大井町日式放題 (已結業)

星期六同男朋友行完街想食放題，六點上去walk in見有位唔洗等就諗住試下。開頭第一round都ok,但第二round開始就漏單。原本覺得漏單情況好常見都由佢，點知食到七點有個黑衫黑褲阿姐走黎話要埋單，因為七點半前埋單有平，叫佢擺低先佢唔理，係要企係隔離望住你食埋等你俾錢!第二，我七點三左右打算叫燒菠蘿同兩隻天婦羅蝦食下，因為間野出野叫快，我覺得佢黎完我地都可以好快食完，我地都知七半要走，廢事阻佢做生意。點知咁岩又係呢個黑褲黑衫阿姐走過黎，話頭先已經last order左。我即刻話:「下？冇人同我講已經last左喎！」，唔係老作，真係冇人同我地講過！跟住佢又話七點半前要交枱，呢刻火都嚟埋，如果唔係男朋友話算數，我應該會反問佢:你又知我七半前一定走唔到？其他waiter都幾好，收紙收碟出野都快。呢個值得一讚！野食方面，種類唔多，冇咩特別，反而野飲有驚喜，連道地細樽裝解茶都有！我地唯一有反叫過既就係味噌焗蠔，幾大粒，味道唔錯！總括黎講，呢個價錢大把地方食得好過佢又唔洗受氣！冇下次！