影片
更多
2014-06-10
12186 瀏覽
好耐無食放題喇，趁好姊妹6月份生日，搞返個放題生日會 先...雖然近年潮興放題團購，但生日梗要食好少少，就揀好評如潮既"大喜屋"啦！生日仲送海膽剌身一客添 ！人氣爆燈，好彩我地預早兩星期前book位，是晚唔使等就有位喇！個個friend都食過尖沙咀分店，反而銅鑼灣呢間未食過，所以大家都相當期待今晚餐飯局……我地見咩click咩，好味既仲encore几次，起碼超過50碟 ……刺身 ：第一時間揀，但整體麻麻，大部份唔夠新鮮 ，尤其點鼓油後竟然出現過鹹現象 ，wasabi亦唔夠辣及攻鼻 ！比較鮮甜既就只有北海道帶子 ，但要就甘食唔點醬料先feel到！鮑片、象拔蚌算爽囗 。三文魚、油甘魚，無厘味道 。甜蝦直頭唔新鮮又唔彈身 ！至於海膽，同宣傳單張相有出入，細細小小型，味道仲帶點腥味 ！壽司卷物手卷 ：反而有飯既好味好多……最正係虎蝦壽司 ，鮮甜彈牙，真係忍唔住要食多兩件㗎！北寄背壽司 ，爽囗鮮甜。牛油果軟殼蟹反卷、黄金芝士蝦卷 ，香脆可囗， 出奇美味！蟹子沙律 ，醒胃爽囗！至愛既花之戀 ，卷得鬆散賣相差，三文魚唔夠肥美新鮮，食一件即停手！海膽花之戀 ，三文
雖然近年潮興放題團購，但生日梗要食好少少，就揀好評如潮既"大喜屋"啦！生日仲送海膽剌身一客添 ！人氣爆燈，好彩我地預早兩星期前book位，是晚唔使等就有位喇！
個個friend都食過尖沙咀分店，反而銅鑼灣呢間未食過，所以大家都相當期待今晚餐飯局……我地見咩click咩，好味既仲encore几次，起碼超過50碟 ……
刺身 ：第一時間揀，但整體麻麻，大部份唔夠新鮮 ，尤其點鼓油後竟然出現過鹹現象 ，wasabi亦唔夠辣及攻鼻 ！比較鮮甜既就只有北海道帶子 ，但要就甘食唔點醬料先feel到！鮑片、象拔蚌算爽囗 。三文魚、油甘魚，無厘味道 。甜蝦直頭唔新鮮又唔彈身 ！至於海膽，同宣傳單張相有出入，細細小小型，味道仲帶點腥味 ！
壽司卷物手卷 ：反而有飯既好味好多……最正係虎蝦壽司 ，鮮甜彈牙，真係忍唔住要食多兩件㗎！北寄背壽司 ，爽囗鮮甜。牛油果軟殼蟹反卷、黄金芝士蝦卷 ，香脆可囗， 出奇美味！蟹子沙律 ，醒胃爽囗！至愛既花之戀 ，卷得鬆散賣相差，三文魚唔夠肥美新鮮，食一件即停手！海膽花之戀 ，三文魚薄身，卷上腥味海膽，味道好嚇人！
炸物、燒物、熟食 ：味道一流！羊鞍 ，肉質超軟熟嫩滑，香囗無羊羶味，連食三件！焗廣島蠔 ，有濃郁既芝士沙律醬，蠔仔細細隻，混合左特別既配料而食，惹味非常，又係連食三件！天婦羅 : 炸左既蝦，鬆脆好味。炸南瓜、薯餅、茄子，軟腍味美。燒翠玉瓜 ，香甜爽脆。黑椒燒牛舌，軟硬適中。燒菠蘿 ，香甜醒胃。燒一囗蕃薯 ，香甜軟熟，食多兩串！燒蝦 ，肉質好過生既刺身。燒雞翼 ，唔錯之選。燒冬菇 ，夠鮮味。漢堡扒 ，肉質鮮嫩。黑椒牛柳粒 ，肉味濃厚。雞軟骨 ，有咬感。蟹粥 ，鮮甜軟绵。炸芝士年糕 ，熱辣辣，外脆内軟，芝士溝年糕夠煙煙韌韌，仲拉出絲添！紫心香芋丸 , 熱辣辣既甜點，皮薄鬆脆，入面既紫薯好香甜又唔膩，連食五粒先夠喉！牛油粟米 ，又滑又甜，encore左几次呢！
飲品 : 忌廉鮮奶、芒果汁、巨蜂提子汁、檸茶、烏龍茶等任揀。
生果 : 西瓜、橙等算甜。
雀巢雪糕 : 雲呢拿、朱古力、芝麻味。
侍應生夠勤快，兼格上菜快無漏單，值得一讚
如果刺身做好d，甘就唔怕比團購搶生意了……
張貼
