大喜屋 (已結業)

話說新年過後，生意差左好多。今日又俾丫姐照完肺心情差到乜咁。男友就話壓力大心情差就要食餐豪既好既。傻啦，生意差我銀包就差架啦。我要平民價又好既!馬上就諗到呢間always 賣飛忽既放題了今日閒日，雖然都要排但無平時咁誇張每次見到呢本厚厚既點菜紙心情就爽歪歪，選擇夠多但放題既好處就係每碟份量不會過多，啱哂我呢啲眼闊肚窄既人我鍾意大喜屋既原因就係刺身夠新鮮，你點幾多就俾幾多(當然2個人叫20件就過份了)件件刺身都切到厚身，新鮮甜美其他小食都好好食。值得一提，放題黎講，串燒同炸物上到枱仲係辣口既，我暫時都係係大喜屋食過，所以難怪每日都要排隊先食到啦

難得同男人一齊放假，一於就出尖沙咀行吓街睇下戲拍過拖先，睇完戲出嚟已經開始肚餓，尖沙咀人山人海咁又諗唔到食咩，最後男人提議都係去食佢最愛嘅日式放題，唔使諗咩都有得食，於是二話不說佢就帶咗我去佢之前同D朋友食開嗰間大喜屋食晚飯醫肚先大喜屋食過幾次但係呢間分店就未食過，佔地都係勁大，大喜屋黎講，呢間坐得唔算迫，都幾舒服。食物款式都好多選擇二話不說，勁點刺身先飲品款式選擇多好多，最值得一讚嘅佢除咗冷熱清酒係任飲之外，佢仲有梅酒都係任飲架，啱晒我呢啲酒鬼刺身上枱喇！一貫嘅乾淨新鮮鮮甜味美，冇得輸其他食物質素仍然保持到，唔錯唔錯慶幸地我哋食咗咁多次大喜屋，都冇咩令我失望，果然係日式放題心水之選

今日中午去咗尖沙咀大喜屋食放題，一早book定有優惠。兩個人準時到達要排隊安排入座，都幾誇張下！安排就坐後，我們已急不及待去填寫想要的食物和飲品，刺身當然是必然之選，其次就是軍艦壽司及海膽手捲 手捲也是我們的至愛 ， 跟住也叫了炒花甲、燒黃花魚、雞翼串、燒鯖魚、 天婦羅蝦同埋紫薯……飲品方面先叫杯梅酒把酒談心，再叫多兩杯橙汁首先到的當然是刺身啦，新鮮好味，放題首選！壽司、手捲for飲酒後有飯落肚會好啲！燒黃花魚汁鯖魚，感覺上第一次食黃花魚茶了蜜糖較甜但肉質好滑，下次放蜜糖時輕手啲會更好！食完枱上的食物，最尾來兩杯自選雪糕……滿載而歸！

同朋友long time no see，特登嚟尖沙咀行街shopping同埋食好嘢！我哋約咗8:45食放題，其實八點半左右我哋已經到咗，不過未有得入住，當其時已經有條長龍係文遜大廈地下等緊，大家都係等食之人！到咗8:45，我哋好準時咁有得入座，我哋一行三人就佢俾咗個好闊落啲卡位我哋，坐得好舒服😌黎到放題又點能夠唔食刺身呢？！當然叫左我最愛嘅甜蝦同埋帶子，仲叫咗少少象拔蚌試吓添👍甜蝦鮮甜，象拔蚌夠爽口，帶子都好正，令人回味！呢度仲有海膽手卷添，海膽好足料，上枱時啲紫菜都好脆，海膽鮮甜一啲都唔苦，正！唔知點解呢度會有港式豉椒炒蜆，d蜆size適中，食落唔un好嫩，我忍唔住叫咗三次，不過有少少重口味，唔鍾意重口味嘅朋友要注意啦蟹粥都有試到，當然配料仲有啲粟米呀蘿蔔啦，個粥煲得好綿，啲蟹嘅精華出晒落啲粥到，係每次放題必食之選！

記得5年前係呢度同同事食過放題，果時已經覺得食物水準吾錯，特別係甜蝦。久別重逢，裝修已經好吾同，有好多卡位同光猛左好多，d位同櫈仲闊落左，環境真係正左好多 。呢度有比較少見既海膽手卷，海膽新鮮，紫菜夠脆，配番入要果幾啖飯，食多幾件都no problem!壽司整得好靚，材料豐富，竟然有粟米片，創意十足。炸物新鮮熱辣，炸到外皮好脆，外脆內軟。所有野飲野食都係用紙點都得，坐係度等食，好嘆。最後整番杯雪糕，咩都滿足哂 。

今日晏晝同老婆食放題，预早已在openrice訂座有優惠 坐地鐵去一出路面以見到大廈非常之以搵！book了中午十二點，早了5分鐘到門口已有人龍！可能午市有優惠。一坐低就已經劃飛叫嘢食 ，魚生、刺身、羊架 ……是我必然之選！呢間大喜屋與其他大喜屋不同，必需要填飛取飲品叫了個炸榴槤、炸蝦球……榴槤味道確實不同超濃郁的榴槤味道……正！老婆叫咗我人生雞湯有什菜不過不失啦！我再叫多個馬拉盞炒芥蘭苗 ，嘩！好正！少啲油就更perfect了整體而言在這間大喜屋用膳，尤其午市較為光猛，加埋訂座優惠，較為適合我多D！

大喜屋尖尖的名聲大噪因為魚生得堂弟既然做魚生料理我自認識食一定程度有要求心中有數每一放題是用什麼貨色?他們是任飲冷熱清酒和梅酒的受家母薰陶我是梅酒鬼假如有這個酒鬼！今天發神經因為趕下一場午餐亂點要快但本質為食於是很快速點晒生熟美食更有失禮之舉走出大廳周圍視察點知原來所有食飲都要落單美女侍捧來沒有自己去攞不大方便卻較高檔不用那種跑去搵食我可以觀景發現這裡臨玻璃窗戶外有無敵樹景真令人感動我很享受沈浸大自然有時候我也好簡單無意中看到隣居是日本人對這裡的魚生質素放心了!而上圖是牛油果軟殻蟹卷很精緻跟著⋯⋯便快速吞下三個海膽手卷，一蔥花吞拿魚碎一個 左口魚海鹽燒二只京蔥汁燒三文魚腩等火炙壽司一輪狂食幸好燒菠蘿我至愛的來到特別留下一半炸榴連因超愛吃但好熱留留一半慢慢來驚喜初試酸甜辣珍寶蝦王很特出味鮮日本人料理中最令本人不會停吃的不是什麼名貴野認識的都知是燒雞翼燒乾身脆皮的再仔細觀察黑松露甜蝦（熟）和芒果三文魚花卷相當手工製作一手like 誠意說回頭香辣魔鬼珍寶蝦那汁和煮功皆心機之作加上熟食用了上佳質量的珍寶蝦真正讚今天供應的雪糕沒有芝麻不是我杯茶但都要是Haagen Dazs （也很優雅）草草吃完

朋友話食過尖沙咀呢間大喜屋放題之後就番唔到轉頭，心諗有冇咁誇張呀，不過每次去開尖沙咀經過都真係排哂長龍，所以點都要黎食番餐，睇下係咪真係咁正先！同朋友訂左8:45，去到都要排隊，人龍排到出商場，不過唔係排好耐。坐低第一時間睇下有咩食，原來呢度唔駛自己出去攞野食，全部用點餐紙叫野食，點餐紙有成兩大本，食物種類好多，唔駛自己攞，啱哂我呢d懶人。當然第一時間叫刺身先，北海道帶子、松葉蟹腳好吸引，仲有馬刀貝、象拔蚌、大赤蝦、三文魚等等，全部好新鮮，刺身真係唔錯，叫左兩輪。除左普通飲品之外，仲有特飲，有果汁、清酒、梅酒任飲，叫左甜蜜之回憶同黃昏之約定，味道唔錯。海膽手卷好正，海膽多飯少，海膽新鮮。鮮蟹粥幾大鍋，味道好鮮甜，粥煮得夠綿，食兩碗都唔會濟。各式卷物，牛油果軟殼蟹卷好味道。壽司都幾多口味，蟹油蒜香帆立貝幾好食，帆立貝好鮮味，皇帝蟹棒都唔錯，大大條蟹肉。海底椰雪梨燉雞湯好飲又滋潤，足足飲左兩大碗。脆炸貓山王，鍾意食榴蓮嘅人會覺得好正。仲有好多種類食物，各式料理，甜品、小食、沙律。第一次食呢隻牌子嘅雪糕，極香濃牛奶味，有曲奇味同紫蕃薯味，我嘅紫蕃薯味雪糕，真係有粒粒紫蕃薯，味道好香甜，口感軟

雖然凍凍地想打邊爐, 但又抵唔住頸想食幾件刺身, 最後都係去食放題啦。今轉搵左大喜屋, 一入黎感覺有D 傳統, 因為而家好多都有自助區,呢間係無嘅但又ok 喎, 唔使周圍咁多人出出入入....魚生類- 一般應有嘅刺身都有, 油甘魚,劍魚腩,帶子,蝦,希靈魚, 我比較欣賞佢仲有赤貝, 色澤靚, 又爽甜。另外海膽手卷, 海膽份量夠飯又唔多, 勁鮮甜嘅, 叫左三次。仲有左口魚壽司,入口溶化, 好味。熟食類-呢個馬拉盞炒芥蘭係必食, 好少日式放題有炒菜, 熱辣辣煲仔上枱,二人份量。炒花甲好惹味,蜆肉好肥厚而且一D 沙都無!冬陰工海鮮湯 就湯ok, 海鮮都普通。串燒整體咸左d,重手左d鹽。其實燒物都燒得好好火喉,皮脆, 一試隻雞翼就知龍與鳳。翠肉瓜仍然juice。麻辣鴨舌就唔算辣 係濃濃嘅汁但唔夠入味。另外燒羊架,喜歡吃羊架就記得叫...因為好好食, 雖然有少少so 味, 但入曬味同 勝在d 肉仲好嫩身。甜品系列~必食炸芋丸 同榴槤(脆炸貓山皇),雖然我食唔出係唔係貓山皇但都好濃好香榴槤味,即叫即整,上枱時熱辣辣, 外脆內又軟又暖, 推介。雪糕當日係得返Milk Top, 紫薯味, 本人覺得奶味

放題我又嚟啦!新年流流食咗好多過年食品，同老公都唔知食乜好，最後我哋決定食日本嘢，食日本嘢當然食放題係最抵㗎啦！咁所以我哋決定去咗尖沙咀食大喜屋，之前都去過，啲嘢好抵食，而且用料好新鮮。 放題一般有嘅嘢佢都應有盡有，而且比其他啲放題款式多，不如講下佢啲特別食物，我哋叫咗個豉椒花甲，啲花甲好新鮮，係用新鮮花甲做嘅，仲係豉椒煮，即煮即炒即出嘅，好新鮮。麻辣皮蛋啲皮蛋係糖心嘅而且啲麻辣醬麻得呢辣辣地好特別。好值得讚嘅係，佢啲牛，估唔到食日本嘢都有薄切牛肉，啲牛肉切得好薄，五成熟，配埋啲燒汁好味味，而且唔會太肥，仲係用靚牛肉添！D牛肉好新鮮而且好juicy，我哋仲試埋佢啲蒜片牛肉粒，啲牛肉粒都唔會好肥，而且好林，蒜片仲係自家製嘅，好香蒜味。最後仲食咗個紫薯雪糕，好特別，啲紫薯味好香，雪糕好滑，個杯寫住係 home made嘅!下次呢記住要試下啦!

食咁多間放題，依然最值得推介嘅係大喜屋，佢嘅用料比其他嘅放題係優質好多嘅，啲魚生特別係啲蝦，佢用最大最靚嘅材料，果然係放題嘅龍頭大佬 。我同老公食過好多間最後都係決定食放題一定要嚟大喜屋。佢啲壽司同埋手捲重越來越進步，而家啲手捲仲做到細細件，唔會好多飯，等我哋唔使食到好飽，可以食到其他嘢。海膽手捲最值得推介，好多海膽，好抵食，啲海膽好鮮甜啲魚生就唔使講都知啦！全部都好新鮮味道好鮮味。 其他熱食亦都係佢最多款式。飲品仲會有特飲可以選擇，而且仲唔係一款有好多款畀客人選擇 。而且order仲會嚟得好快，唔似有一啲叫完，好多時都冇嚟到，食兩個鐘其實都等咗好多時間。

老婆鐘意食放題，黎緊又就黎新年，到時晚晚都差唔多要同親戚朋友食飯，而且仲要差唔多晚晚都食中菜，為左彌補佢心靈嘅空虛， 就係新年前同佢食一餐啦。呢到食物種類都唔小， 先講刺生， 出面有嘅劍魚腩， 油甘魚， 帶子， 甜蝦& 蝦佢都有， 而佢呢到就仲多左赤背 同松葉蟹腳。呢啲係其他放題好小見。海膽手卷， 一啖一件， 需然唔係乜野高級海膽，但食落冇異味， 入口creamy同甘甜， 前後叫左6件.呢到啲料理都相當有水準， 叫左個馬拉盞炒芥蘭苗，真係同出面啲泰國餐廳不相伯仲另外仲想講啲， 係呢到嘅特飲類， 係有凍熱清酒 同梅酒任飲！ 出面啲放多數係得啤酒，呢到有多兩款酒真係正， 唔太飲得嘅我都叫左兩支清酒黎飲下，話哂都係食緊日本野呀嘛最後甜品方面， 除左一啲糕點外， 個雪糕都同出面都唔太同， 出面多數係xx公司個啲款， 而呢到係有milk top , 質數又高dd總括黎講呢間放題質數好好， 每款食物都比出面個啲好小小 / 多小小款， 但夾夾埋埋就已經就好好多啦。

之前聽講依間唔錯，所以就book左一本生野，一本熟野，都幾多野食，位都算多，算闊落午餐食左好少野，留返個肚夜晚食放題蟹粥，份量岩兩個人食，好鮮甜燒甜薯仔，強烈推介鹽燒雞翼，加埋d檸檬汁，好好味鹽燒牛舌，一d都唔韌燒溫室甜菠蘿，好味燒香草羊鞍焗杜洛克BB骨沙嗲雞肉串沖繩黑糖網燒牛仔肉芝麻雞翼 & 炸吉列蠔脆炸貓山王，一定要食海底椰雪梨燉雞湯刺身芒果魚子花之戀 & 黑松露赤蝦拖羅塔 & 海膽大蝦三色花火炙壽司芥末八爪魚軍艦卷物海膽手卷日式撈冷烏冬，好正妙趣曲奇味雪糕，好好味日本豆腐凍 & 富士蘋果和菓子依間真係唔錯，會再黎食

基本上要食放題﹐老公必選大喜屋系列﹐因為質素必定有保證。這一次﹐我們來到尖沙咀文遜大廈的大喜屋。大裝修後的大喜屋﹐甚有格調，比以往也舒適了很多。一看到這兩本厚厚的點餐紙﹐便叫人萬分興奮﹐我們一於開動大食模式﹗先來飲品，包括仲紅之夏，即是Fruit Punch,以及是日果汁。甜甜的好開始。然後來了刺身﹐特愛赤貝、象拔蚌、馬刀貝等爽口、清甜之選。還有松葉蟹腳，非常鮮甜。壽司是一流的﹗大愛黑松露油甘魚﹐黑松露勁香。此外，海膽墨魚、芒果魚籽花之戀也要一試。卷物方面，我們則試了牛油果軟殼蟹卷。牛油果和軟殼蟹真的是最佳配撘﹗至於鰻魚芝士卷， 我一個人鯨吞了兩件，真的很喜歡那種軟綿綿的日本芝士。燒物方面燒海蝦真的令人大感動，非常鮮味，燒得剛剛好。不得不再叫一盤。燒牛舌也是不能錯過，肉厚、牛味濃。料理則有蒜片牛柳粒，牛柳粒箇然出色，蒜片也非常香脆。炸物則有大大隻的吉列蠔，和不得不試的榴槤波波。最後一人一客靚雪糕﹐是超級滿足的一餐。

今日係我個中學同學生日，好耐冇見啦，佢好中意食日本野，所以，我就book左大喜屋放題，請佢當慶祝埋生日！🎂選擇尖沙咀大喜屋因為貪佢壽司款式多，我同學好中意食壽司🤣又有火灸壽司、卷物、軍艦等等，仲有好多自家創作壽司🍣而我自己就好中意食佢地果d卷物，由其係牛油果軟殼蟹同蜜糖芥末脆蝦卷，覺得好特別，放左好多件入口問心食放題點可以唔食蟹籽沙律啊！雖然好簡單，但就係唔知點解咁好食我要推介大家食豉椒汁炒花甲，d花甲肉好鮮甜，花甲亦都唔算細隻馬拉盞炒芥蘭苗好惹味！芥蘭苗好嫩，整得幾入味我同學仲叫左海底椰雪梨燉雞湯，佢話平時冇咩湯水，要補補身子吉列蠔同芝士炸蝦球！真係要講下個炸蝦球，真心覺得唔錯，d芝士可以可以成條拉出黎，加上有蝦肉味，好好食焗杜洛克bb骨😂個名好cute!但食落口口感都唔錯，肉質夠曬味食完野每人仲送左兩杯雪糕，我同學就簡左milk top曲奇味！再我就試左豆腐加芝麻軟雪糕🍦味道唔錯，很香很濃很滑！我個同學對呢餐生日飯很滿意☺️