大喜屋 (已結業)

各位食家朋友仔好!小妹好耐冇同大家係到見面嚕 ,本來都冇咁快,因為未叫夠5個食生日,HAHA! 而家係刑食番夠本,舒服晒! 況且BB又答應我話帶反我食好野,要令我好開心!!!我同B豬坐低之後,我已經好心急睇下MENU紙有咩食,好想快D叫野食!為食的我要出動!!! 睇落好似有D唔同左,轉左野食款式唷! 但我又一時三刻諗唔起,太冇記性了! 好彩有B陪我'大頭蝦',佢仲話上次好似7月嚟食過,而家咁耐轉左有咩咁出奇WO! 呢次BB有真係幾有道理WO ,不過環境空間同上次一樣,都冇增加到~ 岩岩開始食當然要孝敬我BB同我依呢餐先啦! 一陣唔同我嚟食咪>< ,即刻好識做寫三文魚Sashimi ,BB你最愛食既野,作為100分女朋友一定會記得的!!! ,幫你寫左一大碟,你一定夠滿足! 我自己就係咁寫螺片,同小小甜蝦,因為最近喜歡左食螺片 ,甜蝦就想中和下,冇咁單調! ,唔係暗示我大頭蝦喔! 等左一陣,侍應送到埋嚟,望落去片片厚度幾一致,仲要加D花裝飾,又整齊,真係好想快D食落口!!! BB食完都覺得新鮮肥美,維持到水平! 而螺

第二次幫襯，因為好友生日。一如以往，訂了檯都要慢慢排隊入座。環境座位依舊的迫，可以有效加強朋友間的“親密度“。食物選擇不多，同上次一樣，不過刺身新鮮道及味道比上一次差了。甜蝦 - 甜, 不過好冰三文魚 - 一般帶子 - 甜, 好味吞拿魚 - 不太新鮮湯 - 即沖, 冇特別飲品 - 提子味果個盒裝飲品幾好價錢唔算平。如果再有朋友生日想食都會再陪佢食，但不是自己的選擇。

今晚約咗兩個舊同事係銅鑼灣食「大喜屋日本料理」食放题，印象中我係第一次係「大喜屋」食放题。我哋BOOK咗第一輪即6:00 PM至8:30PM去食，個日我係第一個去攞位先，不得第一贊係安排坐位快。不過咁……個度D枱與枱之間比窄，個位得比較唔舒服，呢PART比較差。冇幾耐我D朋友都到，我哋即刻去點菜，兩本厚厚的點菜單，有刺身，壽司，手卷，飲品，甜品……等等，沒有特別，因為大多數嘅放题都係食差不多嘅食物種類。不得不题嘅第二贊，就係上菜快，剛比完冇幾耐嘅點菜紙(有好幾張)，即刻有得食。當然大家點得比較多係刺身，賣相不錯，幾新鮮，其中「極大赤蝦」，我係第一次食，佢比甜蝦D個SIZE大，同埋D肉好爽，好正，仲有D帶子都好鬼正同新鮮!!!所以個日再ENCORE叫多次食。第二樣好味嘅食物係「局蠔」，本人食咗成3大隻，又夠熱，好好味!!!前前後後落單有5至6次以上，不段落單係咁叫嘢食同飲品，叫到最後個一次結果係留單，點解大家會知，因為大家枱上飲品已經一早飲完，希望有待改善。總括來說，個日埋單$785，即每人＄262，係銅鑼灣區食晚飯差不多。

差唔多2點先到...時段係食到3點,不過男友引誘我去食>< 於是上當了!不過2:30 last order 其實係夠時間食的, 咁耐冇黎,甜品多D款式,連食物都係,水準一直都咁好!諗唔到有邊樣野係唔好食~魚生係切點的! 帆立貝好大粒,好鮮甜! 拎埋個鼻已經好重帆立貝味,好新鮮!以前好鐘意食哩度既甜蝦,而家又多左款極上大蝦,好大隻! 好好味呀黑松露魚壽司好正!鹽燒牛舌好香口,好好食!!甜品好足料,有夠味! 芒果布甸同木糠布甸,正!哩隻唔記得叫咩既魚,D汁好襯,好甜好鮮味!羊架,好香口! 好容易咬好JUICY 之前都係得芝士年糕揀,而家有一口炸芝士,成口芝士真係好滿足呀! 好飽飽~雖然2百幾都幾貴,不過大喜屋真係咁好間放題之中最好味! 多數放題既壽司質素係低過出面散叫既回轉壽司店,不過大喜好所有食物既水準真係above average,所以,間中想食放題都會揀佢!不過就唔會經常去食LU 

通常成班朋友聚埋一齊，當然有說不盡的話題！食放題啱哂，邊食邊傾。。愈多人食嗌野食多啲 豐富啲！第一時間，一定係嗌大大盤既刺身:三文魚／甜蝦／鮑片/都幾新鮮！！。。唔就得咁多，壽司，手卷，泰式鳳爪一啲冷盤，就連沙律都嗌左三款口味！仲有唔少得既串燒，天婦羅啲炸粉唔會太厚身！。。芝麻雞翼好食，/雞軟骨夠爽。。等。。亦唔少得牛柳粒好香口，另外煎帶子好有口感，味道啱啱好！仲有熱騰騰肥牛窩，湯底甜甜地又多配菜加埋粉絲索左牛湯味 。。正！  。。見人地台先發覺有焗蠔噃。。一般放題都有炸蠔，唔多放題有焗蠔 。。但都唔好太大期望。見隻焗蠔既size都正常唔太細，但粒蠔肉細細舊咋..放題啫，呢方面唔好太期望。但炒帆立貝的確好味呀 ，大家食完都有意追加加加+++野飲都多選擇。唔止汽水，有錫蘭，芒果汁，巨峰提子。。。^^食飽仲有雪糕，幾個女仔啫，眼闊肚窄，啲侍應一直上野食，我地清肚都唔夠上台快，擺到全台都係，。。周圍台啲人都望住我地呢台，都幾尷尬！哈哈 真係好多款式。會食得開心食得滿足！但一般黎講最好預先book 位！

想試這間很耐了~因已訂位,所以好快就有位了,這間店佔既面積比我想像中細,不過坐落都舒服的~很攪笑的,因店員不足,會有廚師出來捧食物給顧客。開始講食物了, 沙律汁生蠔, 醬汁比例多過生蠔, 味道好味鹽燒海蝦,正, 叫左差唔多 20幾串, YUMMY~鳳爪夠凍, 味道岩岩好之後我地試左芝士 E 麵, 初初驚佢太大碟食唔哂,不過佢既份量岩岩好,唔會太多, 味道都ＯＫ我地仲有叫左刺身，雖然佢比我地既唔係三文魚腩刺身，係普通三文魚，但都好鮮甜好食，希靈魚同甜蝦，鮑魚刺身，帶子～ｙｕｍｍｙ，ｄ　冰溫度配落刺身度岩岩好～芝麻雞翼熱辣辣，好食哦燒菠蘿，連本身麻麻地鍾意食生果既我都覺得好味。。試左一舊炸茄子，麻麻地。。但最好味既唔係刺身，而係炸紫芋丸。。佢本身好（漏），但因為真係太好味，我叫左３粒，平時我應該只會叫一粒。。炸蠔都好食

今日突然好想食放題公司岩岩出左糧所以就諗住食貴少少即刻打去尖沙咀大喜屋睇下有無位點知無位 再打去銅鑼灣個間 好彩有銅鑼灣成功率好似比尖沙咀高 ~講到新鮮同款式多一定係大喜屋平時係紙寫20隻甜蝦其他放題都係出得幾隻出黎唯獨大喜屋出足20隻 !!!!食材都算新鮮刺身賣相已經羸哂炸野都唔會太過油膩叫左既野食都出得幾快服務態度都唔錯就算幾忙都會應下我加上都有張問卷問你有咩可以改善 唔錯不過唔好就係地方好逼 環境唔係咁舒服整體算幾好下次食放題li間應該會係首選 ;)

喜歡大喜屋的日式放題，因為唔會俾劣質食物客人，刺生真係好吸引，至少係新鮮,落單寫咁多俾足咁多，而且極少漏單。雖然每份上菜都好細件，但都係唔想客人浪費食物！除左刺生，我仲好中意芝士年糕(炸得好香口,內面是軟棉棉的年糕)，蟹粥(粥好綿好香,而且每鍋都有蟹件)，魚湯(好甜好香,而且材料十足)，酸菜魚煲(有點辣,好惹味)，芥辣章魚軍艦(夠芥辣味)係求其質飽個客就算，真係幾好味,幾有誠意!

出晒名好爆大喜屋，見男朋友生日,一於去大喜屋食餐勁慶祝，呢篇係小妹初次寫的食評。寫得唔好,唔好笑我><總合各款食物方面，我同bb-(對男朋友簡稱)^^都覺得選擇都唔少,夠新鮮,而環境就冇咩多餘空間,坐滿晒人了早已!首先，我實在太了解我bb喜好,一坐定定即刻幫佢寫佢至愛三文魚Sashimi,我唔會話呢樣係佢最愛,因為佢最愛係我,hehe~,聽人講同睇食評話呢到三文魚油脂分佈夠,肥美,主打之選,結果侍應送到埋嚟,bb同我食完都覺得好味喔,顏色夠晒紅,同食評講差唔多,總算冇令我地失望.跟住我就再寫其他,例如.炸吉列蠔,芝士年糕,芝麻雞翼,茄子,南瓜天婦羅,燒菠蘿,燒蠔,燒雞翼等,樣樣都叫下,bb好風趣咁講'燒雞翼我中意食',好,大家唔洗理,反嚟呢到先,我本身就好中意食炸吉列蠔同有關茄子既野哈哈,食完呢到既炸蠔都覺得個粉浆適中,唔會得層'皮',至於茄子天婦羅,有茄子甜味,粉浆岩岩好包住舊茄子,其他都不錯的,燒蠔令我驚喜係燒完仲有汁係個蠔到大小正常,唔會好細隻我自己就再encore炸吉列蠔同,茄子天婦羅,因為真係幾好味!食完一大輪炸野,點都要叫小食同salad俾bb降'火',叫左

今日同D朋友食一餐約左好耐既飯...之前已經聽過朋友講大喜屋, 都有唔少好評, 所以理應好放心...點知...因為在下遲到, 所以一黎到我D朋友已經食完一ROUND, 大家都有D心水野食刺身...我D朋友一入去就即ORDER, 等到我黎仲等緊, 所以有期待..帶子, 甜蝦還可...算鮮; 但三文魚&吞拿魚已經好失色特別係吞拿魚, D色都變埋...串燒...大多都唔差, 而且出得算係快, 雖然款式唔算多, 但朋友都好評在下喜愛甜薯, 雞軟骨; 朋友大愛波蘿...唯一係D冬菇太過"原汁原味"壽司...叫一件半件都算快到, 但一叫5件已上就等等等...叫左幾次既牛油果軟腳蟹最後都冇黎...野飲...有烏龍茶, 果汁, 啤酒等等(清酒自費)有食開放題都知道, 大部份D野飲都係個幾款韓國野...點知現成都要凡等..仲要睇住單都去錯野飲...我地望住個人將對面台客人既野比曬我地, 同佢講冇叫呢D, 仲要行左去...之後知道錯左先走黎換番...之後我最想講係佢地D員工既服務..呢樣係我最最最嬲...!!!食放題甩單我理解...一早要埋單先我都理解...大家切記佢同講LAST ORDER個陣一等要叫佢

好耐無食放題喇，趁好姊妹6月份生日，搞返個放題生日會 先...雖然近年潮興放題團購，但生日梗要食好少少，就揀好評如潮既"大喜屋"啦！生日仲送海膽剌身一客添 ！人氣爆燈，好彩我地預早兩星期前book位，是晚唔使等就有位喇！個個friend都食過尖沙咀分店，反而銅鑼灣呢間未食過，所以大家都相當期待今晚餐飯局……我地見咩click咩，好味既仲encore几次，起碼超過50碟 ……刺身 ：第一時間揀，但整體麻麻，大部份唔夠新鮮 ，尤其點鼓油後竟然出現過鹹現象 ，wasabi亦唔夠辣及攻鼻 ！比較鮮甜既就只有北海道帶子 ，但要就甘食唔點醬料先feel到！鮑片、象拔蚌算爽囗 。三文魚、油甘魚，無厘味道 。甜蝦直頭唔新鮮又唔彈身 ！至於海膽，同宣傳單張相有出入，細細小小型，味道仲帶點腥味 ！壽司卷物手卷 ：反而有飯既好味好多……最正係虎蝦壽司 ，鮮甜彈牙，真係忍唔住要食多兩件㗎！北寄背壽司 ，爽囗鮮甜。牛油果軟殼蟹反卷、黄金芝士蝦卷 ，香脆可囗， 出奇美味！蟹子沙律 ，醒胃爽囗！至愛既花之戀 ，卷得鬆散賣相差，三文魚唔夠肥美新鮮，食一件即停手！海膽花之戀 ，三文

早幾日食過極尚大喜屋（見另一篇食評）但今日就到大喜屋所以可以比較到分別，因為慶生飯所以又有啲難以推卻！由於之前已嘆過極尚版所以幾飽都好都有點期待......到有點失望！ 因為進場排隊有點亂（大廈外面排一次，上到大廈又排一次）由於7樓店面有限但又人群又不斷出電梯所以有點亂，如果同老人家就要注意一下地面好滑啊～ 基本上食物味道同極尚版類同但選擇上就少咗大概1／4，甜品控會有啲失望咯！一分錢一分貨嘛！估唔到終於有蟹粥...仲幾好味而且都似原鍋烹調因為有啲黐底！雜菜雞鍋蕃茄湯底味道不錯燒菠蘿、蕃薯仔簡直係必食推介！焗蠔嘅白汁都好味但隻蠔就over done變咗蠔豉，哈哈！因為枱面細細所以要短時間 ko食物，最後相都無影到。。。呵呵～整體嚟講係放題界中已算不俗...

番左咁多日工終於都等到禮拜日,可以放下假,食評都冇咩點打過所以我就約左個麻煩既女人,即係又係上次個'老死'行街食飯結果兩個購物狂又買到一袋二袋,冇得救,大出血><我都想扔低佢,但扔唔甩,咁多共同嗜好haha記得之前咪話再講過會番兜大喜屋既,對上食應該係2月既事呢次咁岩行開銅鑼灣,又冇話特別諗到想食咩,都係守番上次個承諾好d唔係啊'老死'又話我加啦,又好彩呢頭又有大喜屋分店,唔洗再答車過去呢次我真係記得影相~一坐低梗係嚟個蝦刺身,三文魚刺身,帶子刺身啦帶子刺身我最愛,都幾爽口,有d唔夠喉,一嚟到搶食三文魚刺身都幾新鮮整體合格同埋都夠凍呢碟擺位都叫做幾有心機,條老死又霸住嚟食佢既意見就係都ok,飯唔會過多,size都適中話口未完,佢唔小心甩手冇左件蝦壽司下次幫你寫多幾件,等你即刻可以做後備^^呢個就真係我加啦,冇人同我搶芥辣八爪魚壽司真係我最愛都係同平時咁好味,要再叫多d蟹子壽司d蟹子都幾滿下卷物做到大細岩岩好,我就一啖一舊加埋上面d汁一齊食都幾醒胃至於蟹粥方面味道都ok,幾入味同個粥底都煲得夠綿,值得一讚牛肉湯烏冬,烏冬質地都正常,如果比多幾塊牛肉我就好了呢碟個肉都唔會'

在放題當中大喜屋可謂相當有名，好評亦多，所以是肥妹一直都試的放題之一。是晚本想一嚐韓國料理，卻跟好友於銅鑼灣四處遊逛時發現大喜屋，心郁之下便馬上「轉呔」。7時到達被告知已無虛席，但幸好能留下電話，在附近逛了一回，約7時半左右店方就致電通知有空位了。不得不讚的是職員服務態度相當良好。縱使放題令職員忙得不可開交，但當與職員四目相投時職員都會報上微笑，清潔食客座位附近時亦會詢問有否弄到食客，而且漏單情況基本沒有出現過，舉手落單亦相當快有人接收。食物送上及碟具的速度亦算快，細小的枱基本都擺滿食物甚少機會有空閒的一刻，唯獨美中不足是食物的質素相當低下，由其最普通的三文魚刺身，肥妹還是第一次到 放題極少order三文魚，無論是7時多的非繁忙晚市時段還是8時45開始的繁忙晚市時段也好，質素都同樣毫無好轉過。A.刺身甜蝦：肉質不彈牙且腍身，吃下去像咬「1pet野」。北海道帶子：賣相不佳，又是只能用「1pet野」形容賣相，但口感不錯和有鮮味鱆紅魚&油甘魚&象拔蚌：（因肥妹起初次嚐試故只評論口感）鱆紅魚與吞拿魚相似，口感較嚡及帶點腥味；油甘魚無特別味道；象拔蚌爽口但難咬斷，有點像海蜇。三文魚：每塊都帶有黑

曾吃過尖沙咀店晚市放題，也在中環店享用過午餐，對大喜屋的食品印象一直不錯，而銅鑼灣店的午市套餐比中環店更抵食，選擇更多樣化呢！是天與同事Nat來到銅鑼灣大喜屋午膳，幸好這邊場地夠大，一時多到步也不用等位。小妹在眾多選擇中挑了爐端燒拼盤定食（$88），包括沙拉、味噌汁、爐端燒拼盤、三色刺身、白飯、咖啡或茶，這個套餐完全是為我這麼貪心的人度身訂造吧。點菜後，侍應先生拿來每人一份沙拉，讓客人可以一邊吃，一邊等主菜的到來，有別於很多日本菜餐廳一整份定食上檯的安排，對小妹來說是個挺窩心的安排。套餐包含的沙拉份量比炎丸和Monster Sushi，店方事先把沙拉菜混了芝麻醬，沙拉菜也算新鮮，但略嫌芝麻醬太多了，味濃得把菜本來清新的甜味都蓋過了，不過這樣的安排則讓在下吃起來可以斯文一點點，因小妹常於自行混醬期間把沙拉菜周圍飛，食相嚇死街坊。味噌汁未有味道太咸的通病，湯中有不少椰菜絲，高纖的口感很合在下心意。爐端燒共有六款，分別是燒翠玉瓜、冬菇、牛肉、牛舌、雞翼和雞軟骨，每款都很對版，個人至愛肉汁（加肥油）飽滿的燒牛舌，鹽燒雞翼也不算乾身，相比下牛肉即略遜了，牛味不強，只吃到調味，不過「大件夾抵食」就