大井町日式放題 (已結業)

第4次去食，今次因為朋友生日所以去食，之前都ok嘅，但今次去到，由坐底入單要海膽手卷到走，叫佢追單一直都冇黎過，佢就話叫我哋再寫紙入單，足足追咗5次都叫我哋再寫再入紙，到第6次我要佢叫經理黎，經理都冇過黎，到夠鐘埋單佢先黎到個4舊仔海膽手卷，我覺得有詐騙成分，太差啦！

母親節阿媽揀咗一間屋邨餐廳慶祝，因為唔想同人迫同埋限時限刻食埋啲老屈母親節大餐。今日陪阿媽黎荃灣行街 ，黎到大鴻輝(荃灣)中心搵食，好多姐姐派緊傳單。呢個中心好多食肆，晚飯時間長期都要大排長龍等𨋢，今日我哋揀咗3樓嘅大井町日式放題，唔駛等𨋢，搭電梯就得啦！價錢唔係特別平:但三樓全層都係佢，座位好寛敞好舒適。裝修都算係高大上掛燈讓人感覺仿如置身星空下:連廚房都夠膽用開放式設計，一目了然，很乾淨整齊。選菜紙好精美，彩色印刷，圖文並茂，阿媽揀野食都特別快:除左雪糕係一人只可揀一件，全部都係任點任食。飲品選擇好多，有熱茶、熱飲嘅維他奶系列、果汁、汽水仲有日本有汽果酒:燒菠蘿，竟然可以燒到咁JUICY，一啖咬落去仲咇晒啲菠蘿汁出黎:味噌焗蠔甜甜地，突顯左蠔嘅鮮味，比用芝士焗更好食。芝士焗蟹蓋細細隻，好少放題有得食，蟹味幾出，入面仲加左啲紅蘿白粒，幾健康。鐵板牛油帶子，沒有鐵板，帶子細粒，但一上枱就好香味撲鼻，阿媽都大讚日式咖哩炒蟹，咖喱味好香濃，蟹肉都幾新鮮，仲砌返成隻蟹出黎，真係好用心。全晚所有食物都好高水準，不能盡錄。唯一失敗之作，就係呢個北海道牛乳蠔鍋 ，好大鍋，差唔多全鍋都係菜，只有三粒

款式雖然多，啲嘢麻麻哋新鮮，雖然細舊啱啱好但係一啲都唔好食，除咗啲炸物比較好之外，其他真係唔值呢個價錢！如果俾我以後都唔會再去呢間野度食，啲嘢食又唔夠入味， 得個樣

今次一行11人聚會，諗咗好耐，決定來試吓呢間日式放題。同其他日式放題差唔多，有好多熟悉同刺身嘅選擇，飲品選擇亦多。刺身很新鮮，亦都唔會吝嗇，唔會細細件，值得一讚。而我就特別欣賞佢嘅壽司，因為佢夠壽司飯細細件，唔會食幾件壽司就飽晒，所以可以試多啲野。熟食方面，味增汁焗蠔令人驚喜，雖然隻蠔唔係好大隻，但味道方面很好，不會太油膩。服務員嘅服務態度都好好，唔會話一夠兩個鐘，即刻係咁趕你走。唯一值得改善嘅地方就係補充飲品速度太慢，好多時個雪櫃都無晒某幾種飲品，但係都冇添補，等到差唔多食完先有。總括來講，都值得再幫襯！

我們是第一次光顧這間放題店的。上星期五約了朋友食飯，朋友介紹一間放題店，點知無位，於是上Openrice search一下荃灣有乜好食啦，立即打電話去訂枱，間間都話有限時段，其實全部都係限兩小時，唯獨這間較彈性，入座起計時，咁我地就揀這間了。入到去見到都好多人食緊嘢，裡面很寬敞，枱與枱之間有很多空位，不算很迫，唔似其他放題店幾乎與後面一張枱的人背貼背，這間抻直手都未必摸到隔離枱嘅人呀！講吓食物先，刺身夠多款式，又新鮮甜美，燒烤夠脆口，全部新鮮制作，牛舌又多汁，芝士年糕及榴槤炸彈為是日推介，羊架好味又唔羶，前菜都有好多款式，不過要到甜品區自取。飲品自助區款式並不多，可以接受，但有Moverpick雪糕食就抵番晒啦！還有侍應的服務算不錯，落單又快，又無試過漏單。這是值得推介的放題店，可以下次再來。

平日來lunch buffert,$168加一地方很大，算乾淨。人不多，約十張枱。點食物經常比錯，或份量件數錯。 shushi偏細舊。其他很多食物是迷你版，例如焗蟹蓋，牛肉粒(好un).. ...... 係你不會估到的。味道方面OK.飲品很多選擇！服務：差，忙倾計，放食物上枱BOM BOM BOM,不想做甘，走時收銀位幾個人望住你走，完全冇bye bye,多謝。

星期一同澳洲返黎香港渡假既朋友出去食飯，佢話好耐冇食過日本放題，咁就同佢去試下大井町，因為有個同事食過話唔錯，咁就試下。即日打去book位，順利有位，閒日食$238/位（未計加一）～環境幾好，服務唔錯，上菜快，刺身新鮮～串燒系列有驚喜，鹽燒海蝦串、翠肉瓜串味道一流（太好食，忘記影相）

好失望，琴日同男朋友半年打算食飯慶祝之後上openrice見到呢間好多好評餐單又吸引咪諗住試下，點知中曬伏。本身覺得服務幾好出單又快但佢嘅食物質素真係好差，先唔講壽司款式有幾少 叫左蟹子壽司佢啲飯好痴牙 痴到完全吞唔到，之後就到天婦羅 款式少，出左單無耐已經唔脆，仲有個味噌焗蠔 個底甜到不能想像 甜到好似食左堆糖落口甘！！打上去book果陣話食2個鐘，我地9點23入座 食食下有人比張單我地話last order問我地有無野爭同未嗌 無就叫我地埋單，我地以為果陣好晏點知望一望電話先知原來得個10點半 但就明明收11點半好失望 我發誓以後都唔會再去呢間度食！！

難得平日拎日假hea下梗係要搵d好野食啦，點知……好黑仔呀，想試嗰間竟然休息，唯有餓住個肚走啦。原來係塞翁失馬，焉知非福呢，食到間正既放題啦早上11點半入到去，見環境光猛企理，待應有禮有笑容，時間尚早，只有幾枱客第1round梗係食刺身啦，夠凍夠鮮甜，正野壽司都唔錯，尤其是左口魚必食天掃羅同炸物都好正，個醬真係薄架，必試個甜既薯仔，勁正仲有個炸榴槤……好臭又流心既，但據聞好正喎串燒怪味蜆，個味真係有d怪，恕我唔識欣賞芝麻雞翼，焗蠔，日式蒸蛋，正最唔好味應該係右下呢碟紅酒燴牛舌，一黎好鞋，同煲完湯既肉有得比，二黎超大碟超多塊，為左唔好哂野我一個人哽哂大半碟，浪費哂我D quota啦飲品都有好多款，有茶有汽水有果汁有果酒(如果好似我平時食開嗰間咁有梅酒清酒既我一定成日黎)甜品都有好多款，出面雪櫃有蛋糕仔苞芙和菓子，仲有1人限選1杯雪糕d和菓子好靚但除左綠茶味正常，其他都麻麻整體黎講，呢餐勁正但見到佢d前菜(中華沙律，螺肉等等)一小碟一小碟就咁放哂响出面張枱到唔知幾耐又冇遮冇掩，呢樣改善埋就perfect啦

星期日晚上時段6:30至8:30客人不少，但也不算多，反正沒有全場滿座，空桌輕易可見。地方尚算寬敞，前往取飲料的路上不會感到擠迫，但每一桌客人之間的距離依然甚近，不過以放題餐廳來說環境算是不錯，我也喜歡它的燈光暗中有亮，就是整體偏暗，但在射燈配合下挺明亮，不會黑沉得沒精打采。飲料選擇很多，酒類飲料不單只有啤酒，還有數種有氣果酒，果酒酒精含量比啤酒低，只有4%。我嘗了白桃與荔枝味果酒，雖然果味明顯是人造，但並非討厭的藥水味，甜甜的果味混入輕微酒氣易於入口，若嫌喝汽水太沉悶，果酒是不錯的飲料。每次吃放題的重頭戲必然是一大盤刺身，這裡的刺身毫不讓人失望，新鮮與鮮甜並在，甜蝦的甜味最為突出，赤貝爽口，其他也讓人滿意。刺身質素好，想不到壽司更上一層樓。以上三款分別是柚子醬拌油甘魚腩、燒和牛壽司拌黃芥末籽、火炙三文魚腩，還有忘了拍照的火炙左口邊，全部都是必須點項目。既有入口即溶的油脂香，又有鮮甜味道，炙燒的做法更提升了濃郁程度，質素比各大迴轉壽司店要高。左邊的名字是井，不曉得那片是什麼魚，面頭有着海膽與松露醬。其實是什麼都不用管，單是為了松露醬就必須點，松露醬入口即霸佔滿腔，非！常！香！右邊是蔥花

有個朋友岩岩搬咗去荃灣今晚諗住探佢順便一齊食飯想搵個地方闊落 放到bb車 食物質素又ok嘅朋友就介紹去大井町食放題唔洗煩食乜我地一行4人book咗枱 準時5點半鐘就到去到都已經有幾枱客地方都好闊落 有好多卡位枱上放咁兩本餐牌 分開好多唔同類別嘅食物初嚟報到 經理推薦我地食北海道牛乳蠔鍋佢話新推出 而且個湯好濃郁另外就每樣都有叫少少試下啦!依到除咗任食 罐裝汽水/紙包飲品都係任飲喺入口位置有個專區自取 選擇亦好多可能未喺繁忙時間 落單5分鐘左右食物就逐一上枱刺身尚算新鮮 唯獨蝦就爭少少軍艦壽司係即叫即製 紫菜十分之脆鐵板一口和牛亦夠淋 有牛味、天婦羅都唔錯 但個汁就咸咗啲北海道牛乳蠔鍋 的確唔錯! 好濃郁嘅奶味 而且入面有好多蔬菜 (由於淡口 建議食咗先再食其他野)手卷都一樣係即叫即製 細細件唔太大 女士都可以食2-3個另外值得一讚係依到嘅侍應好醒目見到有吉碟就會啦啦臨行過嚟執, 抵鑽!食到最後 每人會奉送一個dreyer / Movenpick雪糕即刻值回票價!

今日係我老公生日，難得放低幾隻妖怪二人世界幾個鐘，咁又見好耐都冇出黎食過放題，再上黎OpenRice 睇睇見到呢度有咁多好評，於是就黎試下啦。如果7點半前埋單係星期六日218一位嘅，但因為我地覺得太早會冇咩胃口食野會好唔抵所以就揀左730後埋單每位258加一。呢度除左有一般放題會有嘅自助甜品部之外，佢地仲有前菜自助區，有日式前菜例如：螺肉，中華沙律，帶子裙邊，，胡麻豆腐，同生菜沙律咁。飲品都係平時嘅汽水，茶，果汁等。剌身方面選擇都唔少，有：三文魚，章紅魚，帶子，白玉豚，希靈魚，赤貝，北寄貝，赤蝦，甜蝦，玉子等。佢地嘅刺身水準唔錯，唔會話未溶哂雪又或者成陣雪味。壽司黎講款式真係比較多，只係捲物我見都有7-8種，全部都一口份量，可以食多幾款都唔會太飽。但個和牛壽司味道就比較一般，牛肉好煙un 。講下熟食方面，都係好有好多選擇，有一個好特別亦見到有好多人推介一試嘅紅酒燴牛舌：我個人認為一般，係好淋身嘅但就味道太甜，醬汁比較杰，不過上檯時夠哂熱，亦都係係放題比較少見嘅菜式。另外有個叫味噌焗蠔：真係好奇怪，佢張相係一隻連殻生蠔黎，上檯見到係一隻蠔肉放係個鍚紙盤上，味噌包圍住舊蠔肉，好甜，係十分甜

跟荃灣朋友搵食，原來荃灣有一條食街，附近有咁多好嘢食。今次我哋去咗大鴻輝中心，全層都係食肆，我哋去咗大井町。價錢唔貴，或者這是新界區福利吧！入到去原來係超級大，店員好快安排左我哋坐一個卡位，仲叫我地先去自助區揀野飲同甜品前菜。自助區唔係單單一個飲品區，而係非常豐富，擺滿甜品，多款飲品同雪糕。最有趣嘅事，佢哋嘅前菜都係用細細個碟裝好，放喺自助區。前菜選擇都唔少，我最鍾意就係中華沙律。餐牌上面有好多食物，每一款都有圖片，幫助到選擇困難症嘅朋友。食物基本上都算係不過不失，始終係放題，而且價錢都好親民，期望唔算非常高。唔係太高嘅期望入面，竟然都比我搵到兩三樣驚喜。點左幾件火炙壽司，估唔到火炙壽司係超級好味，比連鎖日式壽司店更佳。火炙三文魚十分軟滑，入口即溶，熱辣辣嘅三文魚0係口入面溶化，感覺非常滿足。另一樣驚喜就係日式蒸蛋，日式蒸蛋最難嘅就係煮到個蛋滑一滑，而呢度絕對做到。蒸蛋滑不溜口，海鮮汁味道亦鮮甜，蛋香十足，非常好食。食飽飽當然係食甜品，除咗自助區嘅甜品，佢哋有一張order紙，上面竟然有得揀movenpick。平時係街外面買一杯movenpick，都要三十幾四十蚊 ,估唔到放題有得食，

荃灣大鴻輝的餐廳早已鼎鼎大名，人山人海，今日決定再去一間就叫做大井町的日本放題，上次感覺良好，今次一樣，水準依舊，冇令人失望。晚飯時段入去，瘋狂地點了第一輪食物後，員工用極快的速度幫我一碟不漏地上了，效率其高！這一間的煎野特別好食，包括牛柳粒，菠蘿，串燒蝦，火喉一流，煎得剛剛好，吾會太乾，值得一讚。另外要介紹就係羊架！半肥瘦，吾太穌，內質又吾硬，好正！至於主打食物當然係刺身啦，這間的帶子刺身特別大粒，而且冇苦味，冇渣，我叫了幾round ! 還有赤蝦，勁大隻，又多膏，蝦身真係好鮮甜，肉質好爽，推介推介！其他刺身包括三文魚，甜蝦，鮑片都好新鮮，不錯啊！員工收碟嘅速度好快，令到枱面吾會推積太多食物，十分好嘅安排！最令我surprise嘅係，我食過咁多間放題，呢間係唯一甜品區同埋飲品區有咁多選擇，真係好多好多，仲竟然有熱維他奶！我選左幾個泡夫，做得好精細，又吾太甜，最後仲有雪糕送，太好了！當我埋單嘅時候出面已經排滿人，好好生意！

在九龍區的放題開得成行成市，港島區的放題亦百花齊放之際，新界區依然未有一間像樣的放題店。一別數載，荃灣大鴻輝中心的海港酒家換成了一家放題店，叫大井町。 時值星期五 ２１：００，竟然還有那麼多人在等位！本來想指大井町的大名，看來是沒有可能了 飲品櫃有４個之多，最欣賞是他們還提供了熱飲！冬天喝冷飲真的令人很不舒服，熱飲的選擇不是在飲品價值，而是那份細心。 ２大本厚厚的點菜紙，要全部拍下有點強人所難吧？基本放題要有的，都有，還有少量創意卷物等，讓我這些喜歡嘗鮮的試一下 看來海膽是店子的主題，一個手卷海膽份量不多，不過尚算鮮味，沒有放太久的感覺 章紅魚薄切伴柚子醋，醋啫喱比較甜，沒有預期的辟腥效果，章紅魚非常爽口煙韌，凍食連少量沙律菜，味道實在不錯 香蔥煙勳鰹魚，鰹魚屬於平價魚，所以多用作熬湯，或者當配菜使用，生吃實在很少而把牠煙勳過後完全搶去了魚鮮味，有點可惜 牛舌比想像出色，燒得非常彈牙，黑胡椒調味適中，厚度略為不足，但也可以理解，始終是放題嘛。 刺身最好的必定是三文魚跟帆立貝，兩者均甜而油香重，入口非常香口。油甘魚也是不錯。甜蝦跟赤蝦也是一般，劍魚腩則不夠肥，有少許筋，建議不要點這