大和牛石燒專門店 (已結業)

本身諗住食其他嘢，但見到呢間新開的食肆，仲要係老公最喜歡的牛牛，所以雙腳不由自主的走入去。入到去望到一幅大牛牛在牆上，而下面有沙律、湯和飯可以任添。我們一邊食，一邊飲可樂，慢歎以下兩款石燒牛牛。日本A5和牛肉眼蓋職員及時的送上兩碟和牛，一片片雪花均勻的肉片，令人垂涎欲滴。然後把和牛放在熱石上，燒幾下就食得，口感是非常細緻，十分軟滑。美國安格斯牛排厚厚的牛排，上菜前經已放上熱石上，為免油會彈到客人，所以鋪上紙張吸油。我們一邊食，一邊欣賞石煎的過程，真的賞心悅目，食落是啖啖肉，超有口感和牛味豐富。

今餐有福啦，朋友加人工，請食飯！😆😆咁多年朋友，為食貓老實不客氣地話去「大和牛」食。🇯🇵日本A5 和牛肉眼蓋 (100g) $148有食開牛排🥩都知，A5和牛有幾貴。當然間5中食餐好既，享受一下人生嘛！切片上，好和味😍 又有services 賣相高級，脂肪比例好恰當，熟度係秒數計🥰 🇦🇺澳洲 M6 和牛小排 (200g) $218肉質結實，肉味十足。 脂肪相對少d，只在邊位。🇺🇸美國SRF 和牛板腱 (200g) $188都係最鍾意中間有少少軟骨組織，口感豐富。 🇺🇸美國安格斯肩胛翼板 (200g) $98厚切一磚上，肉紋較多。 調味料可以自由配搭，燒到最後 看看我的成果，石燒黑椒口味😋😋 秒變食肉獸 食材高級，價錢超值！ 👍🏻👍🏻👍🏻 會再來

裝修懷舊既得寶開左好多新餐廳，今日就試下開左差唔多一個月既大和牛鐵板燒肉。同媽媽兩個食肉瘦最鐘意就係牛！人地一人一款，但我地都唔執輸，一人一牛之餘仲叫左個豬。🥩🥓🍽美國安格斯牛柳 $168/200g安格斯果然係我最愛，從來都冇令我失望，肉質鮮甜嫩滑，一直放係鐵板上慢慢燒慢慢食都冇搞到老晒。澳洲M6和牛小排 $218/200g食呢塊扒是幻想到啲牛牛係澳洲草原度優雅咁食草同行路，勁多牛筋，仲要全部都好林。鐵板燒又可以自己控制生熟。日本大和豚肉眼 $88/200g係唔食牛既朋友既好選擇，燒肉黎講一定係冇牛咁正，但肉質都好實淨。🥗🍚🥣凡惠顧任何石燒扒，可任食日本珍珠飯、是日餐湯、野菜沙律珍珠飯真係珍珠飯，飯粒圓滿分明，勁夾燒肉湯係清清地既麵豉湯，好多蘿蔔。沙律就係得菜，但好fresh好juicy。燒肉每200g由$68至$218不等，豐儉由人，仲可任食飯，唔怕唔飽，好正 ☺️☺️

晚上我哋一行兩人去咗九龍灣牛頭角一個商場的一間牛扒專門店，店舖名稱叫做＂大和牛＂呢間是主打食鐵板牛柳牛扒專門店。店舖裝修非常簡約，我們坐下，簡簡單單的一張餐單(點餐紙)，就可以點到我們需要的食物，店內分別有自助式的沙律菜，白飯，熱菜湯，醬料，刀叉碗碟，餐紙和圍巾，我非常欣賞他們的白飯，圓轆轆的珍珠米，而且係任食任裝的，自助的物品都非常齊全，點了三客的牛扒，A5和牛200克，安格斯牛柳200克和大和豬扒300克。之後點左可樂和忌廉罐裝飲品。最首先的是切片了的日本A5和牛，牛肉非常鮮好新鮮，上枱時一塊熱烘烘的正方形石塊，將和牛放在熱烘烘的石板面上，切片了的黃牛發出＂吱吱聲＂煙霧離漫＂，而且牛味和油分十足，入口嫩滑，之後系安格斯牛柳，上枱一樣是放在熱烘烘的石版面上，牛柳非常之有咬口和嫩滑。日本大和豬肉眼扒上枱後，成吋厚的肉眼，用刀叉品嘗，非常享受，肉汁多，我哋會再來品嘗。

Woo🤩🤩🤩今日去牛頭角搵好嘢食！牛味濃郁！《大和牛》套餐仲有沙律，珍珠米，飲品配埋！！另外仲有三款自家製醬汁！！柚子汁，燒肉汁，味增醬汁！都未開始食牛肉嘅時候，你可以用到燒肉汁來增加牛肉嘅味道！但當你食到最後覺得油膩嘅時候！你可以用柚子醬汁，中和一下嗰種油膩感！真係好神奇！而且呢度每件牛扒都配有熱石板即場係客人面前用石燒！石燒緊嘅牛肉發放濃郁嘅牛肉香味！滿口都係豐富牛肉香！真係非常享受😊其實佢仲有好多唔同部位嘅靚牛扒選擇！有A5和牛，美國SRF和牛板腱等等！多款選擇！鐘意食牛嘅你點可以錯過！快啲約個時間黎呢度食啦！

男朋友好想好想食牛扒啊所以今日呢就同佢嚟咗食石燒牛扒💕間鋪頭呢就係德福花園樓下嘅商場入面人流好多裝修都好精緻💕咁每個客人就要喺佢嘅點餐紙上面自己落單揀你想要嘅牛肉或者雞肉或者豬肉👍見到佢啲價錢非常之抵全部都係外國進口嘅牛扒😙我自己就叫咗美國和牛板腱 258hkd 300g男朋友叫咗澳洲M6 和牛小排咁等緊食燒牛扒上菜嘅同時我哋就出去可以自助啲其他野 店家都好貼心咁驚比啲圍裙我哋自己拎😍出面仲有沙律醬料湯同埋餐具都上菜嘅時間啦佢哋仲會係我哋牛扒上面插着一支旗仔標明佢係屬於咩類型嘅牛扒😘牛扒嘅脂肪分布非常之好而且佢rest 得夠耐 所以煎起上嚟都唔會有太tight 既感覺仲落咗佢自己配埋嘅黑椒同海鹽份量十足相信一個男仔都好夠食👍🥺男朋友叫咗嗰個係M6 牛小排佢嘅脂肪分布好均勻入口即溶脂肪嘅比例會多d 鍾意食和牛感覺嘅朋友一定唔可以錯過 💋我哋另外仲會有人嗌左coke 先加10蚊都好抵💕白飯任拎

近排發現得寶花園開咗新食店又係我最愛嘅熱石燒牛😋牛扒本身已經係my favourite 呢間直頭要入我top one 石燒牛嘅食店👍🏻👍🏻👍🏻點解？因為佢有日本A5和牛肉眼食😋😋嘩嘩嘩冇呃你真係A5和牛自己燒本身已經夠吸到喺熱石上面一路俾石燒緊一路滲出滿滿嘅油香除咗牛扒鹽乜都唔準落咁先可以將和牛嘅香同鮮味升食到一件和牛一啖飯勁滿足我地兩個人食左三碗飯😅雖然係兩舊水但份量十足👍🏻👍🏻講真平時自己去超市買都唔止呢個價而且仲包埋出面自助嘅湯、飯、沙律個人認為係抵食添必定會再食多次🙊

牛扒有認證得寶商場不嬲都叫多野食，泰式，中式，港式都有，上星期行過見新開左間日式石燒牛。店員姐姐介紹話，餐廳牛扒新鮮，牛扒仲有不同認證，我哋就坐低食晚餐試下。餐廳裝修簡潔新淨，啡色木色為主，最入有自助區同一張大大牛圖示。我叫左美國黑裝和牛板腱300g，男友叫左美國安格斯牛扒300g。等牛扒上既時候，就先拎左沙律同日式雜菜湯，fresh下口，食靚扒。呢到既沙律菜新鮮，雜菜湯都好多料。美國黑裝和牛板腱呢個和牛係srf極黑和牛，有成一舊半，外型似牛柳，睇樣已經好粉嫩，牛扒勁厚但好柔軟，好容易切開，油花均勻分布，一路燒一路標牛汁，好正！美國安格斯牛扒呢個係certified angus beef，有三舊，牛扒比較薄身，但多油脂，所以燒耐都不會un，入面仲keep到肉汁，又重牛味，點自家既燒汁更好食！呢間石燒牛好食，值得再食。

今日同朋友喺九龍灣睇戲📽之後去咗得寶個邊超級市場買嘢行過依間日式石燒，同我之前喺深水埗見嗰間大致相同18:30人流比較少，見唔使排隊😂咁不如今日就試吓依間啊好彩我哋早入嚟，因為之後已經見到差唔多全場爆滿我哋喺門口見到價錢都幾抵食🐃而安格斯西冷牛扒更是$168/300G每項食物已包括左沙律🥗日式湯🥣白飯🍚另外餐廳好貼心，有圍裙提供，咁就唔會彈到成件衫污糟曬#澳洲M6牛小排 🦘$298/300g 目測牛小排好厚身好大塊，牛扒在滾燙的熱石上發出吱吱聲，店家標榜牛類全部係一成熟上枱，再由客人因應自己喜好，燒至適合的熟成度。肉質好嫩滑，牛味濃郁，肉汁豐盈#日本A5和牛肉眼蓋 🇯🇵 $278/200g賣相好吸引，200G有2盤，油花尚算脂肪分佈平均，食落肉質鬆化細嫩，油脂甘香。我哋覺得牛肉吾點汁反而最好食😋落小小鹽已經好夠味。