夢工房西日料理 (已結業)

葵芳好少可搵到放題餐廳, 見網上評價好好價錢都好吸引就卜左星期六既一點啦, 餐廳位置方便, 係葵芳地鐵站後面商場, 一上電梯就會見到, 準時到達唔需要等位即刻入座, 當日都唔算多人餐廳佈置好特別, 睇得出好用心, 我地被安排左入一間房, 如果一大班人可以包房都係唔錯既選擇飲品同甜品都係自取既, 選擇好多, 飲品有唔凍既, 非常貼心居然有小丸子, 非常有內涵, 好多八爪魚粒粒魚生上枱擺盤好吸引, 食慾大增另外仲有生蠔, 非常新鮮坐得舒服野食方便都幾好, 係唔錯既選擇

不是個個人都喜歡飲凍嘢的!甘餐廳啲飲品全部在凍櫃，我要唔凍既飲品，個侍應話無呀，根本佢懶得攞，我都是做侍應工作知道啲飲品實有存貨放在雜物房的，我自己做侍應果陣，有客人要唔凍既飲品我都會攞俾佢地，臨尾落單俾少兩樣食物，講真食物味道認真麻麻!

一開頭叫咗叉燒拉麵，食食下碗叉燒拉麵先見到有隻BB曱甴係度！已經無郁，有好明顯既觸鬚同腳。即刻想嘔！之後即刻叫職員過黎問下咩事，佢話可能飛咗入去啫，跟住就無理過，咁佢唔理我咪影相叫朋友小心啲囉，佢一見我影相就即刻通知經理借啲e話收起啲唔食既野，點知淨係收咗碗麵，其他全部無收！最後都有收我錢，扮無事發生，態度極差！衛生情況極差，已列入黑名單！朋友都話以後都唔會再去食，見佢地又黑面又態度差，無仼何改善既意慾！

好耐冇去過葵芳廣場行街，行完一日之後同老婆、兄弟見到有放題食，決定去食返餐飽，而且價錢唔貴，只需168加一～門口擺放了不同的熟食、甜品、雪糕以及個款飲品～食物選擇方面有好多，好似刺身、壽司、炸物、串燒、日式料理小食、粥麵飯，仲有火鍋添～壽司方面份量為一口，可以食多幾款日式料理小食有牛柳粒、清酒煮蜆、蝦、炒雜菜等等～刺身方面有10多款的選擇，食材新鮮，不過就細片左少少～我最鍾意蒜蓉及芝士焗號，新鮮即焗，味道濃郁、口感爽滑～串燒方面亦是即點即燒，所以需要等，推介雞軟骨～最後仲點埋火鍋，配料選擇都幾多，有肥牛、幾款丸、菜等等就連雪條、雪糕都有10多款選擇，絕對令你食得飽！

好近港鐵站a出口，男友生日人頭8.8折，刺身老老實實咁樣，唔算好新鮮，切得好細件好多野飲，打邊爐款式都頗多，我覺得燒物可以算最好味～雪糕都可以啦啦性價比高，不過食左1個半鐘就催你埋單，同last order一起

網上見到好多留言都話唔好食，但我始終覺得要自己試一試，因為每個人口味唔同，所以今晚決定去食下，先講環境，幾有創意，但食物真係唔係咁得，魚生唔係太新鮮，焗生蠔係凍既，入口重要食到好多殼碎，壽司可以，甜品一般，成晚我就係靠食壽司食飽，因為我覺得佢除左壽司同爆谷好味之外，無咩係令到我想再叫，不過佢無流單，上菜亦好快呢様係要讚，但食物真係唔係好得，如果我係葵涌區用二百幾既價錢食魚生，我會選擇去返荃灣食，價錢唔會差好多，但食物真係差好遠

約咗班同學 喺葵芳運動場 做運動 ，運動後大家又攰又 肚餓， 想搵 間餐廳，消費便宜 而且又 食到飽 的放題餐廳。 你想openrice睇下有咩 好介紹。有間餐廳叫夢工房西日料理 ，評語 讚口不絕， 是在葵芳港鐵站附近， 於是我們一班同學就到 餐廳體會一下。餐廳內 地方 寬闊， 舒適 。裝修佈置擺設 ，充滿潮流格調。我們 安排 坐下後， 首先點了一盆刺身， 刺身下放了很多 冰粒 ，保持刺身新鮮， 處理 刺身 食物 非常認真，可以放心食用。 刺身有三文魚刺身， 脂肪均勻肥美 ，同學們很快便把整盆刺身掃光。同學order咗蟹粥 ，很快便送到， 蟹粥味道鮮美，幫助腸胃暢通最適合。近餐廳門口有 ，即食 小食抬， 如果肚餓 ，唔使等，即刻有得食 ，有大大粒的小丸子 ， 爆谷 也是同學們最受歡迎的， 香甜的爆谷粒粒脆口， 一邊食一邊傾偈 ，其樂無窮。 飲品方面 有清酒，梅酒 ，還有其他果汁 飲品， 汽水等，任飲任食 。雪糕和雪條 仲可以 任食，食到唔停得口， 食到抱腹離開認真超值。

行完葵涌廣場，夜晚就係呢度食日式放題，岩晒啦👍🏻佢地裝修得好靚好得意，又有劃分唔同區域咁，不錯。上面係佢地個menu，主要緊係有刺身同壽司啦，另外仲有d炸物，一品料理，燒物，更驚喜既係，佢地仲有shabu shabu 添👍🏻👍🏻食完d小食，打返個小小既邊爐，乜都滿足晒。枝豆，都好新鮮刺身都好有誠意，唔會薄得好緊要，仲新鮮，又大塊，最驚喜係有象拔蚌刺身，呢樣值得讚，因為出面好少放題有象拔蚌刺身的👍🏻👍🏻👍🏻👍🏻黑松露帶子壽司同吞拿魚壽司，帶子上面有黑松露，好香，吞拿魚都厚身，不過舊飯我覺得就大舊左少少😼😼酒煮蜆，好夠酒味，不過d蜆比較細隻。燒多春魚，雞軟骨，牛肉，牛油金菇，燒青魚呢個係shabu shabu，都多食物揀，肥牛，蘿白，金菇，腸仔，豆腐等等。。。而湯底我揀左壽喜燒，好好味。炸蝦天婦羅，都好脆，蝦又唔會話好細隻👍🏻👍🏻👍🏻Shabu shabu既食品之一佢地亦有提供雪條雪糕甜串任拎，仲有飲品種類繁多👍🏻👍🏻👍🏻

近日 有幾位親戚喺 內地來了香港旅遊， 便作地主之誼。 香港最受內地人歡迎的是食放題， 因為只比一個價錢，便可任飲任食，食到飽 ，認真抵食 ，於是我招呼他們去 葵芳港鐵站， 靠近名門酒樓乎近， 有間夢工房西日料理 是日本式放題餐廳， 因為之前有朋友帶我去過， 覺得呢間 放題 餐廳 有很多款式 食物 選擇 ，而且價錢合理 ，餐廳 裏面 有新鮮運到的刺身 ，精美巧手的壽司，多款選擇 。還有 脆口好味 的 天婦來 外面脆卜卜 ， 個人喜歡的是天婦鮮蝦， 蝦肉肥美大隻 ，食 完可以追加 。有裏面熱辣辣的 炸物 ， 特別是 大大粒的榴槤球 ， 咬一口榴槤 芳香味，已經撲鼻 。口感一流的 楊物 。一品料理 等， 任選任食 ，認真超值 ，而且仲有火鍋 任食 ， 火鍋 配料 也提供多款選擇 ，還有多款 味道 的 雪糕 供應，也有乳酪 ，雪條 ，及其他甜品糕點 小食等等。 返內地親戚 都話抵食， 冇嚟錯。

通常好多放題都淨係可以order嘢食，呢度就比較多野食，有甜品吧熟食吧， 有菜有炸嘢食，味道都唔錯， 咖哩角同春卷仲有爆谷，又有好多唔同嘅飲品， 不過道地嘅樽裝茶就得好少，7點就畀人攞曬，問啲職員就話要等40分鐘後先得閒加返入雪櫃，不過最後當然無加返啦，不過就仲有幾多唔同嘅嘢飲可以揀 ，基本上好少漏單，嘢食不過不失，個人覺得最好食就係打邊爐嘅蜆， 雖然細細隻，不過幾甜又冇咩沙，百幾蚊一位都算抵，不過服務就一般啦 ，大部分職員都黑口黑面，唔出聲擺低嘢就算，冇乜服務可言，見佢地個場唔滿人，諗住睇下可唔可以坐多陣傾下計，點知傾傾下就有個職員好惡同用好差嘅態度話我哋：你地已經夠鐘家啦，要交返張枱出黎啦！ 雖然明白係有限時 ，不過其實處理嘅態度可以好返少少囉

做完project, 同女人去附近食buffet! 今次黎左呢間餐廳！女人話好鐘意呢到裝修，比較old school, 美國風！所以試試！入到黎落單，d野食好快到，成table 滿晒野食，幾滿足！係冷氣冷左少少..落完第1，2次單後..有d 感覺拖單..寫10件3汶魚就比6舊你😂寫左魚腩又冇上😢食物新鮮👌🏻野飲都多款，唔係大陸野..好唔鐘意見到d咩 康師傅個d野飲😂出出邊有個木瓜雪耳但入邊有條頭髮有個藍色雪糕睇落幾特別 但...好似食左好多啖牛油咁😂整體ok la! Not bad! !

團購買的連手續費一共係$184可以食5小時，我6點半入座，已經好多人了，坐滿7成了。裝修完全無日式和風味，係美式裝修，貨櫃風鐵質既櫈，牆有好多美式裝飾，仲有 marvel 既公仔，哈哈，以為自己入左一間食美式 burger 既店首先講食物之前，我想講下侍應生。呢度既侍應生態度係極差。我一個黎食，佢安排左個4人卡位我坐，一坐我屁股都濕曬，成將櫈都係水，上面冷氣水狂滴，我自己坐去對面，點知對面又被冷氣風吹住，好凍。然後有一個家庭係我格離檯都勁凍，有位男士就同侍應講可唔可以調位，侍應話已經無大檯，咁佢就問冷氣可唔可以較細 d 之後侍應勁唔耐煩咁話唔可以，因為一係熄一係呢個温度，一熄就會好焗，其他人就會好熱。之後佢地糾纏左一輪，都唯有照食。。我全程凍到 Elsa 咁，噴曬冰，都只能 let it go.... let it go.... 我叫左魚生做頭盤先，哈哈，三文魚好肥美，甜蝦都 ok 但係 d 冰融左好多，浸住水咁，我就好快咁狂塞曬落口，費事佢滋生細菌太快。火炙芝士壽司都好正，好香口，黑松露帶子感覺一般。羊架個汁同佢唔太夾，但羊架岩岩好，唔會 un 唔會鞋。我叫左4隻自己食曬，哈哈哈。芝

焗蠔蠔雖然唔係好大隻嗰種，但勝在夠多汁又新鮮，加埋蒜蓉/芝士去燒，真係好滋味，前前後後我地order左一共12隻蠔小食方面叫左芝麻醬烏冬，仲特登叫多一隻溫泉蛋，就係為左自己製作芝麻醬溫泉蛋烏冬，撈埋一齊食真係幾正架刺身我就覺得甜蝦同三文魚最值得encore，甜蝦同三文魚都好新鮮，絕對無嗰種好霉，入口一pat嘢嘅感覺。壽司我地只係淺嚐左3款。分別係黑松露帶子壽司，中拖羅壽司同埋火焰芝士三文魚壽司。我自己覺得黑松露帶子壽司真係好正細細件嘅壽司，比到呢個份量嘅松露已經算多，松露入口超香，帶子又夠鮮，真係好想再叫多2件，可惜實在係太飽，唔想食唔晒浪費食物。p.s黑松露帶子同中拖羅壽司只限晚市供應，所以下次去食放題我都一定會選擇喺晚市先去架

平日到葵芳大多只到葵涌廣場血拼，想不到附近竟然有放題！而且地點方便，就在葵芳鐵路站旁的好爵中心商場。即使是星期一晚上，餐廳還是擠滿人，非常熱鬧。店內裝修新淨，而且設有主題，感覺前衛有趣，座位亦很寬敞，是難得可以坐得比較舒適的放題。食物種類很多，門口附近更設有飲品、甜品和雪糕自助區，真是花多眼亂！放題當然要點刺身！刺身新鮮，特別是三文魚刺身，魚味鮮濃，encore了好幾次！壽司方面也不錯，飯糰不大，可以多吃幾件也不怕。炸物方面，天婦羅皮脆而薄，喜歡吃榴槤的朋友也要一試榴槤炸彈！炸得香脆，入口有濃厚榴槤香味。這次我還點了放題極少會選擇的食物-粥！全因餐廳有蟹膏雞粥，十分吸引，吃下去亦非浪得虛名，蟹味夠濃，粥底也夠綿。坐得舒適，食物種類多，而且價錢合宜，屬性價比高的放題。

差得無人有連基本爭鮮既質素都比不上，刺身壽司無鮮味、天婦羅硬的不是脆的、生既熟既無樣做得好。到服務接待變錢個位全程黑面，好似殺了他全家😂😂😂。難忘的一餐😣