎我地一去到，指定動作當然係叫刺身！好興奮地每款叫幾塊，黎到已經一大盤，視覺上好滿足！仲要每塊都係厚切，又夠新鮮，我哋話咁快已經清晒成盤！✌🏼😆之後黎埋壽司，佢有好多款創作壽司，我哋當然每款試下！估唔到壽司既排列都經過精心安排，每款安放於不同角落，配合埋色彩繽紛既碟，好似佳麗們係舞台上展示佢哋嘅特色！🤣🤣火炙壽司同卷物係我地都好欣賞，相比起其他放題，依到既款式算多，而且細細件，可以一次過試多種口味！👍🏻 我地都order左兩三round!!燒牛舌係必叫的！😋😋 燒得好香口，唔會太乾！差唔多last order, 緊係叫多幾款甜品。😬 本身想叫埋雪糕/雪條，但真係太飽了！🙈 下次有機會再試！

一講起食放題，大家都會主攻刺身，諗住一盤一盤咁食先會回本。今次黎到大喜屋，我先發現熟食都可以做主角，一d都唔不會遜色！😎首先要介紹北海道燒帆立貝。一黎到見到佢燒到金黃色，賣相好吸引！帆立具算大粒，配合埋超多沙律醬，岩哂我呢個醬汁怪！🤣🤣炸物方面，我都食左唔少天婦羅！炸蠔整得唔錯，香脆可口！炸芝士年糕可以話係我最中意既食物，外脆內軟，口感一流，我食完即時好興奮咁話好味呀！😛炒牛柳粒同炒蜆都好有水準，有大排檔既風味！咁當然我地都有叫刺身同壽司。刺身食完唔記得影相，壽司叫咗兩碟，全部都係火灸壽司，特別鍾意燒蟹棒壽司，上邊有塊芝士一齊燒，正！平時放題多數飲汽水/凍飲，但依度有冬日特飲-蜂蜜柚子茶！雖然佢賣相唔靚，但飲落幾好飲，我total叫左3杯😆 最後食埋甜品就滿足了～

因為今天陪孩子去金鐘那邊考試，考試結束商量和同學一起想吃放題所以揀了食大喜屋！怎知好失望！刺身都夠新鮮、食品味道都OK！但就是受不了其中一個戴眼鏡的瘦瘦的男人的說話！我們交第一張單時就說不要點太多，我們這裡吃不完會罰款的⋯⋯而且確定好幾次並簽上一個OK才幫我們下單、真是一肚子氣😡我們又不是第一食放題、都知道不要浪費、點單時我們就叫兩孩子每樣都不要點太多，不夠再加！但那個人還是不停的說、好怕我們點太多😥當時好想發火！有個男服務員💁‍♂️態度也極差、每次收碗碟都感覺像欠他幾百萬一樣黑口黑面！這個店也只會去這一次了！差評⋯⋯差評！

又係一個食放題既時間啦其實依家就係正正下一個學期既開始，所以身為大學生就有好多"REU"啦一次次既REU要一大班人一齊食餐好既話，放題就係一個好既選擇而大喜屋就係銅鑼灣度既，所以比較岩我地住港島既人~呢度上菜既速度好快，肚餓既我就唔洗等到餓死啦~首先就係刺身啦，種類同其他既放題都係不相百眾既不過呢度就有埋長腳蟹係比較特別既，仲要好貼心有埋較剪比我地去剪開黎食凍凍地既長腳蟹仲有佢既鮮味同甜甜地而其他刺身都好新鮮，有三文魚,帆立貝,油甘魚甜蝦等等特別講下個大D既蝦，蝦肉好爽口同彈牙!!!放題第二樣都要叫既野就係炸物啦呢個係天婦羅蝦同蟹柳天婦羅蟹柳就少D見到有得食既，反而又唔會炸到佢散晒，亦都唔會炸到好乾，仲保留到少少既濕度整體天婦羅都炸得好脆燒牛舌都係一個唔可以錯過既食物~佢唔算太薄切得黎又可以做到唔硬都好易就可以咬到，年長少少既都應該可以食得到而且落左足夠既鹽同黑椒去吊味，同埋冇燒到焦黑芝士焗帆立貝就比較出色芝士味係好濃郁之餘，加上有青椒,蟹柳,洋蔥等等既配料可以加重味道同埋加多份口感而且隻帆立貝都好大最後既熟食就係羊扒啦羊肉好嫩，咬落去會有少少既紅色，佢唔會燒到100%熟所以係會比較嫩

經理服務超差 訂7半入場等到8半先入到，人多我都明 ，落單10樣走左起碼一半野。都算啦再叫 。頂....8半入9半就叫我地埋單話10點last order 轉個頭個經理話我地要10點就交枱 。甘真係忍唔到 叫左個經理埋黎爭論 點解早左半個鐘交枱 ，講左一輪之後佢話比我地坐到10半 ，但係cut晒我地之前未last order點果d野食。之後問佢其實係未兩個鐘放題黎，佢話係，甘變相我們已經小了半小時就逼走了。當中入去實際食左1個半中野，只係黎左6成食物。真心差

snowbellmama 平時都好少食放題，但係今日同朋友相聚，佢哋提議去食銅鑼灣嘅大喜屋，我就抱住放題一定唔抵食嘅心態去，所以冇乜期望。一坐低就即刻嗌刺身是常識吧？朋友們都忍唔住搶先叫咗唔同種類嘅刺身，有甜蝦、三文魚、阿拉斯加蟹腳、油金魚、北寄貝等。最令我估唔到嘅事，佢嘅presentation都幾靚，而且仲有乾冰做煙霧效果，我都真係嚇咗跳，乜而家啲放題做到咁靚㗎咩？個重點係，估唔到佢嘅刺身又幾高質。咁就當然唔可以同天后啊銅鑼灣啊嗰啲omakase做比較啦，但係以唔使＄300一個人嘅價錢來講，佢嘅性價比真係高到爆。至少我唔覺得自己食緊膠，而係每一種刺身都有佢自己嘅鮮味，幾新鮮。而我自己就鍾意甜蝦，一咬落去先甜得來又爽口。油金魚都唔錯，有佢自己本身嘅魚油香，都幾鍾意。不過美中不足嘅就係呢度嘅海膽真係唔係幾好食，唔夠鮮甜之餘，仲有一種腥臭味。我估一係就喺大陸海膽、一係就係加拿大海膽，點都唔會係平時識開超級creamy嘅貴價日本海膽。

成個11月都冇咩假期 不停不停咁返工 做到好大壓力阿 等到12月終於約到幾個FD食下好野傾下計啦 因為大家都係港島返工所以就決定試下尼間大喜屋日本料理 其實尼間大喜屋都開左好耐 不過銅鑼灣真係太多野食啦 未有機會試 今次終於試到啦  一入去因為係平日唔算太多人 即刻有位 坐位唔會好迫 坐得好舒適 返完工大家都好肚餓 即刻食左刺身先講啦尼到既刺身種類非常多有D出面好少見既刺身佢地都有 就好似虎蝦 東風螺 赤貝 加拿大松葉蟹腳等 三文魚又厚又新鮮一直係我至愛 之後唔可以唔提加拿大風松葉蟹腳 超級鮮甜 好新鮮好好味 一D雪味都冇佢地既創作壽司都超好食 細細件 試哂咁多款都唔會太飽各式各樣既壽司都好精緻 有D唔舍得食阿海膽手卷唔會臭 好鮮味 如果凍少少會再好D牛舌 翠玉瓜都係冇得頂

食過尖沙咀嘅大喜屋，覺得唔錯，今次就試下銅鑼灣呢間分店喇，大喜屋位置其實都幾方便，上到去已經有人排緊隊等入去， 餐廳空間唔算大， 但啲位就幾闊落，嘅刺身選擇方面都唔會太少，有三文魚, 油甘魚, 帶子, 甜蝦，等等，刺身上枱時賣相超靚，刺身拼盤擺得好靚，有好多唔同海鮮，全部都好新鮮！！！最鍾意食三文魚厚切，食落好肥美，帶子都好大隻，又滑又新鮮，仲好鮮甜好好食啊！！！牛舌都好正，一啲都唔油，好好味啊，勁爽口！！燒菠蘿好正，勁juicy ，出面燒得香口，海鹽雪糕超特別，每人叩佐一杯，下次一定會再黎試下！！

今次揀嘅前菜都係酸咪咪的，非常之開胃。酸蘿蔔十分之爽口，酸薑微微帶點辣味，十分好吃，重點係冇渣，所以口感非常之唔錯，薑仲好嫩添。螺肉的味道是正常的那種，不太辣，口咁夠曬爽口彈牙！！今日食咗三盤刺身，encore再encore！！呢度嘅刺身真係高質，食放題要狂食刺身咁先抵食㗎嘛。帶子大小中等，口感有點彈牙，十分滋味呢！北寄貝嘅水份啱啱好，唔會太濕!呢度座無虛席 ,食物選擇太多，，款式有:刺身、軍艦、炸物、熟食、前菜、甜品......先食個刺身拼盤，三文魚好肥美魚油又香， 象拔蚌，帶子爽口鮮甜!!總括而言, 這間放題算是非常高質, 最值之選!!

wow想食新鮮日本刺身，使乜周圍揾？今日俾朋友拉來呢間餐廳試新嘢啊，日本料理我最中意食刺身啦，呢間大喜日本料理，刺身新鮮+鮮甜，上碟前擺到靚一靚，視覺加埋味覺雙重享受啦，加埋我最中意嘅芥末，刺身加埋芥末嘅衝擊，簡直係味覺雙重刺激扇貝同三文魚肉質都好厚實，扇貝大大粒架入口口感超正仲有天婦羅啊，外皮炸到脆而不膩，特別係蝦，好好味呀中意食香口嘢嘅一定唔可以錯過啊下次一定要帶埋屋企人一齊過來再食過先得，hahahaha