外野手 (已結業)

我食過很多曰本放題，但覺得這一間大家應該不要去試。環境麻麻地係商場裏面。因為刺身唔夠生鮮，壽司沒有很多選擇;雞腎唔熟，蝦天婦羅還可以，芝士年榚幾特別，甜品係紅豆涼粉＂無味＂下次唔會再去。

在同事口得知外野手的菜色不錯，與友人試過午飯後，再跟另一友人試他們的晚市定食。今次選了吉烈豬扒飯定食和豬軟骨題烏冬定食。吉烈豬扒，外脆內軟，肉汁多十分juicy, 配以生菜﹑青瓜及菠蘿，不會太熱氣。豬軟骨湯烏冬的豬軟骨，頗入味有點像沙津骨的味道，但略嫌太咸，湯底味道尚算不錯。其實，晚市時段，店內客人全都是吃全食放題 (except我們)， comments 都好像是平平的。反而我之前食lunch 同今次食晚市定食都覺得不錯。但沒有放題般抵食，有時價錢是有關的!

很久沒有食過外野手, 突然想起, 於是去食個午餐先 我叫了一份魚生飯餐, 包一碗麵豉湯, 大大碟的飯, 面頭鋪滿一片片厚砌三文魚, 大約有八片, 幾抵食 我的朋友叫了一份魚生沙律, 包一碗麵豉湯, 及一碗麵, 超抵食呀無加一, 四十幾蚊一個SET, 我見其他人叫牛肉窩set lunch 都幾好樣呀, 下次試吓先

話說生日想食下放題就去外野手啦點知觀塘店竟然14號開始就限2小時由於我地實在太大班人就山長水遠為左唔洗限時入新蒲崗食安排左我地坐一個好局好有壓迫感既所謂"VIP房" 坐到個人勁攰:S怪怪的食物都係果D就唔特別講喇好食GE有鯖魚刺身牛舌胡椒蝦吉列蠔甜蝦刺身蟹子魷魚刺身羊架鴨舌難食既有三文魚刺身 (勁多筋)立魚刺身 (多筋之餘仲有血腥味) PS.我唔怕腥的 但佢成陣血味真係好得人驚花之戀 (握得唔實 夾都夾唔起 D三文魚切到殺厚 而且部位都唔岩用黎整壽司)前菜八爪魚AND螺肉 (D醬好"傑" 雪得太凍了)風之谷---海膽甜蝦蔥拖羅 (原本係KT店我最中意叫呢隻,,但呢間店D海膽有味的) 一口牛 (得甜味,不知所謂)雖然整體黎講叫抵食仲有盒裝VITA綠茶同罐裝VITA檸茶任飲不過魚生質素唔掂真係致命傷所以今次係會比喊臉

今日媽咪生日...本身哥哥話去紅磡另外一間食外題....我無聊係度睇食評..以為自己好精明....見呢間唔洗搭車去又咁多好評....雖然平時午餐已覺佢重量不重質...諗住可以午市做學生多係咁喇...見佢放題係呢度有咁多臉... 諗住比次機會佢比我改觀....所以說服一家人去食....去到大約七點半左右....可能因為星期一所以唔洗等位...入座後都見有好多人黎食... 不過都唔洗排隊等....好處: 任飲任食無限時...食到你飽... 唔會吹你走....食物: 超失望刺身: 網友話回本..所以叫左三文魚...立魚...鮑魚...榮螺...甜蝦...蟹柳條...油甘魚 (如果唔係未解晒凍...咪之都OK架)我同阿哥咬落D魚生度都FEEL到有少少沙冰....我建議等一陣先好食..你會無咁失望燒物: 一個字"乾" 係番燒再番燒的乾 雞亦: 又乾又無乜味牛舌: 係炆完再汁燒..好冧...絶對唔係你燒牛舌的質感青椒: 生沙沙雞: 係中式沙爺醬加簿雞肉黎燒..好怪味..又乾...炸物:天婦羅: 好味..我食左炸蝦..南瓜同蕃薯..三樣都係即炸仲好熱...同埋炸漿唔厚雞軟骨: 炸到好乾炸蠔: 係用

依間放題既食物質素很好~~樣樣都好平均,天婦羅同蟹棒刺身係水準之作!依家好少有放題店有得食蟹棒,就算有,但可能黎一條蟹柳比你雖然價格算中上,但都物有所值不足之處係環境太迫,且空調太凍(正值六月之時),叫服務員關細D冷氣叫左4,5次先肯關不過整體上都唔錯!

我跟了一大班朋友晚上去食..大約20 人外野手的3 文魚大讚係食過咁多間壽司中最多最大塊最好味的所有刺身都好正..賣相很不錯.!烏東亦很正..係其他地方都食唔到佢個隻烏東..至於炸野就普通la..不算話好好鐵板豆腐好正.!!串燒 餃子 雞軟骨都值得一試你叫左幾多佢真係會比幾多你..唔同其他放題...叫3 碟得1 碟最正係可以有盒裝綠荼同汽水任飲個隻綠荼出面賣好貴...係到叫幾碟魚生加綠荼都抵返哂.!!雖然比其他放題貴左d不過物超所值.!!

由於間店係新蒲崗..呢d 比較偏僻既地方好少人會專程搭車黎呢度食放題啦...=]係同事既介紹下...同契媽阿哥黎試下真偽雖然比普通的放題貴幾十蚊...但係已經有種截然不同既感受..間店人好少啦...加上訂左位所以一到就可以隨便搵個位坐低了...=]廢話就到此為止...先插d 圖片先^^d刺身係放題黎講算ok啦..總之唔係難食既!但唔係好正囉因為我只係食好少種類既刺身...所以唔多評了呢個我冇試..但阿哥話唔錯=]我覺得呢個好味啊~~至少d肉幾好味我覺得好少放題有 炸軟殼蟹食啦..之前一直有搵...雖然唔係話勁正...但我好鐘意食呢=]d 蒜茸炒菜我覺得好推介呢!!我覺得好好味呀~~ 但係太大碟了~如果減半我下次會再叫^^天婦羅好多間都差唔多啦..但銅鑼灣既好難食...呢間唔錯=]好酸..唔知係咪契媽落得太多檸檬汁呢個好似係 可樂骨吧?! 最後一人食左舊就冇食...好多呀= =有9舊咁多...^^ 呢個芝士年糕 真係最尾要食呀~~我覺得好好味呢...可能我自己很喜歡呢類 煙韌既食物吧..加上咸咸地就算 飽都仲食得落一舊半舊^____^有2樣我覺得唔係咁好...一... 服務可能因為間舖係

近日因女兒快考試,要溫習,所以,都很少出去搵食了,今日突然醒起上個月既結婚週年,我同老公都忘記了,即刻趁機會叫老公出去食番餐補祝,主要既目的係...唔想煮飯~ 老公話想試吓"外野手",官塘果間已經試過了,都唔錯,就來新蒲崗這間外野手試試吧~我們Order了好多款食物,請看照片~刺身類-->>叫了兩轉,三文魚沒鮮味,榮螺刺身最好食~壽司類--->>多款壽司,都很失望~炸蝦天婦羅--->>炸得鬆脆,呢個最正~殨石蝦球--->>又黑又硬,不吃也罷~一口牛 --->>嚡烚烚,又多渣,難吃死了~芝士年糕 --->> 呢個做得唔錯,一咬入去,芝士一大捆的,好正,只是吃外面的糯米粉,一件都飽哂~冷麵 -->>清暑一流,味道沒甚麼特別,因為,都是靠個汁的,間間都大同小異呢~燒菠蘿--->>我老公同個女叫了三轉,我吃了一件,外乾,內多汁,有點似去串燒店食的果D~七味軟殼蟹--->>好大隻,只是炸得較"淋"身,味道不錯~三文魚頭-->幾好食~花之戀

CHCHOCHOCHOCO之第5篇食評中秋節,,屋企人話唔煮飯,,出街食,,所以媽媽就近近地BOOK左外野手食放題啦因為係假日,埋單加一要$185/位,,,不過都OK ge^^6點半開始入座,,可以食到10點半,唔會趕人走又唔會態度差,好好丫!我地坐低左之後,服務員仲好好人問我地係唔係第一次食,我地答佢係,之後佢仲講一次點樣樣落單,,邊樣打邊樣咁,,超好!!!! 不過冷氣真係好凍lo!!!!叫左好多野食,,,不過都係刺身為主^^"好好味,唔會有陣雪味,,而且都算係厚切...而且每一樣食物佢都擺得好靚,,,搞到唔影相都唔得除左壽司手卷刺身呢D例排野之外,仲有D特別野,,我地就叫左板燒一口牛,板燒豆腐,炒菜,燒粟米等等等等.....不過呢D都係媽咪佢地食,,,,但佢就話好好味wow...不過我覺得放題食豆腐好似唔係幾抵不過要讚一讚個個板燒一口牛,,真係好鬼好味,唔會煮到好熟,而且又好入面WOW!!!叫左3客密密食同埋我地一家都略嫌野飲種類比較少,,,,如果多d選擇會更好!!!仲有就係可能太多客人,,所以佢地成日漏單...而且上菜速度都係一般je臨走之前我地仲剔左幾個甜品,,,但真係超級麻麻

今日來到這一間.....久...違的日本放題店-------外野手.但真的.....真的......真的失望透了......!!!!!!!!!!!!!!其實它的食物並不特別好味,還是非常普通,真的...有..點..後..悔..了.而且每位價錢不断上升,由以前的$138.00,加到$148.00,再加到$158.00,現在已再...再.....加到$168.00.但每次加價都是幾個月內加一次.真的有點快.如果食物及服務態度是值這個價錢還好,但現在真的同其他食評家所說的差...了很多,早知現在變成這樣,我們就暫時不...再...光顧啦,.食物方面:只有剌物及炸物.是有一點水準.但其他就不用評論啦!還有冷氣開得很大,真的低過20度..(>.<)~~~,身體不知道是不是過份受冷,最後很不舒服,又未食飽,都要走,其實事前已同職員講過, 調高一些冷氣,但最後冷氣一點都沒有升回正常溫度(23度),還是不變(低過20度),但外面的溫度是34度,身體真的受不了,她們一點也不環保,為了令人食不飽,而用多了這麼多電,請為地球出一分力吧.真是迫客走,用其他方法吧! 雖沒有時間限制,但凍到這樣還

態度吾好，無叫的東西上了來，我們不吃，兩隻碟疊在一起，佢竟然只收面個隻碟，底個隻吾收，仲話，你地吾食吾好叫，但係我地無叫。佢就話如果無叫就該放在枱時不要叫佢地收反，但係全隻碟有8樣野，當中有三樣無叫，咁咪食叫左個幾樣(我們係食buffet)。收錢時，有張一百蚊紙崩了一忽，收錢的樓面，話一張一百蚊係崩既，然後自己把我放在枱上一百蚊紙不問就自己換左，那同係我銀包度自己攞錢無分別，因為張錢係我，佢問都吾問就自己換。態度實在太差，之後又話銀行紙幣崩了吾收，因為入吾到銀行，但係崩了一小忽的紙幣係咪等於張抄票吾用得？換比你無問題，但你吾可以吾問我就自己換左張我放係枱上的一百蚊。總之以後吾會再幫襯佢。

最初以為新蒲崗應該沒什麼好野食，但是同事極力推介，就試一試一行九人，6點3到達，門外已有其他人等候，好彩有訂位。我們要求座房仔，店員表示最好下次訂位時講明，會較容易安排(大家一家要記得這點)，今次都安排到。開始叫野食，大家好似癲左，樣樣都叫幾份，廚師好醒目，將野食分兩碟上，以免我們要將碟傳來傳去，真細心野食一到，嘩!份量超夠，刺身新鮮，天婦羅鐵板均熱騰騰，仲有特色創意壽司都好好味，我個人最愛吃芝士年糕、燒粟米、牛舌等等，真是食到都唔記得影相。驚喜的是飲品，綠茶係維他鮮綠茶(好似價值$6.5)，飲品質素噤好，食物都唔需要講。會再去食過!!!!

與友人慶祝生日， 本來諗住去TST另一間的放題，但因為full booking，所以只好試下依度。 晚上如果食放題最好都book 左位先，雖然依家這間店租埋隔離兩個鋪位，但週末期間都幾多人。 首先講下店內座位，真係好逼，前後枱座位可以話是沒有空位的，同隔離位又係逼。枱與枱之間只有一條好窄的通道，行得好辛苦。而且店內的冷氣開到好大，可能低過20度。 另外，食物方面，真係冇咩特別好食。 個人認為較好的有芝士年榚、一口牛，炸物同軟殼蟹都ok，但刺身就真係麻麻，叫左一次就冇再叫。 總括來說，食物質素只屬一般。

想食日式放題, 可惜其他的食店頭場已沒位, 突想起大半年都沒光顧過的外野手, 再試一試.新蒲崗店比觀塘店平$10, 是次都選了去新蒲崗店. 沒太大的期望, 所以沒有失望. 若以日式放題, $168 食足4小時, 都OK. 食物質素平平, 但服務質素很好.