夢工房西日料理 (已結業)

假日想食個long lunch，好多野都想食，所以就揀左食日式放題，知道夢工房有刺生、壽司、炸物、連火鍋都有，所以就去試啦。入面裝修係工業風，有唔少Marvel電影既擺設。壽司、刺身有十幾種，揚物有九款。刺生賣相唔錯，三文魚都夠厚身，𩶘魚、鮑片同蟹棒。黃金燒蠔、芝士燒蠔，夠熱辣辣。清酒煮蜆，蒜香雞翼尖，芝士焗雜菌，燒多春魚。份量剛剛好，可以試多幾款食物。蟹子沙律；大蝦、茄子、松葉蟹棒天婦羅，天婦羅幾鬆化。蒜味單骨雞翼、炸蠔、日式炸餃子，即叫即炸，火候不錯。三文魚壽司、虎蝦壽司、火焰和牛壽司、火焰芝士三文魚壽司。甜品櫃有蛋糕、乳酪、啫喱、豆腐花，好岩小朋友。甜品仲有芋頭棉棉冰，放題都食到棉棉冰，算幾特別，見枱枱都有叫。飲品有成四大排，啤酒都有幾款選擇。任食兩小時非常滿足，上菜算幾快，每人百六蚊度。

今日和家人來呢間日本放題吃晚飯，餐廳同地鐵站好近，A出口一上電梯就到， 一入到餐廳發現餐廳都幾闊落，好多枱已經滿座，估唔到葵芳都有咁好生意嘅餐廳。種類很多有燒物魚生壽司邊爐炸物；首先叫咗魚生打底先 - 三文魚好新鮮； 甜蝦好juicy；每一件都好肥美。燒物 - 燒三文魚完全唔腥，燒得岩岩好；雞軟骨/燒雞串不過不失壽司- 花之戀/黑松露帶子/左口魚邊/中拖羅/油甘魚 - 都幾新鮮，不會太大，過下口隱，左口魚入口即溶細細件， 食多幾件都唔怕。羊架 - 啖啖肉🥰炸榴連-一口咬落去，榴連爆出來，好香榴連味必叫之選。軟骨餃子- 啖啖肉，幾好味焗蠔-分別有黃金同蒜香蠔出邊有好多飲品，雪糕仲有紅豆沙，仲可以寫紙叫焦糖海鹽雪糕，焦糖海鹽雪糕咸中帶甜幾好味，不過都係綠茶味取勝。

相約家人在葵芳吃晚飯，有人提議食放題，印象中好爵中心新葵芳花園有一間，去到時發覺和以前果間唔同，呢間門口有一個爆谷機，雪櫃又有大量飲品，即刻入去試吓。食物包羅萬有，有火鍋，刺身，壽司，鐵板燒等。侍應工作效率唔錯，落單後食物很快便送到，不用食客久候。尤其推介刺身，三文魚腩十分肥美，魚和左口魚都唔錯，鲍魚片刺身煙韌鲜甜，食之不厭。燒羊架和燒牛扒夠晒香口多汁，完全唔覺油腻。再叫火煱中和一下，肥牛肉，烏冬和唐生菜，粟米清甜可口。酥炸榴槤丸香脆可口，還有榴槤，芒果等多款口味雪條，為放題錦上添花。

去完新都會廣場購物，想試試火鍋，又想食吓日式放題，呢間夢工房就齊晒。食館位於葵芳地鐵站口好爵中心一樓，非常就脚。卡位非常闊落，環境舒適。食物選擇多，有火鍋，烏冬，肥牛，唐生菜，豆腐，牛丸，墨魚丸，水餃等。炸物如炸榴槤丸，蝦，南瓜，蝦天婦羅等，香脆可口。刺身如三文魚.，魚，左口魚，墨魚，甜蝦，帶子，鲍魚片等，新鲜甜美。多款壽司，手卷以供選擇。烤物有羊架和牛扒，肉質腍滑，肉汁豐富，十分美味。又有種類繁多嘅飲品，更有多款口味雪條，如榴槤雪條，芒果雪條，凉快清爽。侍應幾好禮貌，工作勤快，熱鬧氣氛充滿這個美食工房。

葵芳係我既回憶，因為剛剛出來做野，在附近返工，所以經常落去逛街，現在已經少去了，今天放假就約左朋友出去聚聚，大家都想坐得舒服，又可以傾耐啲計，朋友就提議去夢工房食放題，食店好近地鐵站，一上扶手電梯就會見到，而且食店出面已好搶眼😆食店裝潢好吸睛，而且啲位都好闊落👍🏻最岩三五知己傾下計。我對呢個燈好鍾意🤣好型😎Lunch buffet加$48仲可以升級任食刺身、揚物、甜品、扒類、火鍋及酒類。升級左, 都只係每人$148，梗係升級啦食放題最重要就係多選擇，呢間選擇都有好多，正呀😋😋呢個任飲雪櫃真係無得頂多選擇到有選擇困難症，有各式各類汽水，仲有啤酒飲飲。一開始當然先點刺身，好多款刺身，點左幾款先，都好新鮮，同埋幾厚切，鮮味度高之後再點其他食物，天婦羅，揚物，一品料理，壽司等等等..... 大家點下點下叫到一抬都係食物，大大滿足真係要讚下朋友，完全無介紹錯，每人加埋一都只係$163，咁抵食既放題，又坐得舒服，我地都話要再約多d朋友一齊再來聚下。

We entered as a party of 5 and were entitled for a free 90 minutes upgrade, which includes scallops and fried chicken wings.Our tactic was to order as many scallops as possible during the 90 minutes, unfortunately, no matter how many pieces I wrote on the ordering paper, they only deliver fewer pieces than I ordered. In fact, they only delivered 5-6 pieces to us each time (may be because we have only 5 people?).The quality of the fried chicken wings is fairly good, while the quality for the othe

又一段時間無食放題喇! 呢間餐廳其實開咗好耐, 而我都聽過+想食好耐, 貪佢近地鐵站! 但評價一直好壞參半, 所以真係要親身試下先知!今次有3個人同我一齊食晚餐~ whatsapp book咗食7:00~ 就算係平日, 去到已經好多人!食放題通常都係睇幾樣, 包括種類; 份量; 新鮮度/味道! 呢間ge款式選擇都夠, 至於食物質素, 都可以接受, 壽司好好食, 第一轉嘅三文魚腩唔錯 (不過第二轉再食唔知點解好似無第一轉好食咁), 最特別嘅係可以打埋個小邊爐! 好開心有melona雪糕!! 同埋其實個香芋綿綿冰都好好食! 必試推介! 掛住食都唔係影咗好多相, 但整體都ok~

今晚收工同男朋友黎到葵芳食放題..佢係地鐵站旁邊..好方便...薯餅同雞粒可以自取...刺身當然唔少得啦！仲叫左枝豆、中華沙津同埋螺肉...秋刀魚、多春魚及甜薯.....甜品有好多種類既雪糕特別驚喜..有爆谷呀....同係戲院食既一樣...呢個會甜啲...紫芋芝心丸...推介...好好味！ 意外驚喜..有梅酒呀...正呀...回哂本！呢間店食物款式都很多...最尾埋單計加一，兩位盛惠$414..好抵呀！

今日難得放假.可以約朋友一齊去食飯!我哋揀咗食放題，呢間放題既地方就喺葵芳 叫做（夢工房） 。一上電梯就會見到, 呢度地方都算大一入到門口就見到有架爆谷機 ，可能方便比大人或者小朋友做餐前小食 。呢間有好多唔同嘅嘢食分別有火鍋， 刺身，壽司，鐵板燒，甜品，焗蠔。我哋叫咗花之戀同埋帶子，雖然唔係好大件但係味道好好。依度d天婦羅好好吃，熱辣辣同埋好脆。之後叫了芝士焗蠔味道就比較淡， 反而好鍾意個蒜蓉焗蠔 味道正。再之後食咗雞軟骨同芝士焗菇，都好香口。佢仲有好多甜品雪糕同汽水揀～推介

今日去咗間叫做（夢工房西日料理）嘅餐廳到食晚飯。首先講地點，地點呢就係好近葵芳地鐵站 好爵商場一樓， 地點都就腳嘅。開始入到去發現佢嘅裝修呢都好有特色。佢地唔係傳統嘅日式裝修或者係走高格調高級餐廳裝修，而係畀人一個覺非常之causal味嘅一個裝修。入到去感覺非常之舒服，坐位又唔會太過逼夾。開始睇餐牌，原來都好多樣嘢食喎。有炸物、刺身、壽司、手捲、鐵板燒呀都有，好齊呀。咁我哋就每樣都叫下啦，鐵板燒嗰方面呢我哋就叫羊架，呢個味道都唔錯，佢上嘅時候已經係起咗骨。變咗食果陣啖啖肉，呢樣嘢我就最鍾意。之後就再上炸蝦天婦羅。我哋叫左兩隻大蝦嘅同埋少少蕃薯天婦羅，起先諗住食少少試更，點知呢食完一次嗰個天婦羅，我哋忍唔住都要再叫多次。好多地方食放題叫天婦羅係唔會有一個醬汁跟，但呢度有有一個獨特嘅醬汁去跟埋，咁呢方面就非常之細心。出嚟嘅味道都非常之好。再講刺身，因為人都比較多，去得快。變咗刺身好新鮮，味道都非常之好，絕對唔會有一個擺咗喺度好耐都冇人食嘅感覺。食到最尾我哋食埋甜品。又有驚喜喎，主要甜品係有雪糕食嘅，個雪糕係嗰隻方形嘅雪條，韓國牌子嚟嘅。有蜜瓜味呀 榴槤味 嗰啲。好正的。總結其實今次食嘢嗰個

火焰同普通冇分別 食豪入面勁多碎 賣相又唔得味道又唔得 我第一次寫食評就比仲左呢間野 真係估唔到要食食下突登上黎寫差評 下次都唔會再黎食架啦 真係好過份 一啲質素都冇 好心睇下啲野食啦

講起葵芳，好多人都會諗起去葵廣掃街。不過，出名大食嘅M佬，掃街又點會滿足到佢嘅黑洞胃呢？所以我哋就去到葵芳花園好爵中心商場嘅夢工房西日料理食放題，估唔到午餐嘅選擇都唔少，選擇同晚餐只係差少少，但價錢就差一大截喇。放題除咗啱M佬嘅黑洞胃，其實見到咁多選擇，真係好興奮！有鐵板燒、甜品、天婦羅、串燒，手卷、小食、沙律、一品料理、拉麵、炸物、刺身、壽司，仲有打邊爐。刺身有成12款，三文魚、墨魚、鮑魚片、希靈魚、甜蝦、仲有象拔蚌等，整體嚟講都算新鮮。三文魚嘅肥美度平均，係encore推介。壽司、卷物同手卷雖然係飽肚之選，但鍾意火灸類嘅我哋都要一試。呢度有XO醬火炙和牛壽司、火炙左口魚壽司、火炙芝士熟蝦壽司等。必試係接近入口即熔嘅火灸左口魚壽司，好彩飯團唔會好大舊。火鍋有3種湯底選擇: 蟹粉粥、壽喜燒同豬骨湯。配料除咗肉類同菜類，仲有大蜆同蝦。估唔到午市都有蠔食，有炸蠔、芝士焗蠔同蒜香燒蠔，絕對係回本之選。飲品而呢度最驚喜係個飲品櫃，款式夠晒多！

同朋友二人相約係葵芳由於太肚餓 咩都想食既關係我地就揀左食放題😋😋😋午市放題有分兩種 $88指定食物放題 同$148升級放題因為升級放題可以食埋刺身，火鍋，燒物所以我地就揀左升級放題🤟🏻🤟🏻🤟🏻佢食物既種類真係好多刺身鮮甜👍🏻火鍋配料係放提店黎講算多不得不提既就係佢既炸物同羊架炸物外皮脆身； 內裡juicy 羊架好淋 唔會煮得好熟😋😋😋食完咁多野食後 就梗係要食甜品通常放題店都淨係可以揀一款雪糕但呢到花多眼亂既雪糕真係多到唔知食咩好🍦🍦🍦最後就揀左食韓國牌子melona既雪條一支當然唔夠啦 梗係食夠二支先走😋連埋加一 最後每人$163埋單

呢日心癮又起，好想食放題，於是又約齊班朋友去狂食先! 食放題就緊係要食刺身啦!選左呢間餐廳環境好乾淨，明亮，座位舒適 先嚟一個海膽刺身，海膽都幾鮮味，放入口中溶化晒，刺身類別都有很多種，有三文魚、甜蝦、松葉蟹鉗、泰式生蝦、松葉蟹棒、厚燒玉子、珍寶帶子、象拔蚌、天使蝦、有頭甜蝦、希靈魚、鮑片、激巨赤蝦、迷你北寄貝同八爪魚刺身。刺身類別都算新鮮好味，而上桌時間也很快，我同朋友食咗幾轉!清酒煮蜆味道都唔錯，清清地之餘帶有少量酒香。炒蜆夠晒入味，豉汁好惹味，亦帶出蜆肉嘅鮮味。牛肉鍋嘅牛肉肥美， 牛味香濃，一啲都不肥膩燒蝦食落有蝦味，質素都唔錯天婦羅唔會好油，薄薄一層粉漿剛好食完咁多肉，就食返啲沙律中和吓。會在黎~~~

葵芳的放題餐廳不多，上星期特意跟友人試了一下位於葵芳站的"夢工房西日料理"。 很久以前試過這家放題，感覺普通。這次重新裝之後，再挑戰一下，無論食物質素還是環境均大有進步。首先，食物選擇多。刺身，熱鍋，鐵板燒，天婦羅，卷物，揚物，壽司。。。一應俱全。芝士焗蠔味道不錯，而且芝士咪農。更驚喜的是除了熱鍋，更有火鍋配料任君選擇，食得更為暢快。同場加映還有多款甜品選擇，雪糕和蛋糕等分別置在不同雪櫃。以$148 這個價位來說，夢工房的放題確是十分相宜。