大一海鮮火鍋料理 (已搬遷) 新店位置

前幾日同屋企人提早做冬，今年唔想媽咪煮咁辛苦，就決定出去打邊爐，打邊爐都係人多先好嘛😏！有幾樣野食特別深刻：鮮嫩魚下巴$119好大碟，同每一塊都好大份。海鮮好新鮮，同埋冇魚腥味，店員細心提醒，只係需要煮1分半至2分鐘就得啦。雖然係魚下巴，但都係啖啖肉架，非常嫩滑！黑松露帶子餃$129我好鍾意食黑松露，每次見到都忍唔住試！帶子餃一人一粒，岩岩好！餃子脹卜卜好大粒，一咬開已經有好濃既黑松露香味，內有大大粒帶子，又係好新鮮。媽咪都讚口不絕！花樣油炸鬼$69油炸鬼中間饟左蝦膠同蟹籽，好清新。員工細心提醒煮既時候要蝦膠向下！雖然都煮咗2分幾鐘，油炸鬼依然好脆，蝦膠好彈牙！兩種口感一齊食，感覺好特別。湯底我哋叫咗胡椒豬肚湯，除咗好多豬肚，入邊仲有雞件、腐竹等等，好足料！一家人打邊爐，真係好開心。最後仲要係媽咪都覺得滿意，咁就夠晒喇！😁

同班friend考完試諗住去慶祝下，聽朋友講依間火鍋店食物質素唔錯服務又幾好，就諗住book黎試下，一試之下果然無令我地失望。一入餐廳已經覺得環境好舒服，有時唔係好鍾意係街打邊爐就係怕環境好嘈，郁一郁就撞親人，但依間餐廳檯同檯之間唔會好密，又間左兩邊廳，令到坐既時候唔會咁迫澀。餐廳Menu裡面有好多選擇，睇得出老闆係設計餐廳既時候有自己獨特既諗法，同一般火鍋店唔同，餐廳裡面既菜色都好有特色，有黑松露又有黑毛豬，就咁睇菜色名已經覺得選料好用心同好唔簡單。雖然話黎打邊爐，不過因為我同朋友都係刺身愛好者，見到menu有刺身拼盤（$488）就唔理三七二十一叫左先。拼盤既料都好豐富，有帶子，油甘魚，蝦同鮑魚，雖然個價錢都有返咁上下，不過款式咁多都覺得幾值得。同埋食落d刺身都好新鮮。特別係個蝦刺身真係不得了，又肥又大隻，一食落去已經覺得勁鮮甜，新鮮到完全唔洗落鼓油就已經覺得好好味。鮑魚刺身都好有水準，比較特別既係連埋鮑魚刺身有隻用鮑魚膽汁制成既醬料，就咁試已經覺得醬料隻味好特別，食落有少少咸味同紫菜味，連埋鮑魚一齊食即時將鮑魚既鮮味帶晒出黎。其他叫左既料都好有質素，同埋用料都好足。特別要提既係黑松

好耐冇同中同聚下喇，聖誕個個都唔得閒，決定聖誕前聚下！今次吃貨朋友推介呢間打邊爐，食完順便去尖東睇燈飾。餐廳地方好寬闊，仲見到有望街景既4人卡位，我地一行七人被安排一張大圓枱。雖然係平日夜晚七點，但餐廳已經滿座。因為天氣有少少涼，就叫左個胡椒豬肚湯。湯一滾，我地就想淥野，但員工著我地飲左啖湯先！湯底一流，好重好重胡椒味，唔算好辣，辣味係慢慢滲出黎。湯底有雞肉、豬肚、竹笙、腐竹、等等，好足料。雞肉好滑，豬肚大塊又爽口。打邊爐，取決於食材係咪新鮮，呢點餐廳做得好足！隨左新鮮，食材既賣相一流，岩哂一大班人食飯影相！特別推介牛魔王拼盤，$399一份，但份量好多！本地牛脊，肉質較實，牛肉味濃。安格斯牛柳粒，大大粒，要淥耐少少，脂肪比牛脊多所以好juicy!牛胸爽原來係牛嘅橫膈膜，認真第一次食！好爽口！幾特別。牛脷個人最喜歡，牛脷切得非常薄，充滿牛肉味，薄薄爽爽的，好滋味。本地黑毛豬腩片$239豬腩片好薄，花紋好靚，仲砌到好似一朵花，好靚。因為好薄嘅關係， 好快就熟喇。脂肪比例均勻，唔會覺得太漏。飲品方面，大家都好喜歡粟米鬚薏米水$39，最怕啲涼茶糖水太多，得個甜字，但呢道唔會。入口甘香，好舒服。

天氣轉涼約朋友食飯自然就會提議去打邊爐，見呢間湯底都幾特別所以去試試。首先我地叫左野菌黑松露湯鍋，一上枱已經聞到好香黑松露味，我哋試一試佢啖湯真係不得了，好香口好濃郁但又唔會太鹹之後我地叫咗手切安格斯肥牛、芝味響鈴、鮮打海蝦丸、黑松露帶子餃、蘿蔔同蔬菜拼盤。安格斯肥牛（大）- 牛肉厚度適中，雪花均勻，食落有牛味又唔韌。芝味響鈴 - 其實只係喺響鈴上面灑左少少芝士粉，所以當浸落湯底後芝士粉已經冇晒，食時冇芝士味。鮮打海蝦丸 - 同出面買啲丸好唔同，食得出係自家打，食落有蝦味同好彈牙。黑松露帶子餃- 真材實料，食到帶子粒。餃子本身淡淡嘅黑松露味配上黑松露湯底簡直係絕配。最後蘿蔔索晒啲黑松露湯底真係好好味。蔬菜拼盤都好抵食，份量好多同最重要乾淨新鮮。總括黎講，雖然價錢貴左少少但食物質素都值得，同朋友都諗可以encore 。同埋要讚下佢個鍋，d湯蒸發得好慢所以我哋只係加左一次水，食到最後個湯都可以keep 住濃。

有時候諗晚飯要吃什麼真係好難，朋友提意食打邊爐,，但我不太喜歡任食BINNO覺得質素冇咁好。搵左一陣搵到一間點菜食既火鍋店，地理位置都幾方便。揀湯底都揀左一陣，諗諗下都係揀一些放題無既湯底。金湯雞翅鍋入面又有雞又有菇，個湯底質感好杰杰身！雞味與本來的湯底味道混合一起，可說是相得益章。濃郁之餘並非油膩，香滑之餘不會太full。那些切開後的雞件肉質細滑，味道鮮嫩真是令人垂涎三尺。係我心目中湯底的肉應該是已經出哂味，無咩特別，這個就真的surprise了我！手切牛一般價格都比較高，始終都用上本地牛&用人手切，比較花功夫。厚度切得算幾均勻，當然就一定無用機切咁薄，不過都整得幾好，花紋分佈位置比較細膩證明選料不錯，唔會一口肉一口肥膏。肥瘦爽雜而且有序，仲有少少入口即溶，牛味十足。丸類一向不是我杯茶，但朋友話要叫，那就叫囉．．四寶丸之中我只吃了牛丸和墨丸，牛丸非常juicy好彩唔係太痴牙，一向食牛丸都係食調味而不是原來的牛味，除非是新鮮牛肉丸不過好少店鋪會這樣做。個調味都不錯，咸咸地又不會太咸，算係咁上下啦！墨丸入面有少少一粒粒，估計是墨魚碎，好有口感和咸味。芝味響鈴有少少芝士香味，同行者有人對芝

除左係網上睇到BOB有宣傳過下，仲有首歌聽下，亦都係因為呢間火鍋店有其他野食，所以先同朋友過黎。自己的肚腩要好好愛錫一下，花點錢食下好西是必須的用具放得工整的必須的，環境都好影響進餐心情👿前菜先點了一隻冷食的大蟹，用冰鎮住d蟹，鮮甜！而且店員一早已經幫手開好，食得好方便。可以說得上是啖啖肉，點埋醬汁食都好滋味，有咸香之餘又不失甜味。蟹腳邊有少少水泡在旁邊，特別新鮮！平時食高級自助餐才見到的，在這裡也可以單點。好快就比我消滅左😄見到有金湯雞翅鍋湯底，商量好就決定叫呢個，突然想起好多年前美心出過的雞飽翅湯飯，以前幾鍾意食的，都好幾年好似不再見蹤影😭湯底用左石鍋，裡面有雞有菜，鮮味十足。d雞油出哂黎，雖然就話雞油唔健康，不過要黎做湯底認真夠香。芝味響鈴本身裡面有d芝士，份量唔算大所以味道唔突出，就是食到少少芝士香味，主力味道都係來自炸脆左既響鈴。頂級新鮮手切本地肥牛一定是火鍋不能錯過的，雖然價錢高左D，不過每次總要點一碟，大飽口癮。坊間上手切本地肥牛質素都可以好參差，幸好這家切得好平均，d花紋仲好細緻，吃起來未是入口即溶但已經口感好滑。鮮嫩魚下巴好快就熟，滑到不行。好在沒有好勁的魚腥味道，味

呢幾日天氣好凍，禽晚仲要得13度，夜晚唔洗諗就係打邊爐同雞煲娃咪book左枱，收工去食飯上到去，餐廳環境舒適，光猛闊落，乾淨企理，有一個大海鮮缸夠吸眼，經過仲不少名人棒過場屋企人多，餐廳安排間房俾我地有私人空間感，仲有部大電視。。。更令人興奮我先到，所以上左調味料俾我一陣打邊爐用蒜蓉、辣椒通通自家制。。。勺時已經覺得好香，用竹筒裝感覺別有風格媽咪約七點半，但要等左十五分鐘先人齊。。。湯底係胡椒豬肚雞，係冬天暖身之選先飲湯，湯味濃郁，飲落去將出面嘅寒意驅走，湯料也好足，雞同豬肚都有好多，雞肉嫩滑也吸收了胡椒湯的精華，食落美味之餘更適合季節享用完雞煲，就開始火鍋盛宴有魚咀、牛肉、豚肉、油炸鬼個人特別喜歡油炸鬼，面上的蟹籽入口爽脆，蝦膠彈牙，油炸鬼吸了湯汁，暖笠笠，軟身帶點脆口，感覺特別又好食牛肉係用手切，每塊厚度也十足，脂肪均勻而不多，質素上乘個人不嬲喜愛吃牛、雞，但也會推介豚肉，入口豚肉味濃郁，加上湯汁，更為突出

系尖嘴同fd行完街後就黎左依間裝修得好靚既火鍋店打邊爐，一入門口就見到呀Bob系佢地既代言人😂我地早一日預訂左一個海鮮冬瓜盅湯底，佢個湯好鮮甜濃郁，而且仲好足料添，有好多多海鮮，賣相亦都好好，食完就可以用黎做湯底😁而我地亦都叫左個野菌黑松露湯鍋，依個湯鍋淨系聞都已經有好濃郁既黑松露味，飲落更加系非常之清新，冇油膩既感覺。接下來既海黑立刺身系重點推介之一，條魚上枱既時候仲非常新鮮，個嘴同對眼不停系度郁郁下，夾起一塊刺身，點Ｄwasabi 豉油，入口好鮮美，口甜細膩。食完個魚頭同尾仲可以用黎做湯底添。而火鍋料我就揀左依三款黎講啦，分別系花樣油炸鬼，黑松露帶子餃，芝味響鈴。花樣油炸鬼，吾好睇佢個樣平平無奇，其實佢地每一舊上面都鋪滿左魚滑同蟹籽，大概煮3-5分鐘就食得啦，咬落去出奇地脆，吾會浸到軟晒，加埋彈牙既魚滑，的確系一絕配。芝味響鈴，故名思義，響鈴上面有一層芝士粉，夾起放入鍋度滾兩滾就即刻食得，雖然佢既芝士味吾算系太過濃郁，但勝岩岩好，食左落肚都仲feel到少少芝味，系吾錯既。到另外一項重點推介啦，黑松露帶子餃，系每一隻餃子裡邊都真系貨真價實包左一隻帶子，一啖落去比你既感覺就系佢好足料，

秋風起，冬意漸濃，又到了火鍋的季節了。難得約到一個晚上大家都有空，一於去打個邊爐。秋涼季節，點了一個胡椒豬肚湯雞鍋來暖暖胃。胡椒份量剛剛好不會辣喉又有一點溫熱感，雞肉意外地非常嫩滑，這個鍋足料又抵食。一去到點了粟米薏米水，清新爽甜，清熱解渴。火鍋一定少不了丸啦！松露芝士墨丸和芥末海蝦丸都是推介之選，芝士呈流心狀，墨魚味濃，海蝦丸同樣新鮮爽滑。牛肉固然受歡迎，但豬肉片同樣人氣高企，今次點了本地黑毛豬，薄薄一片帶少許肥肉，煮一陣子就熟了，入口嫩而肉爽，豬肉味香濃。黑松露帶子餃令人驚喜，淡淡的黑松露味剛剛好，裡面有小顆的帶子，看到已經心花怒放，小帶子也很鮮滑。黑豬雲吞王也要一試，餡料豐富。女王粉就像粉皮一樣，煮一會會變透明，卻把湯汁都吸收了。

火鍋火鍋我最愛 吃火鍋， 天氣入秋更加係 食火鍋 好季節 ， 尤其是一大班朋友一路拾下拾下傾下偈食下野最開心 今日同朋友上咗嚟尖沙咀酒吧街呢間新開嘅第一火鍋晚飯，上到泥還境乾淨企理明亮，感覺很良好 正在研究食乜嘢嘅時候，發現有個生蠔套餐，一打生蠔加一支白酒198蚊，點可以唔掂你試下， 店員介紹呢一款叫做白珍珠生蠔，size比較細帶少少甜嘅一種生蠔。 白酒果味比較重， 屬於以入口嘅一種， 白酒配生蠔呢個配搭是最完美的。 點咗個蕃茄海鮮湯底裏面有大蝦同埋長腳蟹，鮮甜十足， 夠曬清 芝士炸響鈴 都幾特別， 搵勻曬成個響鈴都搵唔到一舊芝士，可能係整嘅過程裏面已經溝咗芝士，香濃嘅芝士味， 啱曬我芝士控 黑松露 手打 墨魚丸，好矜貴呀 ，新鮮彈牙，最愛食黑松露嘅香味 ，正正 大魚下巴， 很特別我還是第一次只食下巴位置， 肉質很嫩滑，沒有細骨， 起上嚟都幾方便 花竹蝦刺身鮮甜q彈，有驚喜，必吃喔 手切肥牛打邊爐是必吃食物之一， 睇見佢片片 夾雜著 紅白色脂肪 ，很是吸引， 牛香味極濃，而且肉質鮮嫩，一點都不會韌 太子墨魚釀油炸鬼， 陸嘅時候要反

朋友聚會，自然係想找有圓枱的地方，方便傾計，經朋友介紹下，今次聚會就來到尖沙咀呢間精緻的海鮮火鍋料理店。野菌黑松露湯鍋店員介紹本店全部湯底不含味精，並極力推介，我地就選了野菌黑松露湯鍋。因為在我們未試過呢個放入大量不同野菌的黑松露湯底，一上枱就散發著濃濃的黑松露香氣，味道清甜，還帶著強烈野菌及黑松露菌的鮮味，是不錯的選擇！頂級手切安格斯肥牛呢款肥牛的仔紋很突出，對我來說，不會太多油脂，肉質鮮嫩，只需灼八至十秒大右就可以食！頂級澳洲黑豚肉黑豚肉每片都是薄薄的，肉色很新鮮，肉質很嫩滑，口感很軟腍，也是灼一會兒便可食得！獨步鮮打潮汕風味牛筋丸 & 黑松露芝士墨魚丸牛筋丸：鮮打的牛筋丸，每粒都大大粒，味道濃郁，質地爽口有嚼勁，內裡有很多氣孔，還很juicy，正！墨魚丸：帶有黑松露的墨魚丸頗彈牙，中間有少許芝士，但我個人較喜歡牛筋丸！黑松露帶子水餃餡料有黑松露 & 帶子，也有少許菜肉，黑松露味道不太濃烈，但味道也很惹味！(另外一款的黑豚雲吞王，因為我太飽，已經食唔落了！)女皇粉外表有點像河粉，好記得店員話兩邊透明狀的女皇粉就可以食，質地是既爽口又彈牙，吸收了湯底的精華，不錯不錯！

朋友請食飯，賀升職，點可以唔食大佢，就一於任性的去滾吓。紫貝天葵，打邊爐咁熱氣，當然要飲番杯紫貝天葵，既清又生津解渴。池魚、伊佐目刺身，池魚比較鮮甜，伊佐目就肉身較牙，配上生磨 Wasabi 同柚子油，打邊爐配刺身已成為常識。野菌黑松露湯鍋，上枱後，服務員要求我們已飲一碗為敬，都有啲O咀，雖然見到靚湯底，我都會喺沒放東西前，淨飲去好好品嚐，但服務員主動要求，我都係第一次遇到。湯底是足料煮成的，真正無添加，黑松露配上各式菌類的鮮味，各有千秋。全部湯底不含味精，湯底鮮味頂級手切安格斯肥牛 ，牛肉脂肪分佈很平均，輕放入湯底一回，入口即溶，不但Juicy，又重牛肉味。黑松露帶子水餃，除了黑松露之外，仲有大大粒，係大大粒嘅切的帶子， 真係有錢就可以任性。入口，有濃濃的黑松露味，仲可以咬到帶子肉，一級的享受。黑豚雲吞王，用上本港的黑毛豬包成的雲吞，皮薄，裡面有蝦肉和豬肉，蝦肉的爽口，加上黑豚肉的的味道，。獨步鮮打潮汕風味牛筋丸，超級嘅彈牙，仲要有氣孔，令到湯汁可存在氣孔內，做成不經意的爆汁感覺，所以入口前，要三思，絕對係不可不試。黑松露芝士墨魚丸，黑松露混合墨魚肉打成，內裡加了芝士，淡淡的黑松露味

每季一聚的飯局又到了！今次約了去最近尖沙咀一間朋友推介過的火鍋店。這家是火鍋和刺身集於一家呢，看到隔壁桌的刺身也新鮮呢，牡丹蝦賣相很吸引呢！但由於今次重點不是刺身，所以最後也沒有點。火鍋怎小得了醬料？生蒜、乾蒜粒、乾蔥、蔥花、辣椒粒、辣椒粉、沙茶醬和麻醬等。種類總有一款合你心意。踏入秋冬關係，店員推介吃胡椒豬肚雞湯鍋•$239，正中我最愛！原來胡椒豬肚也可做火鍋湯底，當然要試一試味道如何。店員也推介在火鍋前要先嘗嘗湯底，果真沒有介紹錯！很夠胡椒！而且雞肉很嫩滑，（直至火鍋尾聲還很嫩滑）絕對值得一試。吃著吃著已剩下半鍋，哈哈！本地新鮮手切肥牛•$339牛肉較一般肥牛厚切，牛肉味十足。口感不會過稔或太韌，肥瘦也適中，不錯。本地黑毛豬•$119.5薄薄的一片，雖然中間有很多肥膏但吃下去不會很膩，而且爽口的口感實是令人禁不住一塊接一塊。黑松露帶子餃併黑豬雲吞皇•$139淡淡的松露味夾著半粒帶子在餃裏面，另外一款則有爽口蝦夾在餃內。食材夠新鮮，味道不錯。松露芝士墨魚丸併芥末海蝦丸•$139墨魚粒粒分明，咬開丸內的芝士不會很多，但也夠惹味呢！芥末海蝦丸廷特別，想不到龍蝦與芥末也廷相配。兩款丸都夠爽

今日又到打邊爐聚會時間，今次我地選擇左尖沙咀一間叫大一的地方，因為見佢影出黎新鮮又未試過就訂位。今日大約8點到，已經係門口有股香味但吾太焗的感覺，坐的位都舒服，今次我地叫左佢時令湯底……胡椒豬肚雞湯，黎到份量吾少，當滾左的時候胡椒味更加香添，食落去雞肉竟然超嫩滑而且份量吾少，食到最尾仲有……待應叫我地試下個湯，一試就停吾到，胡椒味夠又濃，少少辣，好快已經飲左2碗，之後再加的是豬骨湯底味道都不錯。之後我地都叫左吾同配料……本地肥牛，食落去感覺一邊肥少少和瘦，我就喜歡吃瘦部份，食落薄身少少，又有牛肉味好新鮮。西洋菜都係我喜歡吃，菜吸晒湯汁味道有少少胡椒味，而且份量吾少。黑松露帶子餃，以為得點點黑色，點知食落去都有黑松露味而且仲味道吾錯，但都幾飽肚下。飲品我地叫了紫背天葵，喜歡佢吾太甜，有點微酸都幾清新。最後我地食左大約2小時多先離開，下次希望吃佢地的海鮮鍋啦。

一打生蠔一支白酒，只要HKD188，這樣的優惠誰不心動？於是，姊妹們趁涼左少少，就一齊來烚下烚下。這裡的小珍珠蠔雖然真的很「珍珠」，但濃濃的海水味配上鮮甜的蠔肉味，的確不錯，加點檸檬味道更帶出蠔的味道了。我們要了一客金目鯛刺身，原來這裡的刺身和海鮮都是每天早上新鮮空運到港的，難怪特別美味。原以為花竹蝦刺身很細片，原來花竹蝦的尺寸一點也不少。雖然大隻，但肉質鮮嫩，蝦味十足。初看以為是煎紅衫魚，經店員介紹後，才知道原來這就是北海道著名的「喜知次」魚製作的鹽燒Kinki一夜干。這魚魚脂豐富，雖然煎香了，仍能品嚐到脂肪的肥美跟魚肉的絕妙配搭。吃過刺身，接下來當然是打邊爐的時候。這裡不設醬料吧，但仍然有不少醬料選擇。醬料用木盤裝好放在桌旁，減少浪費之餘，店員也可以即時添加不足的醬料。讚！ 我們要了兩個湯底，分別是鮮茄魚湯海鮮鍋和蘿白清湯牛腩鍋。    因為有過幾次啃骨的經驗，我很少在外面吃魚，但這道鮮嫩三角魚下巴實在好吸引，令我忍不住要試一試。魚下巴的肉好滑，好好吃。 粒粒漲滿的自製四寶餃，手工精巧，餃皮又不太厚，餡料雖多卻完全沒有爆。山葵芥末蝦餃皇的Wasabi味道不算太濃烈，反而增加了蝦餃餡