大吃大喝 (已搬遷) 新店位置

爆茜午餐肉三文治🤩雖然我不是即刻食但係都完全無影響到個味道🤤無論係味覺定嗅覺完完全全係莞茜嘅味道鍾意食芫荽嘅人一定要去試吓而午餐肉亦係非常厚餐廳係採用先炸後煎的方法嚟煮兩者之間味道非常夾同埋食完之後非常飽肚🥰爭啲講漏咗個炒蛋🥚呀煮得一D都唔老個有個種嫩滑嘅感覺同埋本身個三文治係冇午餐肉㗎我咧個係自己加錢嘅配搭只需要加$5就可以有午餐肉啦最後要提一提嘅事情就係咧間鋪頭係由一對兄妹創辦能夠不怕疫市而開舖真心值得俾個like👍🏻

最近好興食芫荽😹雖然唔係特別鍾意芫荽，但喺附近返工，所以試下😆不過呢度只係一間舖仔👇🏻，就喺油麻地B2隔離，無地方比你食嘅，所以買完就行咗去附近嘅 油麻地配水庫休憩花園(油麻地救護站隔離樓梯上)，嗰度有得坐，仲有草地🌱👆🏻除咗招牌厚切三文治，仲有台式蛋餅、小食👇🏻👍🏻如果想食飽啲，都有飯比你揀，而且唔算貴，40至50蚊～👇🏻一份三文治25蚊🥪加5蚊就可以要凍飲/熱飲☕有咖啡、奶茶、檸檬薏米等等～👆🏻三文治真係幾大份，就咁望啲餡料係好足👍🏻而且一揭開好香芫荽味，鍾意食芫荽嘅朋友要試下～👇🏻咬到入面依然好多餡料👍🏻食落啖啖餡🥰炒蛋都算滑～平食嚟講係幾好架啦，起碼新鮮熱辣！啱晒長期糧尾嘅人士～

厚切餐肉蛋三文治🥪$25 (連飲品)啱啱經過，忍唔住又食🥸早幾日見到佢哋嘅報道😁已經好想試吓個午餐肉😆真係蛋嫩肉厚，勁吸引😋今次先見到，原來都幾多飲品🥤除咗冷熱奶茶同咖啡☕️仲有鮮檸茶、薏米水、羅漢果茶同低糖豆漿😉不過我都係鍾意佢嘅凍啡☺️大吃大喝 (油麻地)油麻地窩打老道9-11號榮德大厦西翼地下A2-A3號舖

有晚順路就幫襯咗喺正油麻地地鐵站隔離嘅小食店😙 雖然話佢係小食店，但係食物種類超多🤩 由蛋餅三文治到飯麵都有！🍗招牌手撕雞飯🧏🏻‍♀️ $50手撕雞有得揀跟飯、米粉或者出前一丁，作為飯桶我就一定揀飯🍚 鹹香手撕雞再加埋芝麻真係超好送飯🤤 仲有椰菜夠晒健康🤓🍳厚切餐蛋治 烘底🥪$26午餐肉同蛋真係超級超級厚😍好驚喜😍 加埋包裝好貼心，擺喺袋都唔會fing散晒👍最後一定要讚下店主店員都係好有禮貌嘅年輕人，一定會再返去幫襯!

芫荽怪難得見到有屋企附近有芫荽炒蛋三文治今日嗱嗱聲叫老公買返嚟俾我試吓本身係如果WFH嘅話，晏晝老公食乜我食乜點知就比我見到呢個面書廣告然後最討厭芫荽嘅老公，都無可奈何地要幫我買😆等我一心見到個廣告以為芫荽炒蛋三文治入邊係有午餐肉，所以就叫咗老公幫我買芫荽炒蛋三文治點知老公送上嚟嘅時候冇午餐肉嘅😱然後我再睇多次個廣告誤導左我添下邊有好細隻字寫住加$5有午餐肉🥲下次又要再試多一次，頂不過佢個麵包係厚D，而且都好鬆軟芫荽味好出，而且又未煮到爛晒仲有啲爽脆嘅感覺我諗加埋午餐肉應該仲好食可惜今日冇呀☹️好心啲廣告就唔好咁樣出啦😒你寫住芫荽炒蛋三文治就影芫荽炒蛋三文治吖嗎

店位于油麻地地铁站B出口的旁边，六点到达时已经有不少人在买外卖。下单时已被告知需要等25分钟，为着尝尝他们的厚切三文治，只能站在店外等。店卖的东西不多，餐单也比较简单，主打的是各款三文治。全部都是25元，并送饮品，算是便宜。最后还是等了35分钟才拿到东西，店员也很礼貌赔罪。反正是繁忙时段，也没办法。餐肉蛋治的主角是中间的午餐肉，厚切的一大块夹在鸡蛋和面包中间，由于喜欢吃午餐肉，一大口咬下去会感觉很过瘾。另外买了一份炸紫薯饼稍为遜色，紫薯味不大浓，口味一般般。看到他们有芜茜蛋治，很特别的配搭，下次可以试一下。

今晚行過油麻地，有啲餓，見到呢間小店，食物相片吸引，價錢又相宜，跟住點咗個厚切餐蛋治加凍奶茶，都係$25，真心抵，不過要食過先知性價比，宜家限聚要會揾個公園坐低慢慢嘆啦。講返正題，餐蛋治真係惦，面包夠軟熟，餐肉超厚，個邊仲要剪得脆脆地，真係食多兩件都得，仲係即整熱辣辣，個心都暖埋，真係一讚再讚。跟住飲埋支凍奶茶，心諗應該都係一般般啦，因為都係沖定嘅，然後飲落去，ok喎，茶味夠，奶唔太多搶去茶味，仲要唔太甜，啱晒我口味。有機會再要試埋其他。最衰自己好快食晒，下次補返張，影住奶茶先

油麻地必食蛋餅！炸物！公司樓下新開小店，嘢食吾多，但感受到誠意十足！首先蛋餅好正，爆料之余，醬汁好好味😋@所以相都影吾切，得返個吉盒😅仲試左幾樣炸物：蝦角＋紫薯餅＋燒賣，全部香脆吾油，紫薯粉糯香甜，外层輕薄鬆脆，係想食炸物的健康之選💕特別推介炸蝦角：蝦肉飽滿彈牙，好正👍最後手撕雞有雞味，調味恰到好處，可惜店主太忙比漏左麻辣醬，下次一定要食麻辣味啊！！！油麻地終於有一間心機小店，值得推介！見到好多人買三文治，聽店主介紹全部新鮮即製，搵日早餐要試。

因為私人原因係附近住，然後見到啲野食幾平就試試佢，買左蛋餅、炸蝦角、手撕雞，嘢飲因為佢新張期間會送，我飲過佢嘅樽仔奶茶，其實我好少會喺街邊飲奶茶，因為大部份都好甜，但係反而佢沖嘅奶茶好有茶味，唔會太甜，好啱口味，今日就是佢嘅檸檬薏米水，唔會好大浸檸檬味，飲落去好清新潤喉，講返個蛋餅先，芝士一啲都唔小，好多料，最緊要係咩啊好食呀嗎！手撕雞好嫩，秘製嘅麻辣醬都好好食會唔會太辣，炸蝦角係即時炸，真係好好食，我平時係一個好少寫食評，佢係唯一我想讚佢嘅！冇任何野好挑剔！

去開附近睇醫生經過見到呢間小店門面企企理理 野食又好似幾岩胃口 叫左餐蛋治，蛋餅，炸燒賣，紫薯餅同埋樽仔奶茶一打開個餐蛋治都打個突😨塊餐肉咁厚賺咩呀🤔個蛋又滑 塊包又厚 食左一件都飽左一半🤣仲要好食果下衰格丫嘛🥲蛋餅我就叫左芝士火腿肉鬆，雖然唔係同台灣啲蛋餅一樣 但係都好香好好食🤤炸燒賣外脆內軟 加埋啲椒鹽..我2分鐘食哂🤫Er....紫薯餅真係好好食 唔會太甜 我掛住食無影相呀😭😭😭至於枝奶茶...除左出位我都無咩好講好少可飲凍奶茶都咁有茶味 又唔會太甜 岩哂我呢啲又要飲奶茶又要叫少甜怕肥既人 睇我飲淨幾啖先記得影相就知有幾好飲啦🤪總括嚟講..呢間小店絕對有回頭 下個月再出黎睇醫生都要再去支持