大吃大喝 (已搬遷) 新店位置

今晚行過油麻地，有啲餓，見到呢間小店，食物相片吸引，價錢又相宜，跟住點咗個厚切餐蛋治加凍奶茶，都係$25，真心抵，不過要食過先知性價比，宜家限聚要會揾個公園坐低慢慢嘆啦。講返正題，餐蛋治真係惦，面包夠軟熟，餐肉超厚，個邊仲要剪得脆脆地，真係食多兩件都得，仲係即整熱辣辣，個心都暖埋，真係一讚再讚。跟住飲埋支凍奶茶，心諗應該都係一般般啦，因為都係沖定嘅，然後飲落去，ok喎，茶味夠，奶唔太多搶去茶味，仲要唔太甜，啱晒我口味。有機會再要試埋其他。最衰自己好快食晒，下次補返張，影住奶茶先