有兩本厚厚的點菜紙供人選擇,食品款式和其他放題店大同小異:包括有前菜,刺身,壽司,軍艦,卷物,火炙壽司,鐵板料理,燒物,天婦羅,炸物、一品料理和湯麵,唔想逐一影低,我是懶人,HAHAHA~
由於肚餓係咁食,所以只影左覺得好味的出來。
朋友勁鍾意食甜蝦刺身,叫完一ROUND又一ROUND,佢表示新鮮,肉質甜美,無腥味,我就食帶子,有甜味,都係新鮮的海洋感覺~~!
紅酒燴牛舌,賣相好吸引,出面的放題店都是燒牛舌多,本身無太大期望,點知食完都忍唔住自己一個人食多碟呀牛舌厚厚的但十分之入味,雖然紅酒味比較淡,但我都好滿意,入口軟滑而不"鞋"身,啖啖肉真係好正必食推介~!
壽司的SIZE剛好一口就可以KO,食幾多都唔怕,款式都好多選擇。
芝士焗北海道帶子,芝士味濃,同配料好夾,帶子再大少少就更好了~~~
芝士焗蟹蓋,釀得漲卜卜,未食都覺得收貨,雖然細細個,但食落材料豐富,啖啖蟹味,就算唔食太多都要試一隻。
甜品簡左MOVENPICK 做完結,好味又滿足呢~!
刺身好新鮮，三文魚唔會有一大陣雪味，帶子非常鮮甜，貝類都爽口
花之戀好大舊👍🏻
佢地既火炙壽司燒到剛剛好，唔會太燶，仲保持到刺身本來味道
炸物上菜時好熱，食落好脆，芝麻雞翼係我最愛，肉嫩汁多！
香烤雞翼都唔錯，比芝麻個隻薄皮一啲
燒鯖魚有半條，肉厚多汁又少骨
蒸蛋個汁唔會太醎，蛋味仲好重
其實門口位置有個小食吧，前菜甜品同野飲都好多選擇
每人一杯movenpick，非常滿足😆
所說的放題店，其實就是這間座落於荃灣眾安街大鴻輝(荃灣)中心 3 樓嘅《大井町》。原來餐廳嘅位置係喺商場樓層，所以到達大廈後，緊記不要隨著人群排隊等𨋢，由大堂扶手電梯直上3樓，便可到達。
開餐前，先介紹一吓這晚(即星期六)的收費，晚市放題由 5:30pm 做到 11:30pm，入座起計任食 2 小時，如果是 7:30pm 前離場的話，成人每位 $218，而其他時段，成人就每位 $258，另收加一服務費。
一如其它放題店，餐廳的點菜紙夾於兩大本厚皮簿入面，一數，共有十五張，全部分門别類，而項目就包括有前菜、創作料理、刺身、壽司、軍艦、卷物、火炙壽司、蒸/焗、鐵板料理、天婦羅、燒物、炸物、一品料理和湯麵。
另外餐廳亦設有自助區域，出外巡了一圈，款式不多，除了有可以自己 DIY 的沙律和幾款水果外，就只有四款前菜及小甜點。不過凍櫃入面就擺放了不少罐裝、盒裝和支裝飲品，以供客人自行選擇。
先出去拿了四款前菜，有味付螺肉、中華沙律、帶子裙邊、味付八爪魚，幾款之中，最愛就是翠綠的中華沙律同波浪型的帶子裙邊，前者清涼爽脆、而後者鹹中又帶點煙韌，既入味又好吃。
這客水晶香芒大蝦卷屬創作料理，賣相有點似越南米紙春卷，內藏甜美的芒果、爽彈的蝦肉、青瓜和生菜等。
刺身點了三文魚、北寄貝、甜蝦、赤貝、八爪魚、玉子和鮑片，厚切的三文魚，色澤亮麗，肉質細嫩柔軟，夠曬新鮮肥美，口感唔錯。另外赤貝同鮑片，水準亦不俗，入口爽脆鮮甜；玉子的蛋香雖然不多，但食落微甜，層次分明，亦算味美。
向來對卷物興趣不大，所以每款只點了一件，包括有和牛卷、香芒鵝肝卷、芝士辣味三文魚卷、青瓜鰻魚反卷、軟殼蟹卷，筆者只試了當中的和牛卷，面層的芒果同牛油果，味道不俗，芒果食落夠芳香，而牛油果亦滑膩濃郁，兩者很合襯，反而中間卷著的和牛，肉質太韌，嫩度不足。
火炙壽司選了燒和牛壽司拌黃芥末籽、火炙三文魚腩、火炙左口邊、火炙味噌醬蟹棒和穴子。一向愛吃鰻魚，所以刻意挾了穴子試試，穴子非常長身，惜油脂不豐，幸好肉質夠軟腍，而下面就配有細細的壽司飯，不過要一讚，就是師傅的手握功架掌握得唔錯，恰到好處，飯粒不會一夾就散。
蒸/焗菜式，揀了味噌焗蠔同芝士焗蟹蓋，前者用上熟蠔加味噌醬汁去焗，帶日式風味，加上蠔隻焗後竟然沒有縮水，外表仍脹卜卜，食落夠曬惹味。至於芝士蟹蓋，未知是否已經售罄定漏單，遲遲沒上，反正想留力吃燒物，亦就此作罷。
鐵板料理只點了日式炒雜菌，雜菌炒完後再用牛油焗，面頭灑上芝麻作點綴，入口菇汁豐富，惹味非常，唯一就是稍嫌味道有點過鹹。
接著輪到吃天婦羅，店裡的天婦羅，款式不多，只得 5 樣，包括虎蝦天婦羅、一口番薯天婦羅、南瓜天婦羅、日本青椒仔、冬菇天婦羅。虎蝦最有水準，炸功雖然唔算一流，但炸漿不厚，而且口感香脆。至於冬菇天婦羅，菇隻夠曬肥美，入口內香外脆且滑嫩，加上菇味夠濃香，亦令人回味。
向來愛吃香口之物，所以燒物剔得最多，分別有油脂豐盈的蜜汁豬腩串、幼嫩爽脆的鹽燒牛舌、入味 juicy 又不帶羊羶味的燒羊架、香甜多汁的燒菠蘿和燒過後仍然有汁，吃起來還是彈牙的燒雞骨腸。
由於已經大半飽，所以炸物只揀了日式炸餃子和我至愛的紫心香芋丸。其實每次吃放題，碰巧有紫心香芋丸都必定會一再 encore，這晚當然也不例外。香芋丸炸得非常出色，味道香濃又有芋香，水準甚佳，連平日不大愛吃紫芋的老公，也搶著分一杯羹。
一品料理有牛油粟米、三款鍋物、清酒煮蜆、紅酒燴牛舌等。選了這款超人氣蟹粥，原來實物無圖片咁靚仔，材料唔多，煲內只有幾隻蟹腳、切片冬菇同蔥絲，而且食落味道較淡，不過就勝在熱辣辣、粥底夠滑，用來暖胃就最啱。
取了一大堆小甜點埋位，碟上有櫻餅和果子、櫻花和果子、柿子和果子、熱情果撻、朱古力泡芙、香蕉巴夫、提拉米蘇，全部都細細件，的的骰骰，尤其是幾款日式和果子，賣相很精美，用來呃 like 一流。其實外面還有香蕉冰卷、蜜柑和果子、抹茶和果子、士多啤梨泡芙、紐約芝士餅、青蘋果布甸、自家製抹茶布甸、杏仁蛋糕、北海道奶凍等，所以記得要留肚。
壓軸就輪到食雪糕，客人除了可以到自助甜品櫃，任取入面的小甜點外，每人還可自選一客 Dreyer’s 雪糕批或 Movenpick 雪糕，總共有五款口味，包括 Dreyer’s日本宇治抹茶黑糖迷你雪糕批、呂宋芒果迷你雪糕批、Movenpick 瑞士朱古力雪糕、士多啤梨雪糕及雲呢嗱夢幻雪糕。臨走前記得吃點水果，可幫助腸胃消化呢！
三文魚刺身唔腥，都算新鮮
佢既壽司都係拍得住壽司店既質素，一啲都唔馬夫，唔會因爲係任食而細件左同難食
花之戀好正啊好好食
海膽手卷普通啦，唔腥，紫菜唔夠脆
佢有啲創作壽司都幾特別，幾fresh
雞翼好好味，可惜好飽啦唔係實嗌多幾碟
茶蒸碗好滑好香，有質素
最後仲每人有盒movenpick既雪糕tim，有得簡朱古力，strawberry同雲呢拿味。
餐廳位於大鴻輝中心，於眾安街55號，非常方便；大廈有招牌顯示餐廳所在，容易定位。近年，很多餐廳進駐此大廈；而在大井町用膳最方便之處，在於無須乘搭升降機，只需經扶手電梯即可到達三樓，免卻排隊輪候之苦。
由於時間尚早，是否訂座或許已不重要，座位多的是哦。中英對照點餐紙是厚厚兩本，全彩色印刷，每款食物均附照片，但要有心理準備，照片只供參考。
冷熱飲品均為自取，選擇蠻多。
水果也是自取的哦。
甜品則在凍櫃之中，悉隨尊便。
餐桌旁貼有wifi資訊，可惜搜尋不了，只好繼續用自家4G，接收還好。
軟殼蟹手卷加入蜜桃，令味道清新，但軟殼蟹非新鮮油炸，雖仍脆口，但不是熱騰騰，只能把分數打個折扣。
味噌焗蠔的點餐紙圖片與實物可謂兩個世界，以錫紙盤服代了蠔殼，感覺較為衛生，但視覺效果未及原殼上碟吸引。蠔肉尚算鮮甜，味噌並非放湯，改為烘焗，像個咸味椰撻，創意十足的一客小吃。
帶子北海燒帶著洋蔥與菇菌香，埋沒帶子味道，而且油份較多，不是推薦之選。
松葉蟹鍋是冬季限定，當然一試。蟹殼未經剪開，上碟時也未有額外提供剪刀，不敢犧牲牙齒，只好使用串燒竹籤協助剔出蟹肉。絲絲蟹肉，好此道者不能錯過。其他配料很清淡，中和各式串燒與烤物的滯膩感。
鹽燒海蝦水準有點飄忽，兩隻之中，其中一隻較新鮮，另一隻略遜，猶幸即叫即燒，熱氣騰騰才是皇道，不需太多調味，少許鹽巴已經足夠。
煙肉露筍卷的露筍幼嫩，但冰期望它可被煎得香脆。
創作壽司看似有趣，故把「大」、「井」、「町」也點了一客。
「大」沒有出現，只嚐到「井」和「町」。「井」中間帶少許芥末，甚是醒神；然而海膽很少，似乎要多點幾件方可滿足。「町」是另一圖片與現實不相符之作，食材比例明題差異，雖則味道不錯，但免不了有點失落。
另一創作料理是水晶香芒大蝦卷，這凍食很清新，蔬菜非常爽口，可是吃不出芒果和大蝦味道。
芝麻雞翼煮得很好，外邊香脆，雞肉嫩滑，值得一試。芝士年糕是不請自來的食物，極之油膩，沒法吃畢。
另外也點了三款天婦羅：虎蝦不過不失；一口番薯甜美可口；冬菇是私心偏好吧。
名牌甜品是限量產品，每人限點一客。
冰選擇了Movenpick瑞士朱古力味雪糕，份量為100毫升。小匙羹藏在盒蓋之中。
雪糕質素絕對有保證，無需擔心吧。
侍應十分勤快，極速清理餐桌；結帳時亦有跟進會否漏單，除「大」壽司之外，墨魚漿餅和薯絲蝦同屬失蹤人口，但既然吃飽了，就沒有追問。
火龍卷類的卷物, 香芒鵝肝卷的芒果超濃, 味道很甜!鵝肝不是很多, 但就令人覺得剛剛好
火炙和牛加了一些芥末籽, 酸酸的醬減低了一些肥膩感, 和牛燒過表面, 是半生熟的感覺, 牛肉味很血腥但又很富牛味, 不錯耶
超好味的芝麻雞翼! 吃下去十分香脆, 脆扑扑!
蟹蓋的感覺很RICH但不是很多蟹肉味, 芝士的味道反而比較濃, 但還是超惹味的
超正的焗蠔, 味曾很香耶! 不過蠔肉比較細小, 配菜的醬汁搶了風頭
花之戀就不太美觀了, 雖然三文魚質素OK, 但可以下多一點的沙律醬, 飯量亦比較少, 不太平衡
影片
