夢工房西日料理 (已結業)

今日晚上突然痴起條根想去食放題就同屋企人三個去食了呢間放題位於葵芳地鐵站附近之前已經食過架啦 老實講真係一般般唯一既好處係飲品同雪條既種類好多不但有紙包同罐裝飲品 同熱茶而且有梅酒清酒紅酒啤酒連Apple cider都有 都算係咁架啦雪條方面 有十幾款 有韓國雪條 泰國雪條 亦有阿波羅雪條同雀巢雪糕此外 仲有d cake同啫哩 不過我無食到刺身食左兩輪 第二輪既賣相比較好不過甜蝦無咩味 八爪魚幾好食壽司類都Ok的 火炙個D比較好食菠蘿好凍好甜天婦羅無左炸蠔好失望呀😭😭😭不過炸物類 好熱 係即炸既 總括而言 呢道如果約朋友飲下野食小小野都好抵但唔好期望佢D野食好好食因為家人今個月生日 所以再有折埋單都係$4xx 甘既價錢hea食放題都唔錯

真心間野好差。星六我完intern諗住同媽媽食反餐好既，問媽食咩，佢話試下呢間，佢有fd食完話幾正，但我未試過，不過之前已經有fd話呢間野超差，唔好去試，佢地話系食過既放題入面最不知所謂既一間，從來未食過咁差既放題，我個震下都有同媽反映過，不過佢都堅持，咁我就陪佢試下啦。我地張單寫1:50入坐的，咁正常一入到去都會即刻睇下有咩岩食就叫啦，咁我地張張表都有叫啲既，點知到2點30幾分為止，佢淨系黎左3樣前菜/小食個啲，仲有3件超迷你既反卷😠😠😠都算，我地有追過有問話又再開過單，到差唔多成個中都仲未有野黎，個下真心火啦，咁就問左個姐姐，話我地落左好多野啦喎，唔系諗住到3點幾，我地夠中先黎丫麻，點知個姐姐話我地啲卷物要卷的，壽司要握飯的💥我想講其實我都做左唔短時間既壽司鋪，系某日本大型百貨公司既壽司鋪，分店唔多，水準絕對唔差，每年都有考試，咁我點都有反過早，砌過唔少壽司盤，系4個幾中內要砌曬全日要賣既量，我想問就咁幾件壽司仔要握成個中?要握到變曬形?如果你間鋪系多人到爆既，做到停唔到既，我會體諒，但前提系你半個場既客都冇，10張枱多啲，啲壽司真系要卷要握咁耐?我對此真心有所保留囉！仲有，某啲員

第一次寫食評 第一次來呢間野食食物比想像中好 但員工服務態度一個字差 兩個字形容既話好差員工禁既服務質素 同點解成間餐廳一半人都無 我唸都好有關係 ！希望老闆可以再培訓過全部員工

差唔多每星期都會黎呢度獨享一次，享受下一個人既時光二百幾蚊可以食到生蠔、長腳蟹、刺身、串燒、甜品。。。等等等等真係超值既！近排呢度仲新出磯燒放題，因為今次要大戰生蠔同長腳蟹，所以無試，而眼見旁邊既食客燒既大蝦、扇貝、生蠔都真係超吸引！下次一定要試下先得清酒任飲！雖然唔係特別高質既清酒，而放題有得任飲都算唔錯架啦！生蠔味適中，外面十幾蚊既貨色，算ok。長腳蟹今次無味，可能被水沖左好耐，希望下次可以改善下！刺身正常，無雪味，三文魚同貝柱最好食！其他熟食串燒都唔錯！甜品仲有芝士蛋糕同多款雪條、雪糕！仲有細盒裝既百凍豆腐花！讚

幾個月一聚嘅晚飯，我哋都試下近掛好hit嘅磯燒海鮮+放題，訂左檯，嚟到唔駛等已經有位，餐廳環境都好舒服！坐低侍應馬試送上一份海鮮，每人一隻生蠔同扇貝，仲有兩隻甲羅燒，生蠔係可以生食，即刻試一隻生蠔先😍咩汁都唔落，試下原味先，嗯！正呀！海水嘅咸味伴隨著蠔嘅鮮味，冇得輸呀！扇貝都好新鮮，第一次食甲羅燒，蟹膏加埋蟹柳燒好左之後好香！原來加88蚊就可以任食生蠔，我哋一致決定馬上加錢食生蠔！ 跟著就梗係食刺身啦，樣樣都好新鮮，我特別鍾意帶子同甜蝦！好期待嘅磯燒海鮮嚟喇，嘩！真係嘩左一聲出嚟，好大隻蝦呀，仲大過我隻手，大赤蝦燒完之後都唔會乾身，仲好juice，平時我完全唔鍾意食燒蝦，因為多數都燒到好乾身，但呢度嘅大赤蝦真係值得一讚，蜆都好新鮮，燒到開口就食得！芝士蠔都好掂，有蠔味，唔會因爲熟食而俾啲冇味嘅生蠔！睇下隻大赤蝦，大到遮住晒個爐咁滯！試下啲小食先，我哋得幾個人想嗌多啲都食唔到，仲有清酒、梅酒、啤酒任飲，啤酒仲係Hoegaarden紅桑梅味，食得太開心，唔記得左影相，唔飲酒嘅話，飲品方便亦有好多選擇！壽司同小食都有好多選擇食物選擇仲有好多，特別在連打邊爐都有，熟食選擇都算多，特別推介生蠔同

第一次寫食評，因為真係太差，忍唔住。首先刺身，完全係平價冰鮮貨，叫左兩次玉子都無黎到，蝦又甩頭甩尾咁。最後悔加左$98食生蠔蟹腳。兩樣都完全無味，仲要其中有隻生蠔入面仲有隻蟹仔😓個蟹腳...完全無需要用較剪，可以就咁搣開，味道仲衰過刺身d蟹柳。其他野不過不失，甜品雪條勝在多種類，但長期都無人幫我地收碟😓最唔滿意係侍應既態度，岩岩夠一個鐘，佢話「你地夠鐘啦喎」，我朋友問佢咩意思，佢「咪要走囉，清枱啦」跟住同佢講我地入左黎一個鐘咋，佢對唔住都無句就走左。執我地後面張枱個陣，係咁掉碟落架車度，我地仲要有朋友坐佢架車側邊，最後執完張枱但成地都係殻同紙巾。跟住10-15分鐘後同我地講last call，我地個陣食緊甜品，就話無野要。佢就即刻開始執枱，但係其實無人等緊位，我地又坐得迫，都由佢啦。最過分係佢話「你地疊埋d碟比我」嘩，即刻火都黎，我未夠鐘你就執我地枱，趕我地走仲要全程「對唔住，唔好意思，唔該」一句都無。用埋生日88折都要$300一個人，我真係black list 唔會再黎。出面大把放題好食過佢，仲要唔駛受人氣！同埋諗唔明點解會有咁多好評囉！

平時不太喜歡食放題，但今次放題有些特別有磯燒水產。所以同朋友選擇了鄰近地鉄的一間食西日式放題叫'夢工房'。入座後發覺有很多選擇不但有刺身，火鍋，炸物，壽司。還有很想試的磯燒海鮮。店員好快為我們準備了燒爐讓我們快快地享受美味海鮮及翻滾粥鍋。第一道送拼盤一有活蠔兩大隻、扇貝、還有蟹蓋味增燒。再繼而點了松葉蟹腳-肉質新鮮，口感爽爽地，蟹蚶很大隻。好多肉天婦羅蕃薯、南瓜雙拼、蝦...等等鮮貝柱蟹膏粥及韓國蠔肉蟹粥兩款可選擇。牛油紫甜薯松葉蟹肩、芝士燒韓國蠔肉大赤蝦。再嘆埋甜品種類有好多選擇。雪條，糯米糍，蛋糕....等等。我隨便揀了芒果雪條。真的好滿足！

知道生日全枱都是88折，所以約埋一大班人再去食。一入去，只是污煙漲氣，原來就是磯燒問題，店舖為何不分開食。食完，全身都是磯煙味最想食既蟹粥，居然冇得食，是轉了去磯燒才有得食失望。搞到下次都要諗吓先來再食

今日同朋友仔行葵芳，順便係附近食埋個lunch 揀左間係地鐵站附近食日本放題嘅餐廳。呢間餐廳嘅放題都幾多選擇，除咗一般既壽司炸物拉麵，仲有打邊爐，竟然仲有磯燒水產食，好特別啊！首先叫左d壽司，叫左芝士炸蝦卷、蟹柳壽司同和牛壽司。炸蝦卷炸得很香脆，不過蝦大隻d就好，同芝士好惹味。蟹柳壽司面頭有䁔粒粒嘅芝士，好香。和牛壽司面頭係XO醬，味道辣辣地，幾開胃。螺肉味道酸酸辣辣咁好開胃，非常煙韌。而且份量唔多，唔怕食唔晒。炸物方面，叫左紫心香芋丸同炸蝦餅，炸蝦餅有少少似泰式炸蝦餅，味道有少少冬陰公味，味道辣辣地。我最鍾意食呢個紫心香芋丸，我覺得似係紫薯波波，紫薯味好濃。味道煙韌甜甜地。磯燒水產方面叫咗個味增蟹蓋同埋帆立貝。蟹蓋燒左陣蟹膏既香味已經陣陣散出，將蟹膏撈埋蟹子蟹柳蛋黃同蔥一齊食，非常甘香鮮味。帶子大約燒45秒，啲海水就會滾起來，就可以食得，帶子好新鮮，味道鮮味。今日有啲凍凍地，我想食啲暖粒粒嘅嘢暖下個肚。見到有得打邊爐梗係試埋啦，估唔到放題打邊爐都有咁多選擇。我哋揀咗個番茄湯底嘅。本身見到個番茄湯底顏色咁淺色，仲以為味道好淡，點知原來好重蕃茄味。加咗個公仔麵公仔麵吸收晒蕃茄味嘅湯汁，味

葵芳夢工房添加左新野，就係燒海鮮。睇到宣傳就同朋友去試，的確係一個字 正。刺身新鮮不再講，要試當然試長腳蟹，啖啖肉，鮮甜肥美。小食特別，夠水準，鮮蝦天婦羅，榴蓮炸彈，牛油粟米等等樣樣掂到主角，燒海鮮。雖然食用桌比較細，但都放到一個細細燒爐，好嘢空間計得好盡。有大海蝦，蜆，新鮮且啖啖肉。只是比較少，只得蝦同蜆，但空間問題，都算唔錯，餐廳有菠蘿，蕃薯都可以用來燒，燒菠蘿，味道更上一層樓。不單止，仲可以煲粥食，香味濃厚嘅蟹粥，粥裡有肉，色香味具全，真係要一班係食得嘅朋友一齊食先得，若不是就可能會食唔曬，因為份量充足，用心烹煮，讚

知道夢工場近期 最新嘅 推出咗 浜燒海鮮任食， 覺得非常吸引。 於是拿拿聲約幾個朋友一齊 落 去gathering 大扇貝，大蜆，大赤蝦，松葉蟹肩，魷魚筒同埋芝士燒韓國蠔肉， 係任你點嘅。 另外燒蠔同埋甲羅燒就要另外加錢點。 甲羅燒係用蟹子+鵪鶉蛋+蟹肉, 溝埋嚟燒嘅， 十分鮮味 惹味。 第一次咁樣燒大赤蝦食，鮮甜滋味滿分，估唔到係好食到 不得了呀，我哋仲要不停咁encall食咗好多轉添。 加88蚊仲有生蠔任食， 淨係食佢半打已經回曬本啦😂😂 而家真係唔係有好多buffet或者放題有得你飲食生蠔，買少見少， 難得有得加當然一定要點嚟食啦! 話曬係放題梗係要點啲刺身食下啦 ，鮮柱貝，八爪魚，甜蝦，墨魚，三文魚，松葉蟹棒，好多款刺身選擇, 全部都係我的至愛呀，仲要點兩三round食 先至夠哂喉! 再來係點咗幾樣小食，呢一個牛肉有點像吉野家洋蔥牛肉丼。 辣味螺肉亦係食放題嘅時候必食小食之一 在點咗兩個芝士燒蟹柳棒 壽司 同埋三文魚 壽司 食下， 過下飯癮😂

五星級西日料理放題呢排夢工房有新嘢推出"BBQ燒烤"有大大隻即開生蠔任食，新鮮亮澤嘅松葉蟹最新登場，喜歡食生蠔嘅朋友萬勿錯過。另外，仲有大赤蝦，肉質鮮甜通透，食過都會讚不絕口。食放題點可以唔食刺生，大大隻甜蝦光澤誘人， 清甜嘅金黃色香甜玉子刺身及鮮紅富有水份嘅蟹柳棒當然要試一試，外觀不但吸睛，口感亦不錯。食完刺身，當然要試一試煎炸食物，例如天婦羅，選擇款式多，而且爽脆彈牙,又不太油膩。特別推介♡榴槤炸彈♡口感外脆內軟，而且滲出香濃嘅榴槤香味，入口唧流出淡淡濃郁嘅榴槤容，鐘意食榴槤嘅朋友一定要試一試。壽司方面，選擇款式多，有火焰蟹棒、黑松露帶子及花蝦壽司等不但用料豐富而且飯團更稔香軟彈及細緻綿化，不妨試一試。另外，夢工房最近仲推出生日放題大優惠，全單全月即享88折，推介慶祝生日嘅朋友試一試，餐廳仲設有自助飲品甜品區，設備非常完善。

周末心血來潮想食日本放題，近近地簡左間係葵芳地鐵站旁邊的。基本上一出站上條電梯就到！門口見到有呢個我最愛啤酒任飲，仲要係draft beer, 我已經心心眼左 yeah! 溫馨提示，餐廳不提供濕紙巾，燒完折海鮮成只手會very dirty ！自己帶定濕紙巾清潔啦！溫馨提示，燒大蜆（圖右上）時小心蜆自己爆開，啲汁飛出來整到自己！總括來說，呢間放題比起旺角尖咀個啲，完全唔會輸蝕，更加係驚喜連連，性價比高，任食兩小時（好大部分放題食九十分鐘ga 咋！）。筆者推介大家要去食喔！

上星期三突然想食放題，原本係訂荃灣某間店，但訂位時發現佢加咗價，所以改變主意去葵芳呢間食，其實之前都試過食，今次去食有驚喜wor, 多咗個爐比我玩爐端燒，d蝦仲好大隻，雪藏蝦但好爽口，燒蜆好鮮甜，扇貝就細細隻，仲有什姑、甜薯、尢魚、蠔⋯ 食一轉刺身飽咗肚先慢慢燒都幾過癮，唔駛一味係咁食，有得燒吓玩吓，真係唔錯嘅選擇～

日式放題現在開到成巷成市，各式其色，食物種類繁多，讓人覺得有多個選擇吃更多不同的食物，而且放題已深入人心，任食任飲這賣點讓人覺得優惠又不用煩惱散點食物。這家日式放題餐廳就在我公司附近，鄰近地鐵站，前往此處相當方便，今天跟同事兩人來了吃午市放題店內光線充足，簡潔俐落，座位全都是卡位座，寬闊舒適午市放題有幾種價格，我們選了升級磯燒放題$168，包括有壽司、刺身、小食、炸物、麵類和磯燒水產等任點任吃，甜品飲品是自取的上菜速度非常快，店員也幫我們預先弄熱燒爐讓我們自行燒海鮮和煲煮粥鍋<<鮮貝柱蟹膏粥>>店員會先送上已煮成和已調味的粥底讓我們放在燒爐上弄熱，滾後再加入雞蛋、貝柱粒、蔥花和蟹柳拌勻再滾一會就可吃，粥入口軟綿綿，加入蛋後起了蛋花，再跟蟹柳絲一口吃，陣陣蛋香和蟹味，味道不錯，若粥底咸度可略減，相信令粥味更香<<大蜆、松葉蟹肩、大赤蝦>>海鮮類都是任點任燒，每款都挺新鮮，完全不會吃到有苦味，蟹肩肉質爽口帶蟹味，大赤蝦厚肉彈牙，大蜆似乎比一般吃到的細隻，但入口沒沙有鮮味<<蟹蓋味噌燒、活蠔、扇貝>