我無聊係度睇食評..以為自己好精明....見呢間唔洗搭車去又咁多好評....
雖然平時午餐已覺佢重量不重質...諗住可以午市做學生多係咁喇...
見佢放題係呢度有咁多
臉... 諗住比次機會佢比我改觀....所以說服一家人去食....
去到大約七點半左右....可能因為星期一所以唔洗等位...
入座後都見有好多人黎食... 不過都唔洗排隊等....
好處: 任飲任食無限時...食到你飽... 唔會吹你走....
食物: 超失望
刺身: 網友話回本..所以叫左三文魚...立魚...鮑魚...榮螺...甜蝦...蟹柳條...油甘魚 (如果唔係未解晒凍...咪之都OK架)
我同阿哥咬落D魚生度都FEEL到有少少沙冰....我建議等一陣先好食..你會無咁失望
燒物: 一個字"乾" 係番燒再番燒的乾
雞亦: 又乾又無乜味
牛舌: 係炆完再汁燒..好冧...絶對唔係你燒牛舌的質感
青椒: 生
沙沙雞: 係中式沙爺醬加簿雞肉黎燒..好怪味..又乾...
炸物:
天婦羅: 好味..我食左炸蝦..南瓜同蕃薯..三樣都係即炸仲好熱...同埋炸漿唔厚
雞軟骨: 炸到好乾
炸蠔: 係用黎煎蠔餅SIZE既蠔...加成1CM既粉漿
磒石蝦: 係好多麵飽粒粒包位D無乜味既蝦蓉... 好似其他網友咁話..千其唔好叫...
芝士年糕: 幾特別... 同好味..但我TICK 1 ..佢比左3 個我... 都幾飽
和食:
一口牛: 好似煮左好耐既炆牛肉咁...
黑椒蝦: 好重黑椒味... 但都好似煮左好耐咁..同乾
菜鍋: 係泡菜水煮什菜...怪味
壽司: 係失望中有少少驚喜
燒和牛壽司同個燒三文魚壽司都唔係咁差
個風之谷就飯太大
花之戀都幾好
飲品: 我地飲左維他既鑵裝O茶 同紙盒蜂蜜綠茶 ... GOOD
總括黎講:
真係好失望
... 見到咁多好評...真係唔係好明....
我覺得佢似FUSION多D... 係港式日本野果隻....
有少少快餐的感覺... 如果你只求飽好對食無乜要求都無乜問題既...
但係平日一個人都要加埋一$185...食埋D咁既野..我覺得唔係咁值....
係其他日本放題..食物種類好似多過佢好多同埋好味D...不過人地就有限時..而呢間就無..
總括黎講...D野食好似無乜HEART咁....
以後都唔會再食...
呢D都係我個人對食的要求吧...唔同人有唔同觀感... 可能你會覺得無咁差或差D..你地就自己諗下喇....
今晚呢餐飯攪到我成晚都對住我家人好內疚咁...因為係我叫佢地食呢間....
要補返餐好D比阿媽補數至得....
