夢工房西日料理 (已結業)

今晚同友人去葵芳行街，大家最後選了晚餐食放題！入到去，吾洗點等位，因為我地都早到嘅關係，所以吾洗點等吧！入到去環境吾錯，都乾淨整齊。當然入去第一件事係嗌刺身！刺身好新鮮，又有我喜愛嘅帶子，好好食！三文魚厚切吾錯，吞拿魚我都好喜歡，因為起碼吾會食到有根！一般放題有嘅都有得食，例如各種手卷，火灸壽司，羊架，牛扒，雞肉串，雞軟骨串等等都不過不失，好食的！仲有一些特色嘅例如朱古力薄餅，仲有另外兩種味道，因為前排去了一間泰國餐廳食了花生薄餅甜甜地好好食，今次食下朱古力薄餅，都好好食！！熱辣辣，吾太厚，最正係放題有得食，因為餐廳食都貴同吾抵食！我地仲嗌左生蠔同長腳蟹！！竟然有得放題食，好正丫！！我地試少少先，因為驚質素吾好，但生蠔好大隻好新鮮，仲食到海水味，而長腳蟹肉質鮮甜，最後我一人食十多隻，哈哈！酒店嘅級數，放題嘅價錢！大力推介！最後最後，我地仲嗌左火鍋，放題有火鍋打邊爐！自己任選食料自己打，吾係整好嘅鍋物！係咪勁先！完尾食幾條熱生菜，清一清腸胃，熱辣辣食落很舒服，勁飽，真係咩都食晒啦！

今晚放工，約咗女朋友起公司附近食放題，去到眼見入座率都有九成，環境乾淨企理。我哋加咗 $68，可以任食生蠔同蟹腳，仲有飲品同甜品任食，另外冷熱食物選擇眾多。我食咗3轉生蠔，蟹腳都食咗2轉，女友話我已經回咗本。胡麻醬冷麵比想像中出色，壽司類都唔錯。天婦羅同串燒熱辣辣，即整，ＧＯＯＤ。以咁抵嘅價錢食有咁多選擇，起而家呢個百物藤貴嘅地方，算係唔錯。

網睇到話有生蠔有長腳蟹又咁平就諗住一家大細7個人泥試下喇!!7個人比張超細既枱個個坐到勁逼 ，原來已經係最大離哂譜'''啲人又個個做到燶口燶面得罪佢全家咁!? 網上啲評論寫到啲蠔又幾好食又幾鮮原來厄人既!!又腥又臭又有殼既，長腳蟹係得個長字 無味既淡的 假蟹柳都好食過佢，刺身都一般，最離譜係熟食又無樣好食 !雞翼干真真甘，烏冬又硬 最搞笑連杯雪糕都無味既 !!唔會再去 都唔會推介人去

本身見到團購有，但最後都是沒有買團購，就甘BOOK位，因為其實都只係差少少錢，費事麻煩又要印又要上網買左先。當然上OPEN RICE看看這間店的食評先啦！在網上看到話幾好，所以爸爸生日就諗住試試，但真心的麻麻地。生蠔同蟹腳要加每人68蚊，因為想食，所以加左，但黎到就知道中伏了！啲生蠔不太新鮮，啲醬竟然是茄汁。。。😨，蟹腳都係一般般，冇咩鮮味。刺身比較好的是三文魚，其他都係一般般。串燒出到黎是暖的，天婦羅個皮係淋嘅，好彩裡面係熱嘅，只好唔食個皮囉～服務員唔夠人手。啲野飲全部都係康師傅系列，好甜，好似糖水甘～冇咩選擇。地方其實麻麻地乾淨，個地下好油，小心行，總括來說：應該就唔會再有下次啦

老妹月頭生日，但佢同朋友去左旅行，回到香港始終要食生日飯，搵左好多間，雖然呢間評語唔係最好，但打黎問，話只要係當月生日，該月任何一日光顧放題都有88折，好抵。選左平日8:30入場，盛惠$138.-，再加68蚊就有生蠔、長腳蟹任食，當然唔放過啦！生蠔是美國蠔，好大隻，新鮮肥美，入口爽，海水味較重，後勁味濃。長腳蟹鮮甜，肉好易拆開，唔會梅。正！溫泉蛋好正，蛋味香，好好味！燒物好香口，蝦肉爽。雞軟骨好香口。焗蠔好甜，但想不到蠔肉幾大粒！烤菠蘿好甜，叫左好多轉。三文魚滑，魚味濃。甜蝦係手指尾蝦，但好鮮甜。帶子普通，係小隻果d。羊架肉淋，唔 “蘇”，但好有茶記feel。天婦羅挺不錯，粉醬不會很厚，推薦天婦羅蝦，肉爽口香！奇怪的是沒有天婦羅汁。炸物唔推介，炸得過火，太乾了。炸芝麻湯丸好好味，芝麻函流心，好正！壽司也不錯，飯細舊，此點值得稱讚！燒三文魚壽司很香，燒過後魚油顯得更香又肥美。蟹子手卷非常正，超多蟹子，口中好多粒粒，超正！食左咁多野再食返個熱既火鍋暖下胃，叫左豬骨湯底。材料很新鮮，但肥牛超厚，好韌。最後食埋個雪糕同豆腐花就收工啦！超飽！整體黎講好抵食，款都好多下，性價比高，呢個價值得俾個笑

為了互相遷就朋友，星期四就約了去葵芳食飯，沒想到葵芳地鐵站附近都有放題，真係唔講都唔知．不過，我遲左收工，去到既時候朋友已經食完第一Round．我一坐底就即刻拿拿淋點野食點完後，先吃在枱上的米紙海鮮卷不油而且十分脆口炸紫心丸子 & 炸蠔炸紫心丸子，我很喜歡吃，外脆內軟．我點的刺身來了，三文魚比想像中厚身，而且鮮甜，甜蝦都很甜，不過帶子十分細粒．這個超好吃，燒汁炒牛肉，個汁夠燶，好香口好惹味！而天婦羅皮薄，南瓜有點硬，因為我平時喜歡食比較淋身的南瓜，而朋友側喜歡硬的，真係見仁見智啦．海鹽蝦，我朋友不停點了三Round，半條秋刀魚，渣點檸檬汁，好香口而且好開胃這裡子了一般的飲品外，啤酒任飲，連清酒梅酒都不用加價可以任飲喔．火鍋料印度薄餅配連奶，一份有四件剛剛好，甜甜的不會太過，仲可以配朱古力或咖哩．

每月的朋友飯局中，總有一餐是吃放題，是次來到位於葵芳的夢工房西日料理。地理位置超方便，葵芳地鐵站出口一上電梯便直達門口。黠菜紙好像很少呢~原來是位置不夠，所以有些是一格有兩款黠菜紙的。印度薄餅配練奶，賣相燶左少少，但無影響味道。薄餅香軟美味，而練奶剛好，不會太多。炸蠔咬下去的時候，水水的，而且SIZE不細。雞翼、蟹餅及炸春卷，不過不失。紫心香芋丸(推介!!) 雖是炸物，但不油膩。而且，紫心香芋香濃順滑，加上外層的燸米皮煙煙靭靭，吃完又想再吃。清酒煮蜆，蜆的份量多。雖然清酒不濃，但蜆肉沒煮到失去咬口，可以一試。放題又怎可以少得刺身呢!三文魚厚身且新鮮，甜蝦及帶子size偏細(唯有頻密點下單)，但肉質鮮甜。玉子壽司，玉子濕度剛好，而且甜度岩我心水。另外，可以點玉子刺身，對我來說實狂太好了，不用吃飯XD蟹棒壽司，也是我必吃list，因為太喜歡吃蟹棒了。小吃點了枝豆、溫泉蛋及螺肉。溫泉蛋略嫌水了點，可以煮久一會兒，那麼口感就剛好了。枝豆及螺肉，正常 = 好吃，哈哈!燒物亦點了一點點。燒蠔燒得金黃，一啖放進口，好吃呢!雞串上面的燒汁比較濃味，但配雞肉吃，正!天婦羅超讚，油瀝得清，入口不感油膩。重

好友住葵芳, 所以好多餐廳我地都食過, 佢話有間日式放題好抵食, 所以今晚一於同佢試下.呢間餐廳響地鐵站上面商場, 扶手電梯一上就見到.我地7點左右黎到, 見已經有7成坐滿人, 好彩我地有訂位.7點入座, 任飲任食兩個鐘$168, 另外加$68有生蠔+蟹任食, 咁平梗係加啦!睇下另外有咩食先, 刺身/手卷/壽司/串燒/天婦羅/扒類/小食/一品料理/拉面/火鍋配料, 連酒類都有, 真係好多類型.其他飲品有汽水機或罐裝飲品.第1ground樣樣試少少先, 唔好咁貪心, 所以樣樣都係2pcs二人份量.生蠔幾新鮮, 唔咸, 有少少海水味, 唔錯.松葉蟹腳, 雖然幼幼地, 但夠鮮味.刺身幾款要左4片, 但黎到有比多到, 樣樣都幾新鮮, 唔會好重雪味.壽司幾款都好新鮮, 帶子幾大粒, 花之卷比平時果D細件D, 一啖落口好正.前菜螺肉, 八爪魚, 蟹籽沙律都唔錯, 而且份量都唔少.胡麻醬冷面, 呢個撈埋麻醬好味, 冷面無林 ; 秘汁魷魚鬚唔辣, 唔算太韌.天婦羅蝦, 即炸熱既, 蝦好爽口. 茄子炸得唔油; 米紙海鮮卷, 都係即炸, 個米紙幾脆; 炸蝦餅, 呢樣唔特別.燒物有黃金燒蠔, 較細隻D. 雞

到葵芳新都會、葵涌廣場購物就去得多，卻是從未去過好爵中心，不是朋友介紹也不知那邊開了一家就腳又抵食的放題！店外已看到大大的金字招牌，還有大大的易拉架、橫額等，不怕會走錯。地方寬敞桌面也夠大，米杏等暖色系的裝潢桌椅，能慢慢引起人食欲。食物款式選擇眾多，點菜單也十多張，食物有刺身、壽司、串燒、炸物外，還有火鍋甜品飲品，目不瑕給。加$48至$68還可以加點生蠔/松葉蟹腳任食，最適合家族或多人聚餐，各適其適！第一碟上桌的刺身永遠最美，彷如看見你的第一眼…跑題了。大大隻生蠔新鮮厚肉，還有肥美的三文魚、鮮帶子，鮑魚片也很鮮甜！在場唯一的男士食量大，獨佔火鍋還點了不少火鍋料。男士邊吃邊讚鮮蝦尺寸大又新鮮，最後更吃了十多隻呢！加錢任食的松葉蟹腳上桌前已預先將外殼剪開了一點方便進食，非常貼心。肉質算滑嫩而不死實，啖啖肉帶海水咸味。天婦羅熱辣辣，有大蝦、南瓜、蕃薯、茄子還有松葉蟹棒和最特別的香蕉。一般食店的天婦羅都會裹上厚厚的炸漿，我喜歡這裡天婦羅的炸漿很薄，香蕉天婦羅更炸得外脆內軟，帶點香蕉甜味，香蕉迷必試！燒物有黃金燒蠔、燒菠蘿、雞軟骨串、鹽燒海蝦等。黃金燒蠔將面層的芝士沙律醬撥開是整隻蠔而不是蠔肉碎

原先諗住訂位到呢間放題食野,反正都未試過訂位電話都通,但打極都唔聽咁好啦諗住waik-in去食去到個到個接待態度差,問佢訂位要等幾耐個接待既竟然叫我排住隊尾先完全冇諗過要幫我地安排咁好啦,等左30分鐘 個人先黎問我地幾位之後仲要等多20分鐘嬲爆爆唔食啦以後都唔會黎!個男人服務態度超級差!不推薦這間放題

日式餐廳有很多, 但不是每間都有生蠔及長腳蟹食, 今日來了這間吃生蠔及長腳蟹, 款式琳瑯滿目, 選擇豐富。它才加68元一個人就可以升級到任吃長腳蟹和生蠔, 吃4隻已經回這68元的本了, 超值. 大大隻的生蠔, 一上枱, 可見蠔肉晶瑩剔透, 飽滿豐盈, 十分肥美, 口感嫩滑細密, 富有水份, 而且不腥, 海水及蠔味混合天然, 感覺十分清新, 再配以檸檬及蠔醬, 濃郁的蠔味隱約帶點檸檬酸味, 更能帶出生蠔的鮮味美。此外, 蟹腳十分粗壯, 蟹肉十分飽滿, 咬一口, 濃郁的蟹汁嘖到滿口都是, 十分鮮甜, 蟹肉呈長長的條狀, 十分紮實, 很多, 很飽滿, 鮮紅色的蟹肉顯得十分新鮮。日式餐廳當然要試試刺身和天婦羅啦, 我們叫了鮮帶子刺身, 一整顆, 感覺挺厚身, 肉質白滑滑的, 晶瑩通透, 挺清甜的味道, 挺新鮮的, 口感有少少爽彈鮮美, 不會帶有腥味。烤魷魚味道一般, 味道好淡,而且有少少硬, 不太喜歡。松葉蟹棒天婦羅, 粉不太厚, 但炸得挺通透,長長的蟹肉被金黃的粉包裏住,外脆內嫩,不膩不沾, 而且蟹棒也能保留鮮甜的蟹味, 再配以天婦羅汁, 帶少少甜味, 更能突出蟹的鮮味 。一個人吃了8隻生蠔

今日同老婆返娘家執野，落左新都會行左陣，見好肚餓就搵下野食。係 Openrice 見到附近有間日式放題，又唔貴，咁就決定一試！帶位哥哥非常有禮貌，直接安排左我地去一個卡位，非常闊落好坐，岩晒慢慢食野傾下計。裡面唔算好大，但座位之間都好闊落，等客人坐得舒舒服服。生日月份黎食仲有全單85折，老婆剛好8月生日，撞到正 一開始我地心諗：咁少野食都叫自己放題？但又見到隔離台有好多我地係order 單見唔到既野食… 最後先發現原來係自己蠢左… 呢到看似得6張唔同既 order 單… 其實每一格既後半疊係另一張來的… 即係總共有12張單！有燒物﹑壽司﹑火鍋乜都有… 鋪內仲有長腳蟹可以 order，但好似係限量。我地因為對蟹敏感所以就無食到，而且都無叫到火鍋… 因為食完兩round 先發現有火鍋。 XD佢每碟野食其實份量唔算多，最好既地方係所有野都可以一件一件叫，兩個人，要食晒12張紙上面既野，其實唔難。佢仲有個自助飲品／雪糕 bar，有齊唔同汽水﹑雪糕﹑cake 仔同o者哩... 仲有唔同既枝裝飲品。其實都算係好豐富。兩個人埋單都只係用左 $319，真係非常抵！我地都食足兩個鐘… 

約了幾個舊同學食飯，但大家對食咩菜有唔同意見，最后一致决定食放題，因為樣樣都有，可以滿足各人需要，同事叫我試下公司附近嘅呢間放題。餐㕔坐位舒服唔逼夾。食物款式選擇多，刺身、壽司、泠麵、沙律等各樣食物，而家仲做緊加 $68就可以再任食生蠔同長腳蟹。生蠔大大隻，松葉蟹直情 encore 咗4次刺生份量足，實在滿足我們大吃大喝嘅大胃王。另炸物同串燒也有水凖。 

一早book落食放題，早早到達，呢間夢工房都聽過幾出名，又較其他間價錢平，就試下！入到去，都吾算多人，我地有得坐卡位，地方擺放食物都夠位，即刻嚟個刺身，吾洗好耐就上碟，好新鮮美味！而且上幾多就俾幾多，吾錯！試完刺身，食下熟食，壽司都幾好，尤其帶子壽司，幾大粒嘅帶子同埋都新鮮，吾錯！其他仲有天負羅，有香蕉天負羅，幾特別，美味對我嚟講有點略甜，但朋友就話好好食，甜度岩岩好。加錢有得嗌埋生蠔同松葉蟹任食，我見隔離枱嗌話好食，我又點會錯過。果然真係吾錯，大隻得嚟又新鮮，幾好！！總括嚟講，咁嘅價錢，刺身，生蠔，松葉蟹，食呢三樣都回本有餘！！

同chicken時不時都會黎葵芳行街，依到出名多平野買之外，野食都好平好多野揀，雖然中途食左唔少野，但一諗起依到有間幾抵食既放題，就咩都唔理照食～～最中意既係佢依到有松葉蟹腳xd!!!雖然主打日式放題，但佈置裝橫都較為西式，所以先叫西日料理？點菜先知原來有得嗌牛扒等等西式食物放題係半自助形式，飲品同甜品係自己去拎，款式算多，而且有熱飲選擇～拎完飲品，唔理三七廿一就即刻填表食刺身～三文魚，厚度適中，有三文魚既鮮甜味，食完仲想食！甜蝦，肉質幼滑，新鮮得黎味道鮮甜，值得一食再食松葉蟹棒，味道同蟹柳差唔多，食落有鮮鮮既汁鮑片，最愛既刺身之一，有口感得黎又好食帶子，偏細粒，但量多，食落軟軟滑滑黃金蠔，芝士有夠香，令隻蠔冇晒腥味，食落唔錯雞軟骨，好硬好難咬碎，咬到牙都痛，唔太建議雞串，食到燒汁味，仍然暖暖地，雞肉唔會太肥椒鹽海蝦，食唔出椒鹽既味道，普通蝦一隻，都幾新鮮虎蝦天婦羅，炸得幾香脆，而且海蝦都多肉，不過依個擺法有點。。。xd大家都加左$68任食生豪同葉松蟹，依個價錢簡直抵到爆，有得食當然要加！生蠔，鮮得黎唔算腥，多肉得黎又夠抵食，如果有人覺得腥可以加啲茄汁，就會食到酸中帶鮮既味道松葉蟹腳，