大和牛石燒專門店 (已結業)

今日放假去左朋友屋企打機，玩完一輪就一齊落去佢屋企附近既商場搵食=]我同朋友都係愛牛之仕，佢話最近開咗間食石燒和牛嘅舖頭，質素唔錯仲問我有冇興趣~~~咁就梗係有啦，除左牛之外，仲有豚肉同雞肉可以選擇，不過我同朋友都係牛魔，又點會唔揀和牛黎食呢xppp呢度係半自助既形式，所以價錢都唔洗加一~~落左order揀好要邊款肉之後就可以係店既中央後方載飯同湯，仲有蔬菜沙律同四種醬料添！！我地拎完之後，我地所揀既牛牛都出場啦=]每份牛都伴以石板，所以牛既生熟程度都可以由自己話事：）我要左一份200g既“日本A5和牛肉眼蓋”HKd$278♥♥♥充滿雪花既和牛肉眼蓋，只要輕輕放係燒至火熱既石板上幾秒就可以了牛脂四散既嫩肉就可以配埋香軟既米飯放入口啦！！！朋友就要左一份300g既“澳洲M6和牛小排”HKd$298~~360g有兩件厚切既牛小排，朋友分左幾塊俾我試，食落同樣嫩腍，仲比我既肉眼蓋更重牛香添！！！雖然有熱湯可以飲，但我同朋友都係忍唔住加咗罐肥仔水，大大口燒肉配大大啖汽水， 真係好鬼爽呀

有日夜晚真係餓死😩所以化身成食肉獸去咗大和牛石燒專門店食牛牛🥩呢度除咗有頂級嘅牛肉，仲有日本嘅豚肉🐖同日本雞上脾🍗.日本 A5 和牛肉眼蓋 200g🇯🇵和牛霜降雪花紋路均勻，色澤鮮紅❤️燒過嘅肉眼蓋肉質柔嫩🐄但帶有咬口😍入口充滿肉香，牛脂濃溢且肉汁豐富🤤真係會食到係咁燒停唔到手.澳洲 M6 和牛小排 300g 🇦🇺牛小排係厚切🔪🐮有一部分係全脂肪，其他都係啖啖肉😆牛味香濃，落翻少少鹽同黑椒就最正😋.SRF 美國和牛板腱🇺🇸🐂一上枱就輕易見到牛板腱中間有條透身粗條嘅牛筋😯所以食嘅時候會比較有咬勁😜而肉質結實得尼嫩滑，加上少少嘅牛脂，令到整體更滿足.自助吧提供沙律🥗日本珍珠飯🍚日式雜菜餐湯🥣以及唔同醬料，沙律方面可以點柚子汁同胡麻醬兩種🤗而燒肉方面就有原粒黑椒、粉紅玫瑰鹽🧂味噌汁、燒肉汁.飲品方面都有各種罐裝飲品，我哋就嗌左 2 罐可口可樂 Plus🧊真係夠爽好解膩

長假期想食石板牛，最後看見openrice有優惠券及餐廳好評，所以選了這間。200g牛板腱168，包一罐汽水 。進去6點半沒什麼人，先去拿沙律和湯，算正常。牛扒上來用紙巾蓋著，打開時發現中間有很根，和openrice優惠券的圖上完全不一樣。食時基本20-30％都是根。另外我太太選了澳洲M6和牛，210，味道相對正常，有牛味，根也沒有那麼多，整體用餐體驗很一般。

《大和牛之威霸》近來許久沒出街吃飯了，今晚心情更好因疫情又是零，便與太太食餐好的，放工後，便往九龍湾大和牛石燒專門店！美國安格斯牛柳牛柳肉質嫩滑，在熱石上燒著如跳舞的女郎，怕羞嫣紅肉心！買相及口感都很滿意，加上柚子醬汁更相得益彰！美國SRF和牛板腱，也是嗜牛一派之精選，有肉汁也原味，簡單在肉面洒上少許精選礦石鹽及黑胡椒，已非常好味！曰本大和豚肉眼份量大及原味，太太愛食豬豚肉，也算不錯！自助吧沙律菜的食材很新鮮，白飯也非常有飯味，而例湯也熱烘烘！我們都非常讚的自助吧！店子環境很好！而價錢合理，店員服務態度很好也值得一讚！而太太說會约友再來！

今晚屋企冇飯食，又周圍搵野食，我地要去德福睇下家電，搵下周圍有咩吸引既野，今晚黎左得寶地下呢間唔係開左好耐既石燒鋪試下 !! 見佢價錢唔係貴，都可能一試。我地點完餐之後就等食，基本上都係半自助，餐具都係自己拎。出面仲有一D醬汁 / 沙律 / 湯同白飯，拎幾多食幾多 ~~ Good !! 我地首先拎左個沙律番去食先，沙律菜都好新鮮，唔會見到有黑色燶邊既出現，有2個汁俾你食沙律，有芝麻醬同埋柚子汁 !! 但我覺得芝麻醬好食好多 ~之後有野食喇 ~~ 我叫左兩款牛，呢個係 200g 既安格斯牛小排，牛味夠，肉質好淋唔錯 !! 不過 200g 唔係好夠我地兩個牛魔王食 ~~ 哈哈 !! 我食到有D到喉唔到肺既感覺，下次都係兩個 300g 好喇 !! (明明我碗飯都咁大碗，燒烤配飯都真係好開心，順帶一提，佢地既米都幾好食，我試過出面既呢類石燒 ... 個飯係難食 ... 哈 !!)再黎就係 300g 既 和牛板腱，睇個樣就知唔錯啦 ! 本來我隻佬叫我唔好要叫個，驚有排咬 !!! 但唔知點解我好想試，我記得佢呢個部份既牛係勁濃牛味，佢呢道既牛板腱未去到咬唔開，不過都近筋位，係好有咬口既 !! 但極

好耐之前已經知道九龍灣既得寶商場經過翻新,但自己就一直未去過.今晚約左個住九龍灣既朋友食飯,咁啱佢話得寶開左間石燒牛想試試就順勢可以去打埋卡.石燒牛店門外已經掛上一張大餐牌標明店內既肉類選擇.由上至頂級既日本A5和牛肉眼到下至紐西蘭牛肋條都有.非牛類既選擇亦有日本豚肉及日本雞上脾.作為牛魔王既我眼裏當然只有牛肉呢一個選擇！我就揀左日本A5和牛同SRF美國和牛板腱同朋友share.當揀左肉類後,係等待既同時可以轉到自助bar到拎沙律菜,白飯,麵鼓湯及醬料.日本A5和牛肉眼蓋係源自宮崎牛.宮崎牛相信大家都知係日本名品牛肉之一,佢既肉身相對較為緊實,咬落富有嚼口同咬口既同時亦保持柔嫩,牛脂濃而不腥燥,感覺油得黎會較為清爽.上枱既和牛霜降雪花分明,A5級果然油脂較富豐.同其他牛肉唔同既係,和牛唔會預先放係石板上燒,而係分開送上再按自己喜好將和牛牛片燒熟.石板耐熱度好高,直到我燒到最後果幾片和牛熱力仲係好高.和牛入口牛脂香濃不燥,入口質感柔軟咬幾下自然溶化係口腔內.吞落肚後口腔仲留有油脂既餘韻.SRF美國和牛板腱肉質較為結實富有彈性,雖然油脂量較少但入口相對較其他部位嫩.原塊牛板腱肉連石板上,牛

半自助餐，包括有野菜沙律、日本珍珠飯、是日餐湯、醬汁均可無限任裝；野菜沙律嘅各款沙律菜都好新鮮，口感爽脆，配上胡麻沙拉醬、柚子汁食用，味道更清新；珍珠米飯口感軟熟；是日餐湯係日式雜菜餐湯，幾足料，有洋蔥、紅蘿蔔、西芹、菇菌；醬汁包括有原粒黑椒、粉紅玫瑰鹽、味噌汁、燒肉汁，和牛沾上醬汁後更帶咸鮮。日本A5和牛肉眼蓋，日本宮崎牛和牛係分開左2碟、與熱石另上嘅，避免和牛會石燒過熟；和牛肉眼蓋油脂、雪花紋路分布均勻，色澤紅潤，口感嫩滑、入口即化，牛味濃郁，油香味濃，肉汁豐富。澳洲M6和牛小排，上枱時可按個人需要將和牛小排切件石燒以食用；口感軟腍不韌、厚身，肉質鮮嫩多汁。

夜晚嚟到得寶，見到呢間石燒牛門口好多人，睇下個menu好吸引，俾佢啲和牛引咗入嚟鋪頭因為疫情，所有中間嘅位都唔開放，反而就坐側邊嘅卡位座位好寬敞，私隱度高，唔怕同其他人有接觸叫咗2個和牛set一個A5，一個M6，滿心期待！先嚟嘅係A5和牛，200g有兩碟，100g@一碟牛肉片油脂好均勻，啲雪花靚到呢！！！望到都流哂口水輕輕燒一燒，啲滋滋聲好悅耳幾秒後反一反，食得食過和牛嘅都知，個種入口即溶嘅感覺！就咁食已經好濃牛味，油同肉汁逼爆個口腔一件接一件，食唔停口呀另一個就叫咗300g嘅牛小排，本身以為都係會切片，但原來係成塊上牛排上枱時大約3成熟，自己可能按喜好再煎到鐘意嘅程度店家好貼心咁放咗張廚房紙係面頭，防止我俾佢啲牛彈親一揭開張紙，兩塊超靚嘅排就放咗係我眼前上面有燒過嘅坑紋，更多嘅係牛肉嘅香氣店家嘅刀好鋒利，用嚟切牛扒啱哂切完一件件嘅牛扒好粉嫩，大約7成熟之後我將佢哋放落隻碗度，費事overcook相比起A5日本和牛，呢塊重量級嘅澳州M8和牛更重視口感，牛肉咬落同油脂位融合，每咬一下都係味覺嘅享受調味方面，自助吧嘅位置有4款醬，分別係：胡麻沙律汁，light嘅柚子汁，味噌汁同甜嘅燒肉汁自

昨晚放工約了朋友食晚飯， 他帶我到牛頭角牛頭角道3號得寶商場地下123號舖的大和牛石燒專門店， 一聽個名就知道有和牛食。 坐低不久看看餐牌， 發現有很多款牛選擇，來自不同的國家，有日本、美國、澳洲和紐西蘭， 如果不喜歡吃牛的也可以選擇豚肉和雞上髀。 而我就選擇了日本A5和牛肉眼蓋200g $278 & 澳洲M6和牛小排200g $218， 可口可樂$10 ＆忌廉$10。白飯、沙律、湯～ 這三款都是自助形式， 沙律非常新鮮， 我食了兩碗🤤， 湯是青紅蘿蔔湯， 清熱又甜美。日本A5和牛肉眼蓋🐮～肉眼蓋是指順住肉眼牛肉的筋膜所切落的上蓋肉🐂，是肉眼牛排的精華部位。 再用近期流行的石燒烹調方法， 令肉質再柔軟多汁， 油脂花紋分布得很均勻，肉質滑嫩， 牛肉味濃而且肉汁滿溢。澳洲M6和牛小排🐮～200g份量已經好大塊，牛味濃郁，口感軟滑， 這麼優質的牛肉基本上不需要任何調味， 原汁原味已經很好吃。非常推介喜歡吃牛的朋友， 這裏有很多款選擇， 價錢又抵， 食和牛都只需要二百幾一個餐，鍾意食牛肉的你千萬不要錯過啊！💯

沉閒既星期三，一諗起返埋聽日就連放4日復活節假期就開心🥳，今晚約friend出黎賀一賀先😂淘大商場我都成日去，但原來隔離得寶商場都裝修左，入面仲好多餐廳商舖，咁大家都鍾情日本🇯🇵就硬係搵返d日式美食啦😍見到呢間～大和牛，原來係日式石燒料理，呢度既日本牛係用宮崎牛，一D都唔低級架👍🏻，但價錢又好實惠喎，我地叫左一份日本A5和牛肉眼蓋200G同埋澳洲M6和牛小排300G 價錢已包埋出面自助bar既白飯、湯和沙律（係無限添食架👍🏻）咁我地就自己出去拎左圍裙刀叉等工具🍴🥢🥄🥣醬料，等待既心情真係好複雜😂，終於等到上檯喇，熱辣辣既石板，放左兩大件澳洲和牛小排，牛小排好厚身，係塊石板上吱吱聲咁自煮中😂（原來本身上檯前已有1成熟，咁睇下自己個人喜好再燒至啱個人口味）另一個日本A5和牛肉眼蓋就係另上的，自己食先放上石板上。我地叫呢2款肉質都非常嫩，肉味濃，總結係市區搵到咁優質而又實惠既價錢食牛，真係好開心，第日得閒都一定再黎過。

之前經過得寶，見到呢間燒肉準備開，已經諗定之後要去食開左一排，終於有時間去食。我地六點幾入到去，可能時間早，所以無乜人，店員幫我地量體温後，再送上酒精紙俾我地消毒餐單上有不同既牛，有豬同雞揀，而且餐湯，白飯沙津係任食我地兩個愛牛既人，當然係揀牛啦最後叫了美國SRF和牛板腱和澳洲安格斯西冷等上菜前食左少少前菜，沙津好新鲜，有我最喜歡既芝麻酱加，再飲左碗簡單既麵豉蔬菜湯，唔會好咸。最後牛扒上菜，好得意，插住支旗仔寫住叫咩品種，牛扒就放係舊好熱既石上面，自己加醬汁，覺得熟既程度满意就可以食。即愈食愈熟，由五成熟食到九成熟，和牛好好食，好juice, 食落去，肉汁好豐富，又唔會好硬，唔知係咪食左個太juice 既和牛，覺得安格斯就比下去，相對上真係牛味無咁勁，一分錢一分货，下次一定要試埋日本和牛雖然我影既相唔太靚，但真係好好味。差不多七點已full, 疫情下對呢間餐廳既生意都不減，真係好好食

心血來潮想食日式和牛🤤🤤上網搵吓見到有呢一間「大和牛」地點有幾方便，可以行完德福再行淘汰之後先再過嚟食🚌🚌因為實施左政府政策之後，見到個防疫設備都高咗入餐廳前要先度溫度，佢同枱之間有1.5米距離仲有膠板格住添呀👍🏻講返呢度嘅食物質素先，有好多唔同嘅牛扒去選擇但由於我今日嚟係想食和牛，所以我點左兩款和牛順便提一提呢度係自助式服務，係牛扒未上之前就已經要拎定飯湯同沙律，如果唔係黎到先拎就慢啦！🔹日本A5和牛肉眼蓋 $278/200g🐄好可愛地一塊熱石上枱，另外有兩碟肉眼蓋肉類新鮮，油脂分布都好靚薄薄嘅肉眼蓋，一上石即刻發出姐「滋滋」聲，特別療癒🤭肉眼蓋入口即溶，口感豐富🤤配上白飯簡直係絕配！順便提一提，一定要盡快燒啊，如果唔係塊石會唔夠熱架！🔸澳洲M6和牛小排 $298/300g🥩上碟嘅時候已經連熱石上枱，但就要自己因應時間拎返落嚟啦🙈煮到幾多成熟，完全由自己發揮，可以發揮自己嘅廚藝小宇宙提一提，呢度好貼心上枱嘅時候已經搵紙巾包住舊肉免得啲油彈到周圍都係，好窩心❤️而呢個牛小排份量亦都好豐富，一啖肉一啖飯完全係人生嘅享受💬呢個價錢食到呢個質素，都已經冇得彈啦又可以同男朋友仔嚟拍下拖，增加下情

知道九龍灣開咗間專門食優質牛扒既店，我呢個牛魔王既嗜牛之人當然唔能夠放過! 間餐廳位於一個叫得寶既商場，外表都頗為唔顯眼會以為自己行錯，但一行到餐廳附近聞到極濃烈既燒牛味就知無去錯地方啦! 侍應安排我地坐卡位都尚算寬敞，我同友人點咗幾款牛之後去咗自助吧呢度有沙律、蔬菜湯、醬汁同白飯任拎任裝，食沙律配上柚子醋開開胃先唔錯，湯清清地都幾好日本A5和牛肉眼蓋 - 一捧上枱已經香氣四溢，餐廳先以廚房紙蓋住鐵板避免油煙四圍彈，牛扒上鐵板時係生既，由我地自行決定要煎幾耐和牛切片上，油脂分布均勻，而且紋理清晰，果然係A5和牛，微煎一陣已經食得，脂肪比肉多所以入口即溶、牛嘅油香無與倫比，少許油膩但非常值得一食澳洲M6和牛小排塊扒非常厚，我煎咗好幾分鐘先食，大概五成熟，一咬落去肉汁四濺，而且油脂香軟，牛味極重，非常滿足

今日同男朋友去試食呢間德寶新開嘅熱石牛扒餐廳，估唔到只需要$113就有300g 嘅澳洲肉眼扒+任食沙律白飯同湯。重點係佢哋嘅肉眼扒係好香牛味，冇雪藏味，就算食到最後都唔會太韌，個飯亦都軟硬適中，個湯係日本蔬菜湯，好飲，吧枱亦都有幾款汁醬俾你揀，好抵食又好味！

疫情下不可多於四人聚餐，餐廳亦只可安排一半坐位供應，入座須量體溫，亦有消毒搓手液提供。我們二人午餐點了兩份澳洲肉眼，有肉汁，但多點筋，熱石高溫一下子便把牛肉燒到全熟後便比較硬，要盡快食！自助餐檯上有湯、白飯、湯律可盡情吃，但要不停出入很多次！有點不方便。