夢工房西日料理 (已結業)

放題友又想食日放題, 好啦, 見屋企附近依間夢工房裝修前食過一次都OK, 近期佢地重新裝修打造成一間頗型格的美式懷舊食店, 極之吸晴的裝飾, 今晚就依間, 店位置十分方便, 位於葵芳地鐵站, 星期一 ~ 四任食2小時只須 $158-188, 另加$升級任食松葉蟹及生蠔。我跟朋友都可以食17:30入座時段, $168 慳番$20也不錯, 以為17:30 時段無乜人食, 那就錯了, 呢個時段客人己不少, 幸好上單很怏, 也很少濁單情況出現。飲品、雪糕及甜品自取, 有濃味榴槤雪條, 有酒精類飲品, 連生啤都有。Order 紙分門別類, 喜歡吃什麼便剔什麼。魚生拼盤**三文魚腩 ~ 我已戒掉三文魚好久, 但見幾靚仔的都會吃一～二件, 夢工房的三文魚腩色澤油光, 非常肥美, 忍唔住食左2件, 朋友就不斷返叫。**鮑片 ~ 味道口感頗似鮑片的素鮑片。**蟹棒 ~ 爽口, 味道也不錯的冰鮮蟹棒, 放題不會有原隻蟹鉗, 這是常識吧。**黑烏賊 ~ 估唔到又唔腥喎, 幾爽口彈牙。**甜蝦 ~ 百零蚊以任食來計, 合格有餘, 甜蝦算新鮮, 略嫌蝦肉不夠爽口及甜度不足。**象拔蚌 ~ 爽甜, 好食。羊架 ~

葵芳行完葵涌廣場行完街，search 吓OpenRice 見到依家放題，平平地去試吓啦🙃放題每位$188，見到升級有我的最愛嘅生蠔同松葉蟹，都係加多$118 唔洗問啦，即加😆😆睇吓淨係落單紙都已經有咁多選擇，花多眼亂點左刺身，刺身新鮮，至少冇腥味! 生蠔雖然唔夠肥美，但起碼鮮甜! 松葉蟹腳啖啖肉而且好鮮甜。仲 encore 咗2次😂😂壽司味道OK，但只點咗2款。放題重點食松葉蟹是常識吧🤭焗蠔同焗野菌味道ok，但可能焗熟蠔嘅size幾迷你反而依個清酒煮蜆就普通d，有沙丶無乜味同偏細隻！除咗日式料理同刺身之外，仲可以打邊爐，而且選擇都好多!值得一讚嘅係個打邊爐個隻好肥美，同上面個煮蜆質素差好遠🤩Well....嘢飲同甜品都有好多選擇，仲有爆谷食，不過太飽食唔落!總括嚟講食物環境同服務質素都OK ！下次去開葵芳行街都會再嚟😊

今日同朋友去葵芳行街，朋友提意去夢工房食午市放題。經常去葵芳行街的我，都不知道地鐵站隔離有一間放題。環境舒適，空間大，有卡位坐得舒服午市放題$88,加$48升級刺身、揚物、甜品 、酒類等等飲品有很多選擇清酒及梅酒食放題當然要食刺身，厚切三文魚，大大隻甜蝦， 象拔蚌鮮甜，墨魚新鮮，還有第一次食的甘鳥背刺身等等， 刺身都很新鮮， 我們點了兩轉。最愛火熖芝士三文魚，燒過的三文魚有油香，好好味。XO火焰和牛壽司香口，可以一試。炸物上枱時熱辣辣，最愛榴槤炸彈。菠蘿新鮮多汁，如果唔係太飽真係想食多幾件。每人$150，很滿足。

今日早上去完葵芳運動場做運動，做完又好鬼肚餓，想食任食放題，近近地去左葵芳地鐵站一出就係嘅夢工房西日料理。好幾年冇黎食過，裝修風格唔同左，依加感覺好新潮，座位又多又闊落，每張枱上面仲有個電磁爐。野食選擇好多，真係西式日式都有，例如 刺身，拉麵， 煎羊架，炸餃子。飲品種類一定勝過市面上好多放題鋪頭， 有足足4個雪櫃裝唔同嘅飲品，連枝裝解茶都有。刺生幾鮮甜，份量都好足，唔似其他咁會偷工減料。特別欣賞象拔蚌刺身，平時放題好少有👍 見到枱面上有個電磁爐，貪得意點左個火鍋黎食，點左日式壽喜燒湯底，各種配料都好新鮮，仲好過係某d 快餐店打邊爐。仲有各種炸物，都好香脆可口，例如軟骨餃子， 香蕉年糕等等，應該係即叫即炸，值得一試！成餐最令人驚喜嘅係羊架，一啲都唔”鞋” ,唔蘇，煎得好香好好味，再加上d 肉汁流曬出黎。令我忍唔住叫多幾碟黎食👍👍如果仲食唔飽仲可以加錢食埋雪條， 種類非常多，有香港品牌又有韓國品牌，任君選擇。

午市放題，如吃埋刺身，連加一要 $150 ，但寫希靈魚說沒有貨，吃甜蝦刺身，不夠新鮮，霉的，叫了個拉麵，淡而無味，叫侍應取個湯匙吃麵，她說放題要自己出去取，服務態度極差，連蟹子沙律啲沙律醬都很咸，鐵板燒的羊架和西冷燒得過熟，咬唔開，較 ok 的就是 花之戀壽司、紫米海鮮卷、魷魚蝦枝，可取之處，就是中午都可以飲 【Somersby ~ Apple Cider】，總括來說，唔去也可。

因為有親戚住呢頭，黎開呢頭行街食野，就同佢地食午間放題十分抵食之餘，仲有好多野食選擇Tim, 天婦羅，拉面，刺身壽司，火鍋，小食沙律，真係勝在乜都有。飲品有好多選擇，最健康就係茶類飲品了，當然仲有唔少果汁，連酒都有架。甜品有好多雪糕，雪條，仲有韓國既雪條Tim甜品方面，仲有芝士蛋糕，朱古力蛋糕，豆腐花，乳酪，jelly, 味道都好好。刺身都幾新鮮，有三文魚，甜蝦，帶子，好鮮甜呢仲有唔少熟食，味道都好好。埋單都係每人百幾蚊。

媽媽今日好有興致捉我哋去食放題，佢就搵咗依間係葵芳口啤好好又抵食既餐廳。放題時間主要分佐三個大時段，我地就食八點半後$178😚 生日月份仲有88折～.一入到去就見到充滿英倫風既裝潢，一啲都唔似係食放題🤣 出面fill d熱盤都無再加🤔 野飲種類都幾多～ 仲有啤酒👻.刺身天婦羅炸物壽司我覺得唔錯既正常發揮～ 炸物有炸香蕉🍌幾特別都幾好食😂 最值得一提係個焗蠔幾好食😳 特別係蒜香果隻 無得輸👍🏻 小食方面我嗌佐麻辣豬腸 個麻辣好唔錯 因為個蜆同雞翼尖都無乜味我仲用黎點🤣 個燒粟米好大條 仲要落佐牛油🤤 好味道😁.火鍋方面我地嗌佐壽喜燒湯底，有啲過甜🤣 配料佢比得好重手 所以建議大家唔好嗌太多，最後食到我地勁飽😎 甜品佢都有好多款比大家出去拎 仲有童年回憶既冰棒 可惜太飽😂.總結，係一個居村入面搞放題依個價錢黎計都算咁上下🤔同埋食物種類都算多，不過真係剔少啲好，因為有少少唔跟比例上😂 不過原來有團購架大家可以留意返～

同朋友行咗整個下午葵芳廣場，非常肚餓，發現附近的商場有一間日式放題，餐廳環境舒適、內裏佈置以遊戲為主題，幾特別，而且價錢非常親民，每位只需要$188另加一最重要食物種類選擇好多，而且用咗唔同顏色的紙做分類，有刺身、壽司、燒物、炸物、日式料理小食、天婦羅等，仲有火鍋添！門口位置仲有一個自助區，有幾款小食、甜品以及飲品任飲任食，仲有爆谷～呢度嘅刺身細細件，一口size，禁就可以試多幾款刺身方面都有十幾款嘅選擇，最好食是三文魚、象拔蚌、甜蝦朋友覺得芝士焗蠔是必食推介，因為新鮮食焗，所以要等少少時間天婦羅都係即叫即炸比較特別嘅有炸榴槤、炸香芋丸串燒一定要食雞軟骨，我一個人都食咗4串仲有呢個燒粟米最後重點左個火鍋，湯底都有四五款選擇，仲有10多款嘅火鍋配料，絕對令你飽肚而歸最後仲可以食甜品同埋雪條，大滿足！

星期日放假，可以瞓到自然醒😌。老公突然提議平平地去食餐中午時段放題👏，於是上OpenRice 睇下有咩食，選擇了「夢工房西日料理」，係葵芳地鐡出口，地點非常方便啊！進入餐廳感覺工業風格，水泥牆＋特色擺設，環境好舒服😌自助飲品區域，都有好多選擇👍👍👍點單紙擺放整齊，方便落單👍👍👍有太多選擇啦！一於盡情享用😬😬先食一輪鐡板燒，有羊架、手打漢堡扒、雞扒、西冷牛扒😋😋再來蒜蓉燒蠔＆芝士燒蠔，入口非常野味😋😋食完一輪嘅燒物，係時候食吓刺身，都有我至愛甜蝦出場😋😋最後食埋火鍋🍲，火鍋配料豐富😄，金菇、粟米、唐生菜、旺菜、秀珍菇、生根、海蝦、肥牛片、等等，特別是個豬骨湯㡳，湯味濃郁😋😋食到超飽，很滿足啊！😍😍

話說呀媽至愛就係食日本野，有時佢突然話好耐無食，我地就會全家總動員一齊覓食。呢間放題其實我之前同朋友去過，記得超抵，Book位有折埋單唔洗$200，平時過下口癮食最啱。款式都好多，有成十幾張紙，三文魚都算肥美，甜蝦真係甜既，可惜無家姐呀媽至愛既帆立貝，但呢個價位，貴價野無都係正常既，勝在款式多，無咪食其他野囉。壽司細細件都可以叫少少，鰻魚帶子燒牛肉味道都唔錯。天婦羅都炸得ok，又熱又脆炸粉薄。我自己就幾鍾意食焗蠔，有芝士或者蒜蓉兩款，唔會話焗到乾哂，幾好味。最闊佬應該係甜品，成個雪櫃自己任拎，連榴槤雪條都有，仲有便利店賣十幾蚊支既韓國雪條。質素雖然唔係話最好，唔係好高級好多正野果隻，但係抵食搭夠，性價比高，平日黎食都唔肉痛。

位於葵芳嘅夢工房西日料理，英倫風格的設計，唔入到去都唔覺佢係食放題，似西餐廳感覺🙊外面有自助區，甜品、飲品、部份小食都可以隨意拎～加$118可以升級任食生蠔、松葉蟹腳、貴價刺身，鍾意食蟹腳嘅我就加咗！蟹腳質素唔錯，夠飽肉，而且唔會好咸！生蠔質素就比較普通。刺身新鮮，但就比較薄切。壽司有中拖羅、黑松露帶子，手卷竟然有甲羅燒，即係蟹肉加蟹膏！味道認真唔錯，壽司飯唔會散修修，醋香同米香比例剛好。1-7位可以要一鍋火鍋，揀咗壽喜燒湯底，甜甜的滋味落乜嘢都好食。尤其煮白蘿蔔真係好正！有洋蔥炒牛肉，每次食吉野家都想瘋狂食佢D牛肉，呢度可以任點任食，牛肉洋蔥金菇炒得入味，encore左兩次！其他食物就不過不失。甜品款式唔多，每樣都試一件～因為仲有好多雪糕雪條揀！綠色嘅奶凍原來係密瓜味，奶味同密瓜味都好突出，兩者balance得幾好，又唔會過甜！芝士蛋糕上面好似有一層焦糖嘅味道，芝士味香濃，質感係硬實同軟滑中間，唔太甜值得一讚！朱古力蛋糕都好出色，係偏黑朱朱古力嘅味道！配實淨又濃奶香嘅cream的確好夾！唯獨佢哋所有甜品嘅餅底都偏淋><另一款係芒果慕絲蛋糕下面係海綿蛋糕底，果味幾出，味

同友人係葵芳行完街 話原來葵芳有放題 仲要好近港鐵站 叫我一整齊去食去到門口畀啲裝潢吸引住咗是美國街頭風吧 牆壁上全是霓虹燈車牌廣告牌仲放咗好多MARVEL公仔 感覺好CHILL 地方都幾大 坐得都幾舒服自助吧有好多飲品 又有清酒梅酒有小件蛋糕 乳酪 豆腐花 仲有爆谷 同炸物日式小丸子 - 還是熱熱的仲有要木魚刺身新鮮 三文魚腩 - 超厚切十分有口感 甜蝦刺身 - 也是十分肥美鮮甜象拔蚌同消墨魚刺身- 好爽口梅酒浸蝦 - 很有梅酒香 也是外面少見的冷食壽司 - 飯是小小的 可以多吃多幾件都不會太飽黑松露帶子壽司 - 黑松露超多的 帶子也超甜XO醬和牛壽司 - 很特色 值得一試煮蜆羊架 - 肉質鮮嫩 好羶 好香 好有羊味燒三文魚頭骨 - 好少地方有得食 所以好太期望如果可以燒得再香啲 會更加好燒物仲有其他串燒冋秋刀魚焗蠔 - 有黃金同赫香兩個口味 有點小但赫香幾香口 蠔也多汁有口感炸物中最出色的是 榴槤炸彈 - 炸粉厚薄度剛好 加上濃郁榴槤流沙燒三文魚腩 - 比起三文魚頭骨是更香口海盐焦糖雪糕 - 必試 雪條雪糕有多款選擇 仲要係好少見的款式 孖條成件事超懷舊的這親民價錢不特別貴 以這價

小心團購是有附加費，午市每位$68,晚市$58 - 88, 加上去條數唔多抵!原文條款：每位必須收取附加費，到場時以現金付款予商戶- 午市放題：星期六、日及公眾假期 每位 $68- 晚市放題：星期一至四每位 $58；星期五、六、日、公眾假期及其前夕每位 $88

葵芳呢間夢工房西日餐廳，雖然食日式放題，但就走英倫工業風🇬🇧，仲擺滿玩味的擺設和掛飾，幾型格和特別，而且好近地鐵站，行1mins就到，地點方便易去☺️~🌟放題選擇超多，由刺身、扒類、焗蠔、燒物、串燒、拉麵、小食、卷物、天婦羅、手握壽司、連火鍋湯底及配料都有，另外自助區d熟食可以自取, 飲品選擇都有十多款, 連甜品、雪糕、雪條都有不少款式!😆另外, 加$118升級任食#生蠔 同#松葉蟹 段🌟必食推介#芝士年糕 💛，炸得剛好，芝士味香濃年糕又煙韌，忍唔住食左三個😂😂🙈🐣芝麻雞翼都係必食，好香口惹味，仲有d特色#壽司🍣都好好味，如💓火燄XO醬和牛壽司，💓黑松露帶子壽司，💓火焰芝士三文魚壽司等都好正，最後記得試埋焦糖海鹽雪糕🍨，藍色的海鹽雪糕，淋上焦糖鹹中帶甜，味道好夾又好味~而價錢就由$158起，2小時任食放題與火鍋！cp值好高，難怪平日人流都好多，記得要一早book定位呀！

葵芳行完葵廣掃完街，仲想食好多種類既野，就同朋友去咗隔離一個商場食放題，仲升級咗個放題🤣首先梗係叫咗刺身先啦！刺身食落都好新鮮，種類都幾多。升級咗可以叫鱈場蟹，好甜！最後仲encore 咗一次添🤤好鮮甜好多肉！之後叫咗啲壽司，味道都幾好，但放題梗係唔食咁多壽司啦🤣叫咗2個頭盤試下，個八爪魚係大到好誇張😂 第一次見咁大隻呢度炸物選擇係十分之多架！叫咗炸春卷，雞軟骨餃子，雞軟骨串，紫薯等。全部都好飽肚，味道都唔差。但天婦羅類皮炸得比較厚，但蝦就好大隻好彈牙。燒物有帆立貝同大蝦，帆立貝好大隻！加埋燒汁不錯。粟米燒得好靚，但完全冇粟米味😂😂呢間放題抵食之處就係佢仲有火鍋可以食，壽喜燒湯底甜甜地，同啲配料好夾。最後食埋呢個脆皮樂作為今日完美既終結😎