大井町日式放題 (已結業)

與朋友數月不見有空相約於荃灣一聚路經大井町見食物相當吸引於是決定入去試一試雖然我哋冇訂枱 但都唔需要等好耐幾分鐘就有枱食物紙上面嘅選擇豐富 包羅萬有我哋每樣都點左啲他們的上菜速度10分迅速 轉眼間一大盤刺身已被呈上 跟其他放題的上菜速度 這間快多了 首先黎既當然係刺身甜蝦赤蝦街鮮甜可口三文魚及帶子亦屬水準之作比起坊間很多同種類嘅放題有過之無不及不會像外面放題食到陣陣冰味 放題重點係刺身而呢間係刺身方面係上上之選呀(壽司方面我們還點了火炙三文魚和左口魚 以為刺身呢度好食 火炙點都差d點知水準都係一樣地高味道亦十分出色香口食落去仲有烤過嘅芝士味🤤🤤這海膽手卷不但分量十足 而且鮮味四溢 我同朋友都點左幾次 絕不是淡而無味 喺放題店食到呢種質素嘅海膽手卷絕對係驚喜！重點推薦每次食放題必嗌的炒雜菌！這裡有烏冬跟炒飯選擇 但賣相炒飯太吸引！羊架上菜速度也不錯😊😊至於熱食的部份我們點了香炒雜菌 和 海鮮炒飯 烤羊架 同鹽燒雞翼 味道亦屬水準之作實在可以一試 值得稱讚的是呢間放題鋪用嘅調味料十足 炒得特別香口 前後我圠點左幾次！所以食放題大家不要淨係食刺身壽司呀 有時嗌下熱食都有驚喜！炸物方面 當然不

一直都好想試呢間放題, 今日終於同朋友兩個人去左食。Book左8點, 可以食兩個鐘。坐卡位, 好闊落幾好坐。同傳統既放題一樣有兩本好大疊好似bible咁既menu。每人仲可以揀一款Dreyer’s or Movenpick雪糕, 心心眼。行去出面拎飲品都有好多款式, 支裝盒裝都有, 又有雪糕糯米池冷盆同生果任食, 正。刺身叫左大蝦、帶子、三文魚腩、北寄貝, 都好新鮮。壽司細細件好的式, 咁就可以試多幾款! 熱食來講, 唔錯。天婦羅脆脆的, 蝦肉又爽口, 仲有秋葵, 好味。仲encore左一次鯖魚。芝麻雞翼、串燒都幾好, 係放題基本水準。蟹粥熱辣辣一煲上, 隻蟹好的式, 不過都幾鮮味, 幾軟綿。

英皇娛樂廣場自從改咗名之後，其實我都少去咗，不過原來唔講唔知3樓開咗一間新嘅日本放題餐廳叫做大井町。一入到去同朋友坐卡位，見到有各式各樣嘅落單只起碼超過10張，真係食品、飲品包羅萬有。係等嘢食嘅期間，我同朋友行咗出去自助吧嗰度，見到嗰度嘅甜品同埋飲品，真係嚇親！大大支支裝嘢飲可以任攞，仲有我最愛既玄米茶，水溫都好熱，正呀。另外仲有各式各樣嘅甜品、蛋糕，當然唔少得我哋最鍾意食嘅水果。啲嘢食終於到啦！刺身好新鮮，不過叫嘅數量同出單嘅數量有啲分別，明明叫10片但係得五片，職員應該係擔心我哋兩個女仔食唔晒啦！不過我地係大胃王，最後清晒。另外仲叫咗海膽壽司，海膽手卷，啲海膽都好有海水味屬於新鮮。炸物方面有叫咗幾款嘅天婦羅，雞翼同埋八爪魚丸。全部都幾好食，唔會好油。仲有叫咗個炒雜菇、羊架等等。炒雜菇好香，頓時被我清晒；羊架又唔會騷，岩晒我最怕騷味既人。食咗咁耐生冷野，當然要叫番啲熱野暖胃。我就叫咗個蟹粥，蟹粥好有米香，啲粥有啲似潮州粥，一粒粒咁樣，非常暖入心。最後不得不提，就係一個怪味辣蜆。呢一個怪味蜆嘅汁非常之可口，我哋忍唔住叫10碗黎食，但係職員每次都淨係比一碗我哋，份量仲極之少！真係有啲失望

兩個女仔係荃灣行行下街唔知食咩好既時候就睇下openrice 附近有咩放題唔錯啦大井町價錢2**，在放題黎講都可算抵食價 所以就揀左呢到啦入面個bar 台選擇非常豐富 ，有幾款唔同嘅沙律同生果，野飲方面就非常多選擇了，有三四個雪櫃放左10幾種唔同既飲料， 汽水，果汁，茶，水果酒等等仲有另外一個雪櫃放咗好多泡芙 同和果子！！因為朋友唔食刺身，所以得我一個人食， 總括嚟講平時食開既個幾尾，感覺都新鮮，唔會有雪味叫左少少壽司，食材都幾新鮮羊架都不錯，肉質都算鬆軟，加上有些小羊騷味 正😍鹽燒牛舌都好有咬口好好味芝士焗蠔，芝士完全蓋過隻蠔啊試完佢串燒牛舌咁好食之後忍唔住叫埋雞翼試吓而且最正係甜品選擇有movenpick 同 hagandaze ge 雪糕同雪條揀 超正👍🏻👍🏻👍🏻

晚市連加一需250-270左右，實價忘記了呢個價錢佢選擇都算ok多，我係指野飲，好多野飲食物選擇都多既……但多得黎質素沒有到好吃，但也有兩三樣的驚喜，1 榴槤炸彈（張相upload唔到） ， 外脆內軟，咬落去啲榴槤蓉流出來， 入面嘅流年非常有新鮮榴槤嘅香味甜味2，呢個唔太記得個名！ 佢係用泰式春捲皮去包嘅一個有生果同菜沙律喺入面嘅女孩們，一定要食，我知道你們會喜歡的野飲勁多10幾款選擇，我飲咗呢個桃味水果酒，正其他野食伏伏地，又有d雞肋完！

提早慶祝父親節，選擇咗來荃灣食放題。上網見尼度新開，評論又唔錯，所以決定來試試。好彩餐廳係三樓，可以搭扶手電梯上來，唔使排長龍等𨋢。餐廳都幾大，成層都係。自助區有自助沙律吧，生果，甜品等。飲品方面，應有嘅罐裝飲品都有，仲有維他奶以及其他果汁（如蜂蜜柚子汁）。點餐紙有分問兩本咁多，選擇都幾多。雪糕有Dryers 嘅雪條同movenpick 嘅雪糕杯不過唔係任拎，限每人一份。另外自助區有其他雪糕糕可以拎，仲要係單獨包裝，幾得意。豆腐味值得推薦👍有幾款火炙壽司，每樣試一款，全部都好好味不過有啲食物都幾令人意外，例如好袖珍嘅燒蟹蓋🤔尼度食物味道都唔錯，但服務就可以再改善。侍應應該好多都係兼職，因為十問九唔知🤦🏻‍♀️。啲單又甩曬，有啲時間係坐係度等嘢食🤷🏻‍♀️。好多點咗嘅食物又無來，追單嘅話，侍應又係咩都唔知，叫我哋再寫過，仲話成日都係咁😅都係個句，放題唔可以成日食，咁樣先會有“驚喜”。

平時經過荃灣，都好想試呢間放題。 今次終於有機會啦呢次揀咗午餐放題， 盛惠188加一。 成間舖好大，座位好闊，坐落好舒服。 職員好nice ，上菜同收碟 好快。刺身好正， 三文魚刺身都幾厚。 不過咁啱我食到嘅其中一塊三文魚刺身有細骨，食嘅時候要留意吓。壽司方面我幾欣賞佢嘅花之戀系列同埋火炙系列。 基本上唔使點醬油都好好食。三文魚壽司和帶子壽司就一般啦呢三款特色壽司我覺得幾得意， 口感幾正。海膽手卷我覺得ok啦熟食方面我幾欣賞佢嘅芝麻雞翼同埋炒帶子。 呢度嘅芝麻雞翼同出面放題食嘅有啲唔同， 分別在於佢嘅芝麻雞翼外面包咗粉再去炸，不過係好味嘅。至於個炒帶子， 我覺得係好味嘅。 不過稍嫌有啲油膩……呢度嘅飲品有凍飲同熱飲，凍飲有成三個櫃嘅飲品可以選擇， 其中一個櫃有酒飲。 我就鍾意佢嗰個蜂蜜柚子茶。

作為荃灣人，差不多食勻荃灣的放題。今日初嚐大井町，有幾點想說說……一、地理位置荃灣人無人不知大鴻輝，無人不知大鴻輝在晚飯時間的恐怖蛇餅人龍。大井町在３樓可以用扶手電梯直上，避開長長的人龍。簡直令最憎排隊的小妹舒一口氣，遙遙望其他人排到滴汗，畫面實在心曠神怡～ (黑心)霸佔了全層，地方自然不少，是日目測，全廳幾乎滿座，生意似乎不錯，門口亦有人等候。我事前訂了座，亦要稍候一會。座位以梳化卡位較佳，但枱面稍細。二、價錢與選擇是日為一至四平日7:30。收費每位$238加一，限時兩小時。價錢區內放題來說，合理。印象中其他幾間都是差不多價錢。當然如果７：３０前離座會便宜一點。重要的是食物的選擇。餐紙分了兩本，一本生食，一本熟食。選擇頗多，該有的都有了。令我欣賞的是飲品的選擇超級多相片上載數量所限，節錄其中一部分。陽光系列的凍飲好齊全。還有熱飲，另外有果汁和熱玄米茶等。這才是放題應有的樣子嘛。有解茶和熱茶，很好！另外亦有自助沙律吧和水果吧自助甜品吧有不同口味的泡芙和奶凍以及和菓子。其中有不少綠茶口味甜品，正！三、食物評價刺身，質素不俗，選擇亦算多。推介：赤貝、北寄貝、玉子、甜蝦。(比較新鮮爽口）正常

幾個朋友一早預訂左位置黎試下呢間放題，順便補祝其中一位朋友生日。紅假前夕，收費係$258/人/2hr，唔係話好平價，俾多少少都食到大_屋系列。餐廳位置頗多，算係食過比較闊落嘅放題，特別我地7位，可以坐圓枱，比較方便傾計，唔會話頭尾嘅朋友遠到零交流！餐牌選擇都算豐富，一般放題有嘅都有齊架喇，刺身、壽司、炸物、燒物等。飲品方面自取，除左有道地罐裝/包裝飲品，有汽水、啤酒、果汁、陽光系列飲品，居然仲有熱維他奶(笑)。自助吧仲有少量沙律、水果、甜品，不過當日我地食第二輪，有啲甜品尚未fill齊。豆腐/綠茶味gelato：試左豆腐味，味道突出，雪糕質地都算滑，而且獨立包裝，比較衛生。另外仲有幾款味道嘅雪米糍。通常食放題我地都係先點刺身、壽司類，後點熟食啦，照呢個模式落單，一般放題都好快會上到刺身，不過呢間奇怪地係不停好快上熱食，最終刺身等左超過30分鐘先食到第一盤呢！（鐘意食刺身嘅可能要密密寫）刺身有三文魚、北寄貝、中拖羅、帶子、白肉豚、油甘魚、赤貝、八爪魚、赤蝦、鮑片、甜蝦、希靈魚等，乜都點左啲。賣相唔錯，但就唔係樣樣好食三文魚算係食過放題比較靚，雖然唔係腩但都幾肥美，冇乜筋位；北寄貝、八爪魚

今日準時放工，心情輕鬆，又與同事繼續發掘下公司附近的美食兼吹水聖地。最後揀左大家喜歡的日式放題~刺身拼盤，自由配搭，瘋狂點了多件我喜歡的甜蝦/三文魚/帆立貝，入口鮮味無比! 除了刺身吸引，想不到連配角玉子也很香甜~多款壽司，白飯軟硬適中，款款味道濃郁，其中最愛和牛壽司，牛肉味濃，肉質細緻，滲出點點油香，加上洋蔥提昇鮮味，令人食指大動!吞拿魚他他沙律，嚐到吞拿魚刺身的鹹鮮味，加上天婦羅碎/蔥花/千島醬調味，口感豐富，甚具日式風味 ~芝士年糕，金黃的外皮薄而香脆，內層香滑流心的芝士，與軟綿煙靭的年糕互相融合，芝味不太濃烈易入口， 味道襯絕，必點!飲品種類繁多，有十款以上揀，連維他奶暖櫃都有，非常貼心~ 甜品，兩款牌子屬高檔，質感柔滑細緻，份外香甜味美~整體質素甚佳，滋味十足，尤其以高質牌子雪糕作結，令我們大感滿足!

又同男朋友食放題啦😚🤣我地真係好鍾意食放題，今次喺荃灣行行吓街，好即興咁上左去大鴻輝中心食😂呢間放題比平時既大，好多位，一去到唔洗等好耐就有位啦👍🏼我地兩個人比我地坐大卡位😋，好舒服！上坐底，有一個妹妹同我地簡介一下邊到有得斟野飲、攞野飲、甜品、點樣點餐等等👍🏼服務周到😆野飲方面，除左其他放題都有嘅汽水櫃外，仲有自由斟既機😋提供更多選擇🍵☕️🍹汽水櫃仲有啲少見既日本果酒🍹比較易入口，甜甜地，幾鍾意😝到一向放題既重點😂😂刺身🦐🐠🐟🥚叫左好多，基本上張紙有嘅都有叫🤣我地叫左兩輪刺身，水準都keep到👍🏼每件刺身都好厚身😚同埋夠新鮮 冇雪味😆北海道帶子夠曬肥美🤣 赤蝦大大隻🦐味道鮮甜，質素唔錯所以我呢個蝦控第二輪叫到成碟都係蝦🤣🤤好味道！呢間放題有好多唔同既壽司😍😍可以試新野 而且 每一舊啲飯都係細細粒 唔會飽得濟🤣試曬無難道😋佢呢到有3款創作壽司，佢張紙冇寫有咩料，但都照叫左先🤤黑松露放左喺壽司面，配埋海膽，配埋呑拿魚腩，一啲都唔膩，好夾😋我特別鍾意佢加左黑松露💙仲有另一款係葱花放喺面，都好味😋柚子醬配油甘魚腩都幾特別😆清新既柚子醬配上魚腩，味道清甜，冇諗過都幾夾🤣比想像中正😋又點少得火炙壽

是日天氣勁熱勁曬。友人提議食大井町午餐，佢話有午餐set。(⊙o⊙)去到座位舒適又大間。原來個午餐自由配搭。每個餐都包一碗白飯，但主動問才會俾。因怕我地啲食客食唔晒。每款都好吸引我叫左三色丼飯+烏冬附送日式蒸蛋（比較浠）沙律仔，湯係味精湯（我想要麵豉湯(T＿T)）整體份量好足，岩晒我大胃王。哈哈我地兩個女仔，兩set午餐，都塞滿桌。哈哈友人食蕃茄烏冬+軟殼蟹壽司另外見到人地食午餐放題，啲刺身好吸引，啲蝦睇落好新鮮。又大盤。我下次一定要黎食放題。哈哈～

去到荃灣行街，喺附近見到有一間食放題叫做「大井町」，我哋兩個太肚餓啦，所以就上咗去諗住試吓。上到去環境都幾好，裝修好新，而且感覺好舒服，餐廳場地非常大，佔用成層，只需要搭幾層扶手電梯上去就到啦，上到去已經見到好多人等緊位，我哋都即刻攞咗飛先，等左10分鐘左右就有位啦，非常好！仲要有卡位座！見到點餐紙都有差不多15款食物種類揀，分別有「刺身」、「卷物」、「創作料理」、「火炙壽司」、「軍艦」、「手卷」、「天婦羅」、「炸物」、「鐵板料理」、「燒物」、「一品料理」、「湯麵」同埋「雪糕甜品」等等，點餐紙仲要係彩色圖片嚟架，用好高成本去做，不過如果客人睇到彩色圖片，點餐嘅時候都會開心啲，都會比食物圖片吸引左。當然一開始就梗係叫「刺身」食啦，刺身都有13款選擇，餐紙上推介係「赤蝦」同埋「帶子」，我哋叫咗至愛嘅甜蝦、赤蝦、希靈魚同埋三文魚，好期待呀！係等刺身之際，我哋就出去睇下有乜嘢餐前小食同埋飲品攞，係近大門嘅位置，有好多「沙律配菜」比客人自己夾自己撈，仲有不同種類嘅「水果」同埋「甜品」，而雪櫃入面有好多款飲品，仲有韓國嘅飲品同埋啤酒。餐廳仲好體貼啊！除咗有凍嘅飲品之外，仲有一個係用「維他奶」熱爐裝

本人同幾個朋友諗住一齊去試下，因有四個小朋友，3個在100cm以下打去book枱，我就當然問多兩句個3個小朋友係唔係需要抱住先不需收費喇，佢就話不佔坐位就不需收費，我話咁有無大枱坐，佢就話無，全部長枱，我話要抱既，咁我就5需要了，佢就問我有幾多個大人，我話6個大人1個小童，佢就話到時有位就盡量安排比你喇，我就話如果我黎到無位點算，佢就一野cut左我線囉，咩態度呀，從未試過book枱比人cut線囉，痴線！

荃灣，如今比昔日已變化多啦！我邀朋友來到這頻熱鬧繁忙的小街道旁，在荃灣中心的3樓有間叫 一一＂大井町曰式放題＂的餐廳聊聚的呀！小小的商場，可那＂大井町曰式放題＂館子的面積又是挻寬敞舒適的呀！餐館的單邊有排明亮又可看到街外那熱鬧繁忙的景象，我們也就坐著一邊欣賞窗外的景色，一邊享用此曰式放題餐館的曰本料理呀！我們點了食物餐單的，小小店員們是挻熱情同耐心聆聽有禮的！反而，那店負責人，若態度也像小小店員們那麼地好的，那該更好啦！😊＂海鮮各種刺身＂有三文鱼，北寄貝，吞拿魚，帶子，劍魚腩，甜蝦，赤蝦，油甘魚，鮑片，玉子等等品種多不勝數的！瞧瞧那刺身拼盤會被吸引的？北寄貝肉質較爽口，三文魚肉嫩滑的，帶子肉肥美的，鮑片肉質也鮮美的，再吃那蝦類的，也感蝦蝦可笑的呀！刺身都是挻鮮甜肥美的呀！鐵板牛油帶子此一上桌，就聞到陣陣的洋蔥及牛油帶子的香氣撲鼻而來的啦！帶子肉貭滑嫩肉也肥肥的！曰式咖哩炒蟹濃濃的咖哩香味扑鼻而來的，此花蟹還是很是肉肥美美的，皮薄肉滑的！曰式枝豆，曰式炒野菜枝豆是那麼的肥肥壮壮的，像是一點儿的鹽份都沒有的！只是枝豆却是冰凉的！那，也是健康的食物呀！👍👍👍炒野菜，炒得也香的，椰菜翠綠也爽口