大喜屋 (已結業)

大喜屋料理我都系之前無咩印象，系近排有人同我推薦嘅，話又平有好食喔，所以認無住去左咯。大喜屋的環境不錯的樣子，是安靜一點的，而且很乾淨舒服。刺身我們點了，一般吃日本料理的話都少不了刺身，刺身很新鮮的，而且好大一盤的，我地兩個人都O曬嘴，檸檬汁加下去是感覺很正又夾！三文魚刺身是我最喜歡的，不能不說上上臺的速度真的是我見過最快的日本料理了。甜蝦也是很岩我的口味，好吃到極點了，蝦肉都是鮮美多汁的而且口感是很Q彈的，俾我平時食的鮮蝦好吃不止一個等級。而且價錢真的不是很貴，下次有機會一定來。

對的，本人竟然在平日的午市選擇了吃日式放題😅 不過廢話少講，馬上看看大喜屋的放題質素如何!每次食放題都會提醒自己不要吃太多便宜飽肚的東西 i.e.壽司，於是今次主攻刺身刺身盤的賣相不錯，不過就如每間日式放題一樣，上的數量跟點的數量總是有出入😕刺身總的來說還算新鮮，點了小鮑魚，泰式生蝦，元貝，甜蝦... 所有刺身都非常新鮮，三文魚更非常肥美我們總共點了三次不同刺身，可見大喜屋的刺身還是非常不錯的。其他還有火灸壽司，燒物，一品料理等都不錯。推薦一下芝麻雞翼，雞翼烤得香脆，十分惹味。(好味到我都忘記拍照了)圖片中的是炒雜菜(我知道沒什麼特別，但我記起來要拍照時只剩下它了😅) 但我亦推薦這個喔哈哈，當然還有牛油粟米~大喜屋的午市放題時間是12~3pm, 200左右一個人，時間和價錢都十分合理，只是本人真的不是大胃王，吃得不多。p.s. 雪糕是Hagen dazs哦

聖誕來吃大喜屋，超多人是意料中事，幸好提早一日訂位，不用在門口呆等入座。刺身新鮮甜美，最正是居然有紅蝦和虎蝦，愛蝦之人如我食到天荒地老，追加好幾轉都仲未夠喉！另外帶子、三文魚、北寄貝都非常鮮味，刺身滿分。燒物第一轉很正，特別是牛舌和蝦，但食到第三轉就開始變差，牛舌入口很硬，蝦又不夠熱，可能是人多應付不來。驚喜之處是有haagen daz和Milk Top雪糕，大讚，下次一定再來！

今晚我們去咗銅鑼灣黃金廣場嘅「大喜屋日本料理」食日式放題！他們供應嘅刺身壽司同燒物炸物料理款式種類相當多，而且非常新鮮！師傅將個雜錦刺身拼盤堆砌得賣相非常吸引，而且相當美觀！北海道帶子嘅肉質相當鮮甜嫩滑！油甘魚同三文魚有好濃郁嘅魚香味，而且非常厚切！原隻珍珠鮑魚相當爽口彈牙！極大赤蝦真係超大隻肥美，味道超鮮甜！最驚喜嘅係新款式嘅深海鯨龍，肉質非常爽脆彈牙！海膽手卷嘅海膽好新鮮軟滑，味道好甘香！鰻魚玉子係由嫩滑嘅鰻魚加埋香甜軟滑嘅玉子一齊食，令口感非常豐富！芝麻鷄翼炸得相當外脆內嫩，再加埋芝麻嘅香味，令到鷄翼更加惹味！黃金燒海虎蝦嘅肉質好鮮甜彈牙！香辣霸王蟹嘅蟹好新鮮，香辣嘅醬汁亦好惹味！黑椒牛柳粒嘅肉嫩好嫩滑，牛肉味亦好香濃！燒蕃薯仔嘅外皮燒得幾香脆，入面嘅蕃薯肉非常香甜軟滑！冷稻庭烏冬嘅麵質相當煙韌彈牙！最後每位都有一杯雪糕贈送！

繼續我的日本料理行，今晚就來大喜屋度尋找我得日本念想。壽司相對比較細只，其實大細是適中的，不過就感覺不出它是新鮮的，失望。不過甜蝦可以補償我一番，味道不錯，新鮮彈牙。最尾揀咗一個哈根達斯的，好食，喜歡的朋友不要錯過喇。菠菜也是不錯的選擇，燒完之後特別香氣。飲料可以隨便挑選。燒牛舌也是不錯，出乎意料的好吃，一般的燒牛舌沒得比，火候掌握很好，酥脆多汁。我覺得吃日本料理的環境對我來說很重要，好的環境讓人身臨其中，融入環境和料理。壽司在這種地方吃再適合不過。大喜屋的環境就令我很舒服，人也不會多得過分，等位大概等了10零分鐘，都算可以喇。服務周到，速度更快，是真的快，如果趕時間的朋友這裡就可以考慮下，這裡的速度估計可以滿足你。

早2個星期已經book好位，由於係星期五比較多人。我book 6:30pm因為放工都六點了，怕趕唔切，hold枱十分鐘，當日中午打來confirm booking, 到6:20 打來問我係唔係來緊，我話我book6:30都未夠鐘，佢話仲有10分鐘，睇下我係唔係行緊去 證明佢真係好好生意，結果我們一行七人準時到達，首先食的當然係刺生拉，刺生選擇多，大部分都好新鮮，除左泰式生蝦，冇蝦味，三文魚就好鮮甜，刺生我們叫左兩輪炸物拼盤, 個雞翼好食, 上枱時仲好熱, 岩岩炸起, cheese年糕都好好味, cheese分量好多。天婦羅, 坐底第一輪已經叫, 但等左差唔多成個鍾先到, 不過都okay的, 炸粉唔厚, 上枱仲係熱的。由於有同事生日, 所以送左一板海膽, 本人不吃海膽的, 但同事話好新鮮呢間食物質素唔差, 唔怪得排曬長龍, 但我唔明點解明明食到8:30, 佢8:15就叫人走...冇錯係大叫夠鍾, 叫人走.....

定期都會約埋舊同事出黎見，咁先keep到個友誼，由於都7個人 為左就大家。乜都有野o岩食。就決定食放題，不過今次揀個地點 好似真係揀錯.... 7個人 坐得好迫 如果身型大少少都...而且環境好熱鬧 時間亦有限 真係想傾計既話 就不如食完轉場算食物選擇同現時一眾放題一樣 但唔會話完全冇得揀。每款都有 7，8款揀下。 上菜速度都好快，而且都冇乜漏過單！ 最怕漏左 或者 你寫既數 比黎到既數少！

唔好只係睇D相~ 放題食野當然唔止咁少。不過要講既主要係刺身同焗蠔。前者OK，後者PK，大家記得要做個精明既食客，將個胃留俾D好食既野!呢度既刺身品質叫唔錯，但當然比唔上日本本土了。個人認為海螺片幾好食~焗蠔 --- 好流! 個殼裝住D唔知咩野蓉定漿! 蠔肉粒都好似冇! 一試之下，全台人「媽聲」四起!!!串燒，算唔錯， 可以叫D食下，填到肚!

大喜屋係九龍應該有2間 一間係銅鑼灣一間係尖沙咀 呢次就去左銅鑼灣嗰間去試左個放題 200幾蚊到一位 3個鐘頭任食入面啲野食以放題黎講都算唔錯 種類多 味道又唔錯不過個燒蠔上面大部分都係沙律 唔好以為有大大隻燒蠔食特別要提下個烤羊架同埋個一口炸芝士 認真幾正羊架烤得啱啱好 個炸芝士一咬落去 啲芝士爆哂出黎 成口都係 正啊!啲人服務態度都唔錯 可以同你搞下笑咁最後每人可以限量叫一份甜品 唔係香港啲雀巢雪糕 而係日本韓國既雪糕雪條絕對值得一試

灣仔睇完煙花，慢慢度去銅鑼灣食晚餐！呢間放題朋友成日讚，所以今日訂位試下，上半場已滿，下半場時間2045開始，剛好睇完煙花！我哋到時個場九成滿，座位都幾迫，環境幾嘈！也可以叫熱鬧！食物款式多！每款食少許都應該好飽！刺身：好正，三文魚，油甘魚，帶子、北寄貝，螺片，鮑片、極大赤蝦，唔止新鮮，擺盤仲幾靚，令人食得賞心悅目！（坦白講，有啲放題好趕，食物求其放响碟就出菜，都唔會想食！）壽司：大喜蟹籽沙律黃金船、芥辣八爪魚軍艦、花之戀，尺寸唔大，一啖一件，好新鮮，賣相靚！好味！炸物：芝士年榚、一口芝士，熱辣辣！好味！天婦羅：有機秋葵，比較老，一般！卷物：牛油果軟殻蟹卷、芒果加州卷、和風牛肉卷！賣相靚，新鮮好味！手卷：蔥花吞拿魚腩，吞拿魚蓉肥美，仲要紫菜爽脆，如果蔥蛋啲就更好！燒物：燒牛舌（油香滿咀）、燒香草羊架（勁好味，唔膻，encore兩次）、燒海蝦（一般，比較霉）、鹽燒雞翼（味道咸香，外皮脆卜卜）、燒蕃薯仔（好迷你，甜）、燒溫室菠蘿（菠蘿燒完更甜）、蒲燒鰻魚（滿咀油香）、燒廣島蠔（蠔太瘦，好在新鮮）一品料理：黑椒牛柳粒（牛味重）、牛油煮青口（清甜）、蟹粥（好好味，粥底味道夠濃，蟹比較瘦）、冷稻

一班女孩子們想享受屬於女性既情人節，唯有就唔好簡正日，咁先唔會比人曬到要帶超日光日白，可以同班姊妹暢所欲言，一路食一路講，嚟個girltalk！食lunch放題係因為可以食3小時，比dinner多30mins,可以坐多陣，又可以食多小小野!大喜屋係咁多分店之中，cwb呢間較容易book枱，同埋位置就腳！一上到去，員工好響亮講歡迎說話既日文，跟住就有員工安排坐位，成個過程好快就完成好!寫好order之後，員工都快咁收左張單，唔洗話要一等再等!有重覆塗寫地方，員工都會再問我地一次，確保落單天數目冇錯，唔會自己估算！相就影到咁多，因為掛住傾計同係咁食野我地一致認同呢到傾計聚餐好地方，同埋呢到上菜速度都唔慢，基本上講左一陣野，10-15mins已經陸續有野食甜品都是任食，食到就盡情食吧!小編係呢餐都食左兩杯雪糕，喜愛食甜點女生岩晒你！

听人地講話好好味，一心情人節就去試試，去到環境很迫，我地坐最角落位，勁差嘅位，勁失望！本身想卜尖沙咀但卜吾到先去呢間，但下次吾會再黎。食物方面刺身算得上新鮮，但未算得上超美味！壽司細細件嘅吾錯，飯較少，不易飽。羊架男朋友話好味，不停叫，我都覺得幾佢個香度都幾夠。炸野比較好食啲！食物質素還可以，只是服務+環境太差了，下次不來了。加上情人節加價勁貴，大約$340一位。勁失望，食物雖然ok但未稱得上超好味！不值！

大喜屋名氣不俗，set lunch亦抵食，一心諗住嘆返個lunch。去到唔使等位，2個人叫左2個Set Lunch，兩個主菜+飯/烏冬+沙津+味噌湯+飲品/甜品 = $78+10% 先上前菜有沙律，沙律睇落幾靚幾新鮮，有生菜、紅豆，車厘茄、青瓜，食落亦ok，點知其中一個沙律食到差唔多見底時，突然見到有條2CM 啡色物體係沙律汁度游下游下(見圖左下角)，發現係條活蟲！極度噁心，即刻吐返晒d 野出黎。叫左個侍應過黎，個侍應執走左兜沙律入廚房就粒聲唔出走左，之後再叫經理黎先講唔好意思。1隻死左既蚊可以理解，但1條2cm 長既活蟲真係令人好質疑餐廳既衞生。call 左食安跟進後轉交衞生署，但餐廳已經銷毀證據。衞生署回覆會定期抽取樣辦檢驗。但我地呢世都唔會再食大喜屋囉！

之前成日去食中環間大喜屋, 銅鑼灣開左咁耐真係第1次去食去到銅鑼灣呢間同去中環既感覺一樣：都係好迫....放題第1樣多數都係點刺身架喇, 好味相信食過大喜屋既人(鍾意食蠔既人), 應該都鍾意食佢個焗廣島蠔, 上面D汁同D煙肉真係冇得頂大喜屋有樣野我幾鍾意就係壽司比較細件, 岩女仔食呢個係海鹽左口魚壽司同火炙帆立貝壽司, 好正!! 花之戀, 唔夠沙律醬, 麻麻地海膽手卷，幾得睇幾得睇，哈哈！味道就普通啦古法煮牛舌，食落都幾"冧"幾香, 好味燒香草羊鞍，羶味就冇咩，味道尚算可以韮菜炒蜆，韮菜味就真係冇咩，呢個比較普通牛油炒帆立貝，呢個就有DD驚喜啵！平時呢D都係牛油還牛油，帆立貝還帆立貝，總之就唔係MIX度D味一齊。但佢做得幾好，唔會覺得個味係分開，仲好香口添！冷稻庭烏冬，麻麻地日本溫泉蛋，之前係第2度食過，覺得連埋個汁一齊食先好食，不過佢個汁好咸，求其食左隻蛋就算最後，其實已經好飽，不過都係忍唔住再ENCORE 個焗廣島蠔同中環一樣, 仍然有水準既放題, 絕對會返黎再食！

Happy Friday 要食得好d! 銅鑼灣lunch 周圍都好多人，大喜屋通常都唔使等位。呢度lunch set 相對於lunch放題更抵食! 兩個主菜+飯/烏冬+沙津+味噌湯+飲品/甜品 = $78+10% 每次都食到好飽咁走今次主菜叫刺身同燒鯖魚。什錦刺身份量都唔少，仲要厚切，都幾新鮮! 鯖魚即燒，黎到香噴噴，皮又脆。跟餐烏冬，配料都多，有蔬菜昆布。。 跟餐沙津，食完沙津，刺身同味噌湯已經飽飽地!飲埋巨鋒提子就好滿足!