大喜屋 (已結業)

My friend just came back from overseas so decided to take her to a nice Japanese restaurant where we can order whatever we want. So brought her to this Japanese restaurant. We got a nice seating in booth.We ordered a lot of sashimi. The salmon tastes really good and fresh. it's been me and my friend all-time favourite go-to kind of fish. And the restaurant displayed it very nicely and prettily.We also ordered this salted chicken wings on skewer. It's simple but well seasoned. And the way they ma

同朋友聖誕節食大餐，大家一致讚成要大吃大喝，唔駛頭痕既當然係去放題啦！揀左銅鑼灣呢間大喜屋，book左8:45pm，原來book左位都要上去攞籌先，好彩朋友醒目一坐低緊係寫剌身先啦，上台大家都嘩一聲，裝飾得好靚，仲有乾冰玩，我見隔離台果盤仲有乳豬閃燈 海膽手卷encore左2次，放題有呢個份量同質素真係好驚喜！朋友最鍾意既日本紫蕃薯仔，細細粒好甜；雪糕大家都揀左Milk top沖繩海鹽，因為感覺hagazen係出面易食到嘛，好重牛奶味反而無咩海鹽味，但都好滑好味係香港餐廳食野大家可能都受過唔少氣，但呢度既姐姐同侍應都非常好禮貌，值得一讚

由於餐牌一樣 平d又可以食多半個鐘決定食午市放題之前剩係食過尖沙咀同金鐘果間而家一間多負評 一間結左業 就離銅鑼灣分店試首先梗係食刺身甜蝦夠甜 三文魚唔霉 有鮮味menu嘅大半刺身都有試整體唔錯 好新鮮 冇咩雪味同爭x、百幾蚊放題果d唔同層次叫左炸蠔雖然炸粉厚左少少 但裡面舊蠔唔細架夠脆夠鮮甜我推薦哩個蠔我認為 海膽手卷最能夠反映間餐廳姑唔姑寒分量有驚喜我幾乎食到最後一淡都有海膽而且紫菜都脆唯一要挑剔少少嘅係 味道有d淡但係鐘意海膽嘅 必點但哩個焗帆立貝 真係要批評吓。。好 酸 呀基本上 見到嘅黃色部分都係蛋黃醬貝就冇乜 一夾全部都係醬有milktop雪糕 不過唔係任點指定甜品一人一個整體好滿意 好抵食 壽司d料味道唔錯 刺身更加係回本必點不過食到最後 單都埋完先上一個咖哩海鮮（係第一輪點）有d無奈 要改善吓

平時去銅鑼灣都唔會食放題，因為覺得呢邊一定貴，朋友就話大喜屋平日夜晚都係2xx，咁都算抵食。醒目既緊係book左位先，店員早幾個鐘打黎confirm booking，感覺生意應該幾好，去到環境幾好，一到步唔洗等就有得座，位都算係幾舒適。放題先黎緊係刺身，賣相好靚幾種意個擺盤，見人地有乾冰壺噴煙，影相呃like唔得頂啦。唔洗五分鐘已經比我們ko哂。下次過銅鑼灣會再來。

朋友今日休息，出咗銅鑼灣行街。晚飯時間總係會上OpenRice 睇吓有咩好食。朋友話好耐無食過放題想食，結果揀咗大喜屋試下。記得打電話去預約，因為呢間都好多人食，唔book可能無位。 刺身：極大赤蝦望落幾新鮮，口感有驚喜彈牙感覺，好食。軍艦：京蔥呑拿魚腩、三文魚親子軍艦、日本海膽魷魚。整體而言都唔錯，但食一件就夠，因為佢仲有好多選擇。留返個胃食其他野。壽司：大喜黃金蟹棒燒賣相幾靚，味道唔差，加咗沙律醬更鮮味。燒三文魚腩夠juicy。海鹽柚子燒左口魚邊壽司每次都必叫，好鍾意個味道加口感。鵝肝伴帶子鵝肝有d細，唔係好feel到有鵝肝味。燒物：牛油翠肉瓜夠juicy，夠脆身。燒蕃薯仔紫色外型好吸引，咬落唔會太乾身，微甜。甜品：法式燉蛋好好食，雖然好飽，但食甜品有另外一個胃。前後食咗兩個, size 細細個，好creamy, 好香蛋味，誠意推薦。一口忌廉泡芙一啖一粒，一咬開就有滿滿的忌廉，好食。3.6牛乳布甸牛奶味好香，好滑，令人有衝動想再食多杯。朱古力軟心蛋糕、馬卡龍馬卡龍係朱古力味，佢又唔係太甜，唔會太漏。軟心蛋糕就一般，味道唔太吸引。雪糕有milk top 嘅海鹽味雪糕，第二次食了，咸咸

成日心思思想約知己食放題一邊食一邊傾心事個晚市時間短d 坐得又逼d所以約咗佢lunch食兩個人都比卡位大喜屋有細八爪魚食一啲都唔un 極爽口好有口感作為前菜一流帶子都非常新鮮又滑又好味配上wasabi 完全帶起咗份鮮甜味大蝦都好唔錯，超級肥美非常新鮮啊 啲肉一啲都唔霉個人覺得都係刺身必食之選黎到一定要食海膽手卷大大塊海膽超級鮮甜紫菜又脆！我自己都食咗兩件燒牛舌都相當好味加埋檸檬汁真係一流牛舌燒得香口，又唔太薄有質感一個字 正知己同我坐咗係度三個鐘慢慢食 慢慢傾渡過愉快之lunch time

今日收早，一早訂咗枱8:30去食放題。今次揀咗大喜屋試吓。去到黃金廣場樓下已經見到有人龍，同個侍應姐姐講返預訂篇號，佢就會俾張紙仔你去排隊等上去，今日好彩等咗一陣就有得上去。上到去，侍應安排好位置，佢會先擺低兩張刺身類點菜紙，呢兩張係優先處理的，我同朋友都急不及待點咗幾樣試吓先。刺身：極大赤蝦 （推薦）鍾意食蝦嘅朋友一定要試，自私食咗4隻好滿足，爽口，蝦頭有膏，夠鮮味。北海道鮮帶子刺身類帶子無雪味，口感好soft, 唔錯。赤貝、珍珠八爪兩者口感都爽口。手卷rder 咗兩個海膽手卷。但海膽份量偏少，幸好味道還可以接受。炸物:脆炸貓山王外層好脆，夠熱辣辣，即叫即做好新鮮，榴槤味好香。榴槤控一定要試。芝士年糕淡淡的芝士味，但口感好軟熟，可以一試。天婦羅蝦外層炸到金黃色，口感就唔會太多粉，炸得啱啱好。燒物:馬來咖哩焗海鮮好香咖哩味，好想用佢嚟餸飯食。燒香草羊鞍呢個有羊味，但口感唔夠soft.鹽燒海蝦正常size, 蝦肉都彈牙。鹽燒牛舌爽口，但唔係厚切。飲品:大路嘅汽水、韓國啤酒、菓汁先生、檸檬茶等等都有。如果想飲清酒，可以俾錢叫，價錢約$108-$128左右就有交易。整體感覺唔錯，落咗單唔使等

今日一行四人去銅鑼灣食放題，朋友推薦左大喜屋，醒目既我一早book定位，去到真係全場滿座，我地坐既卡位好舒適，而且店員都好有效率同禮貌。食放題又點可以唔叫刺身呢？呢度既刺身賣相好靚，仲有乾冰壺噴煙，影相一流。各色刺身應有盡有，北寄貝夠新鮮爽口，象拔蚌好鮮甜但又唔會過un, 榮螺好香好重螺味，油甘魚油脂分佈平均好肥美，極大赤蝦真係好夠份量但又不失鮮甜。牛油鐵板粟米 - 牛油味濃郁，滲透入粟米到非常香口，好味道。蔥花蒜粒和牛壽司 - 和牛入口即溶，加上蔥花及蒜粒層次更豐富，必叫之選。北海道扇貝 - 加左沙律醬同芝士再焗既扇貝非常香口惹味，喜愛濃味或creamy口感既朋友記住叫。燒牛舌 - 牛舌夠淋，食落一d渣都無，師傅燒既火候剛剛好，唔會overcooked, 牛舌亦好入味，都唔需要再加d咩調味。赤貝壽司 - 我至愛既壽司之一，賣相尚可，但都幾新鮮。各式手卷 - 蒲燒鰻魚好香口多汁，海膽手卷夠新鮮，軟殼蟹手卷炸得金黃香脆夠惹味。牛油果軟殼蟹壽司 - 軟殼蟹炸得好香脆但又唔會太厚炸粉，加上牛油果又可以中和一下。茄汁牛筋腩煲 - 個汁好香，牛筋同牛腩都炆得好入味。黃金貓山王及炸芝士年糕 - 芝

大喜屋一向出名質素好而且又乾淨價錢方面又不會太貴食物種類和質素比其他店更好而且增加咗好多野食前菜以日式凍食為主全部少少辣鳳爪冇用啲化學野浸到淋哂而呢個皮蛋有做到糖心蛋嘅效果非常好食好開胃到魚生這裡款式很多有主打的三文魚同油甘魚魚味濃濃而且肉質結實新鮮又冇魚腥味另外赤蝦大隻而又濃味而劍魚南十分新鮮肥美天婦羅即口即炸炸芝士年糕炸到流心效果炸蠔又係必叫脆漿薄而不失口感而炸芝麻雞翼香脆可口加單又加單壽司類有日本連鎖店既質素件件手工精細而且比其他放題店細件易入口又可以食多D其他嘢而且每一款創作壽司都好好食都好夾外面一件已經成二十蚊一件這裏竟然可以任叫到燒牛舌爽口又不肥菠蘿多汁而甜羊架就好大件而且啖啖都係肉而且燒得十分入味熟食方面比我發現左呢種白酒煮聖子每一隻聖子都十分飽滿鮮甜無比又冇沙不得不提各位店員有禮貌而且上菜收單又快

同先生行完Sogo就過對面馬路既銅鑼灣黃金商場搵食，望望水牌最後上左7/F食大喜屋放題。暖暖身首先食鍋人蔘雞湯，可惜人蔘味欠奉，雞肉大件有肉，但味道較淡。刺身食左大蝦、北寄貝、榮螺肉、象拔蚌、油甘魚、帶子片。睇色水都已經覺得夠鮮，同埋食落夠凍口感加分。呢款牛油果軟殻蟹壽司幾好味，軟殻蟹夠脆又唔油，牛油果香滑健康，沙律醬同蟹籽增添味道。羊架有驚喜，肉唔太蘇而且夠稔，用黑椒燒過都幾香。日本蕃薯清甜易食，次次放題都會點嚟食。天婦羅食左紫薯同南瓜。紫薯好大舊又甜，我幾鍾意食，但略嫌南瓜太油。燒菠蘿唔係間間燒得好，呢間燒得唔錯，每片都厚所以唔易燒乾。多汁又甜，唔錯。甜品食左焗西米布丁同牛奶布丁。牛奶布丁唔太甜淡淡地唔會膩。焗西米布丁甜度適中，好似甘細細件就岩岩好。之後店員比多張甜品紙我地，原來有每人限定叫一客既雪糕。我地揀左沖繩海鹽雪糕，貪佢夠特別，出面少有d。最後埋單每人$248+10%。

今晚自己做獨男去左食放題，男人大食又想諗唔到食咩，放題岩晒我，要咩有咩。個人病病地都唔係太想食生冷野，所以無叫刺身，好彩佢地有熱蟹粥食，粥底又幾綿，加左栗米帶點鮮甜。之後點左d壽司食: 鰻魚手卷x1、蟹籽軟殻蟹手卷x1、海膽手卷x1、海鰻壽司 x2、牛肉壽司x2。手卷幾多鰻魚，點上鰻魚汁幾惹味。軟殻蟹幾香脆。海膽香口。牛肉壽司既牛肉薄薄地唔會韌。海鰻無鰻魚甘香，但都唔差既。海蜇沙律有麻油同柚子汁做調味，唔辣又惹味。冬菇菜苗係（期限限定），份量細細可以一試！栗米十分甜，唔通落左蜜糖調味？再嚟多粒榴連波，一咬開好香濃榴連味，但榴連餡其實唔多，所以我無加單。燒菠蘿好甜又多汁，燒得剛好。北海燒帆立貝有芝士同忌廉作調味，帆立貝唔大粒但惹味。再叫兩款甜品：心太軟蛋糕仔&焗西米布丁。心太軟蛋糕太細粒無流心效果，但朱古力味濃。焗西米布丁甜度調中仲幾香口。最後仲有雪糕紙送上，但我已經飽到食品落了！

今晚同媽媽去銅鑼灣大喜屋食8:30pm放題，貪佢方便、價錢唔貴又多野食。星期四至日每人都係$248加一。點枝橙汁先！呢個簡介一眼睇晒有咩食，而落單就另外填紙仔寫件數～首先當然食刺身，點左劍魚腩、極大赤蝦、帶子、象扙蚌、北寄貝及螺肉。蝦好大隻有肉，連蝦頭都好香蝦膏味；象扙蚌、北寄貝及螺肉爽口有咬口；帶子薄身但算鮮甜；劍魚腩新鮮肉厚，點d豉油調味味道更佳！再嚟我至愛既鰻魚手卷同媽媽喜愛既海膽手卷。鰻魚手卷我直情自己食兩件，因為佢既鰻魚比一般既算多同厚肉，完全滿足到我既鰻魚癮！而海膽手卷既海膽份量都唔少，入口香濃海膽味，好滿足。溫泉蛋都係我必點既前菜之一，呢隻都無令我失望，夠多蔥我鍾意，連醬汁同埋滑啫啫既溫泉蛋一齊食真係好正！芝士年糕配上左醬汁，令佢既味道無甘單調。炸皮唔厚，一咬開已經有芝士流出，食一粒都夠，哈哈～拖羅海膽壽司！一次過滿足兩個願望！拖羅入口溶化唔帶筋，唔錯，海膽份量同樣多，兩者味道撞埋好夾又唔會互搶其鮮香，呢個配搭唔錯！再點多件三文魚親子～三文魚幾肥，帶脂香。因為食左好多壽司飯，所以其實都飽，只係叫多幾款野食同甜品就收手了～天婦羅我只左紫薯食，好厚身又帶薯甜，一上枱已經聞到好

朋友生日話想食日本料理作為慶祝既然為咗慶祝生日一定不可以食一些普通的日式放題所以就去咗放題老店大喜屋放題質素十分好而且價錢不會十分太貴而且質素穩定所以今晚就帶咗朋友上黎食因為book咗位關係一到場已經可以入座了朋友是刺身迷他一坐低邊便叫大部分全部刺身有三文魚 甜蝦 油甘魚 彰紅魚 帶子 劍魚腩及赤貝甜蝦大隻又爽甜油甘魚新鮮而赤貝十分鮮味不用五分鐘已經比我們食晒整碟又要再encore了之後點了一大部份炸物有芝麻雞翼酥炸生嚎而其中最吸引的是榴槤炸彈及炸紫薯丸紫薯軟林林一咬開番薯一野爆出榴槤炸彈更加十分新奇一咬落榴槤流心充滿成個口不過不可以不斷食因為怕肥 唉食得太多生冷野所以想飲番啲暖野去暖翻個胃所以叫咗個冬陰公湯呢個湯煮得非常之好而且入面嘅海鮮都好豐富有青口魷魚仲有大大隻蝦之後叫了蔬菜類的燒物有燒菠蘿及燒粟米燒菠蘿香甜多汁一咬成口菠蘿水而燒粟米更加有誠意因為是由生粟米燒到熟透而非用水煮熟粟米才燒大喜屋的甜品亦有驚喜有限定一人一份的雪糕竟然係昂貴的home made ice cream我選擇了沖繩海鹽味十分香滑而且小小嘅鹹味仲更加令到個奶味突出

員工服務又差又串，指父母無理取鬧排隊條龍長同員工有爭執但經理不理會，不採取任何行動，垃圾，𣎴作任何回應似乎係吾休做，所以對顧客沒有任何禮貌從未見過香港有一間咁嘅餐廳永久 blacklist

與同事一行8人到此晚市放題座位闊落,,不會擠迫,,good!當時在做生日優惠送海膽刺身但味道不鮮甜平日很愛吃海膽的我都沒吃完Orz刺身也不太鮮甜以帶子刺身略為鮮味些花之戀很迷你味道很普通天婦羅的粉漿很厚炸物以紫心香芋丸最好吃!!香芋餡不會太甜,,又煙煙韌韌的!!正!!吉列蠔也很好吃呢~~!!不會炸得太乾身!!飲品選擇多,,但不夠凍可能光顧的人多,,去貨快,,冷藏不久吧!!限量甜品,,每人一杯haagen dazs/ milk top雪糕個人而言,,去吃放題是為吃刺身所以對刺身的鮮甜度的要求最高故大喜屋屬一般吧~