大喜屋 (已結業)

早前我和太太同岳母食放題，太太訂了尖沙咀的極上大喜屋， 早前試過幾間日式放題 始終都係覺得大喜屋嘅種類同質量較高， 今次同岳母食放題，更加要穩陣，不容有失。首先太太點了幾件她喜愛的壽司，壽司很細細件，又很鮮味，最適合食放題食，因為好味之餘不會飽。我們點了些蘆薈飲品，蘆薈飲品亦有不同種類，我比較喜歡蘋果及菠蘿味，重點是可以任叫試不同味道。由於岳母不愛吃生嘢，我們叫了些熟小食，滿足岳母之餘，也滿足我和太太。我就點了我最愛吃的 蒜蓉牛仔粒、泰式無骨鳳爪、 避風塘炒蜆， 還有鮮味蟹粥。 大喜屋 最出色嘅地方 就係有超水準嘅中式嘅小食， 味道比起一般嘅中式菜館做得仲好， 你一點就係我最欣賞嘅地方。.我和太太 精選了一些我們喜愛的刺身， 甜蝦、北寄貝、象拔蚌、希靈魚 、 貴妃蚌 等等， 食完再點，食個不亦樂乎。 我們還點了炸蠔及炸榴槤波波， 同樣的事食極都唔夠喉， 好味道點完又點，食完又食。最後我們還點了牛油果飛魚子壽司，海膽壽司， 帶子壽司味道非常好，簡值是人間極品。最後我們還吃了milk top雪糕作為甜品， 太太愛吃食朱古力味，而我就最愛雲呢拿味，岳母就最可惜，佢唔食雪糕。

呢到出名係食放提， 冇論午餐/晚餐都好多人黎食，開左咁多年都仲係咁多人， 難得放半日當然要食好d la, 又有足夠時間比我慢慢食。 黎到見到佢d午餐set都超級豐富就轉左haha, 真係abcdefg餐， 刺身壽司超多選擇，有甜品有氣水， 又好坐，滿足嘅一日

4月2日晚上行行下街同個好朋友經過呢間好多人都介紹既大喜屋，平時行過都好多人排隊，諗住同朋友8點上黎碰下運氣睇下有無位，門口位姐姐好爽快好有禮貌講好晒價錢就比我地入去食到10點，好好呀仲比左張卡位我地坐，非常好人，食得好舒服，入到去坐低個個都好快手刺身有我最鐘意既甜蝦，又大隻又新鮮，下次一定會再黎最後仲有甜品食，吾洗300蚊一餐d野又新鮮，真系吾錯，我同朋友都約好左下個月要黎食番餐唯一吾好係店入面冷氣太大，開番細小小就好喇

入到去侍應話小朋友90cm以上高要收錢，我小朋友啱啱先2歲3個月大（27個月），我同佢地講我小朋友唔會食（因唔啱佢食），侍應話都要收小童價錢，我覺得真係唔合理！如果唔係一早約左一大班人黎呢間食，我會轉頭走。就算小朋友食既話，一個27個月大bb食得幾多野？一間5星級酒店食自助餐3歲以下都唔收錢啦！

琴日同埋2個朋友同老公慶祝生日，我地食尾段，9點15到11點15。因為太肚餓關係，一去到已經係咁叫野，但我最愛既燒雞翼冇黎到，諗住轉頭再寫多次。野食味道一般，杯時令果汁根本係橙汁溝水吧另外2間會比較好，但呢個已經其次了，我地食到11點15，佢10點幾開始話last order都好正常，但佢前後講左4次咁我地咪一次過寫紙囉，但佢last order d燒物一樣都冇黎到islike:第一次食放upset:未到15分出去拎野飲都話唔可以再拎 真係超嬲 未夠金鐘係咁slike:

大喜屋日本料理今天和朋友在尖沙咀行街, 行到沙咀彌敦道看到文遜大厦5樓有一間大喜屋日本料理, 想起之前在其他分店也吃過其晚市放題, 感覺良好，便去食野。 我最深刻印象是大喜屋的刺身非常肥美, 所以今天叫了很多刺身食。 厚切希靈魚咬口更覺爽彈, 味道酸中帶微甜; 油甘魚魚油味濃口感很厚帶甘甜; 北寄貝肉質鮮甜口感爽脆; 三文魚鮮嫩肥美口感嫩滑; 象拔蚌又甜又爽脆口感層次豐富; 赤貝外表呈燈紅色口感爽脆, 而且營養價值亦高有降血脂效用; 北海道鮮帶子柔軟飽滿口感甘甜爽口彈牙; 馬刀貝又被又被稱為蟶子口感鮮味彈牙; 甜蝦味道鮮甜有點膠質感, 而極大赤蝦肉身厚實且晶瑩剔透肉質富有彈性; 劍魚腩含豐富脂肪, 厚切帶有甘香味道口感像吃了滿口清淡油香。 熟食中, 我較喜愛蟹粥有濃郁的蟹香味, 粥吸收了蟹膏及蟹肉特別鮮甜又軟綿。燒羊架肉質鮮嫩，口感豐富 而且不韌。

這是朋友大力推介的尖沙咀放題餐廳 <大喜屋>，食過返尋味嘅放題！今晚很早未到六點就到左,環境都坐得幾舒服，地方夠大，裝修都唔錯！服務水準都好好，呢個真係值得一讚!每次放題的重頭戲必然是一大盤刺身，這裡有我愛吃的三文魚與劍魚腩，魚片厚度大小適中，象拔蚌爽口，各種刺身新鮮程度合格，款式也足夠，整體達到應有平均水準。熟物的壽司都不錯，款式亦很多, 份量唔大，可以食多幾件唔同嘅款，唔會食少少就會飽晒。三文魚魚腩口感豐富，鰻魚食落去冇渣，入口即溶。 最欣賞嘅係串燒， 燒得好香口 ，特別值得推介呢度嘅羊架，熟到啱啱好，唔會太乾身，咬落去仲有啲肉汁,上菜好快， 冇乜漏單，食完又快收碟，唔係冇位擺 。今晚特別叫左蟹粥食,鮮甜味美,都幾意想不到的.對於愛食甜品嘅朋友來講，就啱晒黎啦！ 呢度有多款選擇仲有限定雪糕下次再黎要食埋其他未點的食物,因為太飽了.

今日白色情人節，所以女朋友話同我食餐好既，就去左大喜屋呢間喇。去到大廈個陣已經一堆人排緊隊，原來成排人都係去食大喜屋，真係未見其人 先聞其聲，可見香港人係對放題一定既喜愛程度。上到去即刻有位坐，服務方面非常好。坐底之後就開始點餐，所以食物都想試，全部都點少少。隔左一陣好快有野食到。刺身方面，擺盤相當有舖排，無太多花巧裝飾，簡單一塊葉已經足夠。三文魚絕對好食，新鮮爽口，唔洗點豉油都好甜，因為新鮮三文魚係啞色，唔新鮮會表面出油。其次劍魚腩，偏粉紅魚肉，細密既紋理，絕對係正品，咬落口相對比三文魚清淡。我個人偏好食吞拿，啖啖肉個陣感覺絕對係一件賞心悅目既事。刺身蝦咬落口鮮爽甜多肉，唔會有腥臭味既感覺，絕對值得推薦。壽司方面，鰻魚壽司我個人最喜歡，特別係個鰻魚汁，師傅事先將鰻魚片燒到脆口，加上壽司飯微微醋味令人覺得開胃。麻辣左口魚壽司絕對係開胃,好好食,有麻既感覺！冬蔭公壽蝦壽司一定要點，因為創意壽司方面佢都算相當成功，做型同味道都非常出眾，有冬蔭公既微辣，壽蝦上面個一細塊既青檸絕對係加分位，好有泰國風。燒牛舌，好快呈上，食落口仲熱熱地，不過略為鹹左少少，不過不失。燒牛肉，薄切牛肉顯得師傅既刀功

工作多天後決定跟友人大吃一番，想吃的東西太多，所以最後挑了放題，貪其種類繁多又不像自助餐般昂貴。在放題當中，以大喜屋集團出品的最為穩定，本想訂座極上或殿等高價系列。可惜，昨日訂座時，只剩下最普通的大喜屋。雖說普通，大喜屋仍有不少食物可點，生熟皆全。第一輪打頭陣的一定是刺身，油甘魚、三文魚、帶子、甜蝦及赤蝦等均屬中上水準，新鮮甜美。其實還有蟹腳可點，只是因為剝蟹動作麻煩，所以沒點，且看鄰桌點了又點，足有四五輪，應該味道不差。接著點了一些沙律、壽司和手卷。值得一提的是左口魚裙邊是要點壽司才食得到，而海膽則是要點手卷才食到，兩者味道尚可，但飯多料少，胃口小的朋友要好好考慮。吃了一輪冷食，要轉吃熱菜，炒雜菜、牛扒、天婦羅等口味正常。不過熱湯部分出現問題，燉湯完全冇味，實屬一般例湯質素；而魚湯鍋（或者是海鮮湯鍋）則極重腥味，所以沒有完全喝掉。最後，每人都有一杯雪糕，可選哈根大師或是milktop。我選的是milktop的紫薯味，充滿薯粒也很好吃，不過沒有薯味。總結，整體食物質素不錯；環境正常地逼，冷氣太強，尚算清潔；職員手腳利落，漏單情況不多，但吃了一小時便催著結賬，還有45分鐘時催last o

同朋友去食大餐！😁揀左去食放題，夠哂平靚正！😋見大喜屋8.45後個段時間有折咁抵同見comment幾好。就揀呢間食喇！😊好興奮！超靚超大兜既刺身拼盤！🍣d刺身樣樣都唔差。食落都新鮮。唔會話無鮮味！而且都有好多選擇：三文魚腩，帶子，甜蝦，油甘魚，象拔蚌，赤貝，牡丹蝦，連松葉蟹腳都有！質素都好好！！ 海膽手卷 好好味！😍！而且海膽都幾多！食落好 creamy, 好濃烈既海水味。同手卷個size唔會話好大。岩哂我口味！😋呢度個芥末八爪魚，個辣味好厲害！好“”攻“”鼻！！食落好開胃又刺激！😂羊鞍架🐏 做得好出色！唔會覺得有陣穌味！而且肉質好嫩，同夠哂熱！唔會話灘到凍哂俾你食！相當好味！又大件！蜜糖芥茉蝦卷：食落口感幾特別，有少少既辣味。蝦卷炸到好脆。芝士鰻魚卷，芝士燒一燒過，並且溶入左鰻魚,再加上鰻魚汁。食落好 creamy! 炸蠔，脆炸貓山王，炸紫芋丸 同芝麻雞翼都好好味食落好脆身，炸到金黃色，熱辣辣。貓山王味道好重，岩哂我最鐘意食榴蓮！😍蒜片牛柳粒：食落好香。肉質好嫩。唔怪得係餐廳推薦之一！😋食到好膩，原來食呢個牛油粟米，會覺得好解膩！好甜好好味！！😋惹味既馬拉盞炒芥蘭！飲品方面：竟然有

難得放兩日假，心情好好。梗係要食好啲，開心下啦！朋友食過呢間放題話質素好好，推薦我去食。一於就去食下先！佢價錢都算平，我就揀左8.45個段時段，貪佢有優惠，可以再平d 😊好夠鐘就可以入座喇！唔洗等 😊環境好靚，我幾鐘意餐廳既設計風格。坐得都好舒服！👍坐底左當然要即刻叫盤刺身黎先😆好快就黎到！賣相好靚既刺身 😍😍塊塊都好新鮮的樣子！而且選擇都好多！油甘魚同三文魚都是腩位黎，肉質鮮甜肥美！😋帶子刺身亦好大塊，食落爽口！最好味的刺身：我覺得是 牡丹蝦🦐大大隻，食落好彈牙新鮮！口感相當豐富呀！佢亦有好多壽司選擇🍣：壽司既size唔會話好大，唔洗怕食左會好飽肚！海膽大蝦三色花：海膽味很重，食落無怪味。新鮮。花之戀：細細舊，可以一啖放入口 😋好滿足！呢個值得推介：黑糖網燒牛仔肉！🐮肉質好嫩，薄薄地一塊亦食得到牛味重。而且調味很好。食落有少少甜味，加d燒汁味。唔錯！串燒類：牛舌🐂咬落好煙韌，嚼口。不錯！燒菠蘿：一咬很多汁流口，而且好甜。很好吃！😋佢亦有好多炸物小食：當中最令我喜歡的有 一口芝士蝦球 🧀一咬芝士流口，好多好濃既芝士呀！😍蝦球彈牙。很好吃！手卷方面：必點當然係 海膽手卷！！佢俾既海膽

難得放假要食得開心黎開尖沙咀食返個任食放題先壽司同刺身都有好多選擇左下角嘅係鵝肝帶子壽司三色花之戀幾好食幾鍾意呢度啲壽司細細粒又唔太多飯唔會浪費嘛又唔會食得太飽😍👍🏻👍🏻👍🏻羊架海膽手卷細細件每件有四至五片海膽未到好鮮甜但唔苦都算新鮮特別推介沙嗲雞串醃得好入味又保留到雞嘅肉汁食完熱氣野叫咗碗海底椰雪梨雞湯正！日式烤黃花魚幾甜下雪糕有milktop同Haagen-Dazs揀不過限定每人只係可以叫一杯個女人超鍾意食抹茶味下次要試呢d!!

Surprise! 平日黎食lunch都滿場！請左假同呀媽拍下拖，放假要食好野🤤$218 加一任食，刺身壽司熟食咩都有，正！蟹腳都有呀！特別推介大粒甜帶子！羊架好食！榴連波波😍😍😍我地都鍾意食榴槤所以次次都會叫呢個佢將軟身糯米糍包住流心既榴連蓉再包上薄薄既炸粉炸得剛剛好👍🏻👍🏻👍🏻火炙海鹽左口魚壽司甜品都有好多野選擇都唔知原來係有set lunch ge 個人認為個wasabi 冇咁搶喉就更perfect

友人生日，想吃放題。我想也沒有想便在尖沙咀文遜大廈的大喜屋訂位，皆因每次去大喜屋，也能盡興而歸，今次也不例外。我們準時到達，人不算多。香港地，寸金尺土，放題店的座位較狹窄實在見怪不怪，不過大喜屋在裝修上已盡量為顧客考慮，在有限的資源下，提供舒適座位，誠意十足。先來特式壽司，特別欣賞海膽魷魚、鵝肝帶子及黑松露油甘魚。海贍鮮甜、鵝肝甘香，黑松露濃郁芬芳，配以各種新鮮海鮮食材，層次豐富，令人食指不動。接著是特式卷物，Double芝士鰻魚卷和牛油果軟殼蟹卷都是不能錯過的。芝士和鰻魚永遠都是好朋友，芝士入口即溶與鰻魚混合在一起，令人無限滿足。而牛油果軟殼蟹卷，則是外軟內脆，十分滋味。主角出場﹗﹗﹗各款刺身，新鮮爽甜。大愛赤貝，咬下去「嗦嗦聲」，口感一流！吃過那麼多生冷食物，來了一客蟹粥，暖暖腸胃。蟹粥足料鮮甜，正﹗沖繩黑糖網燒牛仔肉，愛牛一族不能錯過，肉質嫩滑。雖然怕肥怕熱氣，但實在忍不住要了一些炸物。朋友是榴槤控，榴槤波波是必叫之選。雞翼也是我的大愛，外脆內軟，十分惹味﹗最後，當然不少得甜品，雖然紫薯味很特別，但還是以哈根達斯口味比較大眾化﹗提提大家，餐廳提供免費充電服務，有需要的，可詢問職員

對上一次黎食已經係1年前，質素保持高水準，仲好似裝修左，靚左坐得舒服左🤤食放題唔少得要叫刺身，呢碟係encore ，甜蝦又大隻又甜，帶子夠鮮味壽司款式都幾多，我地叫d特別黎試下黑松露赤蝦拖羅塔好正，蝦好爽，配埋黑松羅同拖羅，口感十足😆其他賣相好靚，味道都唔錯👍🏻軍艦足料，唔錯😄炸物叫左香芋丸、芝士炸蝦球、貓山王芝士炸蝦球，咬一啖流心芝士湧哂出黎🤪牛肉湯鳥冬又幾好味，牛肉半生熟，好嫩滑每人可點杯Milktop 或 Haagen Dazs甜品有好幾款，黑白朱古力杯最好味